明記海鮮潮州菜館 (天保大廈)

Open Now

Now Closed

上星期約朋友食飯，他們想食潮州菜，我們就決定去明記食晚飯，沿樓梯上去，餐館都不小，裏面坐滿了客人，都幾有人氣。韭菜豬紅，打冷必食，我最喜歡食豬紅，這裏的豬紅好好味，一點腥味都沒有，入口軟滑，韭菜夠爽口，我們點了小的，但都好大碗。炸大腸，炸得剛剛好，顏色吸引，外皮酥脆，不會過硬，內軟外脆，好香口，點些甜酸醬更美味。啫啫滑雞煲，份量十足，一端上來啫啫聲，香噴噴，雞肉香嫩，夠惹味，但豬膶更好味，剛剛熟，不會乾柴，恰到好處，廚師抵讚。石鍋芥蘭，聞到都想食，好大鍋，芥蘭爽脆，而且相當惹味，熱辣辣，香噴噴，芥蘭仍保持翠綠，值得一試。煎蠔餅，打冷又怎可少了這道菜，相當酥脆，蠔仔都幾多，加上魚露和辣醬，真令人回味。巨大檸檬茶，我想有一升，兩三個人都夠飲，不會太甜，幾有茶味，消滯一流。

忙碌完一日 緊係要好好慰勞吓自己去大排檔食小炒 再啤啤佢爽呀！荃灣明記係老字號有潮式滷水打冷 仲有港式小炒環境光猛又乾淨就算拍拖 或三五知己嚟食都一樣適🈴🔸小食（$20）有醃蘿蔔乾、魚皮花生🥜，食住等d菜嚟。🔸煎蠔餅（$118）🔸椒鹽白飯魚（$128）去大排檔必食炸嘢，超級脆口！好多蠔仔、新鮮飽滿，配啤酒好爽！🔸海味粉絲雜菜煲（$128）上菜時真係「喳喳」聲，熱辣辣香氣撲鼻！份量超級多！夠2-4人食。有鮮魷魚、蝦乾、蔬菜、粉絲…..上湯浸好夠味，🔸滷水鵝（$160）件件都厚肉，滷水汁帶有花椒八角香氣，入哂味。🔸嘉士伯（$35/支）

聽講明記有做海鮮加工，襯老友係外國返黎，一於試試佢。係荃灣，買海鮮，唔使講，一定係楊屋道。魚蝦蟹、貝魷鮑、蟶螺墨，咩都有最後決定：蝦蟶魚貝魷椒鹽瀨蝦王惹味先開胃豉汁大蟶子米底煎得脆游水東星斑肉嫩剛甩骨扇貝開邊蒸心機交到貨黃金鮮魷魚啤啤好朋友咁少邊夠食仲有韮菜併豬紅潮洲蠔仔粥埋尾黎個啫啫通菜煲酥炸鮮蠔餅地區飯店，煮餸有心機，蒸魚時間掌握得好好，完美地帶出東星嘅嫩同滑；扇貝肉會界刀分一半，減低蒸嘅時間，保留貝嘅鮮味，大廚有料到！👍🏻大滿足，下次再食

今晚和好久不見的朋友，約在荃灣食潮州菜！位置好方便，就在荃新天地對面的「明記海鮮潮州菜館」。我們叫了千島一字骨，馬拉盞通菜，滷水雜拼，三樣菜式，仲有開胃小菜。千島一字骨，外皮金黃酥脆，肉質鮮嫩多汁。搭配的千島醬汁，令整道菜散發出濃郁的醬香味，甜咸適中，送飯好好味道。馬拉盞通菜，通菜特有的清爽口感搭配馬拉盞的香辣，能夠提升蔬菜的鮮甜。馬拉盞的香辣則增添了層次感，讓味道更加豐富。滷水雜拼，這一款拼盤中包含了紅腸、鵝腸、豬頭肉、豬耳和芽菜等材料，很豐富。經過滷製，保存了豐富的肉香與滋味。鵝腸的爽脆，豬頭肉的滑嫩和豬耳的嚼勁，為整個拼盤增添了層次感，芽菜則不僅增加了色彩，還為整道菜增添了清新的口感。這餐飯聚食得很滿足

想食潮州野， 都會諗起明記， 今日記同朋友去荃灣食明記潮州菜。一入門口，已經見到好多潮州海鮮，好中正宗。我同朋友平日7:00入席，已經全場爆滿，記得要book定位先好黎菜式選擇好多， 食得潮州菜，當然要食滷水餐前小食滷水雜拼加滷水鵝片雜拼既份量同種類都好多， 墨魚，大腸，腎，鵝腸等等， 滷得好入味， 鵝片既肉質都好軟腍，帶著少少既鵝皮，肥瘦適中金蒜一字骨一字骨炸得香脆，配上香脆既蒜茸，十分惹味海味粉絲雜菜煲好足料既一度菜式， 有蝦， 魷魚，蝦乾，香菇等食材， 滿一啖都可以有滿滿既配料

