村爺爺龍蝦湯.泡飯.燉湯專家

Open Now

Now Closed

聽朋友講呢間泡飯幾好味，好多明星都食過，難得假期就黎食下lunch 啦！又真係上過好多雜誌喎！令人好期待首先整碟小食過下口癮先！ 南乳炸雞翼，好香南乳味道！ 炸皮唔算厚，唔會食到成口粉或成口油。岩岩即炸嘅關係，又熱又脆口點埋雞汁 酸酸辣辣咁，胃口大開叫左杯凍奶茶， 都幾大杯喎！ 唔會太甜，有茶味！魚腩黑毛豬和牛油撈麵，魚腩有3大舊，幾嫩滑 麵條較粗，撈左汁之後好香，唔經唔覺就成完成碗黑毛豬雞肉龍蝦泡飯，好多唔同種類嘅菇 湯好濃郁好有蝦味，黑毛豬同雞肉入晒味！大大碗份量，一個人食完好飽！雖然午膳時間爆滿，但無趕客現象服務幾好

嗱，本來不想寫這家的，因為除了便宜實在沒什麼亮點。今天下班逛完永安覺得肚子好餓又下雨，於是隨便在附近找了這家評價還可以的小店。店就是小小的，六點多就已經坐了不少人。看看餐牌真是便宜得不像話。所有麺飯都是幾十塊錢，還是傳說中的龍蝦湯哦！本來看上去很奢侈的吃法在這家店怎麼變好平民。那就試試咯。我們要了：雞雜黑毛豬龍蝦湯飯，勝瓜豬潤湯，咖喱豬雜麺（貌似叫這個）。他們長這樣。味道嘛我就不一一評論啦，反正就不像煲湯的味道咯，龍蝦湯甜得好奇怪，龍蝦味很假。黑毛豬是我吃過最硬的黑毛豬，勝瓜超級大一塊，一塊可以分四五口吃掉，不過好像香港人就喜歡不入味又硬硬的勝瓜。麺。。。。只吃了一口，豬雜也沒吃完。（請自行想象有多難吃）最近中伏的食店比較多，這家雖然不好吃，勝在很便宜，上菜也很快，不會讓我覺得浪費了時間和金錢。可是亮點來了。吃到最後，我腳邊出現了一直小強，歡快的來來回回跑。我馬上跳起來，站到它對面等朋友吃完。這時候，店小二出現了，這個戴眼鏡的小哥也是很可愛，知道有小強之後馬上過去說幫我消滅它。於是他搬開板凳，搬開易拉架，碰倒的我雨傘，之後，沒發現小強。可能是已經跑走了吧。於是他又放回板凳，放回易拉架，

同A先生百無聊賴，去油麻地逛逛，順便去中南買文具，睇下附近有咩好食，就見到用龍蝦湯聞名嘅村爺爺。大愛米線嘅我嗌左龍蝦湯米線，配菜要左鮮牛肉、魚腩、油麥菜同埋響鈴。湯底非常非常鮮甜，有淡淡嘅龍蝦味。鮮牛肉醃得好入味，魚腩好滑無腥味，響鈴亦非常貼心地另上，等佢唔會浸到淋曬～A先生就揀左泡飯，嗌曬啲最吸湯嘅配菜，包括豆卜、腐竹、魚腩、蟲草花。兩個都對龍蝦湯讚不絕口😂，50幾蚊就食到高質嘢，大滿足～～～

最近天氣又熱又悶，所以好想食泡飯！打探之下聽聞村爺爺泡飯專門店係油麻地出名又抵又好食，於是特地去一試！門面係一般茶餐廳，但好乾淨！而且入面不大。除左有泡飯，仲有咖哩，鹵水撈麵，同古法煲仔湯。不過我都係繼續選擇泡飯，店員哥哥強力推介我試<極上海鮮龍蝦湯泡飯>！不消五分鐘，登登~~!!傳說中既龍蝦湯飯霸氣登場！成個大大既龍蝦頭浸係熱辣辣香噴噴既淡橙色湯底內，再配上大量海鮮，真係即係食慾大增！聽講湯底係以新鮮龍蝦煲左十幾個鐘，怪不得咁鮮甜！呷一口鮮鮮湯，簡直有如置身龍蝦底溫泉中再配上脆卜卜既嚮鈴，直情係將龍蝦湯每滴精華都索到盡再睇清楚湯入面有甚麼海鮮，有大大隻帶子，仲有魷魚圈，墨魚仔，青口同蜆。真係好一場海鮮盛會其中我最喜歡魷魚圈，彈牙非常村爺爺最貼心既地方就係將白飯另上，咁就可以避免我地依d龜速食飯既人食到中後段時d飯已經泡到漲晒就不好吃慢慢呷下湯又撈下飯食，不知不覺間就全碗湯飲得乾乾淨淨最後以香濃既咖啡作終結，想不到村爺爺的泡飯出名之餘，咖啡亦意外地好飲！濃濃既咖啡加上淡淡的奶香，有一點點咖啡獨有的苦，但不失滑溜，飲完即刻叉足電$75作結，茶餐廳既價錢，超水準既演出，真係

