村爺爺龍蝦湯.泡飯.燉湯專家

Open Now

Now Closed

油麻地附近真係好多好野食！買完材料諗住揾餐廳食晚飯個陣就俾我見到佢！個名好搞笑，叫村爺爺，我見附近仲有間甜爺爺，唔知仲有咩爺爺呢同朋友分别叫左個豬骨湯手打烏冬同龍蝦湯泡飯！因爲有d夜唔想食飯所以叫左個烏冬，本身想叫龍蝦湯+魚頭魚腩架，不過佢咁岩賣晒d魚所以就叫左下面呢個！不過都好有驚喜！佢個豬求其泡飯有齊豬潤+豬肚+粉腸+豬心+豬腰！真係一次過滿足我好多個願望呀！！！女仔真係好鍾意每樣少少但樣樣都有得試！D料仲好新鮮，樣樣都同個豬骨湯超夾！最喜歡個粉腸好香好林！仲有個手打烏冬，超in un。湯底有少少薑絲令人覺得好暖，同埋一d都唔咸！冬天食應該會更正！響鈴要讚既係第1)加$6就有，仲送熱飲！第2)一d都唔油！好脆好正！第3)一個人有2件剛剛好！唔會太多太少！第4)湯底超夠熱可以整林佢！超級喜歡！P.S. 見朋友食個個泡飯都好正！偷食左d，龍蝦味好鮮甜！P.P.S. 上菜速度超快！侍應好helpful！P.P.P.S.冷氣少少唔夠，下次會醒目坐入d。

上星期六放工後是下午,因去做gym前沒食午餐, 所以做gym後休息一陣,獨自到附近食下午茶。 結果選村爺爺,全因最吸引是龍蝦湯,因我勁愛飲湯呢!餐廳裝潢沒得特別,係一般格局, 地方乾淨舒適,都好多坐位。最後我選擇了,勁豐富的下午茶* * *【極上海鮮龍蝦湯手打烏冬】 手打烏冬另加$10 及另Order響鈴再吸引的是龍蝦頭,非常有份量,大大碗內有好多海鮮,見到都口水都流出來。嚐一嚐龍蝦湯先,呈現底淡啡奶色,清甜好飲,龍蝦鮮味十足攻上舌頭。 大堆頭海鮮有龍蝦頭、大大厚肉甜的元貝、肉質的鮮嫩青口、彈牙十足魷魚、爽甜的墨魚、鮮甜的蜆肉,令整體更豐富更鮮美。 而手打烏冬爽口好Q彈牙,配上龍蝦湯同食,簡直一流。* *響鈴豆香十足,香脆非常。* *跟餐果汁另加$8熱情果汁每一口喝到熱情果汁自然風味,非常好飲。

早兩天無意中看到幾年前在南海一號吃的龍蝦湯泡貴妃飯，想起都回味。友人介紹了村爺爺，平平地幾十元可以暫且滿足一下對龍蝦湯泡飯的心癮，經濟實惠。泡飯有三個種，龍蝦湯泡飯、豬骨湯泡飯及和牛油鹵水泡飯。除了預設的配搭，湯泡飯可以自由配搭餸菜，也可以轉各式粉麵。另有撈麵、日式咖喱等。＄30-＄60元，大大碗，都幾抵。請店員落單，卻沒想到，一臉不滿的店員竟說老板不在，沒有龍蝦湯。晴天霹靂。我們可是專程來吃龍蝦湯泡飯。「老板幾時會返？」再問多句，店員更是不悅，「不知道。」坦白說，還以為劉德華的廣告成功收效，真的很久沒遇如此惡劣的服務態度。轉吃豬骨湯配黑毛豬，沒有貨。「那有甚麼？」除了龍蝦湯和黑毛豬，其他也有。經歷完這段對話，真有起身離開的衝動。要不是外面下起過雲雨，我想我們走了。魚腩鮮雞雜菌豬骨湯泡飯大大碗豬骨湯，配料豐富。有大量的金針菇和雞脾菇，新鮮清甜多汁。鮮雞肉十分嫩滑，是雪藏雞絕對找不到的鮮雞味。至少四大塊鯇魚腩，啖啖肉，帶點肥，又滑又鮮。白飯煮得硬度剛好，即使浸在湯裡，也不會變腍，粒粒分明，稍帶咬口。吸滿湯，但不失飯香。唯一敗筆，是豬骨湯。一，可能吃不到龍蝦湯太失望，對豬骨湯吃之無味。二，

