XOXO Café Lab (已結業)

環境超好的，藍白色的設計很漂亮，看著很舒服，擺設各樣也很花心思，很適合拍照。桌與桌之間的位置很寬敞，與鄰桌有距離，私隱度高。鐵板芝士燒豬肋排$118滿滿的芝士，牽絲的芝士，完全是韓式的味道。醬汁酸酸甜甜的，很開胃。肉跟骨很容易分離，方便吃。台式鹵肉泡菜蛋餅$58很特別，完全是出於好奇而點的，鹵肉，泡菜跟蛋餅每樣食材分開都很喜歡，不知道加在一起做蛋餅是什麼感覺呢?出於這點就叫了這道菜。有種菜脯蛋的感覺，有家的感覺。泡菜味道很出鹵肉份量很多，每一口都是肉。鹽酥抱泡鍋飯-泡菜炸雞$118單看外表就已經很吸引，造型很特別，很誇張，絕對是相機先吃的一道菜。外層高高的蛋白，裡面包著充滿泡菜汁的飯跟炸雞，炸雞塊也算蠻大的，飯黏黏的，好像意大利飯，好吃。冰珍珠奶茶$29

夜晚來到發現得幾台客, 第一次試韓式CAFE, 我見FOOD BLOGGER 介紹過有泡泡果D得意菜式, 所以來試下。蠔仔泡菜煎餅: 基本上入面全都是泡菜, 蠔仔得幾粒, 咁不如叫佢泡菜煎餅算LA....  味道就是泡菜味LAW, 唔會太咸, 有D 辣, 我唔中意食泡菜就覺得麻麻泡泡三文治: 好大份! 呢個幾抵食, 面層是一層蛋白打起的泡泡, 食落去幾似空氣, 帶少少咸咸地 (朋友話無味), 下面有三文魚+ 煙肉+ 麵包層層疊。煙肉沒有煎過, 感覺有D 求其, 不過整體來講飽肚GE, 好食過個煎餅LAW。BTW, 果晚個waitress有D 黑面

今晚同媽咪兩個撐檯腳，佢話想食d特別d既西餐，近近地就揀左呢間xoxo cafe餐廳環境好舒服，感覺好清新食物方面好多選擇，而且感覺都幾特別，花多眼亂，主食，甜品都一應俱全，望落賣相好吸引鹽酥豆腐，外脆內軟，而且豆腐好香滑脆炸魷魚，魷魚係原隻炸，大大隻炸得非常香口，味道啱啱好，正鐵板芝士豬肋骨，濃濃芝士味配上豬肋骨既酸酸甜甜，一d都唔覺得漏，仲會越食越開胃蜂蜜檸檬水果茶，大大杯酸甜清新，食完一餐飯都未飲得晒蜂蜜冰綠茶，有清甜蜂蜜味，茶味唔會太濃，感覺好消滯解暑

星期六的中午想去一間坐得舒服些小的café 靜靜地咁食個下午茶，同朋友傾下計。本來以為要出旺角先搵到café，但上網找一找之後發覺附近都有一間評價不錯的台韓fusion café，於是就黎試一試。 入黎之後裝修都好新淨，而我地坐既卡位係梳化位，幾舒服。 睇下份menu，都有唔少特別既菜式 我地叫左份 all day 三文治配雞肉及煙肉 份三文治有D 泡泡，細問服務員才知道係蛋白，蛋白泡中間有D 蛋漿，成件三文治都好精美。 另外，我叫左個海鮮抱泡，係鰻魚海鮮味鍋飯。鰻魚好味，鰻魚份量都多，而D 飯都好入味。 飲品叫左個蜂蜜冰綠茶，加左蜂蜜後綠茶唔會太甜，岩岩好既甜度確實係好清新。 冰茉香珍珠奶茶好香奶味，岩哂我。 食飽飽之後飲住杯凍飲傾下計，叉夠電再去淘大商場去睇玩具XD。

