辛安東元祖奶奶雞 (已結業)

韓國韓國究竟何時才能夠去呢？Cyn這個偽韓妹的相思病又來了所以又相約好友試試韓國菜吧是次就點了兩款第一就是新岀的梨花炸雞第二就是半生韓牛梨花炸雞其實就是芝士炸雞用了一個鐵板上感覺十分「韓」賣相來說不美這碟是半份大約有八到九件雞份量足夠雞炸得十分脆身沒有「油味」炸雞本身味道淡但配上濃濃芝士就剛剛好了第二就點了牛肉是韓牛來的輕輕把外層弄熟配上少許黑椒韓牛本身軟腍很香的肉味還點了一杯啤酒配上風梨底令啤酒更易入口

講咗好耐，終於再有機會食安東奶奶雞解相思之苦。見到唔少新菜式，我只要求招牌奶奶雞，其他交由朋友發板。前菜係parma ham salad，比較西式嘅預咗冇乜特別。燒豬肋骨燒到金黃色賣相好正，食落燶燶地有啲似叉燒。野人韓牛好有驚喜！本身未食過生牛肉都驚驚地，但入口原來完全唔覺生，仲非常鮮嫩。鐵板炸雞份量都幾多，配上忌廉喺面，甜甜地又幾得意。壓軸係賣飛佛，薯粉真係入味到食幾多次都唔厭，不過雞嘅份量比之前少咗啲。飲品都係新餐牌嘅野，韓國七喜可以溝菠蘿，不過不失啦。

六月頭剛去過韓國，韓國的味道小妹開始有點想念了！將軍近日有點忙碌，沒有時間陪小妹尋味。但自從吃過那韓國的鳳雛燉雞，小妹就念念不忘。今日跟媽媽到銅鑼灣逛街，那就拉媽媽吃小妹最愛的燉雞吧！！媽媽應該也很想試試這韓國口味的吧！不管了，小妹今日就是要吃到燉雞！！小妹跟媽媽上到京都廣場尋味！！在樓下已經見到不少餐廳的店員在派單張，小妹已經急不及待了！！踏出門已看到那韓風的裝潢，黑底紅白字，有鐵閘的裝潢，也有古老的韓國黑膠碟，還有那韓國報紙等等。好了好了，小妹要點食物了，小妹餓了很久的說。兩位大食的家族人要出動了，先點了半雞芝士安東雞，因為是新餐單的菜式，所以點了一個試試看。小妹還點了真露煮大蜆，燒肉生菜包，牛肋骨鍋跟兩杯Cider Rita。真露煮大蜆$68真露是由大米，通常還配以小麥、大麥或者甘薯等為原料釀造而成的低度酒，酒精含量一般在20度左右。真露會在煮製過程慢慢揮霍掉，所以不怕會醉的，再煮煮大蜆會令蜆湯的味很溫和又適合大小朋友！蜆肉鮮甜又帶飽滿的汁液！燒肉生菜包$78已經包好的生菜包，上枱已經可以即時享用，每份的份量均等，有一件五花腩肉，泡菜及生菜，加上韓國甜辣醬。小妹一口把肉放進口內

韓風仍然強勁，都係食韓國野穩陣。香港嘅韓國菜近年如雨後春筍，隨便食一間都好有水準架！第二次黎食奶奶，餐牌好似唔同左。唔少得先叫咗招牌菜安東奶奶雞，小姐同幾位朋友都唔食辣，不過係好濃味，最鍾意甜甜地個汁！半隻雞件數量唔算多，但配搭嘅薯粉入味得不得了，真係強烈建議加多啲薯粉呀，幾個人食每人都係得幾條>.<不過加埋青瓜等配菜又係抵讚，煮得夠淋令人回味。因為半隻雞唔夠分，所以再叫左梨花鐵板炸雞，超大碟，數埋有6-8塊雞，下面有大量芝士（心心眼），上面白色果堆係cream，炸雞既熱力令佢極速溶化，所以啲雞食落去甜甜地可以話幾得意又有啲奇怪，不過將3樣咁膩既食材放埋一齊，小姐食一塊就真係夠皮了...野人韓牛顧名思義係生架啦，嚟到嘅時候都驚驚地，因為真係好生下。只係外表輕輕燒過微焦，入面仲係凍凍地，不過食落一啲血水腥味都無，食完都唔知係生既！肉質嫩滑，牛味好香，點埋附上既醬汁非常好味。不過小姐覺得可能切得厚左啲，比較難咬開，可能薄片啲會更易入口。仲試左醬燒豬肋骨，燒到焦香，食落口感有啲似叉燒，但又辣辣地咁幾惹味。加埋面個既花生碎口感豐富，而且肉質夠淋。真露煮蜆足料，而且用茶壺裝住好有

