明記海鮮潮州菜館 (天保大廈)

Open Now

Now Closed

呢間由細食到大嘅潮州打冷應該荃灣人都一定食過嘅舖頭之一雖然咁多年嚟睇住佢加價份量都唔算係話少咗好多所以覺得多人食除開之後性價比幾高每次去都會食個孖寶餐睇吓想食大眼雞定蒸白鱔仲有豉椒炒硯同蒸蟶子但食過兩次炒硯份量好少後來好少嗌想食硯嘅話會覺得不如嗌東風螺我比較鍾意揀屋企好難煮得到嘅嘢食所以蠔餅都係一個我每次去都想食嘅餸而且佢係炸到好脆口好熱氣嗰種愈邪惡愈想食喺屋企真係整唔到佢嘅鵝片鹵得好勁有時會太多肥肉不過百零蚊呢個份量又覺得幾抵食真心唔太建議嗌鹵水拼盤因為好似將啲餸頭餸尾擺埋一碟咁不如揀返佢嘅椒鹽系列仲好沙拉骨同沙拉蝦球都唔錯我覺得好食嘅我打晒出嚟㗎啦😆

女友小熊話有段時間無食潮州菜，想食螄蚶.唔知點解，潮州菜先有螄蚶?我係屯門出差，小熊係香港島收工，於是揀個兩者中間位置開餐，中間位置係荃灣，上網睇睇，明記係荃灣有分店，於是上明記開餐.旺角明記唔只幫襯一次，所以放心幫襯荃灣店. 另外仲有個目的，旺角店舖嘅凍0茶有粒熊仔冰粒，女友小熊好鬼鍾意話佢好Q，所以想會吓粒熊仔冰粒!唉.... 我有時對住小熊，都會頂唔順佢D傻勁! @_@:荃灣店就無熊仔冰粒供應，但有大大杯凍0茶而且圍圍枱都點，成個啤酒杯咁大杯，我同小熊兩個人點一杯都係啱啱好飲哂，依家天時暑熱，有杯咁巨型嘅凍0茶絕對加分不少，只係賣36蚊! 出面D茶記，差不多賣成20蚊仲要得果丁咁細杯份量，即刻將果D茶檔比下去!加分地方仲有兩點，第一係D小食花生，明記花生夠香口夠脆，有D餐廳嘅花生一入口，唔夠脆入哂氣，相當無引，雖然問題小小，但如小小問題都忽視，質素好極有限，大大扣分.第二點係個螄蚶夾，試過用D螄蚶夾，爛都俾客用! 有D就用得多有損耗，開螄蚶唔夠乾淨利落，今次螄蚶夾好好用! 一開就攪掂!等我開多幾隻俾女友小熊食先! 易開!螄蚶用酒醃制，仲有蒜香同莞茜香，又鮮嫩又爽口，食到停唔到口，

朋友介紹一間潮州菜-明記，環境裝修都好有傳統特色，我同朋友都鍾意食大排檔，就過來試試。滷水鵝滷水鵝肉一定係必點，鵝肉充足其獨特肉香味，薄切排盤,  墊底用了滷豆腐,  口感係結實帶少少咬口嗰種，而且索哂啲滷水汁，必食呀，鵝片好入味,  肉質油脂感豐富, 正宗潮式滷水鵝超級，肉質軟嫩，好好食! 方魚肉碎粥食潮州菜又點可以不叫方魚肉碎粥呢，已經有一大鍋，粥底係潮州粥但飯粒熬到好綿嗰種，有少少似湯飯嘅質地，反而幾有咬口。蠔餅即叫即煎旳蠔餅，熱辣辣香噴噴，色澤金黃吸引，餅入口香脆，煎得不油膩, 脆中帶點煙韌,  蠔仔飽滿,  味道鮮美

