村爺爺龍蝦湯.泡飯.燉湯專家

Open Now

Now Closed

相信好多香港年輕夫婦都係比較少煮飯，無辦法，番完工咁累咁夜仲點可以做到呢件事，唔煮飯就唯有出街食或者叫外賣，總希望食街外食物都可以食得健康D，要搵一間無味精的餐廳實在唔容易，今日我碰上了其中一間今日黎到係下午餐市段，更加抵食黑毛豬鮮雞雜菌龍蝦湯飯 ($68)先來個龍蝦湯泡飯，其實除左泡飯，仲可以選擇麵食，但我覺得泡飯係最襯的，因為可以吸晒龍蝦湯黎食白飯係另上的，而且好大碗，避免預先落左去就發漲晒唔好味，又可以按照個人喜好慢慢加入湯，我先試左啖湯先，第一口感覺永遠係最強烈，都幾濃龍蝦味材料方面真係用左鮮雞，鮮雞肉那種質感一食就食得出，係無得呃人的，另外薄切黑毛豬同雜菌都有不少，整個湯飯好豐富黃金一口西多士 ($28)邪惡的西多係我至愛，一口西多食起黎就方便好多，唔洗再用刀慢慢切，有足夠煉奶同牛油，西多即叫即炸外脆內軟

早前經過砵蘭街 被招牌吸引了相約朋友一試主打的龍蝦湯底 有多款配料自由選擇 除了飯也可配面🌟鮑片鮮雞件龍蝦湯泡飯 ($48)湯底偏甜 有淡淡龍蝦味道 尚算不俗材料十足 大大件鮮雞件挺滑惟濃濃的湯底令人很口渴 飲了一大杯檸茶後 口仍很乾整體而言 在油麻地價錢相宜的晚餐 朋友們都是滿意的

突然網上瘋傳呢間村爺爺龍蝦湯泡飯，身為吃貨嘅我係附近就決定過去探過究竟。位於砵蘭街嘅店面，位於地鐵站a1 直行轉右唔洗5分鐘就行到。望過網上資料好多人都話需要排隊，現場所見，雖然舖面不大，晚上8點左右，好彩唔洗等位。今次係為左極上海鮮龍蝦湯泡飯慕名而來，亳無疑問，每人點1個。加6蚊送響鈴或魚皮，有幾時開始加6蚊等於送?仲有其他燉湯的餐牌。最後加左6蚊要了一客魚皮。再加2蚊轉了凍飲。期待而久嘅極上海鮮龍蝦湯泡飯香噴噴送到面上，賣相的確幾吸引。白飯是另上，第一啖當然試左龍蝦湯湯頭先。湯底濃郁鮮甜，配搭多款海鮮，但如果期望會有一口龍蝦肉嘅你相信就會大感失望。因為泡飯裏面除左龍蝦湯底外，就只有龍蝦頭個殼。海鮮方面，青口兩隻，墨魚仔兩隻，魷魚圈正4個，扇貝一隻，蜆肉12至13粒美食當前，當然醫飽相機先醫肚啦最後，就係將飯放入變成泡飯。飯吸收晒龍蝦湯底嘅精華，加上啖啖肉嘅無沙蜆肉，熱辣辣放入口內 ，非常滿足。2人盛惠$145，如果單純品嘗鮮味濃郁嘅龍蝦湯底的心態，一試無妨。

今日行過油蔴地, 途經有間舗頭正在廣播, 於是望一望, 原來係食店。見到食就覺得肚餓, 內裡又不多食客, 於是入去揾位坐下。望下餐牌, 下午茶都有很多款式, 有湯飯, 仲有特價粉麵。價錢很實惠又超值。見到有個"極上龍蝦湯泡飯", 好吸引喎，因平時很少食此類泡飯, 我便點了這個下午茶餐。過了不久, 店員奉上這個湯泡飯, 嚇了一跳, 因成個龍蝦頭擺放在碗內, 飯另外用碗盛上。很大碗啊！先試試湯底, 好香又濃郁又清甜的鮮龍蝦味, 內有很多海鮮配料如魷魚, 青口, 蜆肉, 帶子等食材。令這個湯泡飯變得不簡單。一啖飯一啖湯令我食到津津有味。後來嫌麻煩, 將全碗飯倒入龍蝦湯, 一邊食一邊飲湯, 飯粒軟硬度適中, 不知不覺間食晒全部。最後以檸檬茶消消滞。

