中華小館

Open Now

Now Closed

男朋友知道我鍾意食大閘蟹，所以特登Book咗大閘蟹放題同我去食個夠本！未去已經超級期待😍去到第一件事當然要叫咗大閘蟹先！因為佢係即時蒸，需要一啲時間😋！等緊嘅期間，我叫咗以下呢幾樣嘢食！🌟紅燒乳鴿。 呢度嘅🦆乳鴿都好岀名。每隻乳鴿都好多肉。味道濃郁而且鮮甜。連埋卜卜脆嘅外皮一齊食。味道同口感都好豐富！真係食到舔舔脷😋🌟泡椒鮮魚皮。🐟魚皮好新鮮，一啲腥味都冇，索哂🫑泡椒嘅味道，食落口少少辣。口感超爽脆，咬落去索索聲！讚！🌟桂花鮮淮山🌼。🥗淮山味道鮮甜，配埋特製嘅🌼桂花醬一齊食。味道清甜可口。俾人好清新嘅感覺。啱晒食大閘蟹之前清清個口。🌟大閘蟹。🦀大閘蟹紅卜卜入面勁多膏。每一隻蟹都好新鮮，食嘅每一啖都鮮甜美味，真係超正！我完全食到停唔到口。超滿足！

今年媽媽生日，我哋book咗佢最鍾意嘅中華小館到食飯慶祝。年年都係食佢，今年都唔例外🤣最重要係個到有媽媽鍾意食嘅乳鴿！我哋叫咗個乳鴿套餐，入面有好多唔同嘅食物每一樣都非常好食！但最吸引我嘅係以下呢幾樣！💯紅燒乳鴿🕊係每次嚟到一定要食嘅菜式， 乳鴿皮燒到非常香脆，肉質嫩滑多汁。味道香濃，而且好入味。超級好食。媽媽勁鍾意！💯椒鹽海蝦🦐廚師將海蝦炸到脆卜卜。味道鮮甜，口感彈牙。加埋椒鹽一齊去炒，味道少少辣，十分香口惹味😋！💯清蒸鮑魚🦪鮑魚好大隻，只係加咗少少蔥同豉油一齊蒸。味道就已經好突出。而且肉質好腍。 就算老人家都可以咬開！正！💯金沙鍋巴🍚鍋巴炸到勁香脆，完全唔覺得油膩。加埋鹹香嘅鹹蛋黃一齊食！口感脆卜卜，好似食緊薯片咁！💯楊州炒飯🍛呢個值得推介！飯炒到勁乾身，完全唔覺得油膩。而且食材同飯嘅比例岩岩好！真係估唔到連炒飯都咁好食😍

片皮鴨任食放題，鍾意食片皮鴨既真係唔可以錯過!晚市$498/位，兩小時任食（兩位起）。餐廳好近灣仔地鐵站，行幾步就到，超級方便。無限添加食到飽既野有：片皮鴨!!!屋村碗仔翅!!!四季時蔬!!!燒味飯!!!!迷你臘腸卷!!!!桂花淮山!!!!泡椒魚皮!!!!每樣水準都好高!!!雖然睇多款都係懷舊菜式，但全部都用新派煮法製作而成，所有菜式精緻好味之外，賣相非常適合打卡!!️即叫即烤片皮鴨!!餐廳為左確保最佳口感，呢款菜式需要等大概15分鐘左右，包鴨既薄皮非常通透，唔會覺得好厚粉，鴨皮超脆但又有D肉，好juicy有油香，沾海鮮醬再加埋配菜，包起大啖咬一口，真係好滿足。放題贈送每位客人鮑魚花菇扣鴨掌一份，呢款菜整得非常好，所有野都好入味，個汁亦較得岩岩好。鮑魚係岩岩好唔會韌，用刀一下可切開，鴨掌有肉又爽嫩，獻汁濃稠掛汁。冬菇都係好厚肉又爽口又香。小食桂花淮山，清甜爽口；泡椒魚皮，爽脆香辣。我同家人唔算食得辣，發現原來兩款小食一齊夾埋食，係會冇咁辣味同埋更清更好味。初頭覺得小食會食唔晒，最後清晒!!燒味飯係叉雞飯，真材實料，叉燒半肥瘦香軟，雞肉非常嫩滑。️臘腸卷宜家已經好難搵啦。卷內有晒臘腸潤腸，食

