明記海鮮潮州菜館 (天保大廈)

Open Now

Now Closed

今晚約咗個賭馬兒情嘅朋友喺荃灣食飯，所以搵間有電視睇吓馬仔，吹吓水嘅地方，荃灣鱟地坊嘅「明記海鮮潮州菜館」打冷就係好選擇，餐廳有好多大電視，鍾意睇住電視送飯嘅，啱晒。每晚開到零晨三點，啱哂貓頭鷹一族 餐廳有打冷專區，可以親自出去點選,都幾多選擇，不過今晚我哋主打食黃酒雞。客家黃酒雞煲先放低一個Gas爐，等咗一陣，香濃酒味嘅雞煲就馬上送到。除咗黃酒之外，仲有其他藥材，感覺相當補身。雞件份量都幾多，唔知係咪黃酒關係，肉質份外清甜和嫩滑。飲咗幾碗湯之後，成個人都暖咗。沙拉蝦球每一隻蝦球嘅外層都包圍着沙律醬，蝦球夠大隻，而且份量很多，性價比極高。食落肉質夠彈牙，沙律醬帶出了蝦嘅鮮味，絕對沒有雪藏蝦嘅味道。勁大檸檬茶真係大檸茶，足足有成1000 mL，足夠兩個人嘅份量，真係超抵飲。

每當我想不到食什麼時候都會跑去食潮菜，對我來講好像是一種慣性。今日到訪荃灣區，搜尋美食網站，見「明記海鮮潮州菜」評價不錯，一於試試。一入店內已被放滿食物的櫃檯吸引住，見到掛滿的鹵水鵝鴨，橙色大墨魚，大大盤的螄蚶、魚飯和凍蟹，真係口水流，快速坐下點菜。首先當然要點：楊氏元朗凍烏頭 ，上檯時已見魚皮和魚肉分開，魚身滲出金黃色的魚油，已知道魚十分肥美，嚐一口魚脂豐厚，再配上碟旁的普寧豆醬 增添一點咸香，真係食唔停口。鹵水鵝件例牌份量不少，鵝肉嫩滑，滷水味道恰到好處。韭菜豬紅 豬紅軟硬適中，汁液已煮入內十分入味，配埋韭菜一起食非常夾。方魚肉碎粥大地魚的清香撲鼻而來，湯底清甜，食落清爽又有飽足感。今晚又係滿足口福和心靈的一頓飯，相信很快我哋又會再光臨。

同老婆難得出街食，都好耐沒有食過中菜或打冷，係荃灣搵到間小菜可以開到凌晨三點既店舖，但估不到我地上到去之後，都座無虛席。【超大檸檬茶】1000ml 特大檸檬茶真的超巨大，足夠2個人共享，而且茶味清新，味道都不錯。【菠蘿咕嚕肉】咕嚕肉炸到外脆內軟，肉質鮮嫩爽口，肉味香濃，酸甜汁味道恰到好處，加上紅黃椒、菠蘿等蔬果提升甜味，滋味倍增。【薑蔥焗魚腩】爆過的薑蔥香氣撲鼻，魚腩先用油炸過再拌入薑蔥炆焗，魚腩肉質比較實淨但鮮味十足，啖啖魚肉加上魚腩的油脂、爆香過的乾蔥及薑，真的可以吃不停口。【白飯魚煎蛋】白飯魚煎蛋已經好少地方可以食到，煎到金黃色，白飯魚嫩滑鮮甜，可以整條魚肉吃下，蛋餅煎到有少少焦香，蛋味香濃可口，拌飯同吃真的非常匹配。

明記算係荃灣打冷老字號，好耐以前同學聚會食過，食物味道唔錯，港式大排檔格局，環境好熱鬧貼地。之後仲特登帶屋企人去食！最近又同朋友過嚟打冷！平日晚上7點，明記已經座無虛席，充滿歡聲笑語，非常熱鬧，好似好耐冇喺食肆感受過呢個氣氛！沙拉肉排$118 呢個係我去親大排檔都好鍾意點嘅菜式，排骨炸過當然好香酥可口，咬落去外層少少脆，內層肉腍腍哋，都幾易入口，加上用咗好多沙律醬包住排骨，酸酸甜甜，唔濟之餘仲好開胃！滷水雜拼$160 滷水系列可以單點、雙拼或三拼，呢度滷水鵝最出名，不過滷水雜拼乜都有啲，又見到侍應係咁出呢個菜，唔使點考慮就決定食佢啦！滷味好入味，豬腸好腍，魷魚、豬耳好爽口，易咬開！明記招牌炒飯$118主食叫咗招牌炒飯，炒到一粒粒、醬油上晒色，個樣幾靚！最正係唔油膩，特別之處係加埋咸菜一齊炒！坐底已附小食一份$20，另收加一服務費