行完旺角，想食啲特色野唔想食連鎖店，見到呢間村爺爺個名幾特別又見到其他客人有大大隻龍蝦頭喺碗飯度咁特別，當然要一試啦！叫左個呢度嘅招牌菜：極上海鮮龍蝦湯泡飯！一黎到有大大隻龍蝦頭，緊係要相機先食啦 再飲一飲啖湯，好濃好鮮！同埋當啲飯配埋啲湯一齊食，好入味好好味好有驚喜！份量仲要大大份同埋好多配料，吸引！而家旺角成日都係連鎖店，今日食到咁特色既餐廳同埋店主好好人會介紹我地有咩推介，今餐飯真係大滿足

去左旺角行街，好肚餓經過呢間平價泡飯店，都好似幾正咁，熱辣辣岩晒冬天食入到去，舖頭吾算大好暖好有人情味咁，店員好快會招呼我地，安排好坐位。我地嗌左兩個餐，都係泡飯嚟，都係試龍蝦湯底嘅，仲有得加6蚊有炸魚皮or響玲，正丫！我地各選一！上碟就知好大份，係一大碗飯，加一煲湯送，好大碟，湯底好濃，好香龍蝦味，材料都好多，我嗌嘅有滑雞好滑，加上龍蝦湯底好好味，朋友嗌左有魚腩同豬潤嘅，見到舊魚腩好新鮮好大舊，另外要欣賞個炸魚皮，吾係四x牌個d，食落吾算咸，好脆，可能係自製嘅，浸落湯底好好味！而響玲都好正，其實係因為湯底好正，所以先會咁入味！冇記錯每人才五六十蚊，仲包埋飲品，真係堅底，一定再嚟！

看電影前，先來村爺爺醫醫肚。茶餐廳的格局，價錢亦較為相宜。泡飯的湯底主要可選龍蝦湯、和牛油鹵水湯及豬骨。我揀選的是龍蝦湯底泡飯。龍蝦湯底泡飯自選生滾湯泡飯系列，揀選了龍蝦湯底，配上豬膶、金菇、響鈴、娃娃菜及珍珠白飯，材料豐富！先喝一口龍蝦湯，湯底濃郁，味鮮而不腥。趁湯還熱辣辣的時候，先快手焯一焯響鈴。響鈴吸收龍蝦湯精華後，更覺味美！將飯倒進大湯底裡，混合其他材料一齊食，口感豐富，是經濟實惠的不錯之選！

天氣凍冰冰，最岩食泡飯暖一暖身～ 一場黎到油麻地，又無可能唔試下村爺爺啫～ 今次我叫左 豬潤、豬腰、豬心泡飯～ 全部內臟～ 健康差少少都真係好容易食到爆血管 但市面上好難見到有豬腰同埋豬心食，我亦未食過，所以決定冒險一試！個湯底好重味精味，食完都幾口渴，但由於加左豬潤、豬腰同豬心去滾，味精中都食飲到鮮甜～豬潤大約4塊左右，爽身，厚薄岩岩好，味道都ok~~~豬腰，好大一舊，2-3舊～ 好厚身，但都幾爽～ 不過有陣腥味～ 我食左一舊半就無食～ 豬心大約5舊仔～無諗過豬心咁好食～ 好爽甜～好飲食緊腎咁～呢個下次有機會會再食

一早起身勁多野做，做到兩點幾都無食野，同朋友去左食下午茶。行過見好多人排隊，湊下熱鬧先。嘩，好平呀，特價麵食十幾蚊一碗仲有熱飲，其他下午茶都係十幾蚊起，唔怪得咁多人，等我地又排埋一份試下先。等了約十五分鐘先有位，店內坐位有點小迫，但以茶餐廳形式而言可接受，而且價錢相宜，亦沒甚麼可投訴了。自己點了咖哩牛脷飯，連熱飲在內（$28），太平了，份量可不少，滿滿一碟飯，牛脷亦有十片以上，仲有兩條青菜咖哩汁說是日式的，個人覺得偏甜，可以辣返少少就更好了。牛脷軟腍入味，帶蒜香，仲有洋蔥香，不錯，食完一碗勁飽。朋友點了自選龍蝦湯泡飯，兩款餸連熱飲（$48），轉凍飲加（$3），賣相平平，但原來那個龍蝦湯真的不得了，超濃郁的龍蝦味，味鮮且清甜，一喝就知非師傅而成。兩餸中朋友選了響鈴同墨魚丸，響鈴吸飽了湯汁很棒，墨丸爽口彈牙，非一般凍肉舖貨式。湯飯真的好好味，彭彭聲食哂仲飲到一滴湯都不淨，太正了。餐飲要了熱檸茶同凍檸茶，檸香茶純，不錯。遲到的朋友點了奶油多士（$18），即叫即制熱辣辣。奶同油都下得很多，漏哂出黎，連埋杯熱飲都係十幾蚊，超抵食。味道好，價錢平，唔怪得咁多人排隊