早前facebook傳得沸騰，所以今日同朋友慕名而來試一試！ 中午時段好爆滿嘅村爺爺，我好好彩咁岩有兩個空位 menu有好多選擇，有和牛油鹵水撈麵系列、咖哩系列、煲仔湯、湯泡飯，我試左好出名嘅龍蝦湯泡飯，朋友就揀左撈麵。蠔油菜心，菜心新鮮，煮得剛好，一d都唔老黑毛豬雞肉龍蝦湯泡飯，我加左$7 響鈴同熱飲。朋友知道我一向不好飯，所以特意叫左撈麵，預備要同我交換 但我食到唔捨得同佢換，哈哈！ 因為湯頭有濃郁嘅龍蝦味，白飯吸晒湯汁 雞肉嫩滑可口，而且份量不少！ 黑毛豬肉味香甜 也是不錯的！ 響鈴雖不是即叫即炸，但經過龍蝦湯的洗禮，還是值得一試的！友人的魚腩黑毛豬撈麵我試左幾啖，粗麵口感Q彈，有少少辣味調癮，魚肉滑嫩。

本人幾鐘意龍蝦聽聞村爺爺好耐終於去左試下極上海鮮龍蝦泡真系勁多海鮮賣面吸引湯底鮮甜唔會好溜口差吾多一個人可以食完朋友話想飲湯就叫左個蟲草花雞湯濃郁嘅蟲草花味飲完一啖接一啖

好耐之前係cc返學會經常經過村爺爺呢間湯飯，但每次都很多人排隊，今日閒日黎係旺角行街，就慢慢行過黎試試先。餐牌好多選擇，不過今日我想食麵多d老闆介紹話和牛油滷水撈麵好得，我叫左個黑毛豬片撈油麵，出面應該好少食到男友鍾意食豬潤，所以加左豬潤一個送，好大碗丫！隔離有好多沙爹醬，撈落好好食，而且油麵彈牙，撈埋d沙爹醬真係好美味撈麵仲送一個魚湯，熱辣辣好鮮味最後我地一人叫左杯檸茶，見到出面又排隊了，好彩早左黎咋有機會試試佢既泡飯先

Hong Kong presents itself to be an interesting mixture of food everywhere, and one of such is their cart noodles. Usually decked out with a myriad of ingredients prepared in numerous ways, noodle choices, and even sauces, these noodles are no doubt a staple of locals. This diner manages to capture the essence of this Hong Kong dish, while keeping the prices low and providing a nice space on the busy street of Yau Ma Tei. The menu has many different offerings, from soup rice to oil tossed noodles

每次係旺角行番屋企都會經過呢間村爺爺龍蝦湯泡飯 有時都見到佢門口有條隊 都好多人幫襯 好似幾吸引 成日都想搵個機會試下 平時放假都會同爸爸一齊食下下午茶 所以今日就帶左佢一齊黎試下呢間村爺爺龍蝦湯泡飯啦因為係下午茶時間 唔駛等位 座位唔多 不過都見到入面好full下 人流都多宜家係下午茶時間 下午茶menu既選擇都好多同埋下午茶既價錢係好平呀 十幾蚊碗粉勁耐無見過囉 好抵食 湯底主要有三款 三款都好吸引有龍蝦湯 豬骨湯 和牛油鹵水連入面既餸都有好多唔同既配搭選擇其實有幾樣野都想食 但始終因為呢度係叫村爺爺龍蝦湯泡飯 所以我同爸爸都決定要試佢個龍蝦湯😂鮑片鮮雞龍蝦湯泡飯飯同湯會分開上 好貼心 如果鍾意食口感硬d既飯 可以分開慢慢浸落湯度 如果想淋d可以一次過放落去浸佢一陣 湯入面既材料份量都唔少 好多菜 雞係鮮雞肉 連皮無骨既 肉質幾嫰滑 有鮮雞味 個湯底個樣同平時就咁飲既龍蝦湯唔同 好似清d 但飲落去估唔到個陣龍蝦味都好濃好香好鮮甜 用黎泡飯一流! 同埋佢個份量真係唔細 下午茶仲連熱飲好飽好抵食😂另外有可以自己配搭材料既龍蝦湯底粉麵豬潤粉腸龍蝦湯拉麵個龍蝦湯同泡飯個個一樣 好鮮甜豬潤同