朋友推介明記打冷，見到隔離枱的小炒好似好吸引，一於今次試下！明記小炒皇-非常足料，魷魚蝦干腰果蘿蔔乾等等全部都炒得好香口，材料亦好高質-韮菜好翠綠份量好多，好有鑊氣黃金鮮魷-鹹蛋黃好綿綿好香，愈食愈停唔到口-鮮魷大大塊好厚肉，每一面都沾滿鹹蛋黃。幾乎見到每枱都有叫，果然名不虛傳砵酒焗桶蠔-姐同朋友都非常滿意的一碟，蠔大大隻蠔肉飽滿，整窩有十大隻左右-砵酒酒味好出好濃，一上枱已香氣十足-洋蔥可以話係另一主角，吸收哂啲蠔鮮味同酒香，加上自身的爽甜，食到一塊不漏超大杯凍檸茶-有1000毫升！真心好大杯但又真係飲得哂，姐同朋友都各自飲光-唔會死甜，飲到茶香同檸檬香

明記係荃灣都屹立左好多年，一直係街坊食打冷大排檔野食嘅聚集地😋今日就約左個外國番黎嘅朋友，同佢食番啲地道野平日大約7點到已經坐滿晒人👀人流不絕🥢小食🥒 $20餐前小食有醃青瓜同咸酸菜，開胃醒神🥢蠔仔肉碎粥（小）🍲 $78蠔仔粥分兩個size，兩個人叫個細份嘅都夠，大約分到4碗出黎，蠔仔肉肥美量多，口感偏向似湯飯，味道鮮甜🥢滷水雜拼🧆 $160黎到打冷叫滷味是常識吧😆入面有齊豬大腸、墨魚仔、豬耳、鵝腸、雞腎、紅腸等等，滷水汁入味，配搭酸辣汁同辣椒油已經好好食特別一讚鵝腸勁爽口👍🏻🥢潮式蠔仔餅🦪 $108朋友係蠔仔fans，一黎到就叫左兩款蠔🤪蠔餅邊位炸到脆卜卜，蠔肉大粒，份量厚實，蘸魚露食咸咸香香🥢超大杯檸檬茶🍋 $36周圍都係嗌啤酒🍻我地就比較偏向檸茶🤣因為見佢寫住1000ml絕對滿足到我呢個茶控！入面嘅檸檬片接近有半個，解渴解膩一流！抵叫👍🏻

同幾個朋友去到荃灣順便食晚飯，想打冷就搵左明記啦，去到都好full下好彩留左位唔使等！叫左幾個餸，全部都好好食好足料韮菜豬紅-超多豬紅 食到尾都食唔晒，但偏油左少少豉椒炒蜆好大碟 好多蜆肉唔人淨係得殼，偏重口味啱我地食！炸蠔餅上到枱炸到金黃色熱辣辣，好多蠔肉同埋唔會勁細粒。蜜椒薯仔牛柳粒牛柳都稔，薯仔炸到脆再配黑椒蜜糖無得輸，好快就清碟仲叫左蠔仔粥、炒飯同椒鹽九肚魚，炒飯超足料好食，食到最尾勁飽朋友都忍唔住清曬。

又到過年過節時間，最好的節目，就是和朋友出來聚餐，歡聚一下。餐廳位於地鐵站旁，地點非常方便。韭菜豬紅叫了一份韭菜豬紅，豬紅大大件的，一啖擺落口，非常滿足，豬紅很粉，口感不錯。加上豬紅很入味，配上蔥花和芫荽，老人家一定喜歡。蠔仔粥在冰冷的冬天，配上一碗熱辣辣的蠔仔粥，是不錯的選擇，叫了小碗size，但份量依然大份，蠔仔份量也頗多。粥配上大量的蔥花芫荽，顯得非常鮮甜。水煮魚片魚片比想像中滑，厚切，口感不錯。最難忘的是他的辣味，覺得一點也不攻喉，加上魚的鮮味，配上白飯非常好味。滷水拼盤滷水好味，是正宗的潮州滷水味道。鵝腸非常爽滑，是我最喜歡的。