最近，香港既溫度徘徊係高溫，最高有成35度，真係人都癲！對於鐘意影相既我，咁好既天氣真係又愛又恨。愛既係好天，日出日落都靚d；恨既係熱到我真係唔係好願出街。不過最後，我既勤力戰勝左懶惰，今日成功影到今年暫時最靚既日落，勁開心。影完出番嚟市區都已經九點，懶得行，近近地係砵蘭街搵食。原來呢度好多鋪都未收，仲好熱鬧，於是揀左一間食泡飯既餐廳。餐廳其實都係小店一間，重點泡飯，不愛飯又有烏冬。其實最近，除左香港天氣炎熱，同時都有一股龍蝦熱。餐廳紛紛推出龍蝦既配搭：龍蝦pizza，龍蝦漢堡，總之你諗到同諗唔到都可試下龍蝦化。而今日呢度，我見到蝦湯泡飯。極上海鮮龍蝦湯泡飯 $68咁辛苦影完相都係諗住搵d野食下，就叫左呢個極上海鮮龍蝦湯泡飯獎勵下自己。一嚟到已經比個氣勢吸引，本嚟諗住係細細隻龍蝦仔泡飯，原來係大隻龍蝦頭，賣相攞足分。稍稍係湯中搜索下，有魷魚，墨魚仔，扇貝，蜆肉，勁多海鮮！呢個泡飯，餐廳會先將飯同湯分開，等食客按自己需要將飯加入湯中。先試一試個湯，龍蝦味香又唔會濃得濟，飯都可以吸收到龍蝦湯既味道。有個唔錯既湯，我都加左個炸魚皮，非常香脆！呢個極上海鮮龍蝦湯泡飯既製作都唔錯，一般自己食開既

​自己一個食什麼好？我會選擇走到大街小巷覓食在砵蘭不是只有桑拿浴室，食市也不少因為一會尚有工作我就選在地鐵站附近的地方村爺爺在油麻地鐵站出去轉個彎就是(最近朗豪坊的那個出口）下午茶時段店舖仍然不少人這裡感覺平民化，但東西還滿乾淨的(處女座又病發⋯⋯）其實當初吸引的是這裏主打是泡飯入到去發現這裡的湯底除了平常見的豬骨湯外還有龍蝦湯 （驚喜⋯⋯）本來想叫豬夾（因為不知道是什麼⋯⋯誤）原來豬夾是豬雜結果我叫了 魚腩鮮雞雜菌龍蝦湯泡飯天氣太熱了，小不了來一杯凍可力好大杯的呢！這天氣一流再來當然是主角龍蝦泡飯鮮有的飯跟湯分開呈上跟平時的感覺截然不同先試一下龍蝦湯味道濃郁，龍蝦味滿重的但並不是味噌的那種鮮甜的 真的都不知道要燉多久才有這個味道餸的分量還滿多的底下還有好多雞肉雞肉還滿滑的，平時我不太愛食雞都食光光重點的魚，大大件魚腩還有整三件，而且真的給你魚腩全部滑滑的，不過小心有骨唷二三條骨也是正常不過的這樣的泡飯還不錯軟硬度可以自己調適一開始在湯比較燙的時候放飯的吸收湯的速度比較快每一啖飯都有這龍蝦的味道我比較喜歡這做法有一小撮飯我到最後才放感覺米飯的感覺比較實在這樣的像湯飯，而不是泡飯其實份量

剛好行過村爺爺，見很多平價的下午餐。就同朋友一齊試下。先試出名的龍蝦泡飯。鮑魚雞龍蝦泡飯$52鮑魚雞龍蝦泡飯份量好大呀!可以2個女生 share。略為深啡色的龍蝦湯有淡淡龍蝦味。即叫即煮，內裏有很多無骨雞肉、鮑片、娃娃菜。娃娃菜特別入龍蝦湯味，有蔬菜亦比較健康。我覺得以此價錢，也很合理。多心的我們，再吃了小食拼盤Tea。村爺爺小食拼盤$32小食拼盤全都是熱炸，薯角份量也不少。雞翼也鬆脆。炸多士半份剛好。 

