村爺爺龍蝦湯.泡飯.燉湯專家

Open Now

Now Closed

今日油麻地做完野, 肚餓梗係醫下肚先, 經過門口, 個招牌寫住龍蝦湯泡飯, 哇！ 好吸引喎! 未食過中式既龍蝦湯泡飯, 試下都好!店內張貼左好多明星好友同雜誌介紹圖片。原來店內除左龍蝦湯同燉湯泡飯, 仲有咖喱飯同車仔麵等美食。店內燈光光猛, 座位寬敞。我點左個招牌極上海鮮龍蝦湯配烏冬, 哇! 真係好豐富既海鮮, 仲有大大隻龍蝦頭, 賣相相當吸引。大大粒既帆立貝, 大大隻既青口, 同墨魚仔, 同墨魚筒, 同蜆肉, 真係真材實料, 相當豐富。各樣海鮮都好鮮甜, 墨魚好彈口。個龍蝦湯真係好正, 香濃加上龍蝦及海鮮既鮮甜味, 仲要係食唔到有味精, 配上烏冬, 一流!估唔到咁好食, 下次試下D燉湯先。加$5有響鈴