最近見到灣仔既中華小館有中式放題 仲要係片皮鴨當然都試下😆🦆片皮鴨任食放題除左任食片皮鴨 仲有多款中華美食可以無限添加 性價比真係不錯🌟片皮鴨即叫即烤 外皮烤得脆 肉質又夠嫩配上薄餅皮 再將青瓜,京蔥同甜面醬夾埋一齊食 實在太滋味💯🌟鮑魚花菇扣鴨掌 每位客人都會贈送一份 鮑汁好香濃 鮑魚口感彈牙 配爽滑可口既花菇同燜得夠腍既鴨掌再吸收哂鮑汁既精華 好味😋🌟燒味飯燒味好出色半肥瘦叉燒同脆卜卜既燒肉🌟泡椒鮮魚皮晶瑩半透既魚皮 食落非常爽脆撈左泡椒 辣度十足 好惹味🌟桂花鮮淮山滋潤之選 以桂花糖鋪係准山上面食落香甜爽口🌟屋村碗仔翅好足料既碗仔翅 濃稠適中有肉絲,荀,金菇,冬菇等 熱辣辣好暖胃🌟迷你臘腸卷 即叫即蒸 軟綿綿既包皮捲住鹹香既臘腸呢款懷舊點心真係好少地方有得食🌟四季時蔬小棠菜用蒜蓉清炒 清甜蒜香味十足另外餐廳本身提供不少懷舊菜式 再以新派煮法製作而成 所有菜式賣相都好精緻 岩哂打卡💯

位於灣仔嘅中菜館，近來推出片皮鴨任食放題，$498一位，嘢食非常唔錯仲有啲懷舊菜式，每位客人贈送花菇鮑魚鴨掌，每人只限一份～🔘花菇鮑魚鴨掌鮑魚大隻肉厚之餘鮑魚味也濃，個汁味道恰到好處，而各食材都煮到非常入味，鮑魚當然係主角，但鴨掌都非常唔錯，大隻多肉食!! 片皮鴨同以下其他菜式就係任食~🔘片皮鴨即叫即烤，肥瘦適中嘅片皮鴨，鴨皮夠脆唔會黐住過多肥膏，有油脂香味，要讚一讚佢個嬤嬤皮，夠薄而且煙韌度啱啱好，可以任食一次過食返夠本!! 🔘碗仔翅足料碗仔翅，有金菇、筍絲、木耳、粉絲、鴨肉絲等等，無啦啦喺酒樓食到呢款街頭小食幾驚喜!!🔘臘腸卷唔係咁多地方食到，係潤腸同臘腸嘅配搭，裏面仲有類似叉燒汁唔會乾爭爭!! 🔘叉燒燒腩仔飯兩款燒味都好有水準，燒腩仔個皮夠脆，好搶手好快俾人食晒，好彩可以再嗌，叉燒半肥瘦肉質軟熟!!🔘蒜蓉炒時菜白菜仔唔會煮到超腍又炒到好有蒜蓉味!! 🔘桂花淮山淮山爽脆有桂花清香，可能個汁落咗少少蜜糖甜甜地~🔘泡椒魚皮泡椒係經過酸醃的辣椒，魚皮辣得嚟幾惹味，口感有啲似海蜇但更加爽，完全冇腥味!! 想瘋狂食片皮鴨嘅朋友記得訂位，分兩個時段分別係5:30pm同7:30pm開始~