看天氣報告說副高壓脊大駕光臨到華南地區，可以預見在這一個星期裡頭，萬里無雲晴天的日子總是不缺的....像身處在蒸籠的時候，胃口自然亦減少了。人口淡淡的，就算是要放米飯入肚，也要有點湯伴著食才行呢....這間"村爺爺"賣的湯飯 / 泡飯，最大的賣點是她的龍蝦湯底。而我今天到來的原因，亦是為了一嚐這甚特別的湯....除了湯底之外，這裡還有些配料自己很想試的。好像那黑毛豬肉片及西洋菜....好了，從自選配料的一欄著手，先點黑毛豬....忽然落單阿姐說今天缺貨....小弟登時就啞口無言....Ok沒問題，那就點西洋菜吧....阿姐又說現在不是時候吃所以沒供應。此時懵懵哋的我才赫然想起，現在確不是吃西洋菜的季節....心淡之下，唯有安慰自己，就算所有自己想點的配料都欠奉，只要有龍蝦湯就行了....畢竟，我是為此專道而來的....在這情況底下，其他的料就隨心叫好了....飯一上桌，第一時間用羹匙掏一口湯，放在鼻子旁嗅一下....隱約嗅到了少許甲殼魚介類的氣味，看似是對路了....此時馬上喝湯，先是感到有一咲鹹味。先前預料會有的鮮與甜味卻是不高....之後邊吃料邊喝湯，竟覺湯越來越鹹....到了最後

咁岩去開依頭, 見到泡飯又想試下, 就入去食下啦叫左個和牛鹵水牛筋牛肋條泡飯 + 響鈴 , 份量十足岩哂啦一大食既我佢有一大碗豬骨湯入面本身已經有好多配料而已配料都好夾好入味, 另外仲有兩條響鈴(可選魚皮), 同埋一碟和牛鹵水拼盤依個泡飯其實可以有好多吾同的食法可以只加飯入去個湯度, 飯吸哂豬骨湯同娃娃菜既鮮甜味己經非常美味, 途中再加上十秒響鈴, 一絕再之後可以將整碟和牛鹵水拼盤倒哂入泡飯入面, 立刻升到另一個曾次, 拼盤之中有一些沙爹醬, 另到個湯底變得十分惹味而且帶微辣, 好正, 好香, 另外牛筋同牛肋條都炆得好入味好有咬口

好耐之前睇電視介紹過, 今日上網搵一搵地址原來就係油麻地地鐵站附近~行幾分鐘就到! 咁方便梗係黎試下啦~餐廳環境不算很大, 但都坐得舒服既.吃湯飯麻, 好怕會食到出晒汗, 好在餐龐冷氣好夠涼!有好多款泡飯揀!我揀左極上海鮮龍蝦泡飯成個擺碟都好好, 成隻龍蝦頭係個豌到, 真係忍唔住要"相機食先"個湯飲到濃濃龍蝦味! 好甜! (好夠熱)而且比我想像中足料,有一粒大大既扇貝, 好多墨魚圈, 花甲, 鮑魚片等等用料都幾新鮮! 花甲,蜆都唔會有沙~ 如果有埋蝦就更好!除左海鮮之外, 生菜都是非常配湯飯的~可以"索"晒龍蝦湯既味道! 好正!跟餐有飲品(凍飲+$3)+6可以要響鈴/炸魚皮份量都算幾多, 泡飯再加炸魚皮其實幾夾入晒味!!我覺得都幾抵食, 好夠飽!平時都只會食半碗飯但可能因為個湯太好味!忍唔住食晒成碗!

難得早放工從公司附近一路逛向旺角，邊逛邊看正好逛到一直很想試試的村爺爺，終於有機會一試囉！下午五時多的村爺爺已是半滿狀態，店內位置不多，靠內的冷氣強大區域已坐滿了，只好坐在靠近門口的位置，還真的頗熱。未到六時還有下午茶餐供應，要是不愛吃飯麵也有一般的西多炸脾等茶餐，不過難得有機會，我當然要一試龍蝦湯泡飯啦！極上海鮮龍蝦湯泡飯 $68大大的龍蝦頭泡在湯裡，還可見不少青口、元貝、魷魚等海鮮，小山般的白飯上灑上黑芝麻，單看賣相經已架勢十足。先呻一口龍蝦湯，味道咸鮮，村爺爺的龍蝦湯頭都有用龍蝦淆製，雖不像西餐龍蝦湯那樣濃稠，但一樣充滿龍蝦鮮味。再來將青口、元貝等去殼，以方便稍後大口大口的吃。貝殼類海鮮與魷魚的數量也不少，都吸收了龍蝦湯的咸香，味道更加鮮美。嚐了湯頭與海鮮，便可以將白飯倒進湯中拌勻，就變成了龍蝦湯泡飯。湯飯的口感濕潤特別順口，加上龍蝦湯的咸鮮，就算只吃湯飯也可以接受。那大大的龍蝦頭原來只是裝飾，並沒帶有龍蝦肉，確是有點失望，但我卻在湯中撈到僅存的一點龍蝦膏…！！龍蝦膏的味道其實如普通蝦類差不多，小小一點沫沫也不太嚐得出味，要是湯料裡加點龍蝦肉會更好更令人滿足。六點過後換上晚市，煲

