陳根記

Open Now

Now Closed

This place has been on my list since forever, from their first place in Sha Tin to now they opened a new one in Shek Mun. Luckily, we decided to came here after work today to give it a try as we were craving for some decent local food. there are various options on the menu, ranging from meat to seafood to veggies. We picked a few signature dishes to share between the two of us. After the food arrived, we realised we order too much as the portion was super huge in such a affordable price. first a

在馬鞍山踩完單車，便來到石門陳根記吃晚膳，並叫了三道菜。第一道是金妹海蜇手撕雞（例牌）。手撕雞以海蜇，金妹牌火腿，青瓜作配料，並配上泰式辣汁。海蜇份量合適，入口爽口，帶點微辣。手撕雞肉質帶點粉，不過沒有雪味，有的地方的手撕雞會淡而無味，而陳根記的則略帶鹹味。第二道是估你唔到腸粉。菜如其名，確實估你唔到咁好味！腸粉外脆內軟，帶有出前一丁麻油麵味粉的味道，加上碎牛，酸酸甜甜而且帶有微辣，十分惹味。最後一道是粟米石斑，石斑炸得熱辣辣，亦十分厚身，魚肉亦不乾，帶有魚味，不過略嫌粟米汁太淡。陳根記搬過舖後風味依舊，舊有裝修至少能保存九成，最欣賞是連地板都保留原有面貌，唯獨價錢高了不少，無以前咁抵食。雖然並無服務可言，但仍要加一服務費。

石門開左陳根記，地點超級就腳，石門站一出去就係，果斷黎食！原檔禾輋搜搬過黎，秉承返佢既大排檔作風，雖然係商場入面，但一坐入去就即刻重拾大排檔既風味，由地板，裝修至落單方式都係一樣！人流好多，但坐落都唔會逼，非常通爽。落單係自己寫號碼。餐牌同之前都係差唔多，經典大排檔各類既菜同肉都有。每晚都有唔同既特價菜式，款款唔同，而今晚伙計就推薦無味精新鮮手包韮菜餃，九隻48蚊，大大隻，超抵食！皮又嫩又薄，餡又足，因為無味精所以個湯底同清水差唔多。佢上埋菜寶同潮式辣椒油，如果想多味d可以點。薑蔥雞煲（$75），佢個煲個size唔係好大，但食落發現都好多雞，好足料，唔係大部分都係薑蔥。而且雞件非常滑嫩，整得好惹味，用黎送飯一流。天氣凍，於是再叫多左一個八珍豆腐煲（$72），同樣地都無好足料，個汁唔係好咸，但夠入味，每樣餸都有兩三件以上，熱辣辣上台。海鮮點左金湯酸菜魚（$148），酸味剛剛好，香味十足，鐘意食酸菜魚既我簡直欲罷不能，食到興恰恰，魚片比我想像中多，底部有粉絲，配埋個湯底好開胃，兩個人食既話，一個人可以載到成四五碗。各種唔同配料都好齊，個人十分滿意。當然亦都叫左個菜，芥蘭炒牛肉（$75），夠

**陳根記**石門站沙田友對陳根記應該一定唔會陌生自從東菇亭無左 就一直都好掛住呢個味道今日終於搵返佢.就同埋媽咪,老公,囡囡黎食不過呢度得無椅背既膠櫈,帶小朋友黎真係十萬個唔方便雖然係可以廷續大排檔既特色,但如果能夠提供多一個選擇一定會更好依然都係自己寫單,,,媽媽嗌左金湯酸菜魚 HKD100 - 酸味唔算太突出 , 粉絲浸過呢個湯都幾好食豉汁排骨陳村粉 HKD82 -香噴噴 , 因為陳村粉痴得比較實 所以感覺好似三兩啖就食哂WASABI蟹籽手撕雞-例 HKD88 - 今次食WASABI味淡左少少 口硬心軟食豆腐 HKD75 - 滿佈辣椒 但食落甜甜地 一D都唔辣 最好味係呢個一口芒果酥 HKD38 - 正！

