鳳鳴石磨腸粉 (觀塘廣場) (Closed)

今日嚟開觀塘廣場睇電話，行行吓有啲肚餓，諗住落去地下吉串魚蛋食！點知發現有一間石磨腸粉，本身就好鍾意食腸粉㗎啦！逢親飲茶都一定要帶碟腸粉食食！最近大家興食石磨腸粉，見到一間有石磨腸粉，當然要試一試啦😂😂😂😂個人覺得依一間鋪頭最特別嘅係，佢有分三種漿，傳統白色嘅，紅米，同埋黑米！今日就試吓黑米蝦米腸先❤️❤️❤️❤️果然冇令人失望，腸粉好煙銀，蝦米亦都好香，自己可以加一啲炸蒜，蔥，同芝蔴，食落就會更加香啦❤️❤️❤️

一直想食依間石磨腸粉但未有時間去，咁岩樓下開咗分店即去試下采頤花園一向無咩好嘢食，佢開係到真心開心, 一如所見,人多到爆， 可能朝早多人買早餐，但師傅出品好快，10分鐘內都食得有3款白色係傳統款, 紅色係紅米, 紫色係黑米, 都係第一次見同阿媽叫咗個紅米豬肉蛋，我就試下個黑米豬肉蛋腸，皮薄餸多，鼓油咸香帶甜味，性價比高，真心好食如果唔係約左朋友食飯我想叫多份當午餐食....唔怪得咁多人排,。真係要支持下小店。

本身很喜歡吃腸粉，但是坊間並不多美味的手掣的腸粉。已經係第二次回購，好滑好好味，配料有炸蒜、辣椒粒、自家製甜豉油、好香嘅麻油，員工非常友善，很有人情味。這裏沒有座位，如要吃即食的腸粉只能選擇站着吃，雖然有點狼狽，但無損腸粉風味。腸粉本身已有足夠味道，吃過純粹的味道後，重口味的我想再試一試加了配料的腸粉。配料份量慷慨，你可自行選擇加多少。雖然算不上很便宜，但CP值還是很高的，會再回購。我：影相先員工：唔得喎我：咁串㗎⋯員工：要同我地啲豬仔一齊影🤣

我好耐冇去過觀塘廣場搵食啦~直至見到新假期介紹有即磨腸粉食，即刻叫埋同事去試下先我order左石磨牛肉腸，25蚊一份，另加3蚊菜莆，仲可以加6蚊要杯凍豆漿。等左10分鐘就拎得啦，可惜食店只有立食位置，我同同事就外賣返公司食。即磨即煮既腸粉好滑，食落仲有d米香，中間既牛肉粒唔算多，加左菜莆添加爽脆感。淋上食店自家製甜豉油&炸蒜更提鮮!可惜一盒只有3條腸粉，食完都唔夠飽，下次要加底先得。豆漿都唔錯，唔會過甜，又有黃豆香，係新鮮自家即磨，好味又健康！

網上見呢間新開嘅石磨腸粉主打紅米黑米腸粉，見到幾特別，專誠嚟試吓。好彩早去，唔係太多人等，但因為佢即叫即整，都等左10分鐘到，我叫咗黑米雞蛋豬肉腸粉同埋紅米牛肉腸粉，睇住師傅整腸粉，見到入邊嘅環境衛生好乾淨，同埋每一份都夠大份，未食都聞到好香，即整即食熱辣辣，再加埋自選配料例如炸蒜同埋芫荽，配腸粉味道好夾，豉油唔係太鹹，個人最喜愛黑米雞蛋豬肉腸，雞蛋配豬肉碎呢個配搭本身就好好食，連埋腸粉食真係可以做晏晝飯，牛肉紅米腸都食到粒粒牛肉碎，不過有啲後悔冇加雞蛋，加埋應該會好食好多。

