村爺爺龍蝦湯.泡飯.燉湯專家

Open Now

Now Closed

放工要去現時點買模型，所以一早睇定附近有咩食，好快就鎖定呢間龍蝦湯泡飯，因為行過去只係兩分鐘左右。入到去鋪頭已經見到好多老闆同名人嘅合照，貼滿晒喺牆度，而老闆又咁啱喺度，見到佢招呼好殷勤，對個個客都好好態度，食飯除咗享受美食之外，親切嘅招待會令你覺得更加好味都食得開懷！今次我就揀咗魚腩鮮雞雜菌龍蝦湯泡飯，再加6蚊要多咗個響玲，加多3蚊有凍飲送。一嚟就嚟咗杯野飲先，我特別提起係因為佢真係好大杯，唔驚唔夠飲！等咗冇耐主角嚟喇，第一啖緊係試下啲湯咩味，我覺得都幾濃味，可能有魚有雞，好夠味，嗒真啲真係有啲蝦嘅鮮甜味，再趁熱放埋個響玲落去吸湯食，唔錯，撈埋啲飯食都幾好，不過我就鍾意分開食多啲，好彩佢係分開上，俾我有多個選擇！跟住試下啲餸，魚腩勁滑好好味，又夠大舊！正！試埋舊雞，又係好滑，我好怕啲雞鞋拾拾，呢個一啲都唔鞋，好食！

晌油麻地砵蘭街嘅村爺爺，同一條街有三間唔同名嘅分店，主打食物各有不同，呢次試咗龍蝦湯泡飯做主打嗰間。港式餐廳嘅格局，環境企理。牆上面貼晒報章雜誌嘅介紹，仲有老闆同多位明星嘅合照。啱啱好係下午茶時段，幾乎所有套餐都包熱飲，比其他時段抵食。睇過其他人嘅相，覺得極上海鮮龍蝦湯泡飯最吸引。實物的確好有睇頭，晌一間平民餐廳嚟講可算難得。龍蝦頭主要係用嚟裝飾，另外仲有扇貝、青口、八爪魚、魷魚同蜆肉。扇貝大隻肥厚唔韌，其他海鮮口感爽彈。各款海鮮嘅件數仲唔少，如果晌海鮮專門店食嘅話應該唔止六十幾掛？龍蝦湯方面色澤質感比較淡同薄，不過飲起嚟微鹹有蝦香，亦無乜令人覺得口渴。湯面仲有蔥花同薑絲，既辟腥又可以提鮮。海鮮下面仲墊咗生菜，食啲蔬菜感覺平衡啲。 原本怕泡飯份量太多會食唔晒，於係將佢轉做米線，諗唔到麵量都好多下！餐飲揀咗熱奶茶，飲起嚟順滑，感覺唔錯。

工作關係，整個上午都在街上走來走去，來到砵蘭街附近，兩點幾，已經相當疲累，好想吃點飽肚又特別的東西…稍稍看了幾間，就被這裏店面大幅的廣告牌吸引，還有一部電視播放什麽小儀金剛、又東張西望主持來試食的片段.......心想，這店到底花了多少宣傳費用呀？真的這麽厲害？而我一向喜歡吃湯飯，腦波弱弱的，望多幾眼照片，姑且就試一試吧…從宣傳就不難得知這裏招牌是龍蝦湯，有麵又有飯，說了要試湯飯，當然二話不說就點了餐牌內看似最奢華的海鮮龍蝦湯飯！！68蚊包一杯飲料，以下午茶menu來說，不算平宜，但湯飯嘛，本來我就不當它什麽下午茶，想試也就因它夠特別吧…看賣相/相片就知這個湯飯多足料試過打邊爐“十”完一堆海鮮，再嚐一口湯底嘛？那種複雜的鮮味，令人回味無窮，忍不住一口接一口，甚至飽到反艇都要“十”多個公仔麵才肯收手……這個湯，就是這種味道！簡直以本傷人，這麽多料，湯怎會不濃、不好吃呢？除了屈機，都不知說什麽

因為油麻地站出砵蘭街屬搵食聽歌夜市境地行過見到有幾個青年男女排隊便走去八剛好有一個位就入去看龍虾⋯⋯泡飯這樣一個海鮮龍虾湯一碗白飯實在很相宜雖則龍虾只有一個大頭但由於全海鮮泡湯滋味十二分鮮扇貝夠大鮮美青口三只小貝肉十來個都很過飯白飯本人也滿意真不簡單覺得他們走薄利多銷路線很多東西價錢大眾化真是自己買都要拿回家又要很多洗泡清潔工作這樣一個飽滿飯菜⋯⋯加檸蜜71$怪不得座無虛席見到放工的人拍拖男友找夜宵的驚訝油麻地的方便和經濟效益tvB小儀柳俊江靚仔訪問了⋯⋯村爺（老闆）都服！！！！