係油麻地食到間高質茶餐廳 下午茶夠多款❤️鮮雞鮑片雜菌龍蝦湯泡飯⭕️鮮雞非常嫩滑 100分⭕️鮑片同埋雜菌份量多👍❌龍蝦味唔夠濃❌有點貴 如果有下午茶size/price 會更好下午茶——小食拼盤⭕️呢個組合滿足貪心既我⭕️西多士外脆內軟 夠新鮮 夠火喉 ⭕️薯角係即叫即炸 茶餐廳來講實在難得⭕️連粟米都好好味 夠甜❌炸雞翼係南乳味 非本喜好及第撈油面*及第既意思係豬雜 有豬腸豬潤等等...⭕️油面夠爽口⭕️面份量都多 夠飽⭕️沙嗲醬汁夠惹味 第二度食唔返😍 我忍唔住一口接一口咁食❤️檸檬茶❌檸檬茶茶底唔夠澀 令到成杯飲品冇層次

記得上年跟姊妹好朋友到油麻地砵蘭街食飯，經過一間龍蝦湯麵店  <村爺爺龍蝦湯.泡飯.燉湯專家>！記住找天有機會幫襯！平日，我大多數會在公司附近買外賣；到週末則喜歡走到其他地區找找美食所在地！上 Openrice 找一找龍蝦湯麵店的地址，一看之下，原來有兩間店子！一間是 <村爺爺車仔麵>，另一間是口味多元化的 <村爺爺龍蝦湯.泡飯.燉湯專家>！ 那麼，我去後者便更多選擇啦！星期六放工後搭地鐵到油麻地，A1 出口砵蘭街右手面見到 <翠華>！店子正在翠華附近！方便易找！這裡以茶餐廳格局，總少不免有其他食客搭枱！男女店員也是年輕，意想不到村爺爺老闆並非年紀大，而是一位年青有為的老闆！ 看到店內告示板上的剪報才得知他是老闆！我真是有眼不識泰山！見他在店內親力親為！下午茶由十多元有交易，完全是街坊價！供應：粉、麵、飯、小食…等。我對這裡的龍蝦湯麵及泡飯較有興趣！龍蝦湯泡飯可轉麵，下午茶配果汁，只需 +$8! 比較全日套餐，相當划算！黑毛豬雜菌龍蝦湯配手打烏冬 (下午茶 $52)當女店員送上湯麵時，鮮香四溢！ 意想不到真的有龍蝦頭！賣相

第二次來食村爺爺我係個悶蛋 又食同一樣野哈哈下午茶好多花款 好抵食！村爺爺小食拼盤 $32南乳雞翼: 雖然我唔鐘意南乳 但係即叫即炸 正到暈！西多: 誠意之作 真係食得出有蛋味 絕無偷工減料👍🏻👍🏻薯角: 都係即炸 熱氣但好食就得啦哈哈粟米: 正常跟餐送熱飲 叫左杯熱奶茶 個杯好懷舊 特別有味道☺️老公叫左吉列豬扒豬骨湯米粉 $25+$3凍飲咪睇碗米粉好似好淡口 咀勺的老公都話豬骨湯底夠濃味奶茶又夠晒大杯 食得好爽~好多報導同明星都黎過！👍🏻

今晚去了這間食店晚餐。叫了一個魚腩，肥牛，手骨髓，龍蝦湯底絲苗飯。所以餸都不是重點，重點在於這濃濃的湯底！當一送到枱上後，隨之聞到有好濃既龍蝦海鮮味，白飯係另上的，要自己放進湯裏面。配白飯真係正，將整碗都吃完，食完又唔會覺好口渴，即係真材實料，冇加味精啦！

做完facial 就係附近食埋飯先走就試左龍蝦湯泡飯我叫左龍蝦湯底加三樣餸鮮雞件、豬潤、牛骨髓 叫兩餸以上仲可以揀蔬菜所以我叫左黑木耳個湯好香龍蝦味好正豬潤好新鮮 又大舊牛骨髓 我係第一次食真係好特別勁滑好似食緊啫喱咁鮮雞件超好食有少少酒味 醃得好好而且都幾大件下黑木耳爽口彈牙 好正