明記海鮮潮州菜館 (天保大廈)

Open Now

Now Closed

昨日去同朋友去咗荃灣一間出名嘅潮州菜館食飯，呢度嘅潮州菜認真唔錯！一行入去，已經感受到傳統潮州風情，有滿滿嘅食物，烏頭魚，大蝦等放咗喺藤籃上，非常吸睛。坐低後更有一啲潮州小食酸菜花生送上，酸菜嘅酸度掌握得剛剛好，唔會過分酸，非常開胃，為呢餐飯打開咗完美嘅序幕！明記有豐富嘅潮州菜式選擇，價錢公道，而且份量大滷水鵝$148嚟得潮州菜館，點可以唔試滷水鵝，呢度嘅鵝肉新鮮嫩滑，每一片都係滷得入味，又保持咗肉質嘅彈性。滷水汁嘅味道濃郁而不過分鹹膩，帶有八角同桂皮嘅香氣，令整體味道層次豐富。鵝皮帶點微微油潤，同肉質嘅鮮嫩形成完美配搭。底下的滷水豆腐質地也非常嫩滑，吸收咗滷水嘅精華，每一口都滋味滿分。滷水嘅香氣中帶有細膩嘅香料味，而且鹹甜適中，完美地提升咗豆腐嘅味道。最令人讚賞嘅係，佢哋嘅滷水豆腐表面煎得微微焦脆，同內裡嘅嫩滑形成絕妙對比。潮式蠔仔餅 $108呢度嘅炸蠔餅真係好好味！蠔餅外皮炸得金黃酥脆，沒有任何油膩感，一口咬落去，香氣四溢，讓人垂涎欲滴。而啲蠔仔都處理得非常乾淨，每隻都白雪雪，唔會有一啲多餘小顆粒，蠔仔每粒都非常大隻，而且仲保留住蠔嘅鮮美滋味，鍾意食蠔餅嘅一定唔可以錯過！韭菜花炒鹹

嚟到潮州菜館，梗係嗌返啲潮州嘢食！四個人點咗四樣餸。有凍烏頭，滷水鵝片，蠔仔粥同埋豬油炒菜心。凍烏頭，用元朗烏頭嚟整，可能唔係當做，條魚唔夠肥美。本身諗住揀滷水拼盤，但問清楚侍應原來唔包鵝片，於是直接點一個例牌嘅滷水鵝片。份量大概一人兩至三片下面用滷水豆腐墊起。蠔仔粥就正常味道，蠔仔都算多，每一碗都有六七隻，而我哋四個人每人都食到兩碗。最尾一碟… 屋企人想食菜心，但係諗唔到點整好，於是侍應哥哥就推薦咗用豬油炒。試完… errrr, 下次都係嗌返蒜蓉炒比較好

同事約放工食飯吹水，帶咗我去食明記，話佢由細食到大，街坊先知呢間舖頭😂✨滷水雜拼+鵝 $198同事話必點滷水雜拼，但我又想試吓滷水鵝，所以就加埋鵝肉～滷得超入味！鵝肉幾嫩，但比較之下雜拼真係好出色🤩，分量多之餘，內臟清得乾淨，我最鍾意係鵝腸，好爽口👍🏻✨黃金鮮魷 $148見到好多枱都叫咗海鮮，不過我哋兩個人費事嗌太多，所以就叫咗呢個鹹蛋黃鮮魷。鹹蛋黃好香，鮮魷好爽脆，越食越過癮😍！✨石鍋明記炒飯 $118店員話明記炒飯係比較潮州味💁🏻‍♀️，有欖菜，蝦乾，白飯魚喺入面。炒飯好惹味，石鍋可以做到飯焦😋✨大大杯凍檸茶 $38大杯到兩個人share先飲得哂😂飲完即刻gur晒✨前菜 $20

朋友仔係荃灣嘅街坊聽佢講明記已經開咗好多年讀書時期就開始一大班朋友嚟幫襯添平日夜晚黎到都座無虛席果然受街坊歡迎👍🏻餐牌上面嘅選擇繁多除咗主打潮州打冷亦有鑊氣小炒 🔥入到去仲見到好多款式嘅潮式海鮮凍蟹凍烏頭瀨尿蝦大眼雞一應俱全🌟潮式蠔仔餅($108)香脆嘅炸物永遠都係最受歡迎蠔餅炸到金黃酥脆好靚仔而且大大塊唔會散晒仲有好多粒粒蠔仔鮮甜飽滿🌟鹵水雜拼($160)諗唔到想食邊款滷水可以叫拼盤有墨魚紅腸大腸雞腎豬腩肉等等滷得夠入味，份量又多🌟明記小炒皇($128)韭菜食落爽脆冇渣蝦乾同魷魚帶出鹹香鮮味仲炒到好有鑊氣好惹味