放工約咗朋友去旺角行下街，行到夜晚8點幾，係時候搵野醫下肚，旺角成日行，要搵好野食仲係會好頭痛，因為食嚟食去都係打邊爐呀，放題呀，或者大型連鎖店，真係幾悶，好想搵下啲特別野食，結果行到嚟油麻地，終於俾我見到啲我未食過嘅野，就係龍蝦湯泡飯！龍蝦湯我飲過，泡飯我又試過，兩樣加埋真係未試過，因為太好奇係咩味，所以就入咗去試，夜晚8點幾入到去，仲係坐無虛席！ 見到個餐牌，其實都好多選擇，不過佢出名龍蝦湯泡飯，梗係試吓佢啦，我就揀咗極上海鮮龍蝦湯泡飯，仲加$6要炸魚皮。嚟到份量真係大到嚇親我，成隻龍蝦頭擺出嚟好有氣勢，我即刻就試下個湯底，佢唔係平時傑撻撻個啲龍蝦湯，係清啲但係飲到有蝦嘅清甜味，唔錯！飯係分開上，咁就唔會浸到發漲啦，撈埋啲飯食都幾夾。另外仲有好多海鮮，即刻搵俾你睇。有大大隻帶子，青口，蜆，墨魚仔，魷魚筒，食到全部都係新鮮同爽囗，冇腥味！炸魚皮夠卜卜脆！👍🏻👍🏻

上星期路過時，被「龍蝦湯，泡飯」吸引了，於是決定要找個時間來試試，剛好這天在附近，又有點時間，便來了試試。   在門口已看到搶眼的餐牌，剛過二時，已有下午茶餐可供選擇。坐下後再看到更多食物選擇，而最搶眼的依然是龍蝦湯泡飯及和牛油鹵水麵，以這種級數的食材來說，價錢並不算貴。 招牌的龍蝦湯飯，當然點了來試試。那個龍蝦頭不僅是裝飾，而湯的確是真材實料，龍蝦和其他海鮮的味道都有，想不到出現在一碗數十元的泡飯中，平民價錢也有這等材料。 另外也點了一個黑毛豬和牛油撈鹵水油麵配自制的沙嗲醬。這個沙嗲醬非常正，令這個麵生色不少，而且和豬肉和麵都很配合。點這個麵時，可配沙嗲醬或/和蠔油，個人建議沙嗲醬必不可少。再加上撈麵的湯，令味道很足夠，很豐富。 最後還叫了個有香港風格的下午茶食物 - 西多士。這個對我來說正好可以一口吃下，size剛剛好，而且味道香甜，是招牌菜以外的好選擇之一。這也不錯，在較有特色的菜式以外，較傳統的下午茶食物也能交出水準，應該可以滿足各類人士，照顧一眾喜歡傳統菜式的，還有喜愛試新奇配搭的。

今日油麻地做完野, 肚餓梗係醫下肚先, 經過門口, 個招牌寫住龍蝦湯泡飯, 哇！ 好吸引喎! 未食過中式既龍蝦湯泡飯, 試下都好!店內張貼左好多明星好友同雜誌介紹圖片。原來店內除左龍蝦湯同燉湯泡飯, 仲有咖喱飯同車仔麵等美食。店內燈光光猛, 座位寬敞。我點左個招牌極上海鮮龍蝦湯配烏冬, 哇! 真係好豐富既海鮮, 仲有大大隻龍蝦頭, 賣相相當吸引。大大粒既帆立貝, 大大隻既青口, 同墨魚仔, 同墨魚筒, 同蜆肉, 真係真材實料, 相當豐富。各樣海鮮都好鮮甜, 墨魚好彈口。個龍蝦湯真係好正, 香濃加上龍蝦及海鮮既鮮甜味, 仲要係食唔到有味精, 配上烏冬, 一流!估唔到咁好食, 下次試下D燉湯先。加$5有響鈴

