陳根記

Open Now

Now Closed

而家大排檔真係愈來愈少~好好彩係沙田好出名既大排檔陳根記係石門開返....今日一於同朋友黎朝聖下店舖內裏四正, 環境唔錯, 唔會話坐得好迫~呢道除左小炒部, 仲有甜品部添, 可點甜品係店內食~~餐牌非常多選擇~~~多到一個點!!!!每日有一款特價小菜~超抵食丫!!!仲有多款甜品~~WASABI蟹籽手撕雞 $85例牌都唔細碟呀~ 3-4人食都得成個配搭好正~  有雞, 海折, 青瓜絲, 蟹籽, 口感豐富!!隻WASABI都勁勁地, 幾攻鼻但辣得黎又會想繼續食蒜茸蒸蝦 (星期二特價) $98每日既特價菜式非常抵食~~~蒸蝦好大碟, 好多隻!!!蝦肉爽口彈牙, 蒜茸味濃~~超正!!! 必食豉椒炒蜆 $78鑊氣夠~ 豉椒炒又惹味!!蜆肉新鮮冇沙九菜餃 (大) $48大大隻既九菜餃份量幾多下~ 皮薄餡靚, 晶瑩剔透食落口個皮好滑, 九菜亦好新鮮!!假翅銀芽 $68飽肚之選~~唔洗成日食飯食麵, 食下粉絲都唔錯大大碟, 味道唔錯, 唔會話太咸或太淡~提提大家呢道雖然係大排檔, 但食加一架

今日約左幾個朋友去石門陳根記食晚餐。點左金湯酸菜魚，粟米魚肚羹，饑落亭炒辣肉蟹，豉汁蒸大鱔，椒鹽九肚魚，砵仔焗魚腸，豆豉鯪魚油麥菜。金湯酸菜魚-魚肉嫩滑，酸菜食完好開胃。粟米魚肚羹-料好足，熱辣辣好飲。饑落亭炒辣肉蟹-個汁都唔錯，有茄子肉碎，蟹都新鮮好正。豉汁蒸大鱔-豉汁帶出鱔既味道。椒鹽九肚魚-脆口好正，熱辣辣即炸即食。砵仔焗魚腸-焗得好香口。豆豉鯪魚油麥菜-這配合非常夾，菜新鮮。好友相聚當然要叫下朝日飲返杯，同埋雪碧。

今日食完晚飯，過嚟陳根基想食個糖水，於是我就叫咗個楊枝甘露，個楊枝甘露係朋友介紹嘅，佢話呢一度真係煮得好好味，而且近排都真係比較難食你一啲野真係好補身㗎 ！食落去真係食到粒粒西米，以佢嘅芒果味都幾香幾新鮮，配上呢個芒果汁真係天衣無縫啊，但個價錢都算貴嘅差唔多$30.1個而且只係以外賣兜俾我係喺呢一度食，咁樣嘅賣相就一般般啦！可能呢間鋪亦都唔係主打甜品啦，所以旁邊嘅都好多係食小菜嘅，不過冇所謂啦都係食完就算嫁啦！

陳根記以前於禾輋的大排檔非常出名，記得上年有傳結業時亦引來很大迴響。幸好最後遷往石門，環境比大排檔更舒適之餘，座位也更多。餐牌包括傳統小炒，保住大排檔滋味，另外亦有不少新款菜式～還萬萬想不到連甜品也有供應呢～【椒鹽九肚魚】九肚魚表皮炸得酥脆，魚肉嫩滑還不碎，連魚骨都十分柔軟的，小刺像透明髮絲一般【豆豉鯪魚炒油麥菜】雖然屬於家庭小菜，但即使放久了油麥菜依然翠綠，加上獲氣十足，非常有風味。【金湯酸菜魚】即使賣相比川菜店的來得家常，不過卻甚有驚喜！魚湯顏色奶白，沒有味精，喝完也不渴。魚肉爽彈嫩滑，另外還有超吸味的粉絲，把湯底的精華吸盡！【椒鹽瀨尿蝦】炸蒜茸姜茸剁得粒粒分明，味道夠之餘也有口感，伴飯一流。椒鹽瀨尿蝦不會水汪汪或油汪汪的，反而賣相鮮亮，香氣吱吱，蝦肉豐滿。【蒜茸蒸蝦】清甜的鮮蝦配搭蒜蓉和豉油，蝦身吸收了配料的精華，鮮味更濃，而且香氣四溢。加上蔥花的裝飾，紅綠相映，賣相吸引，令人胃口大開。【薑蔥炒蟹】鮮蟹沾上薄薄的粉再大火炒炸，保留鮮甜的肉質，絕對不霉。濃濃鹹香的醬汁附著在甜美多肉的蟹裡，配上被爆香的薑片，吸收了醬汁不嗆不辣，這時候來一瓶啤酒正好！【手工韮菜餃】韮菜餃全為菜館自製，

