陳根記

Open Now

Now Closed

之前去過陳根記一次、很有大排攤檔風味夠鑊氣、食客很多非常熱鬧。原來早一陣子 已搬到石門的京瑞廣場裡、空內有冷氣坐得更舒服。魚香茄子煲 是我小菜必點之一、肉碎 好香夠惹味。芒果一口脆是這裡的推介甜點、外面熱熱的香脆可口、裡面是原粒芒果肉、一口一粒 好過癮～香脆魷魚酥 炸得酥脆 Wasabi 蟹子手撕雞 唔算好辣 但加入蟹子脆脆的口感、刺激味蕾 幾特別。冬天就最啱試下臘腸炒芥蘭、感覺暖笠笠。豉椒炒蜆 幾惹味、不過略嫌蜆裡有沙。揚州炒飯 份量十足、炒得乾爽不錯

以前喺禾輋成日食 中學聚會都會黎呢到呢日路過石門 可以黎回憶下環境方面都跟足以前大排檔既裝修但比之前衛生好咗好多.呢日叫左⭐️豉椒牛肉炒河$58夠鑊氣 香口 足料⭐️魚香茄子煲$65勁油 香口 茄子煮到好軟 底下有唔小肉粒鹹魚粒⭐️馬搵盞炒時菜$58是日時菜係通菜ok⭐️豆腐魚雲湯$62勁勁勁大碗 係一個清清地 唔錯既白湯⭐️金湯酸菜魚$100呢個都係清清地嘅酸辣湯 本地口味冇內地果d 咁酸 咁辣 唔食麻辣都ok底下粉絲量極多 相信可以食飽3個人魚片切得勁薄 有刀功 滑 量都算多 有小骨⭐️白飯$11陳根記 (沙田)地址：沙田石門安群街3號京瑞廣場二期地下5號舖

到沙田探朋友，他說一定要這家試試由禾輋大排檔遷入石門的老字號。平日晚上也要訂座，八時過後更有食客在門外等位。鴛鴦椒炆䱽魚 - 䱽魚肉質札實而不韌，鴛鴦椒辣勁十足Wasabi 手撕雞半隻 - 招牌菜果然不讓人失望，半隻雞加入青瓜絲、海蜇、火腿絲，食落更有口感,滲出淡淡wasabi味，不嗜辣的友人也能吃。西洋菜餃是店員推介之選，餃皮滑溜，西洋菜饀飽滿多汁。椒鹽鮮魷-炸醬雖不算薄身，但富有大排檔風味，鮮魷爽口彈牙，蘸一些椎鹽同吃，佐飯一流芒果一口脆 - 沒想到大排檔出品的甜品也不輸蝕，麵包糠包裹著厚肉芒果，外脆內甜，飯後一點甜令人很滿足。

平時同長輩食飯，離不開中菜，有時不一定要酒樓才有好菜式，今日與親戚到這家餐廳食，陳根記在沙田區是數一數二的大排檔，搬到石門，更乾淨，坐得更舒適。清水韮菜餃 $48/9隻餃子大隻，饀料滿滿，韮菜香，配冬菜和辣油更惹味椒鹽九肚魚炸得酥脆，不油不膩，魚肉細嫩，直接食已好夠味，配喼汁解膩，送酒一流！川味腩味豆腐煲 $75一上枱已衝擊味蕾，川辣味濃，腩肉薄片入味，炸豆腐內裡香嫩，辣味香得過癮酥炸大腸 $85大腸清得乾淨，外層香酥，夾口惹味，邪惡度100金銀蛋莧菜 $65莧菜原棵夠爽甜，鹹蛋夠鹹，配住食好送飯芒果一口脆外層脆芒果甜，配合底層甜忌廉，大滿足啦，下次會再黎檸檬茶保留茶檔滋味