屋企咁啱有人生日，佢哋話提議生日飯要食中菜，咁就揀咗呢個網上面有好多好評嘅打冷餐廳，都幾旺場喎，嘢食都幾高質！ 最欣賞係呢個焗魚春，係坊間好少有嘅，同埋佢好夠鑊氣，另外呢個西蘭花炒龍躉都係好好味，西蘭花中和左龍躉嘅油膩，啲龍躉肉肉都好大塊，好滑身！ 佢哋嘅啤酒都做緊推廣，我哋就嗌咗啤酒同埋凍檸茶，凍檸茶都好大杯，整體嚟講份量都好大，性價比都好高，不過我哋叫咗個蛋糕去，始終都收咗切餅費，如果可以免切餅費就會更加錦上添花啦

幾個朋友想食潮州菜，諗起屋企附近有間打冷店，於是就去咗呢度食晚飯。一坐低就先嚟前菜，有魚干仔及鹹酸菜。呢晚叫咗以下幾款菜式: 孖寶C餐蒜蓉粉絲蒸元貝 - 元貝肉質鮮味，蒜蓉帶出整體香味，粉絲索晒所有精華，呢個組合係絕配。金牌滷水鵝 - 滷水鵝滷得入味，鵝肉食落唔嚡有油香，很餸飯。豉汁蒸大鱔 - 鱔肉新鮮爽彈，用上豉汁蒸更惹味。黃金九肚魚 - 九肚魚炸得香脆可口，微辣口味令人忍唔住食完一件又一件。招牌炒米粉 - 炒米粉有蠔仔、蛋絲、肉碎、芽菜及芹菜，份量很大，食完好滿足。呢餐大家吹水吹咗成晚，食到捧住個肚走人，大滿足。

兩口子在荃灣鱟地坊晚飯，遠遠望見搶眼招牌有寫「潮州菜」，勾起對凍烏頭的懷念，一於在這家「明記」開飯。孖寶套餐$338餐廳推介抵食孖寶，價格合理，有我想食的凍烏頭和鹵水拼盤，$338價格合理。潮式凍烏頭新鮮本地黃油烏頭，以傳統潮州手法凍食，肉質特別爽口；黃油豐富，口感細滑，魚味鮮甜無泥味，配以普寧豆醬，令人無法抗拒。鹵水雜錦拼盤潮州菜其中一項特色，當然就是各式鹵水食品，兩口子吃飯，又想多試幾款食物，雜錦拼盤是不錯的選擇。拼盤有腩肉、墨魚、紅腸、豬耳；鹵得十分入味，用來伴潮州粥，可謂完美配搭。潮州白粥潮州餸一般鹹味較重，所以潮州人比較喜歡食粥，水份充足，飽肚又解渴。大杯檸檬茶$38看到隔離枱叫了一人一杯的超大杯凍檸茶，賣相吸引，我們當然不會錯過！

朋友想試試大排檔風味 今晚去你間位於荃灣荃新天地對面明記海鮮大排檔 雖然係大排檔，但而家已經係上樓有冷氣類似中菜館嘅地方地方雖然有小小狹窄 但近窗邊都有一排卡座都適合小家庭同大家庭來用餐食物方面都係新鮮有鑊氣, 相信廚師都有相當嘅水準店員都親切，人情味十足，都會推介我哋一些招牌菜孖寶E歺蒜蓉開邊蒸海蝦+ 翡翠炒龍躉球 $368海蝦整齊擺盤，蝦身佈滿金黃蒜蓉 ，蒜香好入味 海蝦亦都好新鮮 ，粉絲鋪在下面滲透蝦和蒜味道，勁好食 ，老小朋友都啱食嘅一道菜翡翠炒龍躉肉 翡翠其實係西蘭花，西蘭花晴鮮綠色非常新鮮，又夠爽口，龍躉肉加上龍躉皮滿滿骨膠原嘅組合，煙煙韌韌非常有口感，魚嘅肉質仲非常鮮嫩明記荔枝肉$138店員哥哥推介嘅算係招牌菜之一 ，類似京都骨 ，酸酸甜甜 ，非常開胃，糖漿份量啱啱好 ，肉質比較嫩 ，配搭埋荔枝肉別有一番風味，這個餸菜飯都食多兩碗總結 環境尚算OK 人都比較多，最好電話預約留位食物方面，眼見其他枱都好多特色菜 下次再嚟應該要試一個滷水拼盤 ，同特大檸檬茶 ，見到每台客都必點 上菜速度都好滿意 熱辣辣食材又夠新鮮店員服務都好好 ，都會推介特色招牌菜 細心介紹👍🏻

今晚同朋友約好去荃灣明記食晚飯。好快安排好座位就點菜，叫左豉汁蒸大鱔，招牌炒米粉，黃金九肚魚，孖寶C餐蒜蓉粉絲蒸元貝配金牌滷水鵝。豉汁蒸大鱔：豉汁配鱔蒸簡直係絕配，既可以有豉汁香味又可以帶出鱔香。鱔魚肉肉質好，新鮮好味道 。招牌炒米粉：炒得乾身，有蠔仔，蛋，芫茜，芹做配料，炒得香口。黃金九肚魚：炸得岩岩好，外皮脆漿加上少少辣粉更為野味。蒜蓉粉絲蒸元貝：元貝鮮甜可口，大量蒜蓉粉絲完美吸取元貝之鮮味。金牌滷水鵝：滷水鵝入味，肉質良好，花生豆腐底都夠入味。