之前朋友食過, 話呢到D泡飯好正, 今日去旺角行完街, 就專登黎試下, 位置好近油麻地地鐵站, 好易搵!呢到主打龍蝦湯及各式湯飯, 種類繁多!仲可以食到咖喱飯, 車仔麵, 牛腩麵, 港式下午茶餐等, 真係應有盡有!我今次無叫到必食既龍蝦湯泡飯, 反而被餐牌既鮮雞豬肚蟲草花湯吸引, 最近天氣時冷時熱, 想飲下雞湯保下身!一大鍋熱辣辣既湯送到, 賣相相當吸引!材料十分多, 好足料!鍋有保溫作用, 唔會好快凍冰冰!雞件大大舊, 肉質嫩滑入味, 仲有好多蟲草花, 喝左一啖湯, 真係想大叫好好飲, 好鮮甜, 有雞既精華同蟲草花既味道! 豬肚也是大大舊, 份量十足。白飯分開上, 想點食法都得。套餐好抵食$48, 連埋油菜同飲品, 真係物超所值!

邊個話龍蝦湯一定係橙BB咁嘅色、一陣腥味嘅先？呢一種西方龍蝦湯我不嬲麻麻，最多都係用嚟煮意大利飯先落，不過今次就要去試試港式龍蝦泡飯！位於油麻地極近地鐵站的位置，一啲都唔難搵！既然係泡飯、燉湯命名，當然要試試個龍蝦湯泡飯！因為另一半叫咗個極上海鮮龍蝦泡飯，咁我就要黑毛豬鮮雞雜菌飯($68)啦！一上枱不得了，個龍蝦湯係中式煲法，有好香濃嘅龍蝦甜味，我估仲加咗其他肉類去煲，所以好鮮甜、好有香港靚湯嘅精髓！黑毛豬鮮雞雜菌飯($68)用料都好足，豬肉好入味之餘，雞肉亦好嫩滑，一啲都唔「鞋」！而且雜菌都好多好大舊，淨係食料都好滿足喇！不過主菜當然係泡飯啦！佢係湯同飯分開上嘅，可以畀到個自由度大家，想啲飯吸多啲湯、倒落去泡又得，我自己呢就好欣賞佢個湯夠哂熱，所以一羹飯浸一羹湯咁食，咁先食得出個湯嘅熱度嘛！唔食飯嘅朋友仔可以揀米線、公仔麵、河粉、拉麵，悉隨尊便！呢到叫餐係可以加6蚊送響鈴或者魚皮，仲有一杯嘢飲，我就叫咗個響鈴浸湯食，當然係趁熱啦！同埋同行友人叫咗個炸雞翼泡飯，強逼佢畀一隻我哋試下，都好好味！炸得好香口，而且南乳味好香，正！都推薦！

同兩個舊同事聚會，一個話因為加息要慳錢，另一個就話唔想食連鎖店，想支持下小店，於是去完現時點晌油麻地行逛，搵到「村爺爺」，佢有車仔麵同泡飯店，不過男仔食飯應該好啲，於是入咗嚟炮飯、燉湯專家@村爺爺嚟到吃飯時間，入面差唔多爆滿，好彩等咗一陣都有位，查實晌門口已經有好大個餐牌睇到有咩食，於是一入嚟大家好快手已經想好食咩⋯⋯先講朋友食嗰個日式咖哩豬扒飯（$38），上到枱個樣靚靚仔仔，好大碟，同埋見到個豬扒個樣炸得幾靚下，當然就係忍唔住叫fd畀啲嚟試下，食落咖哩汁夠濃，豬扒香口唔太油，同時個炸漿粉唔厚，價錢同食物相比，真心like like至於自己就叫咗極上龍蝦湯海鮮泡飯，再加$6叫了響鈴同埋熱飲，咁話晒人地嗰店最出名，唔係唔叫呀⋯⋯價值$68蚊嘅龍蝦湯炮飯（我轉了做米線底，佢仲有好有麵款揀），初初我以爲湯底喺西式龍蝦湯，有一種苦澀名，之不過佢個泡飯嘅湯底都重味但唔係「傑」身，飲落的確係有少少龍蝦名，同埋一上碟先到個龍蝦頭呆一呆，再見佢啲海鮮都足料，每款海鮮都有兩件，哈哈，足料大碗，味道又好，感覺又抵咗，抵讚平價、大碗、味道不錯...朋友們吃完後說嘅滿足三個願望😂😂

個日見到村爺爺龍蝦湯飯緊係想試下啦大佬，即刻叫左一碗試下，又幾多配菜選擇喎，我就是但叫一碗極上海鮮龍蝦湯，外表極吸引，大大隻龍蝦頭，再加上大量海鮮，包括青口，墨魚仔，扇貝，魷魚圈。如果想食到龍蝦肉既，相信會有點失望，因為這價錢只可以吃到龍蝦湯，而非龍蝦肉。一到就見到，白飯同埋海鮮龍蝦湯係分開上既，確保大家叫部相機食左先，之後再飲淡湯，先再加飯啦緊係，就咁飲幾鮮甜，幾足龍蝦味。泡飯既份量一啲都唔少，食量不大既朋友可能未必食得哂。佢既龍蝦湯非常之濃郁，飲落幾咁鮮甜，加埋做湯飯簡直係一流。