早幾天家人生日，揾左非常近石門地鐵站既陳根記大排檔食飯慶祝，地點非常就腳，馬鐵行出嚟都係5mins! 人氣十足既陳根記，由禾輋到搬到去石門都係咁有香港風味，家人指定要食排檔，陳根記真係最好不過，位置就腳之餘，坐位又多，人多人少都合適！根記頭抽雞半隻以極快的速度送到嚟，香甜既鼓油香味極度吸引，雞肉嫩滑，配試香甜既頭抽，成為一度完美既頭盤！ 鼓油汁配上雞腎用嚟撈飯真係無得輸！抵食紅燒乳鴿，熱辣辣送到！外皮炸得香脆，配上淮鹽嚟食，咸咸地非常惹味！跟住出場係用料十足既八珍豆腐煲，勁多內臟，例如豬潤，豬腸等，喜歡食豬潤既朋友，千祈唔好錯過！老人家最喜歡的家鄉菜，焗魚腸！ 唔腥之餘又帶點蛋香，有少少似蒸水蛋咁！面頭有d油炸鬼，扑扑脆！川味腩肉豆腐煲，辣味同鑊氣十足，帶點麻辣！由面食到落底，越食越辣！ 非常過癮另一個辣菜，十三香炸蝦，喜歡食辣的朋友千祈唔好錯過！炸得香脆既蝦，配上辣味十足的辣汁，蝦用帶點麻辣，而且幾爽口！千祈唔好錯過煲底既粉絲，吸晒辣汁既味道，非常惹味！馬拉盞炒芥蘭，鑊氣十足，帶點咸香味，芥蘭香甜爽口！呢度除左小菜唔錯，甜品都出色ka, 臨走去左甜品區買返d甜品返去再食！特別推介榴槤

禾輂果陣都一路有幫襯架！宜家搬左黎石門，睇下有無好大分別先！如果單睇室內裝修，佢就真係幾值得加分既，因為佢真係將本身位於禾輂果度，大排檔既環境及風味，完全搬左過黎，連地板都係用返果度既設計！餐牌方面就好似無咩改動，選擇都係咁多，就連一d非常招牌既招牌菜都一路保留住，價錢都無太大既改動，都算係咁了！招牌菜一號，呢個都真係必食，佢就係招牌 Wasabi 手撕雞！呢個手撕雞堅好食，食落陣陣 Wasabi 味，入面既配料包括青瓜絲及蟹籽都搞拌曬一齊，口感爽口又好味，岩曬一枱人 share 食架！大排檔必食菜式 2號，炸蠔餅！宜家市面上既炸蠔餅真係唔係度度都好食，因為除左技術及火喉，有一個炸蠔餅既重重重點係！一定要用上鴨蛋去炸！如果用雞蛋就變得唔好食了呢個蠔餅就一定係用左鴨蛋去做，所以外層既脆口及香口程度都極就，外脆內軟，外面既炸漿又唔厚，入面有蔥花，差唔多每啖都食到蠔仔肉，非常好味其實佢呢間大排檔都好有潮州打冷既感覺，呢度都有潮州打冷鹵水野食架，今晚我地高揀左個招牌鹵水鵝，呢個係例牌既大小黎，其實份量都幾多，雖然鵝既下面亦其實係有豆腐放底，不過佢既件數才都夠多而且肉質比較豐富，唔係剩係得肥膏，

同朋友們一收工就喺附近搵吓嘢食，知道以前在沙田禾輋食過嘅小炒大排檔在沙田石門商場進駐，咁入去醫肚。大大小小的圓枱，氣氛非常熱鬧人頭湧湧，牆上及天花上都貼滿食物圖片，好吸引呀。店員亦招呼周到，餐牌食物種類仲非常多，樣樣都想試吓。見到BB乳豬圖片咁吸引，就叫了半隻試吓。乳豬半隻上，有埋豬頭，而且已經切好件，乳豬外皮很香脆可口，豬肉味濃郁，肉質也很鮮嫩，配以醬汁更加滋味。味菜鵝腸配以洋蔥青椒辣椒一齊炒，食落去有少少辣辣地，而且鵝腸食落去好爽口，好有鑊氣而且好入味。川味腩肉豆腐煲熱辣辣用煲上，無辣不歡的人士一定好鍾意，面頭已經鋪滿辣椒粒，腩肉半肥瘦好好食，豆腐很滑溜，我至愛。還有豉汁蒸倉魚、金銀蛋浸時菜等到時送飯一流之選。甜品簡直多不勝數，好吸引！最後點了食評激讚的全港芒果甜品第四位-芒果一口脆，一份有八件，外皮真的很香脆帶一點糖粒，芒果肉很大件鮮甜，連Cream食有多重口感。另外鮮芒果拿破崙及特色榴槤奶露同樣Creamy。這一餐晚餐食到捧住個肚出門口，而且四人吃都只是$778，性價比極高的大排檔小炒。

