Read full review
2020-01-11
2921 views
石門開左陳根記，地點超級就腳，石門站一出去就係，果斷黎食！原檔禾輋搜搬過黎，秉承返佢既大排檔作風，雖然係商場入面，但一坐入去就即刻重拾大排檔既風味，由地板，裝修至落單方式都係一樣！人流好多，但坐落都唔會逼，非常通爽。落單係自己寫號碼。餐牌同之前都係差唔多，經典大排檔各類既菜同肉都有。每晚都有唔同既特價菜式，款款唔同，而今晚伙計就推薦無味精新鮮手包韮菜餃，九隻48蚊，大大隻，超抵食！皮又嫩又薄，餡又足，因為無味精所以個湯底同清水差唔多。佢上埋菜寶同潮式辣椒油，如果想多味d可以點。薑蔥雞煲（$75），佢個煲個size唔係好大，但食落發現都好多雞，好足料，唔係大部分都係薑蔥。而且雞件非常滑嫩，整得好惹味，用黎送飯一流。天氣凍，於是再叫多左一個八珍豆腐煲（$72），同樣地都無好足料，個汁唔係好咸，但夠入味，每樣餸都有兩三件以上，熱辣辣上台。海鮮點左金湯酸菜魚（$148），酸味剛剛好，香味十足，鐘意食酸菜魚既我簡直欲罷不能，食到興恰恰，魚片比我想像中多，底部有粉絲，配埋個湯底好開胃，兩個人食既話，一個人可以載到成四五碗。各種唔同配料都好齊，個人十分滿意。當然亦都叫左個菜，芥蘭炒牛肉（$75），夠
原檔禾輋搜搬過黎，秉承返佢既大排檔作風，雖然係商場入面，但一坐入去就即刻重拾大排檔既風味，由地板，裝修至落單方式都係一樣！
人流好多，但坐落都唔會逼，非常通爽。落單係自己寫號碼。
餐牌同之前都係差唔多，經典大排檔各類既菜同肉都有。
每晚都有唔同既特價菜式，款款唔同，而今晚伙計就推薦無味精新鮮手包韮菜餃，九隻48蚊，大大隻，超抵食！
皮又嫩又薄，餡又足，因為無味精所以個湯底同清水差唔多。佢上埋菜寶同潮式辣椒油，如果想多味d可以點。
薑蔥雞煲（$75），佢個煲個size唔係好大，但食落發現都好多雞，好足料，唔係大部分都係薑蔥。而且雞件非常滑嫩，整得好惹味，用黎送飯一流。
天氣凍，於是再叫多左一個八珍豆腐煲（$72），同樣地都無好足料，個汁唔係好咸，但夠入味，每樣餸都有兩三件以上，熱辣辣上台。
海鮮點左金湯酸菜魚（$148），酸味剛剛好，香味十足，鐘意食酸菜魚既我簡直欲罷不能，食到興恰恰，魚片比我想像中多，底部有粉絲，配埋個湯底好開胃，兩個人食既話，一個人可以載到成四五碗。
各種唔同配料都好齊，個人十分滿意。
當然亦都叫左個菜，芥蘭炒牛肉（$75），夠鑊氣，炒得好香又唔油，菜肉比例足👍🏻
總括黎講的確無令人失望，對得住佢既招牌同名聲，上菜好快手，溫度同味道都相當有水平，絕對值得再黎食過呀
Post