母親節前夕, 和媽媽先來打冷一聚。之前也來過這間餐廳,味道好味,加上環境舒服,適合高談闊論,正好暢談一番。滷水鴨滷水鴨份量頗多,而且滷水味濃,是正宗的潮州滷水味，不會太咸,鴨肉肥美，肥瘦適中,配合白飯,非常好味。涼瓜炆海斑頭腩煲魚腩煲一直是媽媽的最愛,魚腩大大舊的,而且份量也好多， 吃落滑口juicy,而且薑蔥爆得好香,非常好味。韭菜豬紅韭菜味好香, 豬紅入味, 加上濃香的白胡椒味,配白飯一流,而且豬紅口感像鴨血, 吃落QQ的。

呢間鹵水已經係旺角食過好多次，同朋友都好鐘意黎。行過荃灣想食，又再幫襯了~鹵水拼盤叫左墨魚同豬耳，因為都鐘意食爽口既野，佢既鹵水好入味，唔會死鹹之餘仲有淡淡的香料味~椒鹽九肚魚佢既九肚魚炸完依然好滑，加埋椒鹽好惹味，令人食到停唔到口蠔仔肉碎粥(小)呢到雖然係細份，但都好夠兩個人SHARE黎食。佢蠔仔份量好多，啖啖都有，真係超滿足~ 蠔仔亦都十分鮮甜，好正!石鍋啫啫油麥菜油麥菜上台既時候好熱，岩岩整起，菜都特別爽脆! ~最後飲埋杯XL凍檸茶，入面好多塊檸檬，超夠味，超滿足。

好幾年冇去明記吃晚飯，今次趁住母親節去幫襯吓，卜枱時超誇張要分兩個時段去食，餐廳環境一般，枱與枱之間很擠迫，大排檔格局。鹵水雜錦鵝件，有鵝件，大紅香腸，墨魚，鵝腸等等。size正正常常，味道一般，無乜驚喜。沙拉骨，用金沙骨材料制作，变咗質地偏硬，加上無乜肉，口感麻麻。椒鹽鮮魷，鱿魚質地厚身，炸粉薄薄包住鮮魷，加上味道剛剛好，好好食，唔錯👍小抄皇，用蒜心/乾鱿魚/腰果這個小菜反而幾好食🥳蠔餅，size比以前細咗一個圈，麫粉偏多，冇以前咁好食，有些失望😑火腩豆腐炆魚腩骨，豆腐好入味，燒肉比較鞋口，好彩魚腩骨炆得好入味，都ok好食。總括嚟講，明記的小炒比以前細碟，價錢略贵，可以比美酒樓重要加一，感覺唔係咁抵食🤔

荃灣（明記海鮮潮州菜館）歷史悠久，水準好平穩。一入門口看到潮州菜館常見食物凍烏頭自己選大小, 時價.我久不久和朋友來,招呼不錯,環境寬闊, 有紙巾, 茶芥,小食,加一. 食物是正宗潮州菜. 今天2人選2個菜.最近新出左巨杯裝檸檬茶。堅適合打卡, 超大杯. 茶味香濃，檸檬有5片，真的好吸引。當然吸引我來吃的是滷水雜拼加滷水鵝片款式多最適合咩都想食的我。滷水味道不咸不發渴，不是什麼地方滷水都好味道。（鵝腸、墨魚片、豬腩片、豬頭肉、腎片、豬大腸、紅腸、芽菜）味道咸中帶甜，香料味不錯。豬大腸完全無難嗅氣味，相反中間位置沒有肥油，滷水顏色好深，信相浸煮一段長時間很入味。鵝腸爽口，豬腩肉雖然見到一層層脂肪，在浸煮滷水過程中，油花已經迫出，所以腩肉口感爽而不膩，腎爽口嗦嗦聲。XO碧綠炒蝦球 辣辣地食到d蝦米仔好惹味，西芹斜切撕走韌的根入口變得爽脆，蝦球大隻爽口彈牙，品質不錯。大大杯1000毫升檸檬茶成為明記另一個亮點。我很喜歡味道酸甜適中最啱成班朋友聚餐，不喝啤酒朋友好選擇。配一些炸物更就非常完美