放工同朋友食晚飯，揀左佢公司附近的明記，聽佢講呢度啲餸好食又大碟，平日晚都一位難求㗎。一上樓梯就比佢嘅潮洲檔吸引住，龍蝦、瀨尿蝦、凍蟹🤤潮洲滷水都正喎。真係好旺場喎，得返最尾嘅枱咋。坐低後伙計就開茶同送上前菜、餐牌等，效率好高。⭐前菜潮州三寶入面嘅二寶，有鹹菜同花生，淨係啲兩樣嘢都可以食到成鍋白粥🤤呢度真係做得好出色，爽脆鹹香，正。⭐椒鹽白飯魚炸得香脆乾身不油膩，白飯魚算大條，並無厚粉漿👍香口野真係幾正。⭐沙嗲牛肉芥蘭沙嗲汁香甜惹味，牛肉嫩滑好好食，唯芥蘭略生少少，有啲青菜澀味。⭐黃金四季豆主角來了，非常喜愛食鹹蛋黃嘅朋友指定要點呢樣，佢本身仲想嗌埋黃金鮮魷同黃金九肚魚，不過如果全餐都食黃金嘅話肯定好熱氣，制止佢先至唔叫咋。個鹹蛋黃醬好厚身，完完全全包住條四季豆，鹹香鮮味極正🤤食落一啲都唔膩。⭐白飯啲餸咁正咁係要整返碗白飯啦😋傳說中嘅大排檔字體，又真係唔係好睇得明😆PS～有wifi😆

今日唔使上堂，同女朋友去左荃灣食野🥢原本想食江湖小棧，但條隊太長😭於是去盲試餐廳。見到有間樓上打冷，好似幾隱世於是上左去，入到去見到啲龍蝦好大隻🦞😱不過我地兩個人食唔到🥲菜脯🥬用麻辣豉油浸過，食落偏鹹同有辣味，如果送酒一流🍺但就咁食就太搶口🔥鹵水拼盤加鵝肉🦢（💵$198）鵝肉淋滑冇渣，食落好嫩，調味冇乜八角味，似較普通既鼓油，欠層次。大腸都好淋同好入味🐖不過想批評嘅一件事係拼盤竟然冇豆腐！！！馬拉盞通菜🌿（💵$108）份量十足熱辣辣🔥用石鍋上食落嘅時候水汪汪💦但調味唔錯同埋熱辣辣🥵所以食落都覺得唔錯，而且食到尾個底有啲鹹✨建議係調味可以均勻少少同埋炒得乾身啲！千島一字骨（💵$108）有鑊氣🔥先炸再炒，但估佢係炸定備用，放既時間比較耐⏳冇乜肉汁總結：份量對比起價錢幾抵食，熱食有鑊氣🔥滷水火候都幾適中，質素中上，如果多人黎食會正好多！！✨

今晚三個人去了這間明記海鮮潮州菜館。一開始叫個羊腩煲。價錢是448元(加埋一成$500)。諗住都有返咁上下份量。點知個羊腩煲嚟到。水仲多過羊腩。每人祇有約5件。平均每件超過30元，另外叫咗個生腸墨魚。生腸得10件，墨魚又得10件。另外叫咗兩支啤酒。最後埋單要780元。極度唔抵食。味道一般。以後不會再去😤叫個仕應埋嚟反映一下，嗰仕想答我新鮮羊腩，係咁上下。我話一件要成30幾元，跟住就唔出聲走咗去。食到火都嚟埋。香港有啲咁嘅飯店，想唔死都難。

