明記海鮮潮州菜館 (天保大廈)

Open Now

Now Closed

提早興祝父親節 朋友介紹明記話係一間唔錯既打冷鋪頭，所以就同決定係到食父親飯。我哋一共呢就嗌咗九樣餸，雖然都冇辦法喺度每樣分享哂，咁都精選咗認為值得推介嘅比大家。先講講打冷必點既滷水拼盤，相當豐富鵝腸大腸亦都好入味。下面呢亦都有芽菜墊底絕對係一個唔錯嘅開場小食。滷水鵝都好入味下面嘅豆腐呢絕對係主角推薦大家可以嗌一個試吓。再落嚟呢，仲嗌咗個韭菜豬紅。一個大份呢就已經足夠我哋八個人食，所以大家要睇住份量啦。仲有呢個薯仔牛柳粒，牛柳好軟熟薯仔呢亦都比蜜糖包裹住外脆內軟帶少少甜味。送飯一流。如果大家都鍾意食打冷呢間呢都絕對值得推薦呀。

打冷餐廳已經買少見少，我最鐘意去明記，因為啲野最好食。以前疫情前，最鐘意大圍一班朋友去食，而且係預約定一間房一齊有傾有講嘆美食。今次有幸約左去荃灣呢間明記懷念一下，聚聚舊。首先一定要叫螄蚶同韭菜豬紅。呢兩個前菜係無得頂架。主菜叫了滷水鵝片，滷水鵝肝同滷水拼盤，每碟份量都好足夠4個大人去食。今次想特別讚下條烏頭。第一上枱時，已經打開咗魚皮，方便我哋今，第二係見到魚尾，有個牌，寫住係香港魚塘養值，肉質好甜，唔會有泥味。今次係連骨都舔埋。

有朋友從外國回來說非常掛住香港的打冷，我當然盡地主之宜帶他來到荃灣明記，呢間打冷店是室內有冷氣的，可以舒舒服服坐低食嘢。一講到打冷當必點蠔餅！落完單幾分鐘就上枱，速度非常快！蠔餅新鮮炸起仲係熱辣辣，一啖落去非常脆口，而且蠔仔大大隻啖啖肉，推介！蒜蓉炒通菜，通菜新鮮份量多，有炒氣炒出來爽口，性價比高！麻婆豆腐，比較麻不算太辣，朋友說香港的餐廳先做到這個味，非常地道，送飯一流！總結：上菜速度快，環境乾淨舒適，職員主動推介特色小菜！人均消費約$200-$300

明記海鮮潮州菜館係荃灣有名嘅潮州餐廳， 亦係深受街坊喜愛嘅飯堂，潮州菜及各式粤菜出品水準穩定，係晚餐嘅好選擇😚😚😁😁😋🥢鹵水雜拼🥢 $160鹵水選擇有好多， 如果每樣都想試下，就一定要點呢個鹵水雜拼啦，配料相當豐富， 有紅腸，墨魚，五花肉，豬耳，豬頭肉，大腸，鴨腎，鵝腸，豆芽。鹵水味道好夠，每款食材都好入味，各款食物口感唔同， 每一啖都係口感層次嘅變化🐷韭菜豬紅🐷 $88份量十足，潮州菜點可以少得佢呢，豬紅嫩滑入味，韭菜鮮綠香嫩，調味相當香濃，帶微辣，怕辣嘅朋友相信都食到🦪蠔仔肉碎粥🦪 $78香脆方魚及土魷令粥底帶海味鮮味， 蠔仔飽滿，每粒都漲卜卜，完全唔會有腥味，食材處理得好，每一啖都食到蠔仔粒嘅鮮味， 必點之作樓梯一上到餐廳就見到明檔，擺放住各款鮮魚，海鮮同鹵水食物， 相當吸引呢😊😊🤩🤩😋明記海鮮潮州菜館地址：荃灣鱟地坊72號天保大樓1樓#老店#潮州菜#樓上舖#大排檔#菜館#潮州菜館#荃灣#荃灣餐廳#荃灣食#荃灣潮州菜#香港潮州菜#必食餐廳#推薦餐廳#香港大排檔#鹵水雜拼#鹵水食物#鵝腸#豬耳#鹵水墨魚#五花肉#大腸#打冷#潮州打冷#韭菜豬紅#蠔仔肉碎粥#蠔仔粥#方魚#土魷#肉碎粥