日式放題大家就食得多，但有無諗過中華美食都可以任食放題？今次就搵到位於灣仔嘅中華小館，最近就推出咗「片皮鴨任食放題」，除咗任食片皮鴨外，多款中華美食都可以無限添加餐廳裝修格局充滿中華特色，環境舒適，提供不少懷舊菜式，以新派煮法，令菜式賣相精緻適合打卡💫片皮鴨任食放題 $498/位，*入座起計2小時/2位起🥢片皮鴨 - 即叫即烤，務求有最佳口感，外皮烤得脆，肉質夠嫩，用餅皮將青瓜、蔥白、醬汁包著嚟食，非常美味🥢泡椒鮮魚皮 - 鮮魚皮爽口彈牙，撈著泡椒嚟食，都幾辣吓！🥢桂花鮮淮山 - 淮山本身營養價值高，以桂花糖鋪面，食落清香鮮甜🥢屋村碗仔翅 - 材料非常豐富，啖啖都食到肉絲、冬菇絲、木耳絲同粉絲，好有懷舊風味🥢迷你臘腸卷 - 即叫即蒸，以往就冬天先食到嘅懷舊點心，絕對不能錯過🥢燒味飯 - 嫌無飯到肚？嚟一碗燒味飯應該滿足吧，有我鍾意嘅半肥瘦叉燒🥢四季時蔬 - 用蒜蓉清炒，食落有蒜香之餘亦保持到時蔬嘅鮮味🍴鮑魚花菇扣鴨掌 - 每位客人贈送一份，鮑魚汁好香濃，鮑魚口感彈牙，花菇同鴨掌都非常入味🔹另凡於5:30pm入座，每4位贈送法國紅酒一枝

好友約我晚餐，餐廳裝潢美觀典雅中國風格，靚靚通花屏風打卡至岩。我們選左任食片皮鴨套餐$498/位：泡椒魚皮：涼伴魚皮好爽好脆，辣得過癮。桂花淮山：新鮮淮山口感清新爽口，桂花蜜清甜。是我第一次嘗這新派配搭，很match 。花菇鮑魚玉掌：鮑魚味香濃又腍滑，花菇頗大粒夠入味，大隻鵝掌炆得腍滑黏口骨膠原十足，賣相精緻又美觀、美味又可口，值得推介。👍👍👍片皮鴨：燒鴨皮香脆，肉質嫩最好是無肥膏又多肉夠健康，餅皮加大蔥絲、青瓜絲、海鮮醬，口感豐富真美味。😍😍😍燒腩叉燒飯：燒腩皮鬆脆，五花腩肉甘香肉味濃，叉燒腍蜜味香甜又吾肥，米飯香軟。碗仔翅：材料豐富，味道不錯。蒜茸炒小棠菜小棠菜青梗很嫩，夠鑊氣蒜味香。臘腸卷：潤腸、臘腸各一片，味道香

聖誕節吃中餐，既容易訂位亦不怕只供應節日套餐，趁著平安夜我就來到位於灣仔麗駿酒店地下的中華小館任食片皮鴨放題。酒家採用木系裝潢，裝修陳設古色古香，散發中式典雅的東方韻味。樓底夠高，內裡面積寬敞，座位之間留有一定空間感，坐得頗舒服。餐廳主打懷舊菜式，以新派煮法製作而成，菜式賣相精緻適合打卡。片皮鴨任食放題價錢為 $498一位 (2位起計)，預約入座時間為5:30pm 或7:30pm，預約5:30pm時段，每4位贈送法國紅酒一支。另收茶芥每位$15及加一服務費。放題每位贈送鮑魚花菇扣鴨掌一份，濃稠順滑的蠔皇獻汁更能牽引出鮑魚的鮮甜海味。鮑魚以慢火燉煮，口感緊緻彈牙，鴨掌富含膠原蛋白，品嘗佳餚珍饌之餘亦可吃得補。任食片皮鴨都是即點即烤，確保上桌時新鮮熱辣辣，鴨皮燒至赤紅色，閃亮發光，外皮保持酥脆口感，內裡肉質鬆軟。餅皮軟綿煙韌，包著味濃肉嫩的鴨肉、青瓜、京蔥和甜麵醬等配料，一口咬下唇齒留香。除了任點任食片皮鴨之外，另有好幾款冷熱盤小食都是無限量任添，包括泡椒鮮魚皮、桂花鮮淮山、屋村碗仔翅、迷你臘腸卷、四季時蔬及燒味飯。泡椒鮮魚皮魚皮入口爽滑Q彈，椒麻韻味刺激味蕾，讓人忍不住食慾大開。桂花鮮淮