今個星期特別想吃韓食，今晚又找韓食吧！就去吃奶奶雞入店已有feel,去左韓國，好開心 街上太熱，就來一杯特别飲品吧！韓國O七，好好飲酸甜適中，太冰涷，超好。先來一客新菜單（野人韓牛）賣相吸引，好新鮮，外皮微熟，內裹鲜嫩，韓牛太好食，肉汁濃，好軟念加秘汁同吃，簡直一流，胃口大開值得一讚 再來半客（奶奶雞），份量足兩人同吃都足夠，雞好嫩好入味，微甜帶小辣（辣度自選），配料的薯仔、红蔔白，青瓜超好吃，而值得给讚是水晶粉，吸收了汁液，令你吃完再吃而店員說多了新菜單，今次試了（野人韓牛），下次再來試别新菜

成日行過銅鑼灣都心思思想食安東奶奶雞，有時食紅薯粉又會好掛住佢，終於又再嚟食喇！兩個人叫半隻安東奶奶雞就啱啱好，叫個小辣算喇。一上菜就已經好香，上面啲蔥花、京蔥勁香！最鍾意佢嘅雞塊份量足夠，又嫩滑，而薯粉、青瓜同蘿蔔都勁入味！食完呢碟都飽咗一大半，跟住食多兩個小食就飽了。不過如果奶奶雞可以多啲薯粉就好（可能我太鍾意食）

再放工係cwb揾野食， 今次試奶奶雞除左叫左半隻安xxx奶奶雞， 再叫了真露大蜆， 冷面 同埋和牛生菜包。首先講我唔鐘意既 真露大蜆。用一個水煲裝幾特別， d蜆本身唔夠鮮， 食落又冇真露味， 好似白灼咁。和牛生菜包我相當喜歡， 牛肉好嫩燒得好好。一碟有6 件， 我地兩個人食有d多。冷面都唔錯。奶奶雞d 汁好濃味， 所以d薯粉好食但 d雞就普通。ps fb check in 既話，碟奶奶雞 half price

媽媽節，一早已慶祝。是日約了朋友晚飯，本以為周圍都會很多人，原定想吃的餐廳設有最低消費，於是走到對面的安東雞碰碰運氣。可能時間太早，不用等位！有點意想不到呢！安東雞小辣半隻小辣基本上完全不辣，雞很嫩滑很入味，下面的水晶粉也很惹味。有紅蘿蔔，青瓜，薯仔等配料，全都炆得很林很入味！急遞煱有魚蛋條，腐皮，帶子等，湯底辣辣的，魚蛋亦很彈牙，很有韓國街頭小吃的味道真露煮大蜆係咪叫煮大蜆？小蜆來喎！和Menu上的圖也有出入。味道酒味太濃，個人不太喜歡豚肉泡菜選擇錯誤，完全沒有泡菜的顏色，也沒有泡菜的味道。像湯煮椰菜一樣，不過味道是可以的整體來說每樣菜也味道徧鹹，吃的時候覺得很惹味，之後會很口渴。服務是非常好的！看其他食評說用餐時間只有1.5小時，我們當天講野講得太忘形，原來不知不覺坐了三個多小時！.....

第一次學人寫食評，揀左呢間人氣不錯嘅韓國餐廳，店入面嘅裝修非常有韓風，而且亦播放至hit嘅k-pop，果然很受年青人愛戴。食物方面，點左奶奶雞，真露煮蜆，雜菜海鮮餅同水冷面奶奶雞，啲雞煮得好入味，不過我地點左中辣比較辣啲，唔食得辣嘅朋友不妨點唔辣或小辣真露煮蜆，最值得推介，一定要飲埋個湯，好有鮮味。水冷面，仲以為嗰啲真係水，原來係一個幾清甜嘅湯，不過點左醋食會好酸，唔點醋會好啲雜菜海鮮餅，比較失望，還以為係泡菜煎餅，煎得香脆但唔夠味，配沙律醬亦唔係最好配塔，可望改進。總括黎講，食品，服務，環境都不錯，可惜女厠得一格，女生們要排隊了。

今日同兩位食家食飯，由佢地去揀食咩就最好，多數無錯，今次去左食辛安東奶奶鷄。奶奶鷄小辣、鷄件幾滑入味、汁配水晶粉都野味、醬油濃味、不過如果青瓜、蘿白多小小仲好、整體係幾好味。地獄薄餅好味、好香脆、不過真係幾辣、要有心理準備。温泉蛋沙律、汁有泡菜酸辣味、幾醒胃、可以一試。這餐廳整體水準不錯、但音樂較大聲、我明白E D叫年青人飲食文化、所以要來談心就要說話大聲小小。