去咗哩間老牌潮州菜大排檔果然係出色鵝片彈牙又入味 滷汁好香蠔餅勁脆、又大塊 石鍋啫啫芥蘭細嫩惹味D嘢食好正 要飲返幾杯啤啤佢而且鍾意佢地方乾淨男女老幼都岩去👦🏻👩🏻🧓🏻👵🏻🔸椒鹽白飯魚（$118）🔸潮式蠔仔餅（$108）炸得好乾爽、脆口，蠔餅勁正超大塊，粒粒新鮮飽滿嘅蠔仔，而且慢慢食都唔會變淋，大愛❤️🔸石鍋啫啫芥蘭（$108）推介❇️用芥蘭苗，所以好嫩，有蝦米、蔥蒜香，好惹味！份量十足。🔸鵝片（$160）推介❇️肉質好爽彈、唔會好韌或好梅，滷水汁有花椒，八角等香料嘅味，好香好入味，唔會死鹹。🔸小食（$20）有魚乾仔、潮州鹹酸菜，鹹酸菜酸酸甜甜、爽脆、微辣，會忍唔住不停食。🔸加士伯（$84/3大支）

朋友在荃灣工作，一直向我介紹「明記海鮮潮州菜館」，這天過來探望他，有幸一試，果然名不虛傳😁「明記海鮮潮州菜館」的滷水拼盤（$160）提供豐富多樣的選擇。它包括各種滷水食材，如豆腐、豬耳朵、墨魚片和紅腸等。每樣食材都經過精心烹調，入味而且口感鮮嫩。滷水的湯汁香濃，讓人回味無窮。無論是單獨品嚐還是搭配其他菜餚，滷水拼盤都是一道不容錯過的美食。春菜腩肉（$98）是這家餐廳的必食菜品之一。腩肉經過緩慢燉煮，肉質鮮嫩多汁，配上軟綿的春菜，口感豐富。腩肉的肥瘦適中，入口即化，帶來濃郁的肉香。這道菜的味道濃郁而不膩，是肉食愛好者的絕佳選擇。椒鹽九肚魚（$128）是「明記」另一道美味食品。九肚魚經過炸至酥脆，外層裹著鹽和椒粉的調味粉，吃起來香脆可口。魚肉鮮嫩，口感細膩。椒鹽的味道恰到好處，不會過鹹，能夠突出魚肉的鮮美。這道菜絕對是海鮮愛好者的必點菜品。總的來說，「明記海鮮潮州菜館」以其滷水拼盤和各式潮洲小菜吸引了許多食客。無論是滷水拼盤的豐富口味，還是春菜腩肉和椒鹽九肚魚的獨特風味，都展現了這家餐廳在潮州菜系中的獨特魅力。如果你喜歡潮州菜，這間餐廳絕對值得一試。明記海鮮潮州菜館 (天保大廈) (荃灣)

今日路經荃灣 ，見招牌咁熟嘅，原來旺角食過,明記打冷👍🏻 見今日天氣開始又熱熱地🤪最啱就係食凍凍地既野 諗都唔使諗就食🤤打冷啦，打冷唻講第一樣要order既梗係食大眼雞🐟魚都好大條 魚質新魚肉質唔梅😍配埋豆瓣醬真係絕配😘有魚當然要嗌碟菜食吓啦😛春菜腩肉😗湯底好惹味、超林腩肉👍🏻好入味！又唔油膩，推介推介！餐廳環境都幾闊落幾舒服 最緊要係乾淨😌平日唻食既話都多人幫襯！如果再晏啲，我諗應該要等位😗

