村爺爺龍蝦湯.泡飯.燉湯專家

Open Now

Now Closed

龍蝦湯喺我印象中係食西餐先會有，估唔到呢間油麻地嘅小店都有，港式做法，夠特別，趁今日有時間同朋友黎食。原本想飲鮮果汁，點知話無晒，只好飲熱檸茶。下午茶 南乳炸雞翼拼半份西多士$26: 切開個多士，發覺特別柔軟，好鍾意呢個口感，有啲蛋香味，沾左煉奶同牛油，超正！南乳雞翼炸到鬆脆，味道咸香，肉超滑溜呢。上湯時菜$22: 菜心新鮮又爽甜，而且超大棵份量好夠，無話小氣，個上湯本身無期望，因為就算係酒樓嘅所謂上湯，都係味精超重超咸貨色，但估唔到呢個唔係嗰種，係淡淡魚湯味，唔咸，可以飲晒成碗喎。魚腩鮮雞雜菌龍蝦湯米粉$62: 本身想叫極上海鮮龍蝦湯泡飯，但係唔好彩剛好無貨，轉左呢個，魚腩對我黎講魚味太重，而且有啲骨，雜菌有幾種菇菌，最啱食係軟滑嘅冬菇同爽口嘅金菇，鮮雞同樣係我杯茶，好鮮好滑嘅雞件，幾樣餸份量好多，超豐富嘅畫面，原本泡飯我轉左米粉，都好夾，湯底龍蝦味好鮮濃，但唔過咸，無味精感覺，可以飲到底，飲完都唔口渴！

同女朋友行完旺角唔想任飲任食,就沿住之前覓食既方向繼續前行行左一陣見到有間村爺爺車仔麵,睇落平得黎都算吸引, 唔想食麵既我係店員介紹下再行前多幾步去左呢間村爺爺泡飯,即刻fit晒要求就咁睇menu都好多選擇, 我就選擇左試招牌貨龍蝦湯泡飯, 自選左肥牛, 金菇, 墨丸三餸及白菜仔 ; 女友就揀左鮑片鮮雞龍蝦湯烏冬, 再口痕加多一小份響鈴, 之後我地再叫多兩個小食: 南乳炸雞翼及墨魚手指拼魚腐, 以上食物送多兩杯餐飲, 要左凍檸茶及凍華田龍蝦湯同飯分開上既, 唔驚飯浸得耐爛左變粥水咁, 肥牛份量有驚喜, 好誇張地多過金菇味道黎講一開始試既時候幾鮮, 唔會淨係得個咸字, 泡飯一流, 食落之後就開始連埋少少牛味混合左, 別有一番滋味女友既烏冬都係雞肉好多, 烏冬都唔少, 烏冬麵質一般, 較軟身, 鍾意食彈牙d既可能要轉其它麵種, 佢既龍蝦湯就比我既更清更鮮味南乳雞翼亦有驚喜, 真係好大隻, 即炸完好熱, 咬落南乳果種咸香味都好正, 鍾意既可以點少少泰式辣醬, 或者好似我咁淨係食佢既南乳味墨魚手指肉質彈牙, 墨魚味都幾重, 魚腐相比之下就多肉好多, 份量合理叫左咁多食到好飽, 埋單都係百七左右