今晚到明記打冷，從樓梯上一樓，以為只得幾張枱的小店，一打開門，看到一個頗大的打冷檔，放滿了各種潮式美食🦐🦞🦀，店內都算幾大，有很多枱，環境光猛，感覺不錯。鹵水雙拼，我選了鵝腎和墨魚，鵝腎爽口，但不會硬，與鴨腎、火雞腎不同，口感更佳，食味更好。而墨魚🦑夠爽脆，蘸點白醋更美味🥰。潮式蠔仔餅，這店的出品與我以前吃過的不同，酥脆無比，內裏卻能保持軟滑，蠔仔算大隻，亦不少。加點辣醬🌶️更惹味，值得試一試。蠔仔肉碎粥，是打冷必食的。我點了個小的，原來都好大碗，三個人都夠食，蠔仔🦪夠多，肉碎再加上一些魚乾，十分好味。明記小炒皇，店員一端上枱，已聞到陣陣的香味，苟菜超爽口，配上蝦乾🦐、墨魚🐙、腰果等，相當惹味，口感豐富，值得推介👍。

收到消息今晚老公要加班，又可以唔使煮飯啦👏！老公提議打冷食小菜，選擇荃灣街市附近的食肆「明記海鮮潮州菜館」食潮州菜😍。天寒地凍，又雨紛紛！已經來到明記，原來不是戶外大排檔打冷舖啊！已經𨍭營樓上店的潮州菜館👍。進入店內，潮州打冷大排檔風味出晒嚟，滷水鵝、原隻大賴尿蝦、凍蟹、檸檬烏頭魚等等，不醉無歸感覺🥰。環境很舒服，座位寬躺，還有啤酒妹妹進場增加全場氣氛🥳。《蠔仔肉碎粥》$118分量十足，粥材料豐富有蠔仔、肉碎、大地魚仔、薑絲、蔥、芫荽、芹菜、冬菜、油魚仔等等。味道鹹鹹地，鮮味很重😋。《潮式蠔仔餅》$108急不及待品嚐，熱騰騰的，蛋漿均以塗上很多蠔仔，咬落內𥚃煙靭外面香脆😋。《鹹菜炆門鱔》$98好耐冇吃過的菜式，鹹菜加上辣椒提升門鱔更加惹味，越食越開胃😋。今日很滿足食到－餐豐富潮州菜😍。

做左openrice 咁多年cd-rom, 用做下指標睇下去邊食飯，訂下枱，買下外賣. 今次明記真係點着左我團火！荃灣友大部份都知道明記食物質數可以，但價錢一年貴過一年， 仲貴過大鴻輝食任食. 今日家人想食打冷外賣，荃灣區我只諗到明記質素比較有保證，而對上一次幫襯已經係兩年前，唔想家人失望，唯有硬着頭皮頂硬上. 一上到門口收銀，同個四眼阿姐講我買外賣，有冇折，定係好似之前咁夠幾百蚊就送一個雜拼，個四眼阿姐掛住睇賽馬，hea住講我地外賣冇折架喎， 而送雜拼都已經冇做. 算啦咁既然佢咁忙睇馬， 我唯有問佢可唔可以俾個餐牌我睇，佢指住第一張枱，叫我自己行過去攞，但明明佢背脊後面係有餐牌，但係唔想攞俾我囉. 我分別叫咗韭菜豬紅，滷水鵝片雜拼同埋辣酒煮花螺共500 信用卡付款. 係我等待之際，我就上OpenRice睇睇其他人仲有咩推介. 但就俾我發現咗，原來經OpenRice訂係有九折. 我即時問阿姐（指住個App)點解呢度有九折, 佢支吾以對同我講咁你喺邊度訂呀，然後繼續睇馬，好似完全唔想解釋咁. 咁既然我柒咗就要認，而對方都唔係好care 我既反應，咁我只好上OpenRice留我第一個留言