喺荃灣收工，約朋友去打冷，就搵左間明記海鮮潮洲菜館食，喺大河道嘅天保大廈1樓，地鐵站B1出口行天橋過去會易行啲。平時去打冷一定會叫椒鹽系列同黃金系列，但最近大家都要戒熱氣野，今次就食啲唔熱氣嘅先啦！不過前菜係炸魚仔無得避，就試左少少，第一次食，都幾香口幾脆，可惜唔食得咁多🥲之後叫左大碗嘅蠔仔肉碎粥，蠔仔大隻鮮味足得黎，份量都多，都好夠食👍🏻另外再叫左滷水三拼，墨魚、豆腐、五花腩，墨魚彈牙爽口；五花腩肥瘦適中；豆腐放底吸左滷水味都唔錯😋最後叫左個鵝片，薄切大片口感都幾好嘅～整體品質價錢都唔錯，有機會下次要食番啲熱氣系列過足癮先🤣

Happy Friday 食咩好？梗係簡D多人先食到既餐廳🍻🍻由於星期五冇預先book到位⋯7:00現場攞位⋯大概等咗10分鐘就有位今晚食咗咩呢？炸鮮奶，韭菜豬紅，咕嚕肉，醃螄蚶，炸蠔餅，瑤柱炒豆苗，再加四支大啤其中蠔餅係最受歡迎嘅! 好好食！超足料之餘唔會太油！配啤酒無得彈！另外推介醃蝦蚶！因為唔係度度都有得食！味道鮮美！又無沙！值得一讚！其他餸都一樣好好味！全部清碟！絕對係高質打冷題外話！啤酒做緊買三送一！

前幾日和朋友去荃灣，晚上朋友提議去明記打冷，地下入口不大，上二樓後發現店內都幾大，而且乾淨企理。蠔仔粥，每次打冷必食，這裏的蠔仔粥好多蠔，而且沒有腥味，粥底有些柴魚，十分香，細碗份量都不少，兩個人夠晒食。煎蠔餅，超級酥脆，比一般食的更脆口，外脆內軟，蠔仔都幾多，算大隻，口感幾好，加點辣醬更惹味。滷水鵝，例牌的份量都幾足，滷水很入味，鵝皮夾層的油脂好香，如果鵝肉再軟滑一些更佳，整體而且是不錯的。墨魚生腸，都是打冷必食，生腸好爽脆，好喜歡咬下去的感覺，墨魚都很爽口，味道不錯，配上一些芽菜，幾好味。看到滷水檔的凍龍蝦和超大籟尿蝦，感覺好美味，真的好想試試，下次來必定要試。

好耐冇嚟食過晚市打冷，今日同朋友撐爛腳去到一間呢間老字號潮州館，一入門口已經見到d鹵水拼盆，個肚即刻蠢蠢欲動。🍢開場先上嚟的是滷水雜拼，咸香得嚟入口即溶，鵝腸特別搶鏡，爽口得來有咬勁，真係一流。滷水汁香濃，加埋特製醬汁難得一見嘅絕配。然後，係蠔仔肉碎粥嘅時間，粥底滑溜溜嘅，蠔仔又新鮮，食落唔單止有海鮮鮮甜，仲有啲微微嘅甘香，正呀！一碗落肚覺得好滿足。🍲講到呢個潮式蠔仔餅，真係驚喜，香脆得嚟唔油膩，每一啖都食到蠔仔本身嘅鮮味，連我呢個蠔仔控都讚好。😋最後，大大杯檸檬茶真係可以講得上係解渴聖品，檸檬片滿滿當當，飲一啖茶，酸甜交替，即刻令人精神百倍。🍋今晚呢餐食，簡直就係回憶滿滿嘅夜晚，分享笑容、分享美味，這就是生活中簡單嘅幸福啦！