中女獨食難肥日誌最喜歡吃皺皮腸粉，以前想吃只有北上，近期香港卻忽然興起皺皮腸粉風，專賣的店開到成巷成市！觀塘廣場開了這間石磨腸粉專賣店，終於找到時間來一試！黑米雞蛋豬肉腸 $25 +$5蟲草花 (送豆漿）腸粉可選白米紅米黑米，聽說黑米米香較重，試了黑米。加入簡單材料雞蛋豬肉，配上蟲草花，腸粉又滑又煙韌，泵油偏甜不過咸，好吃！喜歡蟲草花，味道更豐富了！客人自己可加超辣辣椒、葱花及炸蒜。一班年輕店員嘻嘻哈哈，年輕老闆自己親手煮了豆漿，給店員喝，送給對面店店員喝，送給客人喝，連陪朋友等的客人朋友也有一杯，慷慨又開心，臨走問我會否介紹朋友，一定啦，下次再來！

之前見到網上介紹過呢間腸物，咁近屋企，放工又餓餓地，點都要食返次~呢間石磨腸粉在觀塘廣場地下，一間小小的舖頭，無坐位，堂食就咁企定定食。（不過見前不久的食評好似有位，唔知點解？）如自備餐盒會減一蚊。腸粉皮有三種選擇：一般的白米腸、黑米腸和紅米腸，黑米同紅米貴白米腸3蚊。餡料方面有8款，仲可以加錢再多dd配料，配搭都唔少。點咗牛肉白米腸加雞蛋，大概等咗5-10分鐘就有得食 腸粉同雞蛋都滑嘟嘟，牛肉亦不少，好好味星期六日一定要買返屋企比家中兩老試。 不過食到最後覺得豉油落多咗d，咸咗少少。 如果改為自己落可能更好。

好耐冇食過咁好食既腸粉比一堆堆既人頭吸引左有紅米黑唔係石磨既腸粉我去到嘅時候剩返紅米其他都售罄咁我就試咗紅米蔥花蝦米腸熱辣辣出爐嘅腸粉好香好滑自己加調味料豉油芫荽仲有芝麻辣椒粉等等可以自己加不過佢好早就關門

觀塘廣場新發現，成日見到好多人排隊，但都想一試，叫了石磨蔥花蝦米腸$19，夠晒滑，見住大廚即整，夠晒新鮮。這個年代已好少見。還可選健康的黑米和紅米腸添。下次要試下店員推介的豬肉蛋黑米腸先得。

石磨腸粉近期越開越多 但係咪真係間間都咁好食？🧐試過街市小食街個啲都整得非常普通/伏🙍🏻而今次呢間係觀塘廣場既鳳鳴比我預期更出色好味😆絕對係我一定會再回頭既腸粉店🤤。呢到除咗有最常見既白米腸粉，特別既係仲有紅米、黑米選擇✨獨特既米香、營養、口感🤤而且仲有多款配料搭配選擇😋調味方面除咗豉油仲有炸蒜、辣椒粉同芫茜俾你自行調味😋。黑米雞蛋豬肉腸黑米係三款米之中米香最突出的😍整出黎既腸粉呈深紫色💜市面上好少見 夠曬特別✨貪心又想試多啲既我 再加咗菜、菜脯🤣每款配件加$3😝腸粉即叫即整熱辣辣 食落非常軟滑充滿米香🤤而且配料俾得大方足料🤤腸粉加咗雞蛋更好食更有蛋香🤤豬肉夠嫩肥瘦適中😋帶出鮮味✨菜脯咸香爽脆 增加口感💕而菜我原本以為係生菜 但原來係韭王🧐雖然都幾夾不過我更偏好生菜！。石磨牛肉腸 牛肉份量多🤤係略嫌牛肉味偏淡無乜牛肉味😳白米腸粉一樣夠曬嫩滑🤤落少少炸蒜成個腸粉味道大大提升😍勁香勁好食！配埋雞蛋，口感味道豐富，比例適中好快就Ko曬碟腸粉！而且呢間豉油好唔錯！唔會太鹹之餘甜甜地味道鮮香🤤為成碟腸粉增加不少鮮味。總結一下🤤呢個價錢黎講食到碟咁高質足料既石磨腸粉非常值得😆💕而且無論配料、米、調