在旺角橫街逛逛選擇吃甚麼晚餐好，經過這店內裡全滿，外面也好多人排隊，就想這小店裝修簡單卻有那麼有名，好奇下成為排隊的一員。店面頗細小，擠滿眾想食好東西的食客。原來他們的主打是泡飯，主要分為龍蝦湯，豬骨湯跟和牛油鹵水湯三大類。不吃飯的還有撈麵可選。牆上水松板有好多跟藝人的合照，原來這樣有名氣，我們有幸來見識了！叫了飲品有炸魚皮送。魚皮炸得非常香脆乾爽，不覺油膩。就這樣吃就脆，放湯浸下再吃又是另一番味道。原本就是魚腩豬潤雜菌的生滾豬骨湯泡飯，但因為我不吃豬潤就走了。湯底用了16小時煲製，淡乳白色的湯很鮮甜，不過魚味比豬骨味更濃。飯是分開上的，為免吸湯太厲害，還有響鈴附上呢。他的魚腩有兩大塊，非常新鮮，肉質柔軟嫩滑，是上等魚腩呢。野菌方面有冬菇，雞脾菇和金菇等，全都吸收了湯的精華，又香又爽。飯配這湯吃好清新。另外跟店員建議叫了極上海鮮龍蝦湯泡飯，他說這碗全部用了新鮮的海鮮，比吃其他配菜的泡飯更抵食。也是的，這樣只需68元，但普通配料的已經要48元呢。一上菜好震撼！一大個蝦頭，還有非常大的扇貝，青口，魷魚，藍貝，螺肉等等，十分豐富！這湯據說煲了20小時而成，橙啡色的湯，龍蝦味非常濃郁鮮甜！！蝦

早幾個月吃過村爺爺車仔麵，無論配料和湯底的質素都達令人激讚的水平，連忙介紹了幾位朋友去吃。今次來吃同區的兄弟店村爺爺泡飯，同樣令我回味無窮。星期六剛踏午膳時間到店，店外已有幾位食客在店外等候入座。店門貼著一幀幀年輕老闆跟眾星在餐廳的合照，吸引著不少食客慕名而來。食店的主推當然是泡飯，湯底可選招牌的龍蝦湯、較清淡的生滾豬骨湯、具特色的和牛鹵水湯。各種泡飯的湯底可改配粉麵，配搭具靈活性。和牛鹵水湯底可配撈麵，上次在村爺爺車仔麵店吃過，美味的記憶還深深的在腦海，這次來又點了一客。食店的食物款式選擇還真多，還有提供古法煲仔湯飯，湯底都是非常健康的口味。另外尚有日式咖喱飯和吉列系列飯等，款式多元化。黑毛豬鮮雞雜菌龍蝦湯泡飯第一次來，當然先嚐招牌龍蝦湯泡飯。龍蝦湯味道很鮮甜濃郁，料想是加入了不少的龍蝦元素炮製。泡飯還送兩條炸響鈴，趁湯底還熱辣辣，趕緊把響鈴放進湯中稍稍吸收湯底精華。泡飯配料很豐富，一片片的黑毛豬和鮮雞片，加上雜菌，盡情地吸收鮮甜味美的龍蝦湯，泡飯整體的味道一流！牛筋牛肋條撈油麵 (和牛油鹵水湯底)上次在村爺爺車仔麵吃過和牛油鹵水湯底撈麵，湯底的牛油香繞至今令人難以忘懷，一直很想再嚐

今晚同男友友响朗豪坊學完影相都成九點勁爆肚餓ge 情況底急急腳搵野食但又要有要求附近d 野實在係食到厭了源住後街行大約十分鐘左右終於見到叮叮聲的餐廳平平地，未食過，睇落企理其實都好低要求姐😂「村爺爺龍蝦湯.泡飯.燉湯專家」店面好多同唔同明星ge 合照，好似幾有來頭咁喎價錢都fair ，就哩間啦好可惜當晚可能太晏，招牌ge 龍蝦海鮮泡飯售罄。我叫左- 鮮雞鮑片泡飯轉udon，只要加多份響玲就連埋飲品！抵！叫左凍華田（extra $3)值得讚係凍華田唔記得叫少冰，都唔會成杯都係冰，冰只佔三份一左右，所以都幾大杯。鮮雞片份量多，起碼有六七件，鮑片都幾大塊。娃娃菜slice 上，都幾多，balance 番肉感。重點係湯底！雖然冇龍蝦但龍蝦味十足，仲有陣海鮮甜味，如果係招牌龍蝦泡飯，有埋真龍蝦一定正到爆呢。男友order 左肥牛金菇密演龍蝦湯泡飯。咩事😂肥牛勁多，成碗都係。（撈底仲有）雖然都係龍蝦湯，但我都偷食左佢一啖泡飯，覺得配泡飯好味d 忍唔住叫埋小食，我想食南乳雞翼男友想食有手指公ge 墨魚手指加魚腐🙄我地嘈左一陣決定叫！哂！佢！雞翼好正呀！炸得勁香，咬落冇呃人真係有南乳ge 咸香味，as