油麻地呢頭都唔算多嘢食，但係就畀我哋發現咗呢間村爺爺龍蝦泡飯，見到門口好多媒體介紹，以為會好貴。點知睇一睇個餐牌，40幾50幾蚊有找，所以就決定要試下啦，七點幾 晚飯時間嚟到 等咗唔到十分鐘左右 就有位。 我哋叫左一個招牌嘅海鮮龍蝦泡飯，同埋一個古法煲仔湯，我哋去到嘅時候已經得番豬肚蟲草雞湯，原本想揀魚腩湯，但係老闆娘話今日太好生意，好早就賣曬，平時九點幾都仲有，所以只好揀豬肚蟲草雞試下先。首先講下個龍蝦海鮮湯泡， 龍蝦湯好鮮甜同平時食開嘅魚湯泡飯，有一種好唔同嘅感覺，飯同埋湯分開上，咁就唔使所有飯都落曬落去，可以先飲咗個湯，再加飯食都得。 佢d海鮮份量十足，每一件都大大件，有青口蜆肉等等，食完覺得好滿足， 加六蚊就有埋魚皮同嘢飲，魚皮同龍蝦龍蝦湯真係絕配。 之後就到鮮雞豬肚冬蟲草湯，佢可以加十蚊轉套餐十分抵，套餐有埋野飲、飯同埋菜。蟲草份量非常多，差唔多一半都係蟲草， 湯底好濃郁，唔會好似出面嗰啲咁好清好淡，啲雞好新鮮好滑。下次一定會再黎試下佢啲魚湯， 整體黎講好抵食，同埋菜式有特色多款。

Under this kind of weather conditions, it is best to have some soup to warm my body. After meeting with my client, i roamed around in search of some soup with rice. After walking for awhile, i entered into this shop after looking at the signboard outside. This restaurant is located just beside Yau Ma Tei MTR exit and seem to be very popular to me, simply by looking at their endless photos taken with those artistes pasted on the wall. Their menu was very extensive and offers a wide range of food

旺角既食物選擇多，但人流同樣亦多，所以最近也很少來到旺角覓食，擔心要等位等很耐，但是今次下午來到，卻讓我找到了意料之外的食物。今日大約3點來到旺角油麻地，便被這餐廳的招牌菜 （龍蝦湯）吸引了我入內。餐廳不算大，裝潢比較local，不算是很decent，但空間感還算不錯。牆上貼滿了餐廳老闆和明星的合照，看來餐廳也有不錯的人氣，可以吸引到很多明星來訪。除了明星，還有飲食雜誌的專訪。看一下餐牌，原來有下午菜餐，價錢很實惠，普通的泡飯大約40幾蚊，而最名貴既極上海鮮龍蝦泡飯，都只係賣$68，包飲品，而我當然要試一下最招牌，最吸引的龍蝦湯飯啦！極上海鮮龍蝦湯泡飯 $68極上海鮮龍蝦湯，外表極吸引，大大隻龍蝦頭，再加上大量海鮮，包括青口，墨魚仔，扇貝，魷魚圈。如果想食到龍蝦肉既，相信會有點失望，因為這價錢只可以吃到龍蝦湯，而非龍蝦肉，猶幸餐廳的龍蝦湯非常濃郁，喝落很鮮甜鮮味足。各款海鮮也很新鮮，尤其係扇貝大大隻，夠哂足料。白飯同埋海鮮龍蝦湯係分開上既，確保大家可以「相機食先」，或是「先喝一口原汁原味的龍蝦湯，而後混合食泡飯」。泡飯的份量不少，食量不大既朋友可能未必食得哂。轉凍飲要加$3，點了一樣涷

Have bought tickets to main land at Yau Ma Teisaw a style little restaurant with lots of old furniture and furnishings love at the oldie sight order a fish set dinner The soup is sort of 🌽 corn Bacon ,egg andmushrooms I can see the customers feel easy here Guess the prices are comfortable for most people 78$dinner I chose a fresh fruit salad instead of rice or noodles simply fresh cut fruits made me feel at home 🏡 and the fish was so delicious It's hot Taste good as fresh fish one cooked at home