之前朋友介紹係灣仔有間唔錯嘅中菜館。 難得今日同男朋友佢去灣仔做嘢。就決定嚟呢度食飯！去到餐廳嘅時候見到有大閘蟹任食放題先係$498一位！我即刻心心眼😍。即刻就決定要食呢個😋🦆🦆鮑魚花菇扣鴨掌🍄🍄煮得超好食，🦆鴨掌味道濃郁，口感偏淋。食入口超滿足。🦪鮑魚唔算大隻，但味道濃郁，口感淋身。完全唔似罐頭鮑魚。超正！🦀🦀大閘蟹🦀🦀呢個大閘蟹好有驚喜。🦀蟹膏嘅比例係成隻蟹嘅一半。🦀蟹膏嘅鮮味由牙縫到滲返岀黎。味道鮮甜可口！我真係食唔停！🕊🔥紅燒乳鴿🔥🕊非常出色嘅菜式。🕊乳鴿味道鮮甜，一啲膻味都冇。肉質比較實，但唔會過硬，口感啱啱好👍🏻！連男朋友都讚口不絕！🫑🫑泡椒鮮魚皮🐟🐟第一次食呢道菜，味道真係唔錯！🐟魚皮十分爽口， 而且每一舊都有好香嘅🫑泡椒味。味道辣辣地。非常惹味！你哋餐廳嘅食物真係唔錯，最緊要係佢個性價比高。值得推薦俾朋友！

之前喺網上面見到灣仔有得食大閘蟹放題。而且comment唔錯🤩，價錢仲要唔貴。所以即刻約埋三五知己去試吓😋✔️蟹粉小籠包 - 小籠包細細隻，一啖一隻。入面有勁🦀蟹粉同🐷豬肉，兩樣食物嘅比例啱啱好，加埋香濃嘅🥣湯汁係入面。食落口味道一流，口感豐富😍。我勁鍾意！✔️紅燒乳鴿 - 🕊乳鴿煮得超級入味。肉質好嫩滑，而且仲有好多肉汁係入面。加埋香脆嘅外皮，😋滋味無比！✔️大閘蟹 - 到今日嘅主菜🦀大閘蟹！隻隻都好新鮮，蟹肉鮮味，但最正嘅一定係佢嘅蟹膏🤩！味道濃郁，非常creamy! 完全係食膏多過食蟹！我哋一共食咗20隻！超級滿足☺️！除咗以上呢幾樣食物係任食之外，仲有泡椒魚皮，桂花淮山，馳名叉燒飯，同四季時蔬都係任食。真係超級抵！果然冇嚟錯！

鍾意食中式放題嘅話，灣仔嘅中華小館真係一個唔錯嘅選擇。除咗有大閘蟹放題之外，仲有任食羊腩煲嘅優惠。真係超級抵食！今次我就黎試佢嘅羊腩煲！🥘羊腩煲🐑雖然係任食。但🥘羊腩煲都勁足料，有好多🐑羊肉係入邊。每一嚿羊肉又大又腍，煮得非常入味！絕對會食過返尋味！🐮汕頭牛筋丸🍡自家製嘅牛筋丸，口感彈牙。而且牛肉味好重，味道鮮甜。好快就俾我哋食晒。🍺啤酒🍻食羊腩煲又點可以冇啤酒！凍冰冰嘅啤酒配熱辣辣嘅羊腩煲，呢個配搭真係正到爆！飲完絕對有透心涼嘅感覺。正！