係淘大要搵間靚靚cafe其實幾難，但呢到就有間裝修特別既cafe.睇門面已經好有文青feel佈置好有心思，而且有設計感 絕對係打卡好地方睇睇餐牌 有韓式台式 同幾個朋友夾份就岩曬樣樣叫啲睇相都好精緻叫左紅燒牛肉麵，充滿牛肉味既湯底，好濃郁 ，牛肉亦好夠味。幾鍾意佢既闊麵 好有咬口濃郁香料牛肉水果茶我自己幾推薦，好味又健康仲可以用黎打卡，顏色吸引。調味不錯亦唔會太甜，而且有好多椰果，好qq既口感👍🏼親親蜜語~香蕉巧克力味賣相吸引 棉花糖入面係蜜糖既多士😊香口脆脆加蜜糖再加凍冰冰既朱古力雪糕，口感好豐富 連埋棉花糖略微甜左小小 但連埋香蕉一齊食就比衡番曬

去完牛頭角市政大廈圖書館後,係時候要食晚飯,途經淘大商場三期，見有好多餐廳選擇，就揀了一間台灣餐廳。餐廳內的佈置簡潔得嚟又有歐陸風味。座位寛敝，燈光柔和同埋環境幽靜。 朋友話想試吓啲度嘅手工咖啡，好特別，有一杯棉花糖將咖啡喺上邊淋落去，甜度 適中又夠熱辣辣，真係令我哋有個驚喜。辣醬煙三文魚沙律，一啲都唔辣,沙律菜爽口，煙三文魚有奧米茄3真係好健康。黑椒濃雞湯鹽酥豬扒拉麵，啲雞湯另外用個壺載着，豬扒又分開上，所以啲豬扒同麵一啲都唔會浸到淋啤啤，豬扒炸到外皮好鬆脆肉質鮮味，麪質夠煙煙靱靱，好有口感。芝士忌廉波菜年糕，唔只有年糕同菠菜，重加埋有幾舊餃子，餃子啲皮十分嫩滑，芝士忌廉汁味道較得恰恰好，年糕同餃子沾滿芝士忌廉汁,年糕慢慢𡁻都好滋味。我至愛嘅鹽酥豆腐外皮好鬆脆裏面好嫩滑，食到我哋舔舔脷😋

平靜的商場 - 淘大三期 從來都唔知淘大有三期 原來一行入去又好似去左第二度 人又少 D  地方又靜 D 地方靜就最岩靜靜地  避下暑 坐低食下 cafe 雞肉厚多士 中間有隻蛋 即係 親子多士 幾有特色 份量夠大份 蛋汁加面包又係一絕 草莓刨冰 透心涼 慢慢嘆

月頭有 budget 所以今晚唔再食平啲，而食好啲。呢間嘢選擇都幾多，有韓式蛋餅、炒飯、芝士燒、年糕、甜品等。舖面設計清新、簡約，給人舒適耐看嘅感覺。通道夠大、餐枱之間距離足充，所以就算傾計大聲了點都唔會嘈親鄰枱。講返食物，呢度係食fusion 嘢，西式混韓式食品，與school food 風格相似，食咗3款食品，包括三文魚泡泡飯（即係梳乎厘加韓式三文魚炒飯）、忌廉雲吞年糕同豬肉芝士燒。每道食物擺盤都不錯，普遍份量偏細。泡泡飯：貪得意叫唻試，炒飯係做得幾好，幾乾身又多三文魚，韓式辣醬同個炒飯好夾，但層蛋白梳乎厘就太漏。不過冇諗過梳乎厘呢類甜品都可以整成咸食。忌廉雲呑年糕：味道幾多，忌廉配菠菜永無失手，其中食到好香蒜味，但份量真係好細，一碟得7-8塊年糕、3粒雲呑都幾條菜仔，叫價$72加一，真係有點貴。呢度係唔錯嘅傾計餐廳，設計又清新，食物擺盤不錯，好啱𠱓 like .