外賣自取，叫咗一個龍蝦伊面，一個2人套餐（有滷水鵝，荔枝骨，金銀蛋浸時蔬，白飯），一個大蠔仔肉碎粥 ＆ 2碗白飯。最後收到嗰個2人套餐少咗金銀蛋浸時蔬 ＆ 一碗白飯😞

今晚朋友想去打冷，我就介紹他去荃灣明記，上一條樓梯，以為店面很小，原來都幾大，而且光猛潔亮。鹵水三拼，我們點了墨魚、鵝腸、鵝腎，墨魚爽口，一向都是我的至愛。特別是鵝腎是很好味，很爽口，但不會韌，有軟心的感覺，食味香濃。黃金魷魚，用咸蛋黃包著來炸，香氣四溢，入口外脆內軟，又彈牙，充滿咸蛋甘香，咸香感覺濃厚，而且份量也足。鹵水鵝，顏色吸引，鵝肉軟滑入味，而且夠大隻，加些白醋，令人回味。潮式蠔仔餅，與一般的潮式蠔餅不同，一般的比較軟身，不會很脆。但明記的蠔餅是很香脆的，蠔仔也不少，加點魚露和辣醬，超惹味。蠔仔肉碎粥，我們點了細的，原來細碗都很大碗，三個人每人兩碗仔還有剩，認真抵食。味道香濃，有很多蠔仔，口感很好。超大凍檸檬茶，一杯足足1升，真的有驚喜，茶味不錯，幾有特色。

明記已經屹立左喺荃灣好多年，我都已經食過佢好多次！佢嘅海鮮頗為出名，潮州螄蚶好少地方有，但呢度真係好好食！有少少辣，但好野味，唔食辣嘅我都停唔到口！係應該有用酒走去浸過，食完都有少少醉🤣今次就試佢個豉椒蒸魚雲，魚雲好新鮮，豉椒蒸得好入味！另外仲叫咗個韭菜豬紅，份量好足。黃酒煮雞亦都好好食，黃酒煮雞入邊好足料，紅棗杞子桂圓走唔甩，食完感覺超級補🤣🤣

今日放工之後約咗朋友 同朋友行荃灣 今晚好想食潮州菜打冷 見到有間餐廳叫做 明記海鮮潮州菜館 之前都去過旺角有間分店 覺得呢間都幾好味 所以行開荃灣就入去食 我哋兩個人 上到去1樓 侍應叫我哋坐四人枱 環境好闊好大 又光猛 我哋叫咗以下食物1️⃣蠔仔肉碎粥（小）$782️⃣黃金鮮魷$1483️⃣豉椒炒蜆$118蠔仔肉碎粥 蠔仔適中 冇腥味 同埋啲肉碎 夾埋啲蔥花另外一個黃金鮮魷 一上枱聞到陣陣香味 魷魚大大嚿 有啲鹹蛋嘅香味 好夾好好味 豆豉炒蜆 差唔多俾我一個人食晒 好友鑊氣 夾埋啲豆豉炒好好味