陳根記是很多香港人都認識的大排檔，舊址是在沙田禾輋邨，現在成了這個商場的人氣皇。為保留大家的集體回憶，店內店外都佈置成舊式大排檔的模樣，一絲不苟。這天和家人去吃晚飯，點了幾款特色/招牌小菜，水準不錯。根記頭抽雞(半隻) - 入味、肉滑、份量大，4個人也夠吃。十三香炸蝦 - 大大隻海蝦沐浴在豐盛的香料之中，吃時帶有微辣，且有不同香料味，刺激味蕾。特色甜麵醬魚雲煲 - 醬料都包裹著每一件魚雲，甜鮮非常。川味腩肉豆腐煲 - 這個菜式惹味指素爆登，腩肉片配以特製麻辣醬汁，令人吃不停口。古法砵仔焗魚腸 - 這是最最最經典的懷舊小菜，但已漸漸在各老牌餐廳的餐牌上消失，可能是因為工序比較繁複吧。油炸鬼切片舖面，有助表面焗得香脆，下層是甘香肥美的魚腸和蒸滑蛋，吃起來多重口感。在這大排檔的場景下，令家中長輩勾起許多成長往事，這一頓飯就像時光倒流，回到昔日，我們邊吃飯，邊細聽他們如數家珍的訴說往事。

同家人食飯最適合就係去食小炒，叫番幾味餸一齊食不知幾開心。以前成日幫襯沙田禾輋大排檔的陳根記，知道原來轉戰去咗沙田石門，入面的裝修格局也維持着大排檔的風味，就算宵夜時間都好旺場！實在太肚餓，餐牌有咁多選擇更加肚餓，有晒煎煮蒸炸方式嘅菜式！見到隔離枱食得咁滋味，就點了幾款小菜，再每人叫了一碗白飯。十三香炸蝦真係好香，賣相亦很吸引，一盆都起碼有十幾隻，認真抵食，而且湯底有麻有辣，蝦肉爽口彈牙，入面仲有粉絲索晒湯底嘅精華味道，好鬼滋味。平時好少係屋企食住家菜，有條魚食下都好開心🥳，豉汁蒸倉魚蒸得恰到好處，魚肉好爽滑，而且鮮味四溢，又係撈飯一流。點少得叫一碟蔬菜清一清腸胃，朋友鍾意食菠菜，就叫了金銀蛋浸時蔬，我最喜歡的蛋花鋪滿面，味道剛剛好唔會太鹹，撈飯一流。啲餸實在太好食，話咁快就清晒！而特飲及甜品餐牌都有廿多款選擇，各有特色，就試試這裏人氣熱賣的特色榴槤奶露，入面嘅榴槤肉都頗多，還有佈滿口感的西米，果然足料。呢一餐晚飯真係食到捧住個肚出門口，大滿足！

住在沙田都一段時間了，一直都知道陳根記這間餐廳，但都沒有去食過這次機緣巧合的情況下，到石門新商場時，看到陳根記，就進去食晚餐就算到8時，也有很多人在輪侯就算多人在輪侯，也不用搭枱進去後，根據menu，把需要點的寫在點餐紙上十分方便，至少不會出現錯單及減輕樓面的工作6299 金湯酸菜魚 $100以酸菜魚普遍價錢來說是超值的，魚肉多，而湯頭不會太油膩，清清地，帶出魚鮮味6278 惹味麻辣雞 $88有點像雞煲的感覺，醬料包著雞叫麻辣雞真的沒有錯，那個麻是吃到完才在口中回來的所以吃得很滋味！6809 豉椒炒蜆 $78男朋友很喜歡吃蜆很快已清盤5011 豉油王乳鴿 $45 星期一特價每天都有特價菜式乳鴿第一次食豉油王味道有另一番風味可以「損」下「損」下啜醬汁6101 馬拉盞炒時菜 $58可以選擇不同的菜，我們點了通菜微辣，令菜更添色彩～

越來越覺得石門真係好多吸引既餐廳，雖然比較偏僻，但d餐廳全部都幾高質！今日就應友人約，黎食沙田出名既大排檔-陳根記分店啦～ 呢間大排檔雖然開係商場，但裝修都延續大排檔風格，水泥地板、膠台布、大圓台、紅藍膠凳，唔講真係唔知自己係商場入面。 十三香炸蝦$164一上台已經聞到強烈的香氣，望落滿滿的辣椒，但食落味道冇想像中濃烈，同米線小辣差不多！蝦好新鮮，而且數量都幾多。入面仲有粉絲、豆芽等，吸收湯汁之後好好食。 豉椒炒蜆$78這個味道不過不失啦 估你唔到腸粉$68腸粉外包裹炸衣拎去炸，外皮炸到非常脆，但內裡的腸粉就入口即融，感覺真係估佢唔到。味道酸酸甜甜有點辣，未食過呢種味道既腸粉。 馬拉盞炒通菜$58今晚覺得最好食就係呢碟菜了，雖然簡簡單單，但真係食唔停口！ 陳根記既菜分量比起一般大排檔細，所以人少少黎食都唔怕。菜式味道不錯，價錢唔算高，不過要收加一。