今晚一家人黎左陳根記當懷緬昔日時光，宜家既環境當然好過以前大排檔，光亮乾淨。除咗菜單，佢仲吊左好多餐牌在頂，好有懷舊風。小菜選擇多，仲有每日一特價，今日剛好係我鍾意既醉翁烏頭，都幾大條，再凍啲就更正！另外叫左假翅銀芽，即係炒粉絲，微辣，有d好似八角定花椒既獨特味道，十分香口，我幾鍾意。西檸軟雞真係幾軟，d雞唔會炸到硬哂，加埋個酸味味檸汁，好開胃。菜心炒牛肉夠鑊氣，菜心新鮮好甜，牛肉份量都多。最驚喜係呢度都有甜品食，叫左個鮮芒果拿破崙同榴連班戟，兩個都好味呀！

一直聽聞大排檔陳根記小菜出名，難得於石門開分店，當然要掹著家人一起試試！入到去見環境十分特別，裝修得像之前禾輋大排檔一樣，很有親切感見到打冷檔內不斷新鮮炸蠔餅，當然要點一份來試試！質素果然不錯，炸得香脆，十分多蠔仔，而且食落鮮味，有大酒樓的水準另外點了鴛鴦椒炆倉魚，倉魚煎香後再淋上有紅椒，黃椒炮製而成的醬汁，酸酸甜甜，食落有少少辣味，十分惹味！再點了菜心炒鮮魷，鮮魷十分厚肉，分量十足，肉質實淨，吃得出是新鮮貨，高質白灼鵝腸咬落爽口，配上特製豉油，蔥段，芽菜，鮮味十足同場更有甜品店，點了一款芒果脆卷，都十分好吃！值得推薦這間小菜店！

好幾年前已經聽同事講沙田有間叫陳根記既大排檔好出名 但一直都未食過 到宜家由屋邨搬左去石門商業區 小妹終於有機會一嘗傳說中既陳根記雖然進駐左商場舖 環境企理乾淨 但仍然保留住大排檔應有既風格打開餐牌 好多款式 好似樣樣都招牌菜咁 好難揀十五十六咁終於揀好左4個小菜不過真係唔好睇少 全部份量都好大碟第一樣到既係好fusion既冬蔭公浸蜆冬蔭公唔算太辣 酸度適中 除左勁多蜆 仲有粉絲吸晒收冬蔭公湯底既精華 好味嗜辣既我地仲點左個好惹味既腩片豆腐煲睇落成煲都係乾辣椒 好誇張 不過食落唔算好辣 豆腐香滑 腩片惹味份量仲好多茄子牛仔骨都好大碟 賣相唔錯 難得茄子煮完都仲係紫色 亦唔算油膩 最後加多碟送飯一流既馬拉盞炒通菜 已經好飽要下次先可以試佢既甜品

提到大排檔，一定會諗到「陳根記」，但自從禾輋排檔遷拆，「陳根記」搬到石門後，一直無機會黎，今日趁住做冬一於再黎食下。餐廳入舖後， 環境更爲乾淨舒適，但舖內人氣依舊。主餐牌依然不變，但加入更多新菜式，可以有更多選擇，一家四口叫左四個餸。Wasabi蟹子手撕雞 :陳根記招牌菜之一，點可以唔叫？雞肉爽口嫩滑，wasabi微辣下越食越嗆鼻，但味道唔會太重，唔太好wasabi嘅我都食到停唔到口，配埋蟹子、海蜇及青瓜，半隻雞話咁快就食晒。川味腩肉豆腐煲 :一向喜歡食豆腐煲嘅我地，見到呢款新菜式，梗係要試下。豆腐煲相當足料，除左豆腐同腩肉外，仲有大量辣椒，入口味道辣辣地相當開胃，腩肉切得夠薄身，入口爽口而唔太油膩，整體感覺有驚喜。粟米斑塊 :食小菜必點項目之一，斑塊炸得外脆內軟，面頭炸漿唔太厚，配埋微甜嘅粟米汁，用黎撈飯簡直係一流。XO醬炒翠玉瓜 :蔬菜我地揀左翠玉瓜，份量相當多，翠玉瓜經炒過後仍保持鮮嫩，微辣嘅XO醬唔會蓋過翠玉瓜味道，反而感覺更惹味。