石門愈開愈多餐廳，就連三十年老字號大牌檔陳根記都進駐石門，一於拉埋成班frd黎試下啦！石門分店既店員都好好態度，地方亦比其他分店大，好光猛，坐得好舒服！天氣超凍啊 好肚餓我地四個人一坐低即刻點菜🤣🤣川味腩肉豆腐煲🥰冬天食辣野就最啱㗎啦腩肉片肥瘦適中 加左辣椒爆香 豆腐好濃味超惹味！滷水鵝片 好入味 肉質軟腍 連墊住鵝片嘅滷水豆腐都一樣好出色 唔洗十分鐘就清哂🤣🤣十三香炸蝦🍤呢個第一次食，分量好多！我哋四個人每人都食到三四隻蝦，唔算太辣，煲裡面嘅粉絲吸晒辣湯嘅精華，超入味超好食呀✅✅👍🏻Wasabi 蟹籽手撕雞呢個招牌菜係必點！手撕雞好嫩滑，裡面加左青瓜絲同大量蟹籽，撈埋秘製wasabi 醬超開胃！豉汁蒸倉魚家常菜式，倉魚鮮味十足，配埋甜甜地嘅豉汁好正啊😊香炸蠔餅蠔餅炸到脆卜卜而且真係超級真材實料，一咬落去勁多蠔，好香口！亦唔會腥！食到飽哂但 點都要叫埋人氣爆粒既芒果一口脆！超級特別 係第二度絕對食唔到！外層熱辣辣脆卜卜裡面既芒果肉好冰呢個組合外熱內冰 正啊！整體黎講 價錢親民 野食有質數大推！

大學時期係石門返學，果時石門附近係美食沙漠，係呢幾年先開左商場，引進左咁多各式各樣既餐廳！最驚喜係竟然開左陳根記既分店啊！🥳🥳石門店好闊落，好好坐，平日都爆哂場！一行四個人一到餐廳，二話不說點左招牌wasabi 蟹籽手撕雞先啦梗係🤣🤣🤣好耐無食，依舊咁高質，wasabi個味好出❤️配埋蟹籽青瓜絲口感好豐富！我地成班食肉獸仲點左紅燒乳鴿 燒到外皮脆卜卜， 肉質好嫩好juicy 🤤食咗咁多肉食啲菜中和下先！馬拉盞炒通菜，唔錯，亦唔會太油！天氣咁凍食啲暖笠笠嘅野暖一暖胃先，韭菜餃個外皮唔會太厚粉，值得一試⭐️另外仲有男人既浪漫-川味腩肉豆腐煲男朋友話呢個係佢至愛，腩肉爆到好香口，少少辣啱啱好😘推介俾麻辣愛好者必食-十三香炸蝦份量好多d蝦大大隻，麻香味好正，而且仲有粉絲係裡面！最後就係期待左超耐既芒果一口脆炸到香脆既麵粉沾左糖粉裡面包住雪凍既鮮甜芒果肉，上面淋埋煉奶真係不得了，外熱內凍層次勁豐富！必食！

石門站原來是一個小商業區，裏面有商場，而且食肆都幾集中，今晚就同朋友去食小菜，食物款式比酒樓多，而且又夠鑊氣，價錢都是幾十蚊起。黑椒無骨豬手：已去掉豬手骨，豬皮焗至香脆，肉質比較有咬口，旁邊淋上黑椒汁，不怕豬皮越食越淋，而且亦都不會過咸。八珍豆腐煲：有豬腸、豬潤、魷魚等材料，十分豐富，豆腐外皮帶韌，裏面嫩滑。酥炸大腸：份量足4-5人分享，炸至金黃香脆，不過中間的肥膏就較多。金湯酸菜魚：$100的價錢絕對超值，酸辣度適中，尤其是這個凍冰冰的天氣下，飲碗湯即時成身暖和，粉絲吸收了湯汁的味道，十分爽口，魚肉嫩滑無骨，整體十分開胃惹味。

這間位於石門商場的大排檔，有多款小菜，而且價錢很便宜，晚飯時全場爆滿。脆皮燒肉燒肉皮部份香脆，用了半肥瘦的腩肉，一層肉一層膏，保留了肉汁，不會太乾或過咸。咕嚕蝦球蝦球外面有層薄薄的粉漿，炸得香脆，蝦仁大隻，爽口彈牙，配上三色椒及菠蘿，味道酸甜開胃。砵仔焗魚腸魚腸表面舖滿了油炸鬼，焗至金黃色，而且入口脆卜卜，魚腸混合了蛋漿，焗至剛好不鞋，不過有點苦澀味。九菜餃阿姐不斷叫人試下佢個即包餃子，$48有9隻又唔算貴，而且都比平時的餃子大隻，九菜爽脆多汁，非常新鮮。