呢幾日天氣轉涼，凍冰冰就想去打冷店食飯，呢間潮州打冷店位於荃新天地一期旁邊，距離荃灣站5分鐘路程，出閘後行天橋過去就到，非常方便。餐廳位於一樓，從樓梯一上就可以店舖擺放了很多大眼雞、烏頭、賴尿蝦、凍蟹等潮州菜式！一坐低，職員好快已經上小菜，有花生和酸菜！來到打冷店當然必點潮州蠔仔餅，蠔仔大小適中，蠔餅炸得酥脆香口，蘸上魚露汁吃更帶出蠔仔的鮮味！馬拉盞通菜，一上枱嘩一聲，碟菜好大份而且夠鑊氣，超抵食！明記潮州炒飯，飯是用石頭鍋上，能保持炒飯的溫度不會冷卻，吃到底的時候還可以吃到飯焦呢！店舖開到凌晨三點，還可以同朋友睇埋世界盃！

天氣突然轉涼，就約埋朋友去食打冷同小菜就最好不過，一入餐廳已經見到多款正宗潮州美食。餐牌上有多款優惠孖寶，小菜及火鍋😋蒜蓉開邊蒸蝦餐廳用了海蝦所以肉質特別鮮甜，蒜蓉及調味適中，粉絲吸入鮮甜醬汁，煙煙韌韌特別好食😋欖菜肉鬆四季豆大大碟粉量不少，四季豆炒得好香好有鑊氣，欖菜本身鹹鹹香香加入豬肉碎配白飯不錯。西檸煎軟雞雞肉炸至金黃色，外皮香脆雞肉又香又嫩，啖啖肉配上酸酸甜甜檸檬醬汁，好惹味😋大檸Tea大大杯檸檬茶有一公升裝份量，好抵飲👍基本上每枱必點的。

想一邊食好嘢，一邊睇世界盃，一定要嚟荃灣鱟地坊嘅「明記海鮮潮州菜館」打冷。全層有多部電視機，坐邊都會睇到，裝修很有打冷格局。一邊是擺滿各類打冷食品，可以睇清楚先揀食邊款潮式蠔仔餅每次打冷我都必食嘅蠔餅，外層脆卜卜兼有蛋香，食落不太油膩，蠔仔脹卜卜，感覺夠新鮮，再點上少許魚露一齊食，能提升蠔嘅鮮味。客家黃酒雞煲一上菜就聞到陣陣藥材味和濃濃嘅酒香。雞肉吸收咗黃酒嘅芳香之後，帶點甜味，雞肉夠嫩滑，而且份量都幾多。飲咗幾碗湯之後，成個人都暖咗。天氣再凍啲，真係超正。招牌煲仔焗蜆豉椒炒蜆食得多，我覺得焗蜆嘅做法更能帶出鮮甜味，而且還帶點海水嘅鹹味。最欣賞係每隻蜆都幾大隻，而且隻隻蜆都開晒，用料絕對夠新鮮。勁大檸檬茶最後叫咗杯超大嘅檸檬茶，足足有1000 mL。雖然咁大杯，但茶味和檸檬味都好平衡，真係超抵飲。

話說我屋企嗰位是球迷，世界盃開幕之後，他夜晚都會心掛掛，想出街食晚飯都有得睇波，去鱟地方的明記就啱晒了！明記營業到凌晨 3 點，又可以睇波！晚市好熱鬧，好多客人！坐低之後有小食魚乾仔同花生！因為是潮州菜館的關係，出面放了很多賴尿蝦，凍蟹，大眼雞，烏頭等等潮州菜式！好吸引！鑊氣小炒的種類好多，蒸炒煮炸菜式任君選擇！我哋兩個人叫咗三餸一飯！每碟餸的份量都不少！椒鹽魷魚呢碟餸好適合飲番幾杯，魷魚新鮮，爽口彈牙，超級惹味的椒鹽，魷魚外面有鬆脆的炸漿，每啖咬落去都發出鬆脆的聲音！咕嚕肉咕嚕肉啖啖肉，外脆內軟，肉質彈牙又Juicy！咕嚕汁酸酸甜甜，有麥芽糖的甜味，超好餸飯的菜式！海味時蔬粉絲煲有好多蔬菜，菜心、西蘭花、白菜仔、各種菇，還有鮮魷，清清地，又多嘢食！如果多人聚餐，可以叫多幾款菜式都幾好！