平時比較少到九龍灣牛頭角找食，難得要到九龍灣找一找朋友，便上Openrice 找食。看到Openrice後，便專程來這邊嘆過下午茶！因為九龍灣行過來還是要一點時間。餐廳在淘大商埸三期，位置也算是容易找到！整間餐廳很大，可以坐到30－40人。餐牌很豐富，有很多選擇。由於是吃下午茶，看到這個飯很吸引，但無奈剛剛午飯很豐富！雞肉及煙腿三文治 ＄62看到餐牌已知道是一個很大件的三文治，所以我們只叫了一份正食！我們把它切開一半，頂部生蛋切開後，令蛋汁流到麵包內。非常豐富，每層都很滋味。草莓冰花 ＄62一來到也覺得很驚訝，是真真正正的跟餐牌一模一樣！！！很高身的，頂部的雪糕也沒有很快融化！把它拌好，那些草莓醬汁是非常足夠，不會只吃到白色的冰每一啖也有草莓酸酸甜甜的味道！冰百香果冰綠茶 ＄32 ＆ 冰紅蘋果綠茶 ＄32天氣太熱了，不得不一人叫一杯凍飲呢！左邊的百香果茶比較甜，很果香很重！右邊的紅蘋果比較淡，但有淡淡蘋果香！

天氣太熱，媽媽無煮飯，放工到淘大約她吃晚飯。選了一家以藍色優雅主題的cafe, 可以讓媽媽試下韓風及西式fusion風味。XOXO Cafe Lab 在淘大第三期二樓，地點較入，但晚飯時段也很多人，有三五知己，情侶及一家大細，坐卡位也很舒服。餐牌很多選擇好吸引小食點了七味燒魷魚🦑，魷魚不是太大隻，小小的適合兩個人，魷魚彈牙，七味粉唔止可以用在拉麵，原來同魷魚都好夾。主菜點了鐵板芝士燒牛肉拉麵，牛肉是肥牛，麵一夾便有輕微拉絲效果，芝士醬甜甜地，撈起麵來食，味道恰好。另一道主菜是海鮮鰻魚抱泡鍋飯，賣相好吸引，而且每一枱的客人都會點的，似乎是餐廳的招牌菜式。究竟白色的外層是什麼來的，暴力地用匙一砌，原來是蛋白，內裏就是熱騰騰的鰻魚飯。焗蛋白外層加了芝士粉及調味粉，將焗蛋白同鰻魚飯一齊食，其實會似日式滑蛋飯。鰻魚飯多汁，味道不錯。是次消費兩人為292元。

約左住係樂華邨既朋友食飯，為左就遲到大王所以揀係淘大既xoxo cafe lab. 餐廳位置係三期二樓，既戲院上面果層， 可能戲院裝修，人流不算多，不用等位。餐廳裝飾以tiffany blue 為主調， 座位好闊落，餐廳播著國語流行曲，好relax. 岩岩收工都幾肚餓，所以要左韓燒肉汁牛肋骨，配白飯（如果不太餓都可以配生菜），同埋鐵板芝士海鮮拉麵牛肋骨個汁甜甜地，仲有秀珍菇墊底，d菇吸左肉汁，好入味亦好爽口，牛肋骨口感都好嫩。海鮮芝士拉麵有好多蝦同魷魚，足料，鐵板上面鋪滿蛋和芝士，岩曬芝士怪之後仲要左岩鹽紫菜韓風沙律，七味燒魷魚，紫菜汁燒年糕哩個沙律既紫菜同日式唔同，係炸過，好香口，個汁不算，岩曬怕酸既朋友。紫菜汁燒年糕好好食，鋪面既紫菜好脆，年糕軟硬度剛剛好魷魚係原隻燒，好新鮮，好鮮味。飲品試左鴛鴦珍珠奶茶，洛神雪梨茶，芒果鳳梨水果茶珍珠係兩種不同口感，好得意。洛神雪梨茶，酸酸的，好開胃。芒果鳳梨水果茶，因為怕太甜，所以要求減甜，侍應提醒減甜會減少水果既份量，好彩口感剛剛好，唔甜，仲有椰果同百香果，好清新一路食一路傾一路chill,唔知唔覺食左2個鐘

今日晏晝系淘大商場行街，知道淘大商場都有好多美食，想搵間清靜的地方坐下吹下水，系三期搵到間XOXO Cafe Lab見到門口怖置好漂亮，餐廳又以粉藍色為主題，又有公仔擺設，燈光明亮，座位舒服。芒果海鮮比薩🍕，比薩餅底好薄批邊又好鬆脆，配料有芒果，蝦，魷魚圈，上面舖上芝士芝士味濃，仲有一層千島醬，食落酸酸甜甜好美味好香。芝士忌廉菠菜年糕，年糕好有咬口煙煙韌韌，又有雲吞皮薄餡又多，芝士忌廉汁濃厚又不會咸，味道適中。冰鴛鴦珍珠奶茶和冰茉香珍珠奶茶，茶味香濃珍珠又有咬口。