搬入商場店舖的陳根記，地方更整齊，招呼又週到。餐牌上的油鹽水蜆很吸引，一於要點選油鹽水蜆，上枱了！大大碗呵！先嘗一口油鹽水湯，很鮮甜！蜆肉肥美！碗底的粉絲掛著油鹽水湯來吃，非常可口！銀牙假翅，原來是炒粉絲銀牙，我飛走韭菜賣相會稍遜，粉絲無油膩炒得夠乾爽，味道很好，我不禁好奇問店舖老闆，為何銀牙假翅香味那麼特別？用甚麼調味？。老闆回答是：十三香，啊！咁！下次就要試埋另一款式「十三香炸蝦」啦。 很多香蒜的椒鹽牛仔柳，十分惹味，牛仔柳嫩滑，份量十足！豉油王炒麵，色、香、味俱佳！一如過往，要嘗甜品，就要移步到店舖另一邊廂，購買甜品，今晚要嘗甜品是芒果腸粉，佐芒果汁吃美味又滿足！

陳根記搬左之後都未食過, 天氣涼左突然好掛住佢既大排檔風味! 由石門火車站落車一出唔洗5分鐘就到, 太方便啦, 9點左右去到都係好爆, 9成滿座, 鋪頭都幾大足足有兩至三個鋪位, 好彩入面仲有細枱唔洗等位入面感覺就係一個室內既大排檔, 木圓枱, 白色鋪枱膠紙, 圓櫈, 車仔檔, 餐牌都保留番昔日既大排檔味道, 再加上好多客人飲酒食飯吹水既聲, 好有feel呀辣酒煮花螺menu實在太多野揀, 但黎到咁有風味既地方食野就好想食d麻甩野, 依個花螺唔算好辣, 但辣油既香氣滲哂入去, 雖然食到成手油, 但咁樣一粒粒食真係好過癮。羊腩煲(細)本身叫多個小菜既, 準備交單既時間先見到有羊腩煲啦!! 即刻轉呔, 哩個天氣哩個環境整個gas爐羊腩煲簡直係人生一大樂事啦下麻!!!! 細既羊腩煲都有7,8舊羊腩, 馬蹄枝竹腐乳都有齊, 仲另上一碟新鮮生菜, 滾下滾下配白飯, 正到不得了呀川味腩片豆腐煲哩個豆腐煲又香又惹味, 第一次食有四川麻辣味既豆腐, 仲有腩片肥瘦相間痴滿哂川椒, 豬油香加川香送飯真係不得了唔好睇佢煲仔細細, 原本以為辣椒粒佔左煲既大部分位置, 但原來唔係, 原來好多豆腐係個底度, 食極

陳根記搬離咗大排檔之後，一直都想試一試今次專登約咗個fd嚟試下陳根記轉咗係商場舖，裝修方面都特別保留大排檔的風味，亦增加咗舒適感同清潔度起碼有冷氣嘆陳根記必食的有幾個餸*Wasabi手撕雞Wasabi芥末醬撈埋d手撕雞，海蜇，青瓜，蟹籽，非常Fresh，又醒胃又惹味，必食*孜然棒棒骨孜然棒棒骨大件兼厚肉，好有鑊氣同香口，汁料酸酸地可去除肥膩感覺，必食係因為係出面食唔到，自家獨特小菜，食一舊已經覺得夠，一大班人叫呢個餸最啱另叫了*鴛鴦椒炆倉魚呢個以紅椒青椒炆嘅倉魚，亦係特別嘅煮法，無唸到會幾辣口，鍾意食辣嘅人可能會幾喜愛呢個配搭*椒絲腐乳炒通菜一貫大排檔風味，夠哂鑊氣，味道十足*韮菜餃皮薄多餡料，鮮甜，清清地都唔錯！

陳根記這個名字基本上在沙田區無人不曉，由以前禾輋邨搬來到石門，地點更方便，石門站一出行兩分鐘唔洗就到！雖然環境變了，但味道不變，保持以往一樣高質素！而裝修方面亦保留著從前大排檔既特色餐牌選擇非常多，小菜、海鮮、燒味等選擇勁豐富椒鹽鮮魷皮薄唔厚粉，入口食得出魷魚好新鮮，而且份量亦夠多京都豬扒醬汁酸酸甜甜非常開胃，很適合送飯；豬扒鬆軟入味，啖啖肉好好食豬扒入面充滿肉汁，唔鞋又唔乾假翅銀芽即係芽菜炒粉絲，帶麻辣味，但又不會好辣，粉絲十分彈牙而且非常夠味！燒鵝半隻意想不到陳根記除了小菜了得外，連燒味也相當有水準，燒鵝半隻比平時酒樓吃到既份量更多，皮脆肉嫩，肉質結實，入口充滿鵝香味！整體食物甚有水準，而且價錢經濟，選擇夠多！