今日同朋友嚟到觀塘廣場，打算搵嘢食。朋友話之前食過呢間石磨腸粉好好味😋介紹我食！我嗌左一個蝦米菜脯蔥花腸粉，盛惠$22。見到店舖入邊嘅師傅，即叫即整，非常新鮮。腸粉夠滑，又夠薄，新鮮又多料😋加埋佢哋嘅甜豉油，10分好味呀😋😋😋同平時喺酒樓食開嘅腸粉比較，呢個真係好好食呀！而且$22都夠大碟架，如果以女仔來講，早餐或者下午茶，叫一份腸粉另外加杯豆漿，咁就應該夠飽啦大家不妨經過觀塘廣場嘅時候都去試吓啦👍🏻

今日放假，係屋企碌碌下手機，見到關於呢間舖既報導，報導左入面既櫃桶腸粉好出名，有各式各樣由唔同米所做既石磨腸粉，睇相就覺得入面既腸粉係好正好吸引既，於是我就親身去到位於觀塘既呢間門市試下新鮮出爐既石磨腸粉。一來到，門市好熱鬧，原來都好多捧場客來到捧場，唔駛入門口就已經見到熱辣辣既腸粉正等待住上碟，見到d腸粉賣相唔錯，我即刻忍唔住行入去坐低落單，一睇menu,原來佢呢度既腸粉都有好多配答，個Menu都幾多元化 多選擇下 有少少選擇困難症 每樣野都各有特色 見到佢有黑米紅米仲有原味 佢舖頭貼左啲介紹 介紹唔同米有啲咩功效咁就試咗幾個味喇 即叫即整 叫左三個唔同味嘅 石磨雞蛋腸粉 雞蛋同腸粉嘅分布十分之平均 而且蛋味同腸粉好夾 豬潤石磨腸粉豬膶細細舊 每舊都好薄 食落唔會覺得好粉 紅米豬肉腸粉顏色上面粉粉地，俾去原本紅米嘅顏色更加淺色，豬肉好棉，食到最尾都會食到豬肉。佢呢幾份腸粉啲醬汁同配料都係自行調配嘅所有嘅醬料包括甜醬油，芫茜，炸蒜，辣椒乾，麻油加埋落去啲腸粉度簡直係無懈可擊。

依個豬潤石磨皺皮腸粉（$28） 外觀係唔多討好，但味道的確唔錯!主打石磨米漿，最特別係有三款米漿供選擇：白米、紅米和黑米。豬潤份量唔多 （所以下次會點齋腸粉算🤭）食落陣陣米香而嫩滑，即叫即製，製作需時，要耐心等候唷☺️

滑 嘟 嘟 手 工 石 磨 腸 粉 ‼️有日咁岩經過觀塘廣場見到觀塘呢間新開既手工傳統石磨腸粉就試下🤤人流都幾多 等左大概15分鐘左右我好中意食腸粉 但石磨腸粉就係第一次食🙈石 磨 雞 蛋 豬 肉 腸 🐷 $22即叫即整 佢地用既係石磨粉漿 米香的確係重d 不過唔算好突出而腸粉既質感就真係好煙韌‼️‼️豬肉係用免治豬肉 有種入口即溶既感覺😱除左有傳統既石磨手工腸粉 佢地仲有紅米同黑米腸特別得黎 營養價值更高😋而店內係無位坐 只可以外賣/企係到食

Steamed rice rolls is a usual dim sum item. But did you know you can also get this as street food? Located in Kwun Tong, is a shopping center where there are a number of small eateries where you have to eat while standing in the hall way. One of these shops is 鳳鳴石磨腸粉 (English name: Feng Ming).  A small take away only shop that serves made to order steamed rice rolls.The shop claims they make the rice rolls from stone grinding the rice from scratch with this stone mill.Menu is in Chinese only. Th