今日突然好想食車仔麵，就上open rice睇睇有冇乜好食，本身想去村爺爺車仔麵，但因為座位太近㕑房，太大垃圾桶味，所以去咗村爺爺燉湯專家，因為都有車仔麵食，只不過比村爺爺車仔麵少一點選擇。朋友點了個龍蝦湯底，我就選擇了豬骨湯底。配料就選了蘿蔔，粉腸，魚腩，響令。但個豬骨湯底實在太清，淡而無味，很失望！龍蝦湯底就ok。

因為趕住上堂，就求其搵個間餐廳快食誰不知竟然值得回味！見網上啲人推介龍蝦湯泡飯，就儘管一試～一嚟到見到咁大個蝦頭都已經好有驚喜，不過其實個蝦頭係無咩肉食⋯幾欣賞個湯底，送飯一流！至於海鮮，我最鍾意係個墨魚仔 好鮮好好食另外係杯奶茶！好難得係間咁細嘅餐廳飲到杯正既奶茶

個人好中意食米線，雖然話好中意食黃綠招牌個間連鎖店，但食得多都想轉下口味。米線除咗米線煮的時間很重要外，湯底更是米線的精髓，今日誤打誤撞之下竟找到了一間合我口味的食店。村爺爺其實主打是泡飯，但除了泡飯外可以選擇其他種類的粉麵，各式各樣的燉湯非常吸引，近排入冬的天氣比較乾燥，飲燉湯就啱晒啦！我點了鮮雞豬肚蟲草花燉湯配米線$48一上菜認真大陣仗，因為是整個鐵鍋上菜，生菜及米線另上，不會溝淡燉湯的味道或是浸淋了米線，很是貼心。湯入口啖啖雞鮮味，而且非常足料，米線質感也不錯，不會煮得過淋，仍然保持彈性，而且入口順滑。再配上一杯大大的凍檸茶，真的很大杯！比較驚喜的一點是喝完有回甘的感覺，不錯不錯。順帶一題，牆上貼了很多老闆與明星及電視節目的照片，才發覺原來剛才提我們下單的便是老闆，村爺爺原來很年輕的呢！心

今日去了試咖哩牛根腩飯再加一個炸雞脾沙律，先食個牛腩飯，頂！有冇咁差呀，咖喱同牛腩本身係好夾，可以煮到一啲都唔夾，又甜又硬又騷，有冇咁難食呀！之後個沙律我咁大個仔都未見過咁求奇，生菜絲墊底加兩片番茄再放粟米加pat沙律醬完成，仲衰過一般快餐店！未試過食兩個攴都仲肚餓，因為差到食唔落！

路過見到幾平，入去試下，點知咖哩牛筋牛腩飯，仲硬過煲湯的瘦肉，牛好夠蘇味，完全係就咁鞋烚烚的牛腩飯炸雞脾沙律，沙律係粟米蕃茄生菜絲加沙律醬，第一次食到咁求其咁難食的沙律平野無好呢句説話原來係真

經過油麻地地鐵站附近，見呢度真係好多人食！相信大多數人都應該係黎食湯飯多，我就反其道而行，決定試下呢度嘅炸物之選:咖哩吉列蝦廣島蠔飯炸蠔，炸吉列大蝦都好大隻仲要熱辣辣，好明顯係即叫即炸，脆口唔在講，火侯炸得剛剛好！唔會太油。。輪到主角咖喱:入口同平時嘅日式咖哩一樣甜甜地，隔一陣開始feel到辣味慢慢回滲出黎！超級正！下次再黎試埋個泡飯先！