鳳鳴石磨腸粉 (觀塘廣場) (Closed)

🇭🇰觀塘•石磨腸粉.朝早要過觀塘買啲嘢，順便去我一直想去嘅呢間石磨腸粉店，位於觀塘廣場地下，近港鐵站，地點非常方便。.一直食開白米腸粉，呢到嘅石磨腸粉就有紅米，黑米選擇，有新意，又健康！.好嘢果然多人等，由於係即叫即蒸，所以真係要有等嘅準備。.枱頭仲有調味料，可自助調配。.🚀黑米雞蛋豬肉腸 $25等咗十零分鐘，有得食喇👍🏻第一次食，鄒皮腸粉，口感煙韌有彈性，唔黏咀，唔漿喉👍🏻蛋香十足，豬肉幾滑。.🚀燒賣6粒 $10燒賣都係一般街貨，撘嚟過下口癮ok。

份份腸粉都好足料，真係條條都有餸。食咗雞蛋豬肉腸粉同埋牛肉腸粉，兩個都好好味，個人更加鍾意食雞蛋豬肉腸粉因為係用豬肉碎整，可以啖啖肉同埋係即叫即整但都只係等幾分鐘就可以拎到！唔使成日食三文治或者啲頹早餐！都推薦大家朝頭早晏晝都可以食嘅絕對夠飽！

鳳嗚石磨腸粉之前係網上人氣好勁，我一路都想黎試，但次次經過都好多人，今日見到唔算多人，就等左一陣試下佢。叫左個黑米雞蛋豬肉腸 $25，大家睇相都感受到佢好多顏色，好吸引。食落又點呢？我個人覺得食腸粉最重要係滑唔滑，呢個腸粉食落唔算滑，或者你睇相都見到佢個面唔係滑，食落都一樣，唔夠滑！味道方面又真係幾豐富既，有蛋香，豬肉味，仲有黑米香，所以味道係唔錯既。因為腸粉滑真係好重要，所以就算佢味道唔錯，我個人覺得唔係一定要試，當然如果你咁岩經過又無乜人排隊，都可以一試既。

呢間觀塘既手工石磨腸粉店有唔少人捧場～ 米漿全部都係每日新鮮製造 同埋最特別既係 呢度除左常見既白米腸粉 仲有好特別既紅米同黑米腸！感覺特別養生😝_{黑米雞蛋豬肉腸 加蟲草花 $24+$5 🍚}叫左份黑米雞蛋豬肉腸🙆🏻‍♀️ 唔好睇佢外表平平 食落有啲質素架！腸粉口感雖然偏稔易散 但勝在好軟綿綿 帶點煙韌感 而且幾滑的😚😚 同埋真係食到啖啖黑米香呢😻！ 加埋嫩滑既豬肉 雞蛋 再自己落啲炸蒜 芫茜 同麻油 食落好香口好豐富！果然唔錯！😚💓💓_{凍豆漿 $6 🥛}叫腸粉加$6仲可以要埋杯豆漿/羅漢果茶！叫左杯凍豆漿 豆味幾香濃呢😻 如果有得揀低糖就好啦😝_呢度唔單止食物飲品有質素 感覺仲特別有人情味 店員全部都好友善 而且睇得出佢地關係真係好好🥰 邊個會諗到係一班年青人出黎開既鋪！唔怪得咁多人支持啦！要繼續加油喔💪🏼

睇過我食評都知，之前去大圍食過一次腸粉中伏。心中怕怕。。但同事介紹話有間出名好食，下午茶就同佢一齊去試試。總統戲院貢茶隔離，好易搵。。見有新嘢出，腸粉話喺中秋限定，咁岩我哋食係第一日做。流心蛋腸粉，黑米磨成，價錢實惠買咗兩份同同事一人一份。下午茶都有人排隊，但唔駛等好耐就有得食！加埋支豆漿先26，銅鑼灣嚟講，無得彈啦！！！！加埋配料，蛋香豉油香，好味，翻食指數：９０銅鑼灣下午茶又多一個好地方～～～！！