今日和同事途徑荃灣，同事說想去吃潮式打冷，就想起朋友介紹過的📍明記潮式海鮮菜館，於是走去試試，店舖門面雖然小但上到一樓去地方很大。一進門口已經見到很多食品映入眼簾，潮式的打冷瀨尿蝦、凍蟹、鹵水鵝雜等等連龍蝦都有……相當吸引。坐下在桌面放有花生🥜和潮式的鹹菜🥬，花生香脆而潮式鹹菜相當醒胃。吃潮州菜少不了要點熱門的鹵水鵝片，因此今天叫了蠔仔粥🦪，配一個孖寶🦢鵝片和蒸白鱔套餐。💢蠔仔粥大大碗上檯了，熱騰騰的粥上面灑滿了芫茜滾起來十分之香噴噴。粥内蠔🦪仔很多且非常肥美，配合了方魚碎粒的鮮香味，使湯味道變得很濃美味，而且蠔肉咬落爆汁又沒有腥味，整碗粥水準不錯。💢鹵水鵝片🦢切得很薄刀功很好，而且鵝皮薄沒有肥膏又沒有骨，入口肉質幼嫩沒有粗鞋的口感，配上的鹵水汁味濃惹味亦不會過鹹。下面墊底的花生亦炆得很腍口，豆腐的表皮已索滿了鹵水汁，全部都變得入味又惹味。👍💢豉汁蒸白鳝上檯時熱辣辣香氣四溢，啖啖肉沒什麼骨，只是簡單的用豆豉和蒜蓉來蒸，帶出了鱔自身鮮味和油脂香味，肥肥白白的鳝肉質彈牙，真是吃食不停口。😋🔷️今餐所吃菜式雖然不多，但每款的份量都很足夠，兩個人有點吃不完，售價亦算親民，想吃潮州打冷是一個不錯的

如果想食螄蚶、黃酒雞，第一時間就會諗起「明記」。秘製凍螄蚶（$128）保持水準，醬汁酸酸甜甜，螄蚶肉鮮味。客家黃酒雞（半隻）（$160）湯底酒味濃，材料足，雞件滑，夠哂補。鹵水鵝（$148）份量適中，啖啖肉，冇咩骨，鵝肉唔嚡有咬口，鹵水味唔過咸。豆腐花生墊底。韮菜豬紅（$88）大大碗，粗略估計都有廿粒以上。豬紅有質感唔會一夾就爛，調味醬汁夠哂濃，微辣。少量韮菜有啲韌。菠蘿咕嚕肉（$118）豬柳條啖啖肉，肉質軟腍，無骨，青椒紅椒加菠蘿，味道正常。豬油渣蝦乾生炒菜心苗（$118）火喉差少少，冇乜鑊氣，少少偏濕、偏油膩。1L大凍檸檬茶（$36）超大杯，用大啤酒杯裝。另收加一服務費，沒有茶錢，但有一碟小食（$20）。星期五/六，用餐時間2小時。

明記食物，唔會令人失望。早兩星期已經book 定檯食中秋飯，全場坐爆，雖然有少少迫，都係短短兩粒鐘，可以接受。其實之前食過一次係外賣的，今次堂食。魚皮：食食下覺得好辣，不過好好味蠔餅：超好食，好脆，去到無可能唔食蠔仔肉碎粥：呢個又係好正，去到必點黃金鮮魷：正滷水鵝半隻：面頭一片片，切到好薄，刀工勁，好入味西檸雞：正韭菜豬紅：好味，有少少辣鵝翼：屋企人好鍾意食，食兩次都讚檸檬茶：好大柸，1個人飲唔晒，要share 飲石鍋啫通菜：正蒜蓉油麥菜：正下次去會試下海鮮

係荃灣想食鑊氣小炒，我推薦明記， 呢到平日都好多人食如假期來 book 訂位穩陣d。今次來到點左兩個小菜加個粥已經好正。✡️ 滑蛋炒蝦仁 ～ 蝦仁份量多大大隻仲要好爽口，雞蛋又滑蛋汁香濃，令人一口接一口咁食。✡️ 明記小炒皇 ～ 每枱必點的菜式， 每一間店小少皇內容都唔一樣的，呢到有蝦乾，蒜芯，腰果，魷魚鬚，魚乾仔， 材料豐富又惹味唔怪得係人氣之選。✡️ 方魚肉碎粥（細） ～ 唔想咁齋食白飯的話，可以好似我咁叫個細的方魚肉碎粥，我平時絕少食粥，但呢個唔同，其實似湯飯， 佢d 方魚切碎放上去好入味， 呢d 天冇咩大胃口食個湯飯係個唔錯的選擇。🥤 加多寶🥤 可口可樂Zero