今晚在openrice 搵到這間泡飯店，嚟到都要排一陣隊。我和朋友各自點了全場最貴的泡飯，就係極上海鮮龍蝦湯泡飯 $68，加$7有2件響玲和送熱飲，凍飲另加$3。上枱後，年輕老闆幫我灑上岩鹽，佢話咁樣會好食啲。 我覺得上枱時，湯不是太熱，如果熱啲會好啲，賣相超靚，見到很多人都叫這一個嚟吃。龍蝦頭只是裝飾，但可以增加食客的滿意度，個湯都好飲，好飲無味精，不會口乾，我成碗湯飲晒。凍飲很大杯，夠晒飲，加埋響玲食，好好味。好多餸和海鮮呀。另一個是毛豬野菌雞龍蝦湯泡飯，加$7有魚皮餃，送熱飲，凍飲另加$3。 這一個上枱時，啲湯夠晒熱，飲落去，味道濃過極上海鮮龍蝦湯泡飯。上枱時，感覺這個比起極上海鮮龍蝦湯泡飯細碗啲，可能因為極上海鮮龍蝦湯泡飯啲海鮮殼佔據了很多位吧！這個毛豬野菌雞濃蝦湯泡飯，味道很濃，好好食，加埋魚皮餃和凍飲，好好食呀！店內環境有點逼，但都足夠空間比每個客人坐的。門外和店內，貼滿很多明星合照，令到店內充滿一種很溫馨的感覺。全場最貴的食物就是 $68，另外還有其他野食，例如咖哩吉列豬扒飯和油撈麵等，好大好大碗呀，份量十足，價錢都只是$3× - $4×， 好抵食。原來今天是店開左3週年

最近喜歡吃龍蝦，朋友介紹下便和媽媽一起來試一下。我們12:45到達，幸好早了幾分鐘，不用排隊。我們點了極上海鮮龍蝦湯泡飯，而媽點了魚腩木瓜豆腐湯，另加十元要了米線，生菜和熱檸茶。首先，我的泡飯先到。海鮮真的很多，有青口和魷魚圈各二，大大隻扇貝，蜆肉和墨魚仔。底下還有生菜。還有巨大的龍蝦頭做裝飾，扇貝厚肉，其他海鮮彈牙，湯底有淡淡龍蝦味， 渴了也不覺得口渴，配上白飯，真的是絕配。$68也能吃到這個質素的泡飯，真的賺了然後我媽的湯米線也到。小店連同熱爐把湯一起上，湯米線分開放，當然也有生菜。對於我這些吃東西特別慢的人來說，平常吃到最後一口，湯都變冷，但這家店想到連同熱爐一起上檯，那就可解決這個問題，讚! 這魚腩兩片，看上去是厚切，媽說肉質嫩滑，木瓜超甜配豆腐，好吃。湯底加了薑絲，一點也不"聲"。最重要是這個湯只賣$48, 配套餐另加十元，這個價格真的自己做也不行。這樣吃加了上湯白菜才$148. 好抵食。下次經過的，一定會再來