呢間又係全公司瘋狂叫我一定要試嘅小店😂仲話必食豬潤腸粉🤤不過我平時返工都係自備早餐，所以都冇咩機會試🤣同埋間舖長期都好多人排隊，冇咁多時間可以係度等男友都知我恨食呢間皺皮腸粉恨左好耐，有日嚟接放工嘅時候，提議我不如試下啦😍好好彩衝到過去嘅時候買到最後一份 #黑米豬潤腸粉🤤‼️由於比較多人買嘅關係（睇相都見到人山人海），我地等左半粒鐘先到手😂佢門口個石磨擺設隔離放左啲調味料，可以自己任加😍分別有 #炸蒜、#荽茜 同 #辣椒乾粒🌶️由於我本身比較重口味嘅關係，所以落左好多炸蒜同🌶 豉油方面可以選擇另上或者倒埋落去，為免索得太勁會咸得滯，我地都係另上算🤣拎到返私竇開餐嘅時候，一打開好香蒜味🤣估唔到周圍行左大半個鐘都仲係好正🤤食落除左咸香嘅蒜味之外，仲辣到我噴火😍🌶 好刺激，好正‼️至於腸粉本身都相當出色，唔好睇佢個樣咁皺皮，食落好滑捋捋架👍🏻豬潤切到薄薄小片咁，好彈牙‼️不過就唔係好覺黑米腸同原味腸有咩分別😅可能啲調味太濃搞到蓋過左本身仲可以加$2配豆漿，聽講都幾好飲🤤不過我嗰陣啱啱食完雪糕，廢事個肚咁脹就冇追加了😅#自備餐盒減一蚊#我冇帶到#但今次個盒用完已經洗乾淨左#以後可以慳一蚊了#支持環保

黑米雞蛋豬肉腸 $25 加豆漿 $6今次選了黑米，好像特別點，但其實味道上好像沒什麼分別，聽說是更健康和有米味的😂腸粉好嫩滑，好薄好薄，索哂啲豉油。但今日啲豉油好鹹🤕上次食都冇咁鹹，呢種腸粉既精髓在於豉油，應該係有鮮味和甜味而不鹹的，但今次好失望，下次會叫豉油另上的。除左豉油之外，其實是好好味的！！份量女生來說午餐也不夠飽，加底會更好😂豆漿是樽裝上的好有豆味鮮甜，但有少少沙，個人比較喜歡沒有渣的。

依家香港周圍都好混亂，真喺有時食龍肉都無味。本身喺銅鑼灣返工， 見到新開咗間腸粉店，仲要個日做緊優惠，貪小便宜既我緊係要試下。星期六嗰日佢哋推出優惠價５蚊一碟腸粉，加餸３蚊。　我諗喺支持香港人。味道出奇地好，好鬼底食。咁我當然都要支持下本地小店！！人多但唔駛等好耐，隔離仲喺貢茶可以買杯嘢飲，銅鑼灣又多個高性價比選擇！

黑米豬潤雞蛋腸 $26 (👅: 8/10)最近石磨皺皮腸粉好hit 而呢間最吸引既地方係分別有黑米 紅米 同白米 三種腸粉 見到想食好耐 本來打算叫2款 但怕好多同未食過就試小小睇下水準得唔得🤤平時普遍係豬 牛 蝦 叉燒腸粉 但呢度既款式更多 於是叫左最愛既豬潤再拼雞蛋 等左十分鐘左右 店員好好幫我地加晒所有配料 豉油 麻油 芝麻 蒜粒 葱 仲好貼心話啲辣椒🌶️ 落小小就好夠味 btw食落只係小小 就好惹味！仲有個石磨係鋪面俾你磨辣椒醉 勁古代風味😯麻油好香 豉油亦唔會太鹹 豬潤係薄薄既小塊切片 份量都唔小🧐腸粉比較薄所以先做到巢皮效果 同埋包唔晒豬潤 第一啖食落好滑溜🤩可以用皮薄餡靚黎形容 占到雞蛋既腸粉會比較厚身不過仍然軟熟☺️全部條件加埋令到應該普通既腸粉變得唔再普通 同平時酒樓食既係兩回事 略嫌環境太細太多人食 個個都係企係度等食 下次會叫多幾款試🤪

今日早餐食左太多 午餐想要個輕食就諗起呢間石磨腸粉雖然 舖頭冇坐下來的空間 只可以於舖外 立食雖然 天氣炎熱 加上舖頭內的蒸氣 熱得很但都見到有一定的捧場客 過來幫襯 想試好耐 就叫左個 簡單的石磨牛肉腸第一個感覺是 熱辣辣腸粉真係好滑 可以Sir 一聲 就順滑入口 (是因為石磨出來的腸粉漿？)牛肉都 真材實料 有d厚身 同 ""的口感 明顯地冇落其他 添加物 正👍醬油只是 豉油 (沒有花生醬、甜醬等肥膩感覺) 亦已經足夠帶出食物的鮮味個人唔大食 但一份腸粉 確實唔夠喉值得一試 下次最好叫2款不同 (平常的白米 又或者外面較少見的 黑米/紅米) 就可能試到唔同米的香與滑

