炳記茶檔

Open Now

Now Closed

好友阿Tim介紹大坑炳記最強奶茶同丁麵, 今日一早同老婆出城去大坑試下。先叫一杯熱奶茶同熱鴛鴦。兩杯熱度夠, 入口夠滑溜。茶味香濃, 是上乘之作。再來一客油占多, 厚多外脆內鬆軟, 果占比例適中, 是上乘之作。最後點了餐旦一丁。湯底是自家湯底, 並非一丁醬油湯。濃度和味道尚可, 餐肉比較薄了一點和煎旦生熟適中。但麵底似發水即食麵, 完全沒有丁麵彈牙的應有水準, 失敗! 總括而言, 整體水平尚可, 但無什驚喜。

在現今連鎖餐廳橫行當道之際, 自家經營的小型餐廳少之又少, 更莫說是7,80年代旺極一時的大牌檔.大牌檔一直都是香港的特色之一, 所以每當找到一家時, 心中都會有種莫明的親切感.這天周末正值下午茶時間, 炳記仍然人頭湧湧的,我們3個人等了15分鐘才有位.大牌檔仍然是用傳統薄木摺枱, 膠椅子(本來是有點期待會有木摺椅, 不過也不差啦)雖然是十分平民但感覺很隨意.看到這裡出名是奶茶, 我們熱的凍的都點來試試先來凍的, 頗大杯, 茶味不太濃, 奶味適中. 幼滑說不上, 但就是這份帶點粗糙的味道才是大牌檔的感覺.再來杯熱的熱的茶味也不算濃, 奶味多一點. 整體味道較淡口, 很飲得出比凍奶茶真的很滑.再來SHARE一碗餐蛋面湯頭有點濃, 餐肉2大片, 煎得邊位很香脆, 蛋雖是雙面煎但中間還是漏黃的; 面條是用上出前一丁面, 偏硬身一點, 合我個人口味.雖然沒有空調, 沒有華麗的裝修,但吃的就是那份昔日街坊的原始味道.

這日和友人在大坑閒逛，無意經過這大排檔覺得很有趣，因為我們平日絕少有機會光顧大排檔。於是我們便決定坐下，試試在馬路邊坐下感受一下香港大排檔的風味。我要了杯熱奶茶，而友人要了杯熱檸蜜。我的奶茶有茶香，但有點薄，不夠濃，但也算香滑吧。友人說他的檸蜜不錯，還有點點菊花香，但就甜了一點。熱飲都是$11杯，很便宜。

星期五再去炳記一趟，叫了一杯鴦走，一杯奶茶，味道非常好。奶茶非常滑，完全沒有"鞋口"，也沒有那種全脂奶的"膩"，比蘭X園更好，蘭X園的奶茶也會"制"。鴦走的茶及啡配合得天衣無縫，茶不會過多，啡不會過少，很香，香味混合了茶及啡的香味，一流。至於奶醬多，更是其他此類店無可媲美，面鬆化，內鬆軟，"行"得剛好，雖然要等得久一點，但也值得。

上星期三約了老公 2:30 pm 在大坑會合，原打算先到「炳記茶檔」吃點麵食，再轉戰目標甜品店「小甜谷」，可惜一場滂沱的攔路雨令整個計劃全泡了湯。到本周一見室外天朗氣清，實在再也按奈不住了，決定拉老公到這個搵食天堂走一轉。其實這間位於施弼街的「炳記」，雖然沒有店面，但勝在地方較寬敞，環境也算衛生，加上是香港現時較少見的真正港式大牌檔，而且價錢大眾化，口碑又不俗，更是明星飯堂之一，所以在區內都算薄有名氣。不過檔口可供選擇的食品款式，寥寥可數，招牌菜一隻手已經數得曬、豬扒麵、蛋牛肉治、多士、港式奶茶等，牆上餐牌清晰直接，食物全部散叫，沒有套餐供應，價錢一目瞭然。由於我倆來到時已過了午市繁忙時間，茶水檔旁邊只剩下兩三檯食客，四周環境尚算清靜。當天午間氣溫高達三十四度，怕熱的老公已極速地挑了個近牛角扇的座位坐下來。點吃的任務當然是由我負責，招牌菜豬扒不可不點，另加開飯食評內被人點名稱讚的蛋牛治、油占多。先上的豬扒麵 ($22)，當中的豬扒據說是以黑椒醬汁醃製的，而且份量頗多。咬上一口，肉質尚算鬆軟，而且都幾夠味，切成小件上檯，十分方便食用，只可惜咬落肉質腍得來竟然有筋，真是大煞風景，食味大打