以前讀書個陣成日都會成班同學柴娃娃咁落去火炭食陳根記，而家畢業咁多年，好耐都冇番去食過。最近咁岩有個舊同學番左黎香港，話要番陳根記度懷緬下以前既日子，於是我就帶左佢石門新鋪到再次回味。以前火炭係大排檔既格局，而家石門呢間分店，依舊有大排檔風味，不過裝修相對整齊，有冷氣裝置同叫野食有效率同比較有系統。我地叫左假翅銀芽 (HKD $68), 咕嚕蝦球 (HKD $90),  蟹肉扒菠菜 (HKD $80)，Wasabi蟹籽手絲雞(半隻) (HKD $145) 同埋芒果糯米糍 (HKD $38)。☀Wasabi蟹籽手絲雞(半隻) $145先黎既係一碟非常開胃惹味既前菜手絲雞，佢可以話係陳根記既signature dish，個個黎親都要叫番碟，有3個size可以揀，分別係例牌($85)/半隻($145)/壹隻($260)，我地兩個人都好鐘意食呢味菜，所以叫左半隻。手撕雞味道依然，wasabi味超勁，因為佢係用wasabi油黎整，雞肉鮮嫩啖啖肉，仲多蟹籽海蜇，口感爽脆。☀咕嚕蝦球 $90跟住就係咕嚕蝦球，分量好多，大大碟好抵食，蝦球炸漿薄薄一層，食落好香脆唔厚粉，蝦肉彈牙，味道酸甜開胃，性價比好

香港人既集體回憶 緊係要即衝啦🏃🏻‍♀️🏃🏻‍♀️🏃🏻‍♀️人情味 香港風味濃野食唔可以話好好味但算有特色最緊要係食環境Wasabi 手撕雞🐔 $145數一數二既招牌菜食落仲有D Wasabi 味,搶搶地喉仲有d蟹子係度,脆卜卜好特別無陰公牛柏葉🐮$82濃郁既冬陰公味牛柏葉又唔會煮得太um琵琶豆腐 $72火氣夠大,即炸即出唔會散,好好食孜然一條骨🐷 $80豬仔骨,一人一條岩岩好仲佈滿孜然粉送飯一流椒鹽魷魚🦑$82都係即叫即炸但有d淡味,差過其他餸有少少失望芒果一口脆 $38脆卜卜，cream底，敗筆係芒果仲係冰🤦🏿‍♀️不過都好食

同事說很久沒吃香港地道味道了, 二話不說即晚齊腳走去石門的陳根記跟以前禾輋村的裝修類同, 人聲依然沸騰, 舊有大排檔風味餐廳有新嘗試, 自家製的韭菜餃, 餃子皮好滑, 不留神差點整隻吞下; 菲菜滿滿的脹滿餃子, 充滿菲菜香菜餚很快的全上了, 一貫陳根記特式今天點了醉雞, 酒香濃郁, 雞肉也帶酒香上湯節瓜魚肚煮雞什, 節瓜湯夠清甜, 平日的雞什多是濃味的炒煮, 今日配上節瓜湯反有另一種滋味鴛鴦椒炆倉魚, 帶微辣又帶甜, 魚肉保持嫩滑, 最快被吃光山哥BB豬 - 非常香口的豬皮, 咬下去脆脆的; 豬肉帶脂肪 , 咬來有點油脂, 肥瘦度恰恰好不能不叫的香煎蠔餅, 一定要新鮮熱辣吃最惹味是夜唯一的菜類- 八珍豆腐煲, 煲底的菇非常入味, 跟豆腐一樣出色