之前見到訪問介紹這間位於觀塘的腸粉店經常售罄便關門，今日難得去觀塘順便試下！腸粉店名叫【鳳鳴石磨腸粉】小店細細間，店內只有兩名。門外有不少食客等腸粉，但等候地方少沒有像旁邊食店有幾張枱櫈讓客人坐底。門外貼有報紙介紹吸引食客，筆者就是看到報道才知道有間【鳳鳴】【鳳鳴】標榜石磨腸粉，應該內設有石磨。雖然見唔到石磨，只見到門口的石磨裝飾。【鳳鳴】腸粉分為三類: 傳統腸粉 (普通米)、黑米腸粉 (黑龍江黑米)及紅米腸粉 (泰國紅米)。價錢廿元左右，不貴。如果想豐富些，可以加粟米、雞蛋，甚至蟲草花。原本$22，堂食減$1。不過可以企定定食的位置不多而且人來人往，環境麻麻。外賣的話又沒有新鮮味道……最後揀了企定定食。廣東腸粉分為布拉腸粉和石磨腸粉兩種流派。平常食的大部分是布拉腸粉。布拉腸粉使用粘米粉添、粟粉、生粉和水構成的粉漿。相反石磨腸粉則使用大米加水磨米漿。除用料不同外，製作方法也不同。布拉腸粉用布及手，石磨腸粉則以櫃桶蒸製，然後剷起粉皮包着餡料，而不會用手去捲。石磨腸粉的粉皮較薄，較易起皺，因而稱為「皺皮腸粉」。 【石磨雞蛋豬肉腸粉 $22】客人可按個人喜好澆上豉油或者加上自家炒香的芝麻、炸

好耐無寫食評...今日呢篇即食即寫，新鮮熱辣！今日去開觀塘，又未食野，一直諗住做完野臨走就要黎食鳳鳴！之前經過都食唔到，今日終於黎一嚐佢標榜嘅石磨腸粉。由於唔舒服，決定外賣番旺角食，等左5-10分鐘到就有喇，叫左雞蛋腸豉油我照淋、仲加左芫茜同炸蒜。地鐵長征到旺角，變凍，就預左喇，但我估唔到一打開個蓋，個香味撲鼻而來！豉油基本上已經俾腸粉索晒，但重口味嘅我一啲都唔介意...食落亦無話過鹹，係剛剛好！口感係滑嘅，但又多左層層次，就係有啲蛋白...加埋芫茜同炸蒜....唔洗五分鐘我就清左喇！而19蚊，都算係抵食！唯一就係就算堂食，佢都係俾外賣嘅膠盒裝，見到啲人食完就掉，都覺得太唔環保...外賣嘅我我只能洗洗我個外賣盒再用...去減低一下自己嘅罪惡感....

石磨白滑腸粉☺️🤤位於觀塘廣場嘅地下🤩X 假期推介完我就黎左食la 😀😳員工好熱情推介比未食過既我地！有黑/紅/白米腸😊☝🏻我地叫左石磨豬潤腸+$3雞蛋😻即叫即整！簡單小舖都幾多人排隊好味！又白又滑！鄒味腸粉！熱辣辣☺️加埋d 辣粉！配蛋香好味😻👍🏻

今日約左表妹係官塘交收澳門手信，本來約左星巴克...點知爆多人，要行番落東廣場，途經官廣，隻佬話有間腸粉好多人排隊！見冇咩人又去排下！我地選左 蔥花蝦米腸同埋黑米豬潤腸，排一個就到，都真係勁好彩！五分鐘唔駛可以食！我地首先試左蔥蔥蝦米腸，入口滑到呢，米味好重，平時出面滑既好快會散哂，但呢個都好咬口！唔錯！蝦米唔會有殼，呢點好值得推介 🥰🥰另外就係 黑米豬潤腸，個米味更濃，豬潤好薄，都有起沙，唔錯！唔會好老！火喉岩岩好！下次要試埋紅米 😋

以石磨腸粉為主打，用不銹鋼的抽櫃式蒸籠製作皺皮腸粉，配料可任意配搭。加底$8亦可以，意思是加淨腸粉一份，而所點的配料是不會增加的。下午茶時間逢買任何腸粉，可加$2有自製豆漿一支。石磨葱花蝦米腸粉，薄薄皺皺的粉皮上鋪滿葱花蝦米，與在粥舖吃的卷狀腸粉的吃到厚粉狀的口感不同，皺皮腸粉是滑滑有彈性的口感，而且一定要趁熱吃，否則味道大打折扣。淋上的豉油亦調到鹽度適中，令淡味的腸粉味道提升不少。自製豆漿微甜，豆味相當濃，值得一試。此店無設坐位的，只可外賣哦。