昨日去同朋友去咗荃灣一間出名嘅潮州菜館食飯，呢度嘅潮州菜認真唔錯！一行入去，已經感受到傳統潮州風情，有滿滿嘅食物，烏頭魚，大蝦等放咗喺藤籃上，非常吸睛。坐低後更有一啲潮州小食酸菜花生送上，酸菜嘅酸度掌握得剛剛好，唔會過分酸，非常開胃，為呢餐飯打開咗完美嘅序幕！明記有豐富嘅潮州菜式選擇，價錢公道，而且份量大滷水鵝$148嚟得潮州菜館，點可以唔試滷水鵝，呢度嘅鵝肉新鮮嫩滑，每一片都係滷得入味，又保持咗肉質嘅彈性。滷水汁嘅味道濃郁而不過分鹹膩，帶有八角同桂皮嘅香氣，令整體味道層次豐富。鵝皮帶點微微油潤，同肉質嘅鮮嫩形成完美配搭。底下的滷水豆腐質地也非常嫩滑，吸收咗滷水嘅精華，每一口都滋味滿分。滷水嘅香氣中帶有細膩嘅香料味，而且鹹甜適中，完美地提升咗豆腐嘅味道。最令人讚賞嘅係，佢哋嘅滷水豆腐表面煎得微微焦脆，同內裡嘅嫩滑形成絕妙對比。潮式蠔仔餅 $108呢度嘅炸蠔餅真係好好味！蠔餅外皮炸得金黃酥脆，沒有任何油膩感，一口咬落去，香氣四溢，讓人垂涎欲滴。而啲蠔仔都處理得非常乾淨，每隻都白雪雪，唔會有一啲多餘小顆粒，蠔仔每粒都非常大隻，而且仲保留住蠔嘅鮮美滋味，鍾意食蠔餅嘅一定唔可以錯過！韭菜花炒鹹

嚟到潮州菜館，梗係嗌返啲潮州嘢食！四個人點咗四樣餸。有凍烏頭，滷水鵝片，蠔仔粥同埋豬油炒菜心。凍烏頭，用元朗烏頭嚟整，可能唔係當做，條魚唔夠肥美。本身諗住揀滷水拼盤，但問清楚侍應原來唔包鵝片，於是直接點一個例牌嘅滷水鵝片。份量大概一人兩至三片下面用滷水豆腐墊起。蠔仔粥就正常味道，蠔仔都算多，每一碗都有六七隻，而我哋四個人每人都食到兩碗。最尾一碟… 屋企人想食菜心，但係諗唔到點整好，於是侍應哥哥就推薦咗用豬油炒。試完… errrr, 下次都係嗌返蒜蓉炒比較好

同事約放工食飯吹水，帶咗我去食明記，話佢由細食到大，街坊先知呢間舖頭😂✨滷水雜拼+鵝 $198同事話必點滷水雜拼，但我又想試吓滷水鵝，所以就加埋鵝肉～滷得超入味！鵝肉幾嫩，但比較之下雜拼真係好出色🤩，分量多之餘，內臟清得乾淨，我最鍾意係鵝腸，好爽口👍🏻✨黃金鮮魷 $148見到好多枱都叫咗海鮮，不過我哋兩個人費事嗌太多，所以就叫咗呢個鹹蛋黃鮮魷。鹹蛋黃好香，鮮魷好爽脆，越食越過癮😍！✨石鍋明記炒飯 $118店員話明記炒飯係比較潮州味💁🏻‍♀️，有欖菜，蝦乾，白飯魚喺入面。炒飯好惹味，石鍋可以做到飯焦😋✨大大杯凍檸茶 $38大杯到兩個人share先飲得哂😂飲完即刻gur晒✨前菜 $20

朋友仔係荃灣嘅街坊聽佢講明記已經開咗好多年讀書時期就開始一大班朋友嚟幫襯添平日夜晚黎到都座無虛席果然受街坊歡迎👍🏻餐牌上面嘅選擇繁多除咗主打潮州打冷亦有鑊氣小炒 🔥入到去仲見到好多款式嘅潮式海鮮凍蟹凍烏頭瀨尿蝦大眼雞一應俱全🌟潮式蠔仔餅($108)香脆嘅炸物永遠都係最受歡迎蠔餅炸到金黃酥脆好靚仔而且大大塊唔會散晒仲有好多粒粒蠔仔鮮甜飽滿🌟鹵水雜拼($160)諗唔到想食邊款滷水可以叫拼盤有墨魚紅腸大腸雞腎豬腩肉等等滷得夠入味，份量又多🌟明記小炒皇($128)韭菜食落爽脆冇渣蝦乾同魷魚帶出鹹香鮮味仲炒到好有鑊氣好惹味