第一次來「村爺爺 」吃泡飯， 龍蝦湯底讓小編很是驚喜； 第二次來「村爺爺 」吃泡飯， 食物質素保持水準； 可惜今次第三次來，卻令我失望了，水準大不如前。😟 「村爺爺 」的泡飯主要提供3種湯底： 龍蝦湯、豬骨湯、和牛油鹵水， 而當中的餸菜則可自由配搭。 小編每次來，都是點龍蝦湯的。🙈😂 所以今次就點了鮑片鮮雞龍蝦湯泡飯（$52）， 泡飯最重要的當然是湯底啦！ 湯底要做得濃郁鮮甜，米飯才可以泡得香軟～ 「村爺爺 」龍蝦湯不是以西式龍蝦湯的烹調方法所烹調的那種橙黃色混合了龍蝦膏的濃湯， 而是用多隻龍蝦一齊熬煮出來， 嚐起來像中式湯水一樣， 隱約散發着清新自然的龍蝦香～😌 白飯是自己添加的， 飯粒的軟硬可按個人口味而決定浸泡時間， 鐘意腍d浸耐d，鐘意硬d就浸一浸便好～😏 不過小編自問懶人一個，所以就原個飯浸下去好了！😂😂 鮮雞肉鮮嫩軟滑， 鮑魚片吸收了龍蝦湯的精華，鮮甜多汁。😋 餸菜好吃是好吃，但份量卻大不如前。😟 之前每次材料都很足料， 惟今次的鮑魚片和鮮雞肉只有兩、三件，真的是少得很！👎🏻😒 總括來說， 「村爺爺 」的泡飯湯底確實做得不錯， 但餸菜份量真的太少，😫 沒有從前

話說一個週末下午 忽然泡飯癮起,好想食湯飯 就上網search下 去左油麻地一間主打龍蝦湯既泡飯專門店開餐可能見到我地諗食咩 諗到心大心細一位疑似老闆既後生仔主動走埋黎 佢推介左我地食極上海鮮龍蝦湯泡飯同黑毛豬鮮雞什菌龍蝦湯泡飯果然推介得都一定有返咁上下真材實料個極上海鮮龍蝦湯泡飯一送上黎我地已經暗地裡嘩嘩聲成碗都係海鮮 除左主角龍蝦 仲又扇貝又青口 好駕勢不過跟住黎既黑毛豬鮮雞什菌龍蝦湯泡飯更有驚喜 湯底味道鮮甜 係已想不到既和諧除左有勁多既鮮菌同雞件外 主角之一既黑毛豬肉片更非常爽嫩加幾蚊配埋個炸響鈴就更滿足題外話: 食到中途 由於小妹當時感冒未清 食左幾啖後突然喉嚨痕咳左幾下 老闆真係好細心同好好人 即刻拎左杯熱水同一疊紙巾俾我 作為一個食客真係覺得呢間小店非常窩心走果陣仲留意到門外貼住免費愛心午膳同長者既優惠 頓覺呢間村爺爺龍蝦湯泡飯既人情味比龍蝦味更要濃