訂了7:30PM, 7:15PM到達拿位,但把預定了的位比了WALKIN的食客,如果遲到就讓人就無話可說,但早到仍然等足45分鐘,只因店家把訂好的臺分配了出去,做法太不合理了, 留位還有意義嗎?我們有大肚婆又有病人,等侯位置又焗又熱,環境窄兼很嘈吵,不斷問幾時有只是說就有埋緊單,你比左位人就老實說, 道歉我們還可以及時轉場地,安排及服務都超差, 8:15 分先入座,企到腳軟又累。人流絡繹不絕, 要等不耐煩一半人都中途放棄,注意人齊才可以入座, 只有90分鐘的用膳時間。小食類:私製泡菜$28 及 冷海哲 $48銀白的金屬COCKTAIL杯,圓錐尖位容量小, 食物根本放唔多,泡菜辣度算是低, 不過無發酵後獨有的酸味,清爽的口感,增進胃口,大伙兒嚐了一口便沒有再多吃,可能我要求低,醃泡菜只要不是太鹹就已吃得開懷,1/3也是我吃掉的。冷海哲有麻油拌過, 吃到有微辣和淡淡麻油香,海哲屬薄肉, 先雪過涼快爽口。辛辣煮大蜆 $78加入了泡菜,湯的顏色自然是紅紅橙橙,死蜆多, 肉也沉在大窩底而沒有盛給我們,只有零星的蜆肉及一大推空殼,湯喝下只有泡菜的酸辣味,叫它真是愚昧的決定。餃子一客5件, 油膩到達

其實依間野無咩特別好寫，只係平時咁多人排隊又試下佢囉。韓國菜都預左係超濃味同多肉，但依間味道確實較一般更濃。大家一致認為服務員態度認真一般，毫無笑容淨係識同同事吹水，叫都無人理，同你講野時就即刻變左機械式對話  唔會望住客人講，哈哈，不禁由正視變左斜視佢，但相比其他韓菜佢係便宜的。PS 如果要叫佢哩道主打架韓式雞煲就要預早落單。 其實入坐前叮囑每枱個半鐘時間食，但我地食到隔離枱換第3次人我地都未走，無人等位佢都唔會趕客嘅！

朋友想韓式人氣雞煲，訂了七點半枱。準時到達餐廳，但還要等好一段時間才可以入坐。訂咗枱都仲要同其他人搭枱，而且限時1.5小時要還枱，實在感覺不太良好。 心想或者好好食所以客似雲來，還是滿有期待。韓式雞煲要小辣顏色很象樣，但食落咩味都無芝士一口餃子餃子太林，同芝士一樣一pat pat，唔知自己食緊啲咪。紫菜卷欠缺紫菜既香味，非常一般。麵，麻麻部隊鍋，size 同料都一啲都唔部隊，又無韓國鍋哪種惹味。準時1.5小時可以還枱，因為呢間野無咩值得留戀。

OMG我可能肚生蟲，六點多才吃過晚飯，逛逛街到八點多又想吃東西辛安東元祖奶奶雞（個名好難記）其實已經開左好一段時間，一直都未有機會試。今晚口痕痕又不是十分餓，所以只叫了一盤雞過過口癮！等了十多分鐘就有得吃！我們選了中辣，醬汁看樣子都知道很濃，實際上亦非常好吃！！雞很嫩滑之餘，雞皮亦好彈牙！其他配料如青瓜，蘿蔔，薯仔等都炆得很稔而且非常非常入味！下面有薯粉（水晶粉），胃口不大的其實一鍋都夠吃。中辣不算辣，但吃到薯粉就會愈吃愈辣，很惹味！！這個雞真的好好吃！！重口味的一定會喜歡！題外話：店入面Serve我們的男店員時常Keep住笑容，好親切好難得！

沒有追看過星星，卻也聽過啤酒炸雞，在這個韓風持續的年代，一間又一間的地道韓式餐館爭相開幕~這次聚會朋友提議這間位於銅鑼灣京都廣場的韓國料理~ 想試很久了，但聽說日日都大排長龍，這次提早幾日訂了位，可依時進餐~進餐時間限時90mins，其實有點兒短，啲圓櫈設計得太高，感覺很擠迫，坐得好唔舒服..... 但勝在有播放輕快音樂，而且裝潢走年輕路線，氣氛都幾好~餐廳主打韓式鍋雞，有傳統元祖奶奶雞和鮮蠔奶奶雞兩款，幾乎是每枱食客必點~我們三人樣樣都想試，心大心細，最終點了七樣野~半隻元祖奶奶雞$148揀了中辣，湯汁很濃，雞好滑好入味，而伴菜如紅蘿白，青瓜，洋蔥等也燉到很淋很入味，碟底仲有大量水晶粉，加上中辣，感覺就像在吃水煮滑雞和中辣雞煲一樣，惹味非常呢~😋😋和牛生菜包$98很韓式的食法，菜和泡菜都很新鮮，但和牛過熟而且太凍，差了少少，但個人認為此種食法的確新鮮，值得一試~安東炒雞腎$58沒什麼特別，和普通串燒沒什麼兩樣，但炒得很爽口~芝士辛辣年糕$58一向不喜韓式年糕，然而這款芝士年糕卻帶有驚喜，煙韌到極的年糕加上濃郁芝士一起進食，口感一流~~~讚!!!!真露煮大蜆$68一坐下，店員就推介這個