呢個商場人氣真係越來越旺，連呢間大排檔都開左分店喺呢個場。同老友黎食下先！最最最好味，金湯酸菜魚$100，酸辣魚湯啖啖都暖入心，魚片滑溜，仲有粉絲底索哂d湯勁正！好豐富惹味嘅辣酒煮花螺$80，唔係hea你，大大話話超過廿幾隻螺，啜埋d汁好鬼風味～大排檔叫炒菜是常識吧！惹味馬拉盞炒芥蘭$58，新鮮爽脆架～咕嚕蝦球$90粉漿雖然略嫌多左，但醬汁味道絕對係得，補返哂數！呢間店唔用商場原本玻璃牆，竟然用大排檔透明膠遮檔做出禾輋本店感覺，裡面嘅裝潢枱櫈更不在話下，仲唔係睇得出嘅風味？

最近跟舊同事談起以前在沙田出差時的趣事，就想起我們以前放工後常常到陳根記食晚飯，自從陳根記搬了地址後就再沒有食過了。所以就相約一起回味一下當年情。我們都是海鮮精，所以點了非常多海鮮喔！蒜蓉蒸蝦鮮味十足，蒜蓉非常多，蝦肉爽口，好新鮮！椒鹽九肚魚表皮炸得可口酥脆，魚肉嫩滑， 惹味無比。金湯酸菜魚看似平凡但非常有驚喜，湯底濃郁又鮮甜！魚肉嫩滑入味，而且粉絲吸入湯底滿滿的鮮美，好好味。蒜子大鱔煲非常足料，有很多鱔塊之外還有腩肉、豆腐及冬菇！而且炆得非常入味！豆豉鯪魚油麥菜炒得有鑊氣且不油膩。椒鹽瀨尿蝦必點之選!! 瀨尿蝦非常新鮮，甚至有部份有蝦膏!! 炸得香脆，蝦肉爽口，性價比極高。薑蔥炒肉蟹第二樣必點之選，有鑊氣! 炒得惹味乾身，肉蟹有膏之餘肉質爽口鮮甜! 絕對有質素。韭菜豬肉水餃自家製的水餃都同樣出色，水餃皮夠薄又足料，還有我最愛的辣椒油及菜脯可以配搭。最後當然要以甜品作結尾，點了芒果一口脆及芒果拿破崙來試一試。想不到連甜品都非常有水準!芒果拿破崙酥皮非常鬆化，配上香滑細嫩的吉士忌廉及新鮮芒果帶來豐富口感!芒果一口脆更是令我至今仍非常回味，外面的pancake皮炸得香脆，包著冰凍忌廉及芒果

陳根記：大學年代的飯堂，畢業後都冇再去過了，而家搬左去石門，近鐵路站，位置都幾方便。賣點份量大，足夠大班人一齊share!銀芽假翅（$68）一大碟惹味銀芽炒粉絲，入口帶微辣，可以取代白飯，因為真係好大份。脆皮燒肉（$98）：肥瘦相間的燒肉，燒得剛剛好，有肉汁，外皮又脆。香煎蠔餅（$78）：炸得脆口的蠔煲，蠔肉都算多，就算邪惡都要食！油鹽水蜆（$82）好大一碗，油鹽水的清更能突顯蜆肉的鮮甜，湯底有大量粉絲，索晒鮮味。Wasabi蟹子手撕雞（$85/例牌）眼見幾乎檯檯必點，開胃冷盤，雞肉、青瓜、海蜇加wasabi都幾好味。

今晚男朋友嚟接我收工，我就帶咗佢去我公司附近係禾輋村屹立左好多年好出名嘅大排檔陳根記分店😀 最近腸胃比較敏感，所以都係偏向想食得清淡啲～我哋兩個人叫咗一個上湯芥蘭，例牌wasabi手撕雞，鴛鴦椒蒸倉魚，禮拜一特價嘅豉油皇乳鴿同埋陳根記甜品部經常極速沽清嘅芒果一口酥😂芥蘭煮得剛剛好，冇草青味得黎又夠脆👍 有時出街食飯叫一個清淡嘅蔬菜黎送下飯都幾唔錯～wasabi手撕雞辣地，有蟹籽有青瓜仲有火腿，口感又脆又爽又開胃非常豐富，雞絲又滑👏鴛鴦椒蒸倉魚幾香辣，魚身好滑，平時都係豉汁， 原來呢個食法都幾特別😁豉油皇乳鴿都算大隻，唔肥膩，啲汁甜甜地，清清地👍芒果一口酥果然係外脆內冰凍👍正！👍 要黎做飯後甜品細細粒令餐飯更圓滿就適合不過😀😀