81
30
4
2-min walk from Exit C, Shek Mun MTR Station continue reading
All Branches (2)
Telephone
26061390
Opening Hours
Today
17:30 - 01:30
Mon - Sun
17:30 - 01:30
*Last order at 01:00
Payment Methods
Cash Octopus
Other Info
10% Service Charge
Review (137)
石門開左陳根記,地點超級就腳,石門站一出去就係,果斷黎食!原檔禾輋搜搬過黎,秉承返佢既大排檔作風,雖然係商場入面,但一坐入去就即刻重拾大排檔既風味,由地板,裝修至落單方式都係一樣!人流好多,但坐落都唔會逼,非常通爽。落單係自己寫號碼。餐牌同之前都係差唔多,經典大排檔各類既菜同肉都有。每晚都有唔同既特價菜式,款款唔同,而今晚伙計就推薦無味精新鮮手包韮菜餃,九隻48蚊,大大隻,超抵食!皮又嫩又薄,餡又足,因為無味精所以個湯底同清水差唔多。佢上埋菜寶同潮式辣椒油,如果想多味d可以點。薑蔥雞煲($75),佢個煲個size唔係好大,但食落發現都好多雞,好足料,唔係大部分都係薑蔥。而且雞件非常滑嫩,整得好惹味,用黎送飯一流。天氣凍,於是再叫多左一個八珍豆腐煲($72),同樣地都無好足料,個汁唔係好咸,但夠入味,每樣餸都有兩三件以上,熱辣辣上台。海鮮點左金湯酸菜魚($148),酸味剛剛好,香味十足,鐘意食酸菜魚既我簡直欲罷不能,食到興恰恰,魚片比我想像中多,底部有粉絲,配埋個湯底好開胃,兩個人食既話,一個人可以載到成四五碗。各種唔同配料都好齊,個人十分滿意。當然亦都叫左個菜,芥蘭炒牛肉($75),夠鑊氣,炒得好香又唔油,菜肉比例足👍🏻總括黎講的確無令人失望,對得住佢既招牌同名聲,上菜好快手,溫度同味道都相當有水平,絕對值得再黎食過呀 continue reading
(The above review is the personal opinion of a user which does not represent OpenRice's point of view.)
Level4 2019-12-30
1619 views
早幾天家人生日,揾左非常近石門地鐵站既陳根記大排檔食飯慶祝,地點非常就腳,馬鐵行出嚟都係5mins! 人氣十足既陳根記,由禾輋到搬到去石門都係咁有香港風味,家人指定要食排檔,陳根記真係最好不過,位置就腳之餘,坐位又多,人多人少都合適!根記頭抽雞半隻以極快的速度送到嚟,香甜既鼓油香味極度吸引,雞肉嫩滑,配試香甜既頭抽,成為一度完美既頭盤! 鼓油汁配上雞腎用嚟撈飯真係無得輸!抵食紅燒乳鴿,熱辣辣送到!外皮炸得香脆,配上淮鹽嚟食,咸咸地非常惹味!跟住出場係用料十足既八珍豆腐煲,勁多內臟,例如豬潤,豬腸等,喜歡食豬潤既朋友,千祈唔好錯過!老人家最喜歡的家鄉菜,焗魚腸! 唔腥之餘又帶點蛋香,有少少似蒸水蛋咁!面頭有d油炸鬼,扑扑脆!川味腩肉豆腐煲,辣味同鑊氣十足,帶點麻辣!由面食到落底,越食越辣! 非常過癮另一個辣菜,十三香炸蝦,喜歡食辣的朋友千祈唔好錯過!炸得香脆既蝦,配上辣味十足的辣汁,蝦用帶點麻辣,而且幾爽口!千祈唔好錯過煲底既粉絲,吸晒辣汁既味道,非常惹味!馬拉盞炒芥蘭,鑊氣十足,帶點咸香味,芥蘭香甜爽口!呢度除左小菜唔錯,甜品都出色ka, 臨走去左甜品區買返d甜品返去再食!特別推介榴槤類甜品! continue reading
(The above review is the personal opinion of a user which does not represent OpenRice's point of view.)
Level4 2019-12-29
860 views
禾輂果陣都一路有幫襯架!宜家搬左黎石門,睇下有無好大分別先!如果單睇室內裝修,佢就真係幾值得加分既,因為佢真係將本身位於禾輂果度,大排檔既環境及風味,完全搬左過黎,連地板都係用返果度既設計!餐牌方面就好似無咩改動,選擇都係咁多,就連一d非常招牌既招牌菜都一路保留住,價錢都無太大既改動,都算係咁了!招牌菜一號,呢個都真係必食,佢就係招牌 Wasabi 手撕雞!呢個手撕雞堅好食,食落陣陣 Wasabi 味,入面既配料包括青瓜絲及蟹籽都搞拌曬一齊,口感爽口又好味,岩曬一枱人 share 食架!大排檔必食菜式 2號,炸蠔餅!宜家市面上既炸蠔餅真係唔係度度都好食,因為除左技術及火喉,有一個炸蠔餅既重重重點係!一定要用上鴨蛋去炸!如果用雞蛋就變得唔好食了呢個蠔餅就一定係用左鴨蛋去做,所以外層既脆口及香口程度都極就,外脆內軟,外面既炸漿又唔厚,入面有蔥花,差唔多每啖都食到蠔仔肉,非常好味其實佢呢間大排檔都好有潮州打冷既感覺,呢度都有潮州打冷鹵水野食架,今晚我地高揀左個招牌鹵水鵝,呢個係例牌既大小黎,其實份量都幾多,雖然鵝既下面亦其實係有豆腐放底,不過佢既件數才都夠多而且肉質比較豐富,唔係剩係得肥膏,食起嚟陣陣嘅滷水香味,再加埋辣椒油,真係好出色炸大腸,可能唔係人人都鍾意食,但係鍾意食香口野嘅,就一定鍾意,因為佢真係有種好特別,非常獨特嘅味道,可能你會覺得佢係臭,但係其實佢真係好香,外脆內軟,嗰種香口嘅程度,令你非常滿足望落好似乳豬皮咁樣,食落真係好脆口,淡淡甘香油脂喺晒你個口腔入邊,真係非常滿足食完咁多肉類嘅嘢,食返條菜,平衡下先,佢係馬拉盞炒通菜,都炒得幾好食喎,因為味道夠香濃,有少少香辣既感覺,非常開胃呢碟炒飯真係唔野少,因為佢嘅份量非常多,非常有驚喜,你見到佢入面嘅配料配菜份量都唔少,非常足料㗎,而且食起上嚟好有鑊氣,呢個係幾出色嘅炒飯!鹹魚雞粒炒飯, $58 ,大大碟!最後,呢一道菜叫十三香炸蝦!亦係今晚最貴嘅一道菜,價值$164 ,不過如果只係單單睇個名,發現個名同個賣相,完全係兩回事!嘩,你睇吓佢啲辣椒幾澎湃!原來呢一個菜係用左十三種香料製成,當中嘅蝦雖然唔係完全經過炸香,但係每隻都非常大隻及新鮮,食起嚟,香辣嘅果種感覺,再配埋彈牙大大隻既蝦肉,其實都真係幾好食! continue reading
(The above review is the personal opinion of a user which does not represent OpenRice's point of view.)