以香港飲食代表茶餐廳大排檔眾多美食中, 豬排是其中一項代表, 有豬排飯豬排麵也有豬排包等等它不像沙爹牛肉午餐肉這樣味道已被調好, 每家店都有自己的調味跟做法最近收拾電腦照片發現自己去了數間店吃有關豬排的東西, 就開一個系列叫做豬排料理集吧第一家要說的是炳記, 常聽住大坑的同事說她常下樓吃午餐, 趁之前去了那邊就試一下叫了豬排米, 豬排被切開一份份放上米粉跟生菜上面豬排我覺得沒有太好吃, 不是因為它本身肉質較硬的問題而是味道沒有很入味, 調味上有點死鹹, 醬油比例下太多而糖下得不夠但我喜歡他們的黑胡椒味道米粉反而好好吃, 味道很像我外婆煮的米粉湯, 加了生菜感覺沒有那麼寡試過就好了, 在這種檔攤吃東西我還蠻喜歡的

見各位食家俾炳記咁多笑臉，難得去到大坑當然要一試！先嚟個奶油多，香脆多奶再嚟馳名豬扒麵～唔係我叫ge，不過我食咗幾舊，整得好稔好入味！難怪咁出名！我ge雞翼蛋米！我見坐我對面ge食客隻蛋係金黃色的，是炒蛋嗎？那個吸引好多....雞翼都煮得好入口，但我最憎雞翼斷骨，我果隻就出現呢個問題了...正常茶餐廳水準~

本來想去民聲既,點知咁啱佢地裝修,結果去左呢間試試,因為曾經有朋友講過話呢間d奶茶好得,一於試試佢啦,點知~~真係坐底先知,原來淨係得麵或多士食,心諗:不如走啦,食麵不如返屋企自己煮,不過眼見男友去左泊車,廢事叫佢返轉頭啦,照叫啦,其實坐底無耐即刻有人埋黎落單我叫左個餐旦出前一丁,阿姐追問飲咩,我其實係想睇下加幾多錢先,不過阿姐再三追問飲咩,我快快答左佢熱奶茶啦,之後當然發覺飲品係另計架啦,唉~~算啦,一次半次!!熱奶茶先上,係用玻璃杯上既,熱就夠熱啦,不過好失望,無茶味,感覺仲好淡,真係差過灣仔華星好多好多(真係唔明,點解朋友話D奶茶得呢>?)男朋友泊完車返黎,知道此處得麵和多士食,仲要咁既價格覺得唔抵,加上飲過我杯奶茶,佢仲叫我取消個麵去第二處食過添,不過我都唔想咁麻煩,結果等左10分鐘先有麵上,但係好奇怪,一眼望住D麵,真係唔似出前一丁,我有同阿姐確認一下,究竟佢地係咪攪錯呢?阿姐話無錯!食落去,同我食開個D出前一丁真係唔同,我食出前一丁大大話話都有二十幾年經驗,無理由食唔出佢唔係出前一丁架,不過檔主話係,都無計啦,唯有照食,結果比左差不多三十蚊去食一個唔似出前一丁既麵茶

大坑真是一個好地方, 悠閒的氣氛令人感覺身處歐洲, 但就雲集世界各地的美食; 當然地道的香港美味是必不可少的。最具香港特色的茶檔, 單是大坑這裡已有兩家馳名全港的, 一家是順興, 大受歡迎做列入鋪, 另一家便是炳記了。在天氣還冷的時候來吃, 坐在鐵皮檔旁的摺檯, 真的是風涼水冷也。來到炳記, 就要吃豬扒麵 ($21)。又怎少得一杯熱奶茶 ($11) 呢?奶茶的丹寧勁重, 所以喝下去比較口鞋, 雖然我要了少奶都係咁話。暖暖的奶茶在寒冬之中就最受用了。豬扒麵用的是一丁麵 (或類似的東西), 久未吃此味, 麵身居然煮得幾 al dente , 爽口好吃, 自問煮麵也未做到這樣的境界。有兩片生菜, 添色作用居多, 不過用來吸收湯汁也好。至於豬扒呢, 是相當的大件, 已預先切開, 肉質有點粗糙, 豬扒表面的醃料有黑椒, 的確頗惹味, 但味道就沒能滲到肉的中心。其時埋單 $31, 也不可謂不貴。