係朗豪坊一行出行去油麻地方向既砵蘭街有好多地道香港野食，時間還早，想留下肚食甜品，就嚟到近期係facebook有介紹過既泡飯店。炸薯角唔好睇佢個樣好似有d油，其實係金黃色！一上枱好熱辣辣，一咬就外脆，內好粉粉軟。不錯！唔點蕃茄汁都好野味。蠔油菜芯份量適中，菜無沙頭。蠔油唔會好似酒樓咁比好多好咸，少少味清清地。牛筋牛肋條粗麵有辣醬，所以少辣。粗面係鹼水麵，比較爽口助消化。牛筋好好咬頭同林，唔會起根既！有少少辣味去左牛蘇味。牛肋條就厚肉同好多份量，好抵食！日式咖喱牛筋牛腩飯又係一辣之選，少辣都可接受到。咖喱汁都幾多，配飯一流。肉又係多份量，好岩食肉獸haha。魚腩鮮雞雜菌龍蝦湯泡飯，龍蝦味湯底十足。飲落啲湯都唔會覺得好鹹同埋好想飲水。飯係都先加落去所以唔會吸到好脹卜卜好似粥咁樣。平民價錢。雜菇有金菇同埋雞髀菇。兩大舊魚腩配以雞件。魚腩肉小小脆，唔腥，大骨好易去左。跟餐配凍檸茶同埋熱檸水，飽哂。好在早嚟食，食完排長龍。好難得多人排都唔會趕客人走，比我地慢慢食。

今日係星期四，啱啱開始左復活假。梗係要去鬆一鬆啦！今日就嚟到油麻地嘅村爺爺，今次係第一次食。黎之前就已經聽過佢哋好出名嘅泡飯同小食，今次終於有機會試吓啦！一坐低就叫咗佢哋最出名嘅泡飯，今次叫咗嘅係魚腩鮮雞雜菌龍蝦湯泡飯，泡飯一嚟到就好熱，啲白飯仲話俾得好多，龍蝦湯都好鮮甜！之後就分別叫咗一個咖喱牛筋牛腩飯，啲咖喱完全唔hea，唔似出邊買嗰啲一包包嘅咖喱，反而好濃郁。由於有三個人嘅關係，所以我哋叫多咗一個牛筋牛肋撈麵，佢同普通嘅撈麵唔一樣，佢食落好爽口，仲好細心咁比多左一碗湯我地，預防我哋覺得個撈麵好乾，真係好貼心！我哋仲叫左一個蠔油菜心，店員都好細心咁比少咗蠔油我哋因為我哋想食得健康啲！另外我哋仲叫咗一個小食，叫咗一個炸薯角，炸薯角好膽口份量亦都好多仲好細心咁陪埋茄汁費事熱氣！食咗咁多野都好飽咁離開，我覺得佢哋嘅服務態度好好，同埋食物嘅份量都好合理，更加合理嘅係佢哋嘅價錢好平民，係香港人嘅好選擇！

當初吸引我黎食除左係用平民價錢食到主打龍蝦湯非常吸晴外，仲有係訪問見到老闆有「取之社會，用之社會」的理念，覺得幾有意思！睇訪問先知村爺爺係個後生仔做老闆，店內都貼左好多明星捧場同新聞報導！先黎個小食墨魚手指拼魚腐！兩個都好食！墨魚手指炸到微脆好香口，幾彈牙！魚腐都ok！唔怕辣可以點下配撘的辣油，仲正！LEE個係黑毛豬鮮雞什菌龍蝦湯泡飯，好大份！好滿足！D黑毛豬同鮮雞都好有肉味，什菌也有多款菇食到！可能大家都會點海鮮果個，我覺得呢款亦確實唔錯！埋單仲見到老闆係到打點！親力親為！下次會再去試下轉角果間車仔麵試下。見到呢個向老人家致敬menu真係好窩心，呢個餐廳好有心，野食又性價比高！村爺爺系列非常值得支持支持！！

下晝行下彌敦道，行到碧街附近見到好多人黎村爺爺，於是我地又去湊下熱鬧入去試下d湯飯。一見餐牌就見價格非常親民，認真係大件夾抵食！仲有最緊要係一入去就有陣陣龍蝦湯味，好香好香！牛肚麵雖然好平，但係味道不俗。油麵軟硬適中，頗有口感，湯底又香又濃，油麵亦吸收曬湯底嘅精華生滾龍蝦湯飯可以自選兩款餸，我地揀左鮮牛肉同枝竹。個飯一黎到勁香龍蝦味，飲第一啖湯覺得有d濃，加左白飯之後就鹹淡得宜，估唔到湯飯都可以咁滋味。牛肉好嫩好新鮮，枝竹浸完湯索曬d湯又淋淋地，幾易入口，好適合懶得咬硬野既人仲叫左個村爺爺小食拼盤share食，南乳炸雞翼超脆，冇油膩嘅感覺，仲有淡淡南乳味，下次黎必食😋 其他炸物都炸得幾乾爽，食落香脆可口！