Level4 2019-12-13
2992 views
以前讀書個陣成日都會成班同學柴娃娃咁落去火炭食陳根記,而家畢業咁多年,好耐都冇番去食過。最近咁岩有個舊同學番左黎香港,話要番陳根記度懷緬下以前既日子,於是我就帶左佢石門新鋪到再次回味。以前火炭係大排檔既格局,而家石門呢間分店,依舊有大排檔風味,不過裝修相對整齊,有冷氣裝置同叫野食有效率同比較有系統。我地叫左假翅銀芽 (HKD $68), 咕嚕蝦球 (HKD $90),  蟹肉扒菠菜 (HKD $80),Wasabi蟹籽手絲雞(半隻) (HKD $145) 同埋芒果糯米糍 (HKD $38)。☀Wasabi蟹籽手絲雞(半隻) $145先黎既係一碟非常開胃惹味既前菜手絲雞,佢可以話係陳根記既signature dish,個個黎親都要叫番碟,有3個size可以揀,分別係例牌($85)/半隻($145)/壹隻($260),我地兩個人都好鐘意食呢味菜,所以叫左半隻。手撕雞味道依然,wasabi味超勁,因為佢係用wasabi油黎整,雞肉鮮嫩啖啖肉,仲多蟹籽海蜇,口感爽脆。☀咕嚕蝦球 $90跟住就係咕嚕蝦球,分量好多,大大碟好抵食,蝦球炸漿薄薄一層,食落好香脆唔厚粉,蝦肉彈牙,味道酸甜開胃,性價比好高。☀蟹肉扒菠菜 $80個蟹肉扒菠菜,好清新,蟹肉多而味道鮮甜。☀假翅銀芽 $68又係大大碟,炒得乾身,仲好有鑊氣,銀芽粉絲口感煙韌得黎又好爽脆,雙重口感,啖啖滋味。☀芒果班戟 $38呢到既芒果班戟真係好正,非常大件,又多芒果肉好飽滿,啲cream同芒果肉既ratio啱啱好,真係冇得頂。 continue reading
(The above review is the personal opinion of a user which does not represent OpenRice's point of view.)
Level4 2019-12-10
2390 views
最近跟舊同事談起以前在沙田出差時的趣事,就想起我們以前放工後常常到陳根記食晚飯,自從陳根記搬了地址後就再沒有食過了。所以就相約一起回味一下當年情。我們都是海鮮精,所以點了非常多海鮮喔!蒜蓉蒸蝦鮮味十足,蒜蓉非常多,蝦肉爽口,好新鮮!椒鹽九肚魚表皮炸得可口酥脆,魚肉嫩滑, 惹味無比。金湯酸菜魚看似平凡但非常有驚喜,湯底濃郁又鮮甜!魚肉嫩滑入味,而且粉絲吸入湯底滿滿的鮮美,好好味。蒜子大鱔煲非常足料,有很多鱔塊之外還有腩肉、豆腐及冬菇!而且炆得非常入味!豆豉鯪魚油麥菜炒得有鑊氣且不油膩。椒鹽瀨尿蝦必點之選!! 瀨尿蝦非常新鮮,甚至有部份有蝦膏!! 炸得香脆,蝦肉爽口,性價比極高。薑蔥炒肉蟹第二樣必點之選,有鑊氣! 炒得惹味乾身,肉蟹有膏之餘肉質爽口鮮甜! 絕對有質素。韭菜豬肉水餃自家製的水餃都同樣出色,水餃皮夠薄又足料,還有我最愛的辣椒油及菜脯可以配搭。最後當然要以甜品作結尾,點了芒果一口脆及芒果拿破崙來試一試。想不到連甜品都非常有水準!芒果拿破崙酥皮非常鬆化,配上香滑細嫩的吉士忌廉及新鮮芒果帶來豐富口感!芒果一口脆更是令我至今仍非常回味,外面的pancake皮炸得香脆,包著冰凍忌廉及芒果,帶來冰火的口感!好好味!現址位置方便又舒適,我們已經約定下次再來試其他甜品了! continue reading
(The above review is the personal opinion of a user which does not represent OpenRice's point of view.)