成大班人想飲下啤酒吹下水食下小菜中式菜館係一個好好嘅選擇🍻相信住荃灣嘅朋友對明記一定唔會陌生😆環境都算幾闊落，唔會話同隔離枱貼枱👍🏻而且無限時 可以飲住啤酒睇下波⚽️🍺\ 🐦招牌滷水鵝 ($148) /滷水鵝非常入味，但唔會太鹹，肉質鮮嫩不柴，下面嘅豆腐都入晒味，而且份量超大\ 🍍菠蘿咕嚕肉 ($118) /咕嚕肉酥脆可口，外脆內軟，呢道菜嘅精萃在於醬汁，佢嘅醬汁酸酸甜甜好有層次，而且每舊肉都掛到好多汁，大推！ \ 🦑椒鹽鮮魷 ($138) /啱啱炸起熱辣辣超脆口，魷魚新鮮，嫩口唔靱，加埋惹味嘅椒鹽，好適做佐酒小菜🍻！\ 🐮蜜椒薯仔一口牛 ($160) /鑊氣十足，黑椒味濃，薯仔炸到外脆內軟，加埋d蜜汁好好味，但一口牛就一般..\ 🦐芝士海蝦伊麵 ($168) /芝士汁濃，伊麵份量多，海蝦彈牙但相對份量較少\ 🥬石鍋啫啫芥蘭 ($88) /用石鍋上可以保持溫度，芥蘭完全無苦澀味，加埋少少辣椒非常惹味🌶總括黎講，明記性價比高，價錢合理份量大，真係好啱一大班朋友一邊睇波，一邊飲住啤酒食下小菜😎🍻😎

好耐冇去食打冷，今次去咗荃灣明記海鮮潮州菜館到食晚餐，呢間舖頭喺荃灣已經好多年🔥🔥🔥首先叫咗佢個潮式蠔仔餅蠔仔餅炸到脆卜卜，蠔仔好大粒好厚實唔腥之餘仲有啲鮮味😋😋😋分量相當之多👍🏻👍🏻👍🏻之後叫咗個韭菜豬紅，份量又係極多，豬紅嘅軟硬適中唔會好容易散，而且煮得好入味配埋韭菜食非常之香😋😋😋元朗凍烏頭係必點，侍應拎到過嚟嗰陣時，已經見魚皮同魚肉都分開咗，魚身仲滲出好多魚油出泥，一望就知條魚非常肥美，食落淡淡魚脂香味，另外仲有一碟普寧豆醬，鍾意鹹香嘅朋友可以點一點嚟食✌🏻✌🏻✌🏻最後仲叫咗一個XO醬西蘭花炒鮮魷西蘭花口感啱啱好，好脆身唔會太淋，魷魚應該係新鮮貨，食落有鮮味，份量都偏多同埋大件

荃灣打冷 潮州風味小廚。 我會首選 明記。呢度全部潮州師傅主理， 。頭先我就叫咗佢哋個 孖寶 配搭潮式 鹵水拼盤 拼 潮式凍烏頭潮州凍烏頭 真係好好味 烏頭的肉質紮實大牙 清甜可口 新鮮的烏頭魚 非常惹味鮮味。 去上潮州秘製醬汁 帶出烏頭魚的鮮味。烏頭皮 脆卜卜 肉質紮實 一啖就食得 是心先烏頭魚先能夠做到的效果。潮州鹵水拼盤 有芽菜 有墨魚 有滷水滷肉。 大大碟 用嚟送酒就最啱。 潮式小品味 確實係抵食好味。 再嚟多一杯特大仙檸檬茶 好鬼大 杯 夠曬透心涼的感覺

荃灣咁多嘢食，明記一定係十大我最喜愛的餐廳其中之一，呢間潮潮打冷店我已經幫襯左好多年，我最喜愛就係佢哋嘅潮式生醃螄蚶😍潮式生醃螄蚶啲螄蚶好新鮮🐚，醃製得啱啱好，醃汁嘅味道好開胃👅滷水自選雙拼我揀左鵝腸併生腸🍴，啲腸都煮得好入味，好夠脆口，食落去有啲嚼勁石鍋啫芥蘭啫芥蘭炒得啱啱好，石鍋仲燒得好熱🔥，食落去好香口，有啲微微嘅焦味，好適合配白飯🍚。蠔仔肉碎粥粥煮得好稠身，啲蠔仔肉碎好入味，粥裏面仲有啲蔥花🌱，食落去好暖胃，仲可以補充下體力💪。最後一定要介紹下呢杯超大杯檸檬茶1000ml🍹，唔使講都知道，呢杯茶超大杯啦，仲有啲檸檬味🍋，飲落去好解渴，仲可以同朋友一齊分享呢～👭