無人不識既陳根記，以家搬了去石門京瑞商場，陳根記無論搬都去邊到，依舊一樣咁多人排隊黎食，鑊氣依然，味道一樣，環境依舊大排檔風味，沒有改變，只係搬了去室內有冷氣商場。豉椒牛柏業-豉椒味濃，最緊要牛柏業夠爽口，如果唔係成碟真係唔駛食。粟米魚柳-魚塊炸至金黃，大大件，而且魚柳沒有骨，加上用粟米汁，最岩大小朋友食，送飯超正。鴛鴦椒炆倉魚-都幾大條，倉魚個皮煎到好香，魚肉好滑，沒有腥味，帶點微辣，依種食法好特別食完晚飯，仲可以係到叫埋甜品。

今晚同朋友既同事一齊食, 點餸就由佢地發版; 落單時夥伴話有新推出自家製作韭菜餃送, 當然要試下, 餃子皮滑, 裡面只有韭菜冇肉, 但好足料而韭菜味好出, 一啖一隻好快就冇哂今晚最好味既, 就係醉雞同山哥BB豬; 醉雞酒味非常香, 初聞有少少濃, 但食落口就剛剛好, 朋友同事本身唔飲酒都覺得帶酒味的雞肉好味道; 醉雞係凍食, 接住食熱辣辣既山哥BB豬, 一冷一熱好有趣 BB豬表皮香脆惹味, 趁熱即食, 乳豬肉雖然帶油脂但一D都唔膩, 甚至覺得因為有呢層肥脂令豬肉更香口 點了兩款魚, 分別是金湯酸菜魚及鴛鴦椒炆倉魚; 自己比較中意炆倉魚, 因為兩種椒令魚味更鮮; 可能男人都係對酸野麻麻, 反而女士就比較中意另外仲有上湯節瓜魚肚煮雞什同香煎蠔餅; 蠔餅唔駛講就係黎陳根記一定要點既, 上湯節瓜魚肚煮雞什就比較特別, 用上湯煮既雞什完全冇腥味, 甚至比起平時多數用濃味去煮既雞什, 更加食得出雞內臟既原味道, 幾有新鮮感

以前返工，每個月都會同同事落陳根記飲酒食晚飯，自從生左小朋友已經冇去過大排檔食，到囡囡大個左，可以帶埋佢黎食啦！石門地點比起禾輋更方便，由石門港鐵站出，行1-2分鐘就到達啦。裝潢依舊有大排檔風味，圓枱，膠櫈，餐牌冇變，依舊一樣，而且一樣咁嘈吵，感覺唔似係商場入面。十三香炸蝦（$164）嘩嘩嘩，好大盤，一來到已經聞到好香既花椒麻辣味，入面有好多香料，而且仲有好多隻大蝦，蝦經過油炸，索晒湯汁，開頭以為會好辣，辣到噴火，只係個香料味好濃，好香，唔會話好辣食唔到，個底仲有大量粉絲，吸晒辣汁精華，愈食愈過隱腰果蝦仁（$82）有青椒、西芹、沙葛、腰果、蝦仁，蝦仁爽口彈牙，沙葛好爽口，雖然以道菜好清淡，但真係送飯一流

三五好友相約到沙田石門陳根記吃晚飯。金湯酸菜魚：酸菜野味開胃，魚肉鮮甜可口。椒鹽九肚魚：外脆內熱，白滑魚肉，啖啖鮮香好味道。粟米魚肚羹：魚肚份量多，味道良好。砵仔焗魚腸：焗得夠香。豆豉鯪魚油麥菜：油麥菜新鮮有田園味道，配合豆豉鯪魚一流有豆豉香加上清新菜味道。豉汁蒸大鱔：鱔香十足，鱔油香配豉汁入口非常好味道。饑落亭炒肉蟹：蟹肉肉質好好，少許辣配茄子肉碎不俗。食小菜必須加飲品，選擇了朝日同汽水都不可缺少。