同朋友經開去下午茶，餐廳裝修精緻，座位亦都好寬敞，絕對係世外桃源!首先點了一個沙律，煙三文魚加醒胃沙律菜，為左一陣食濃味既芝士炒麵同鐵板芝直燒肉開了個胃!鐵板芝士燒韓國拉麵- 超多芝士，配上辣辣地既韓國拉麵，超級邪惡，一定要早d撈一撈先，芝士凍左會一塊塊，拉麵口感唔錯鐵板芝士燒- 一芝未平，一芝又起，今次仲要係燒肉! 切開一舊舊再沾芝士食，燒肉醬配半溶芝士超正! 嫌唔夠仲可以有脆薄餅俾你沾黎食餐廳整體環境食物都好滿意，下次黎會試下甜品同飲品，賣相都好吸引，推薦

收工本身諗住過黎淘大睇戲但原來間戲院執左咁就上戲院上面既呢間餐廳食晚飯啦呢間餐廳既裝修係主打Tiffany𦼦色餐廳既空間好大，有幾張卡枱仲係坐梳化既添所以入到黎坐低覺得好舒服好岩同三五之己係度傾下計呢碟鹽酥雞件同我地係出面食果D有少少唔同炸完之後D肉質依然好juicy，唔會覺得乾加上外面灑左既七味粉食落好香口、惹味！呢個七味燒魷魚味道唔會好濃，比較淡味少少芝左D檸檬汁一齊食既有鮮味，又好清新！呢個鮮蚵仔泡菜蛋餅係我第一次食既菜式佢既份量非常足，蛋餅好厚入面所謂既蚵仔其實係好大隻既蠔大約有4-6粒，都幾抵食呢一道菜係呢間餐廳既星級推介上面白色果層就好似梳乎厘咁下面就係咖哩飯兩層口感完全唔同既食材一齊食，感覺好特別！呢個飯建議可以多D人一齊食由上面切開果種感覺就好似切蛋糕咁幾有意思！呢個芒果鳳梨水果茶個份量都差不多可以用一壺去形容佢雖然我地叫既係芒果鳯梨口味但入面都有唔同既生果食飽飯有D生果食下感覺都好唔錯！呢間餐廳既環境令人覺得好舒服食物都幾有水準特別適合除左想食野仲想同朋友傾下計既人黎呀！

今日係觀塘上完堂 收到姨仔電話 話出左去九龍灣行街 一唔一齊下午茶 ，有人請緊係出啦，趕上堂，飯都未食。佢建議左間餐廳係淘大入面，咁大個女除左沙士果陣 真係對呢個地方無咩認識，好似去左個新世界咁。 原來呢頭勁多野食 商場又新又靚。 去到門面已覺得好舒服 係女生至愛既tiffany blue . 感覺好似俾人影prewedding 影樓咁 。個環境靚到 可以勁影相呃like . 佢既食物都好特別 好多特式野 勁想試晒佢 。 呢個抱泡飯好想食呀 但姨又話唔餓 唯有留低下次再食。最後叫左個芝士豚肉拉麵，（$72）泡菜味濃，對芝士控既的黎講 ，如果可以再多點芝士會更好 ，好開胃既鐵板拉麵。 表妹叫左個雞肉三文治，以為無咩特別，一上菜果陣，吸引左勁多人目光，呢個三文治真係超吸睛，不過係我勁影相之際 ，表妹已忍唔住一啖咬落去😂😂😂大叫好好食呀。好似食泡泡咁。 我同姨仔都笑死左 呢個真係超為食既為食貓。 不過呢個三文治口感好豐富，泡泡軟軟地加埋脆脆吐司，配左千島醬加上蛋黃浸左落吐司度，真係好香好好食。 吐司烘到好脆，食到卜卜聲。 同表妹姨仔叫左個蘋果蜜飲 ，扮下貴婦high tea . 梨好似蘆薈咁