兩個人食飯，叫餸真係一個問題，好多嘢想試但係又驚食唔晒，例如好似今晚咁樣，我個friend就想食滷水鵝片，至於我就想食滷水拼盤，不過Menu上面又好似冇咁嘅combination，好彩問一問夥計哥哥，佢即刻話可以滷水拼盤加鵝片，不過個價錢就會比起拼其他嘢貴少少，我哋話冇問題呀，因為滷水鵝片本身就貴啲㗎啦。佢呢個份量唔錯，$208，啱晒兩個人，唔會太多又唔會太少，最緊要係可以一次過滿足晒兩個願望。韭菜豬紅都唔錯，少少辣幾好味。呢度嘅炸鮮奶有驚喜，雖然佢個皮就厚咗少少，不過入面嘅鮮奶又香又滑。

以前讀書時期，一大班人成日食打冷，畢業後就很少，今日同男朋友重拾打冷的味道👅潮式蠔仔餅芫荽味十分香，蠔餅厚度適中，香脆，啖啖咬落都有蠔，而且大大隻又唔腥風味京蔥豬頸肉鑊氣小菜份量很多 豬頸肉爽口，京蔥帶略略甜味，增添香氣，忍不住一啖接一啖豉汁蒸魚雲粵菜的經典簡單的豆豉和蒜蓉便能帶出魚的鮮味魚肉口感嫩滑，男友最喜歡魚雲的半透明膠狀，立刻補充膠原蛋白大大杯檸檬茶 1000mL 真係超大杯！本身打冷嘅檸檬茶無抱太大期望，結果十分有水準，檸檬酸而不澀，茶底又香又濃夏天熱辣辣 一個字：爽！！！分享一個冷知識看到店內的介紹才知道打冷的意思，原來唔係潮州話，是「打round」，以前客人跟店主說打個冷，打個轉，看看有咩好食、再落單。有趣！有趣！

荃灣明記海鮮潮州菜館非常岀名，呢度無論海鮮定係打冷潮州菜都一應俱全，行上樓梯，入邊嘅空間好大👍🏻而且上菜速度好快，落完單食一陣花生就已經上菜🙌🏻滷水雜拼，呢度嘅滷水非常高質出名，而且好豐富，有齊鵝腸、滷水腎、紅腸、豬大腸、墨魚。滷水味道濃郁，但唔會太鹹，突岀到各種嘅食材味道🥰韭菜豬紅，非常入味，而且有微微香辣，真係好惹味😋口感亦好軟滑，配白飯簡直一流😋石鍋啫啫通菜，一上枱就見到熱辣辣，出晒煙，通菜嘅份量多到幾乎滿瀉😝通菜爽脆多汁😚潮式蠔仔餅，去潮州菜館就梗係要食蠔仔餅🤣蠔餅大大塊，煎到金黃色🤩外脆內軟，口感煙韌，蠔仔份量夠晒多，鮮味厚實😍

[✨荃灣老字號潮州打冷館🍲]❤️‍🔥#明記海鮮潮州菜館 #打冷 🥢鹵水鵝片 $ 160鵝片起骨切成薄片，肉質嫩滑，就咁睇顏色都知鹵得好入咪! 肥瘦適中啖啖肉，必食推薦!🌟😋🥢脆皮炸鮮奶🐮 $ 108奶香都幾重幾濃，外面炸得好酥脆，入面就好軟熟，口感幾有層次!☺️💗🥢蠔餅🦪 $ 108即叫即煎嘅蠔餅炸到好脆，熱辣辣香噴噴，蠔仔好大粒好厚實，一啲都唔腥仲幾鮮味，好味! 必食推薦! 👍🏻👍🏻💕🥢豉汁蒸白鱔 $ 208鱔片上面鋪滿豆豉，上枱嗰陣都仲係熱烘烘豉香四溢， 鱔片肉質彈牙有口感，用黎拌飯簡中直係一流!🤗💫🥢黃金鮮魷🦑 $ 148鱿魚夠厚身，炸粉唔會太多，薄薄咁包住鮮魷，炸得外脆內軟味道岩岩好，同時唔會覺得太油，好食👍💞🥢石鍋啫啫油麥菜 $ 108油麥菜🥬好爽脆，份量都幾足又夠惹味!😙🥢沙拉骨 $ 118金沙骨質地偏硬，加上無乜肉，個人就覺得呢味麻麻地啦🤫🤫🫥————————♡♡♡♡♡♡————————✨總結價錢黎講唔會話佢好平好抵 (留意返會有+1服務費)，不過呢度嘅野水準又真係有返咁上下，份量亦都好合理，適合同一大班朋友一齊黎食😍以打冷舖黎講環境都算闊落，唔會話同隔離枱貼枱，推薦比鐘意打