星期六，去完中央圖書館，便去大坑走走來找吃；跟妹妹走來走去，最後選了那地地道道大排檔＜炳記 ＞；知道出名的豬扒，當然要一嘗；豬扒麵：醬汁醃製出美味的豬排，不是其他店的只是煎香，而且又是碎上，方便進食，不過覺得肉身比較乾身，不是太多肉料，幸好醬汁補了；湯麵用上出前一丁，但不知好何，總不是煮得是我味禿，淋得來沒有彈性，有點失去一丁的口感．而湯底味道卻不錯，因帶了醬汁之味茶酒：茶味不太濃，卻有少許澀味，感覺可以而已大排檔買少見少，雖未有套餐，然而貴了一點，但吃吃那風味，也是不錯的享受

閒日最愛到大坑開飯， 無銅鑼灣咁多人不特止， 食品價錢亦相對廉宜。某個寒冷早上走到炳記茶檔坐下， 叫了碗豬扒丁加熱奶茶。豬扒份量不少， 數到有六七舊。不知是否天氣太凍關係， 豬扒的汁是凍的， 還好豬肉還是熱， 豬扒用黑椒醃製， 十分惹味！豬扒沒有肉鬆粉醃過， 有少少鞋， 但食落都幾有肉汁的 。一丁麵煮得剛好， 熱辣彈牙， 自行加些少放在檯上免費任加的日本麻油， 香到不得了。味精湯也給我喝了半碗。熱奶茶茶味濃但不夠滑， 奶茶還是附近的順興好飲， 但冷冷的早上， 不得不喝一杯熱飲來暖肚子。看著對面整車工人跟街坊寒暄， 菲傭放狗， 呷著熱茶， 很悠然寫意的一個早上。

11月27日, 平時去開大坑, 都係喺大街搵食多, 都不外乎越南野, 民聲… 今日竟然喺d車房橫街中, 發現到呢間大排檔! 原來佢地只開星期一至星期六, 晚上仲要唔開添~ 好好彩今日係星期六中午, 有幸一試佢地嘅招牌豬扒~::: 豬扒出前一丁 ::: $21單睇外表, 豬扒確實似係落咗功夫, 有色水得嚟仲唔係乾爭爭~ 生菜份量都好多, 直頭蓋住晒d麵~ 先食一件豬扒, 肉質幾夠淋, 又唔會嚡口, 肥瘦適中~ 仲啖啖都食到鹵水味, 加上好似煎過咁嘅外皮有dd脆, 確實冇失望~! 出前一丁就比較差, 有d懷疑佢地係咪用丁麵… 本身唔似煮得好耐嗰隻色, 麵身仲係攣攣地顏色仲好實, 但係食第一口已經唔夠彈性好淋, 一咬就散… 湯底嘅濃度亦唔似用丁麵味精粉, 可能加咗d鹵水汁啦…::: 蛋牛多 ::: $11蛋牛份量都算多, d蛋牛邊好似想湧出嚟咁~ 咸牛肉同蛋嘅比例均勻, 咸牛肉嘅味道同蛋漿好夾, 而且成塊蛋牛仲煎到有少少燶邊勁香口! 麵包亦同樣新鮮, 烘得均勻之餘又脆又鬆化~ 好好味!!!::: 奶醬多 ::: $6多士算厚, 奶醬係正常份量, 勝在搽得非常均勻~ 仲要讚下佢個麵包夠新鮮烘

大坑有兩個鐵皮茶檔，順興我己吃過了，卻從未試毗鄰的炳記，這天就決定來這露天小巷歎歎。炳記以豬扒馳名，就決定以這味配搭出前一丁 ($21)，豬扒預先切件，醃得入味，肉地厚，頗有嚼頭的，味道亦比海防道街市內的發興茶檔「秘制豬扒」更好，而出前一丁也不會煮得太腍，沒有可挑剔的了。熱奶茶 ($11) 入口幼滑，略帶少許茶香，也不錯的。由於這裡不設早餐、午餐，只是一麵一茶，買單超過 $30，說茶檔便宜，其實亦不盡然。

我已是第三次去, 今次是帶全家去捧場, 總算是平民名店, 但整體退步了很多.奶茶很鞋, 茶味減少了很多.丁面依然很差, 像未煲過.豬排沒以前好味.很難會再去了, 反正附近食肆多的是. 想說ok , 但要公平點, 給喊樣, 因價錢不便宜.

toasted egg n beef sandwich唔錯幾好味toast 得arm arm好豬扒出前一丁好好味豬扒好林好入味d 菜同個湯一齊食好正朋友話奶茶唔錯幾香我個檸水--->正常味冇乜特別如果黎開會再幫親^^