💕坊間少有片皮鴨任食放題 我係一個片皮鴨痴，❤️‍🔥好鍾意試不同酒樓或中菜廳嘅片皮鴨，可以閒閒地一個人食一隻😚係灣仔返工嘅朋友，發掘左一間位於駱克道地鋪嘅中菜館：「中華小館」晚市$498/位，兩小時任食（兩位起）。餐廳裝修古色古香，空間寬闊，有多間廂房提供，好適合我嘅呢啲港女打卡🤭💓放題贈送每位客人鮑魚花菇扣鴨掌一份！鮑魚炆得入味有咬口，鴨掌厚肉皮爽肉嫩，獻汁濃稠掛汁。無限添加食物：✅片皮鴨，✅屋村碗仔翅，✅四季時蔬，✅燒味飯，✅迷你臘腸卷，✅桂花淮山，✅泡椒魚皮等。餐廳為左確保顧客能享用到烤鴨之最佳口感，通常即叫即烤請，需要耐心等候！所以先試前菜開胃。⭕️桂花淮山，爽口清甜；泡椒魚皮，有辣勁又爽脆！⭕️以為燒味飯係整個放題嘅飽肚食物，實際真材實料，唔會比行貨，燒腩仔肥瘦勻稱，叉燒半肥瘦呈玻璃肉，有水準之作。⭕️臘腸卷已經差不多絕跡於茶樓，估唔到係到食到，卷內除左臘腸仲有潤腸，一包有兩種口感，食完唔覺膩😍⭕️屋村碗仔翅聽個名係平價貨，但餐廳做出嚟有酒樓質素，非常足料👍⭕️主菜片皮鴨先比半份，拌以蒸爐同上嘅包鴨皮，以免太快放涼。包鴨皮口感有別於坊間厚身麵粉味重，偏向透薄，所以食極都唔會飽滯😎鴨皮切得

邊個話聖誕🎄一定要食西餐，我同老公就轉戰中菜，我地都好鍾意片皮鴨，所以就去左灣仔呢間中菜館食🦆片皮鴨任食放題，而且重有多款菜式都無限添加。餐廳裝修環境舒適，主打以新派製作的懷舊菜式，餐點都好精緻📸，幾岩同家人、朋友來聚餐。如果夠四位，食5:30pm仲有優惠，每四位送紅酒一支。.✨片皮鴨2小時任食放題 $498/位(2位起計).🍄鮑魚花菇扣鴨掌 - 每位一份鮑魚大大隻，口感彈牙；花菇煮很好入味；鵝掌口感軟滑，充滿骨膠原。加上香濃惹味鮑汁，和新鮮時蔬很美味。.🦆片皮鴨片皮鴨整得外皮夠酥脆，而且帶油香，肉質夠嫩，配上青瓜、蔥段、醬汁，包起來一齊食，整體味道和口感都不錯。.💕屋村碗仔翅冬天來一碗暖粒粒碗仔翅最適合不過，味道香濃，口感十足。.✨迷你臘腸卷新鮮整起熱辣辣，食落肉汁四溢。.🥬四季時蔬蔬菜好新鮮，用上蒜蓉清炒，健康美味。.🐷燒味飯叉燒和燒肉燒得不錯，肥瘦適中。.🌼桂花鮮淮山准山好新鮮，食落爽口清甜，加上桂花香，幾清新。.🐟泡椒鮮魚皮魚皮爽口，加上泡椒調味，食落辣辣地幾惹味。

今天平安夜，一行四人到此餐廳晚餐。其中一個樓面部長不停打乞嗤，還間中除下口罩，「卒」完口鼻都沒有洗手，跟住就去上菜。衛生情況令人擔憂，如果因為咁樣傳染咗新冠，肯定一鑊熟。備注：以上情況目測不只一次

知道平時食開嘅中華小館呢排做緊大閘蟹任食放題。當然要即刻帶埋屋企人嚟食！鮑魚花菇扣鴨掌🍄- 呢個整得好岀色，鴨掌口感爽脆。鮑魚同花菇忟到好入味，而且口感好淋。加埋自家調製嘅醬汁一齊食。味道一流！大閘蟹🦀- 大閘蟹即叫即蒸，上枱嘅時候仲係熱辣辣。而且勁多膏係入面。蟹膏味道濃郁，口感creamy。蟹肉就鮮甜多汁。估唔到放題嘅大閘蟹都咁好食！值得讚👍🏻！紅燒乳鴿🕊- 乳鴿勁多肉，肉質好嫩滑，一啲都唔鞋口。食落口啖啖肉。好味！滋潤燉湯🐔 -食咗咁多蟹，真係要飲返個燉湯補下🤣燉湯非常足料，味道鮮甜。飲落去暖笠笠，超舒服。