朋友帶我黎呢間村爺爺·龍蝦湯·泡飯燉湯專門店食晏，上網睇過食評好似幾好，泡飯食得多，龍蝦湯嘅泡飯就未食過。呢間店幾好生意，幾多客，雖然店面細d，不過座位都坐得舒服嘅，地方都乾淨企理，牆上面貼左好多雜誌明星照，原來好多明星幫襯過呢間店，都幾出名，唔怪得生意咁好。湯泡飯有幾種選擇：生滾龍蝦湯泡飯，生滾豬骨湯泡飯，和牛油滷水泡飯，我叫左黑毛豬鮮雞雜菌龍蝦湯米線。另外，仲有自選泡飯系列：豬骨湯底$28有1款餸1款時菜，龍蝦湯底$48有2款餸1款時菜，都係一個唔錯嘅選擇。甘味咖哩系列都好似幾好，見到格離枱碟咖哩飯好大份，而且好多人叫。冇幾耐我嘅黑毛豬鮮雞雜菌龍蝦湯米線就到，龍蝦湯真係幾鮮甜，龍蝦味道好濃厚，但唔會覺得好咸，黑毛豬肉片幾爽脆，雞肉幾滑，仲有好多雜菌、冬菇、金針菇，份量都幾多下，男仔食都夠哂飽！我地仲叫左上湯生菜，生菜清清地都幾脆嫩，同龍蝦湯米線一齊食幾好。唔錯嘅食店，龍蝦湯真係幾鮮甜，價錢都唔貴，下次會試下自選泡飯系列

同朋友去左佐敦呢間叫村爺爺嘅餐廳食午餐，呢間餐廳嘅泡飯好似好出名，特別在於有龍蝦湯底嘅泡飯食，用龍蝦湯底做嘅泡飯我都係第一次食舖頭唔大，不過好多人客，生意唔錯，我地行左陣街先食野，其實黎到已經係下午茶時段，呢度下午都好多選擇，有西多士、三文治、通粉麵食、雞翼等等果d常見下午茶餐外，亦都有湯泡飯下午茶，既然呢度最出名係龍蝦湯泡飯，龍蝦湯底一定要試啦，我就叫左鮮雞雜菌龍蝦湯泡飯，其他湯底仲有豬骨湯底、和牛滷水湯底，泡飯可以轉其他粉麵米線類，我轉做米線，仲叫左碟上湯生菜，再加多左杯凍檸樂。上湯生菜生菜好嫩綠，配上湯好清甜，份量較多，兩人食都好夠。鮮雞雜菌龍蝦湯米線好大碗，配料份量亦都好多，就咁睇上層已經見到鋪滿哂，有雞肉、鮑片、菌類、冬菇、金針菇、蔥花，食之前飲左啖湯，湯底真係好香好濃嘅龍蝦味，雞肉好嫩滑，鮑片幾鮮甜，其他配料味道亦唔錯，配上香濃龍蝦湯嘅米線，真係幾好食！之所以話呢度嘅龍蝦湯底係真材實料，因為我食完之後完全冇好口渴嘅感覺！下次我會試下佢地嘅咖哩飯，見到咖哩飯都好多人叫好受歡迎，而且好似好大碟好抵食！

因早前推出既龍蝦湯泡飯半價優惠，筆者便決定一嚐佢既招牌菜呢個極尚龍蝦湯泡飯外表夠哂威水，湯底飲落普通，感受唔到海鮮應有既鮮味同香味， 稍為叫人失望。 龍蝦湯雖然冇龍蝦，但有不少嘅海鮮，包括蜆肉、兩隻青口同一隻帶子。蜆同帶子都不錯的，但其中一隻帶子竟然夾雜住一執疑似雜草定海草嘅東西，睇落十分驚人！店家下次處理海鮮時要多加注意同小心了！另外值得一提嘅係 店舖喺室内近門口位置長期點香，令食客被迫一路食一路聞煙味，筆者對此十分介意！總括來説：沒有第二次。

聽聞左湯爺爺既泡飯好耐，平時本來都好鍾意食泡飯，咁啱經過旺角，就慢慢行左過去油麻地試試。今日難得bf無渣車，唔洗搵車位去到門口好快就有位，可能已經係9點幾過左晚飯時間去到坐低，有個帶眼鏡好似係老闆既哥哥介紹我地有咩特色泡飯同麵，真係好多選擇🤔見到好多都好吸引但今日我既目的係試試泡飯雖然個個都是龍蝦湯，我就特別d試下豬骨湯先本來叫魚腩，可以今日賣晒下次要早d黎先得叫左魚片雜菌泡飯-飯大大碗魚湯好鮮甜，而且食落無味精，菌都好多，我最愛食金針菇魚片係薄切，都好鮮甜，真係無揀錯埋單都係$40真係好街坊價錢，但呢個鮮味唔係度度都食到下次有機會試試油麵