陳根記大排檔不嬲都食開，之前會刻意過去禾輋食，夠地道風味！自從搬左鋪，今次就等一次過泥食！地址係石門站一出個商場就到，好易見到。好特別大排檔開係商場入面，但裝修風格都係大排檔🤣🤣大排檔既枱凳，大排檔既地板，大排檔既天花，大排檔既防水防風膠布，仲要自己寫字落單，我覺得自己真係坐係大排檔入面食野！食物無變，餐牌依舊✌🏻銀芽假翅：其實係芽菜炒粉絲，應該加左孜然粉，好香。粉絲q彈，吾係淋patpat！芽菜爽口，一齊炒又香又好食！馬拉盞炒通菜；必食啦，夠鑊氣，炒得香吾會太油！份量一大碟㗎！琵琶豆腐：係豆腐入面有魚肉撈埋，然後搓成波波去炸煎。好大粒，一份12粒🤣真係食一兩粒都夠。Wasabi 沙拉骨:味道奇夾！大家都知陳根記有名wasabi手撕雞，但呢個沙拉骨都好好食！個醬淡淡香wasabi味吾攻鼻，排骨煎到好香口，拌勻沙律醬鹵味拼盤：上枱仲熱㗎！出煙㗎！平時食通常凍冰冰，但呢度食係暖㗎！拼盤排得好靚，有紅腸，豆腐，鵝肉，豬耳，牛展，魷魚，生腸，蛋，好多好豐富一大碟！滷得好入味又吾咸薑蔥田雞煲：好多薑蔥，都應該有2隻田雞。爆到好香，田雞肉好滑呢韮菜餃一份有9隻，自家製。好大隻，好多材料。乾炒牛河：

今日諗緊晚餐去邊度食嘅時候，突然之間諗起好耐都冇食過大排檔，於是我哋就成家人，幾個去咗石門嗰間陳根記。 今日係平日，去到都算多人要排一陣間隊。不過都係排咗15分鐘到好快就有位入去坐低啦。 而且個夥記畀張單你自己寫number落單都幾方便。新裝修咗，但佢仲保留咗陳根記大排檔嗰種風味喺度。 佢新舖同舊舖嘅水準一樣都係咁好食。我哋四個人都嗌咗成六個餸。。試咗個必食嘅醉雞，叫咗半隻，一百幾蚊，啲雞都幾滑，同埋好入味。，仲叫咗個估你唔到腸粉，原來係用炸㗎都好好食。仲叫咗個煎蠔餅啦，粉絲雜菜煲同埋燒肉，最後仲叫咗個鹹魚雞粒炒飯。整體嚟講啲嘢食都好好食，而且上菜速度係超級快。 讚！

陳根記是沙田的名牌大排檔，可惜時代的變遷，傳統的大排檔漸漸都要上鋪。在沙田石門重開的陳根記，在商埸的地鋪重現了大排檔特色；地板換上石屎地和門口的落地玻璃打通了，加上膠明膠塊，形成半開放式的格局。今日點的大多都是陳根記的招牌菜。*十三香炸蝦 ($164)看似好辣但其實不是，不要被嚇到；蝦的份量都有十多隻，而且每一隻都很大。*Wasabi蟹籽手撕雞 ($85)這個應該是為陳根記打響名堂的菜式；手撕雞、海蜇和青瓜拌上Wasabi，不算太攻鼻；清清涼涼的，好開胃。*香煎蠔餅 ($78)蠔餅亦都是大排檔的精選；蠔餅炸得很透，很脆口。*酥炸大腸 ($85)炸物的吸引力真的沒法擋；炸大腸炸得香脆，不會太油。*咸魚雞粒炒飯 ($58)咸魚味不太吃到，不過雞粒大大粒的；炒飯亦都粒粒分明。