好耐冇食過潮州打冷, 所以一早訂左台, 收工同另一半去食.由於有訂台, 一去到唔洗等就有位坐.叫左3樣野, 每碟份量都十份多, 質素亦不錯潮州滷水鵝 - 鵝鮮嫩多汁,  肉不會柴, 吃潮州滷水鵝一定少不了蒜醋汁, 底部放有豆腐, 吸收了滷水, 十份入味京都焗一字骨 - 京都骨屬江蘇無錫名菜，與糖醋排骨、無錫骨味道同樣酸酸甜甜, 肉夠新鮮乾燒伊麵 - 廣東的一種麵食，在飲宴中頗為常見。乾燒伊麵的主要材料為菇類及伊麵，以韭黃及蠔油汁炒製而成. 味道比酒樓做出來的更好大檸tea - 1公升既凍檸檬, 正常港式檸檬茶水準, 一杯$38, 可以一試

位置非常方便，行一層樓梯到1樓，旺中帶靜。空間寬敞，分別有圓枱，方枱，座位充足。每枱都有提供一壺茶及一碟餐前小食，類似炸花生、炸魚仔、菜浦，主菜上來之前可以先細咀小食，晚上7時開始食客不停增多，上菜速度快。韮菜豬紅（例 ：$88)韮菜與豬紅似乎永遠都是最佳拍擋，豬紅的口感軟綿，與韮菜的香氣形成對比，層次感豐富。調味方面，微辣讓人特別開胃。明記蝦乾小炒王 ($138)材料有九菜花、蝦乾、魷魚、炸銀魚仔、腰果、菜浦等，即叫即炒，香氣撲鼻，炒得恰到好處，而且顏色豐富多彩，做到色香味俱全。蠔仔肉碎粥(細：$88)蠔仔肉質飽滿，加入肉碎和大地魚乾更加提鮮，粥底煮得綿密，暖心又滿足。超大杯檸檬茶 ($38)份量相當驚人，等於普通茶餐廳的3倍，而價錢又不貴，感覺好抵。解渴又消滯。

這天傍晚到荃灣影日落, 之後老公帶我來這間食店吃晚餐, 因為他之前和幾位朋友一起吃過, 覺得很好味香茜皮蛋魚片湯 $118份量十足, 香濃味美嘅魚湯加上大量芫茜同皮蛋, 還有白菜仔及草菇, 魚片鮮甜、爽口、啖啖肉😋枝竹蒜子火腩炆豆腐煲 $108香口惹味, 枝竹及豆腐吸收盡醬汁的精華，燒腩仔肥瘦均勻, 這份浪漫又點止男人喜愛呢🤭蒜蓉炒芥蘭 $98芥蘭苗新鮮爽口, 蒜香味濃郁味美餸菜全部都足料好味, 招呼亦週到, 老公果然沒介紹錯👍

好耐冇約舊同事聚會, 今晚去荃灣打冷, 印象中明記潮館開左好耐, 好多年前都跟朋友食過呢間。明記潮館主打潮州打冷和海鮮小菜, 餐牌選擇多,  潮州打冷、各式滷水、鑊氣小炒 、更有多款不同的孖寶組合, 價錢經濟實惠滷水鵝-食潮州嘢又點少得滷水鵝！我每一次都必食！鵝肉大大片, 肉質嫩滑而且滷得好入味, 底層更墊了滷豆腐, 吸哂滷水汁, 真係好正蠔仔粥-潮州美食之中最傳統同埋最知名嘅菜餚之一❤佢哋呢碗蠔仔粥有好多蠔仔架🦪 蠔仔粥用上大地魚乾煮湯底, 再加大量蠔仔同肉碎, 食落每一啖都覺得好鮮味😋 小炒皇非常足料, 材料有魷魚鬚、韭菜、 蝦乾、腰果和炸銀魚仔等, 鹹鹹香香炒得夠鑊氣 

每次打冷一定會想到明記，價錢合理又多菜式選擇，二人卡位感覺闊落。一入門口，各式海鮮琳瑯滿目，讓人不禁食指大動。炸蠔餅的外皮金黃酥脆，咬下去瞬間嘗到裡面鮮嫩的蠔肉，令人一口接一口地吃，配上醬汁更增添了幾分風味。方魚肉碎粥，打冷經典之選，米粒分明，方魚硬脆有咬口，讓每一口都充滿了海鮮的鮮美。滷水雜拼有鵝腸，豬腸，魷魚，腎，紅腸，豬耳，豬腩肉等等，比較特別的是有豬頭肉。滷汁的醇厚滋味滲透到每一口食材中，特別推薦鵝腸，吸收了滷汁的精華，爽口彈牙。豉椒炒蜆份量多，粒粒都飽滿惹味，甚有大排檔風味，特別適合配白飯或啤酒。二人分享一枱美食，人均都不用$300，超滿足的一晚。