今天來到好火紅的村爺爺食lunch唔係好多地方有泡飯食，而且呢到又標榜龍蝦湯，但價錢又好平民，所以想試好耐～是日也是人潮滿滿，好彩剛好撘枱有位置坐😁 一場來到當然是點招牌極上海鮮龍蝦湯泡飯，$68超大一碗！！而且料超足，有龍蝦肉架！湯底好香甜，有濃濃龍蝦味白飯都係良心大碗，女仔細食可以考慮叫小飯哈哈，勿浪費～加$3轉凍飲，叫左凍檸茶同凍啡，同樣驚歎，超大杯😂😂 絕對係岀面餐廳一杯半的份量，加$3 好抵飲真係好好味完食！呢個價錢食真係好抵，完全無將貨就價，份量好足料，推薦！

午餐時間忙到2點先有得食，同埋同事諗下食咩好，口淡淡想食湯飯，同事就提起村爺爺，立即諗起龍蝦湯飯👍🏻正！起行，2點食飯既好處係⋯去邊都唔洗等位❤️兩位直入仲可以坐四人檯～講返重點～點了招牌生滾黑毛豬雜菇龍蝦湯泡飯，湯底非常鮮甜無味精，而雜菇和豬肉份量超多，唔會唔夠「食送」～飯和湯底分開上，可以飲啖湯再落飯，泡飯湯底唔會冷冰冰，都夠熱～同印度中一樣咁好味～因為想試埋個豬骨湯底，點了吉列豬扒豬骨湯泡飯，豬扒唔會炸得油或乾，唔厚粉，好脆，啖啖肉～豬骨湯底味道都濃郁，但唔會拉麵果度很油膩既濃口味，而係好清甜既豬骨湯，兩隻湯都各有特色最重要唔會食到口乾～凍飲另外加$3，檸茶大大杯，茶餐廳口味，無得輸～剛好預著下午茶時間，menu 選擇好多，tea一tea 都有好選擇😍飯既份量軟多，所以都係食唔曬～細食既女士們記得叫少飯～

呢間之前見到係車仔麵出名先 跟住又開左分店係食飯 仲要好多明星棒場 果然名不虛傳黑毛豬鮮雞什菌龍蝦湯飯我太貪心 一見到就想食 搞到未影相已經倒左入去😂😂 本身個湯一黎到已經勁香 佢既雞好香好滑好林 豬就爽口都唔錯 佢都好多料 不過個湯真係正 同埋佢好鮮甜炸魚皮呢個係我加錢既套餐跟埋 個飯未到我已經就咁食晒 好脆好好咬😂墨魚手指併魚腐呢個點埋個泰式辣醬好開胃 同埋佢一d都唔熱氣 唔會好油 佢兩樣都好彈牙 好好味 不過我覺得墨魚再厚身d應該仲好食

呢間一黎到好多人 好彩岩岩好都有兩個位 唔洗等 我見佢出面好多明星黎食過 同埋見到好多飲食既訪問同介紹 不過價錢完全唔貴 仲要好多選擇 但係我都簡左最出名既龍蝦湯低黑豚肉雞龍蝦湯佢本身有雞肉 黑豚肉 同埋娃娃菜 佢既雞肉好滑 好新解 豬就好爽口 兩種感覺 我一黎到已經張成個飯倒晒入去 d湯勁濃味 超開胃 佢仲可以加7蚊多個嚮鈴同野飲 超低 佢個嚮鈴好脆口 又夠厚身 食落去好有層次 我就點小小湯去食 好好味 係旺角黎講 搵間唔過一百蚊又好食呢間真係好高質素