舅父仔火鍋專門店

營業中

休息中

店舖裝修簡約整潔，坐位空間唔錯🥰。火鍋醬料選擇唔多，除咗基本生熟蒜，店員話如果食得辣🌶，必試佢地自家製XO醬😍。店舖點餐係剔紙仔。秘製枝竹羊腩煲(細) $368我真係唔鍾意食羊🐑，咁唯有食配料，配料份量勁多，有馬蹄、冬菇🍄、枝竹及生菜🥬，全部都煮得非常入味😋，唔係講笑淨係食配料都會飽😂。之後被逼食了件羊肉🐑...唔試由自可，一食真係不得之了🤤，羊腩煲用咗羊五花部位嘅肉🥰，皮層入口香滑彈牙，肉質肥美軟嫩，肉味香濃又無騷味，勁好食又暖身🥰。食完羊腩煲🐑，正想加湯打邊爐，但俾人hold住，點解嘅？係因為佢👇獅頭鵝腸 $118獅頭鵝腸🦢，唔係度度火鍋店都有，識食嘅就知道有幾咁好食🥰，鵝腸口感非常脆嫩，由於帶有油脂，所以有陣陣油脂香味😍。之後重點黎啦😆，由於鵝腸本身係冇咩味，而冇加湯嘅羊腩汁味道濃郁，食前只要灼上十秒八秒，勁惹味好食🤤。安格斯頂級牛頸脊(小) $308🐂油脂雪花非常均勻，一睇就知係靚貨，果然牛肉味重😍，輕輕灼過後，口感非常軟嫩多汁，油脂香味四溢🥰。自家製餃子拼盤 (3️⃣款) $98鮮蝦雲吞 - 餡料非常飽滿，原隻蝦仁🦐蝦味香濃，口感爽彈 : 味道鮮甜😋。招牌韮菜餃 - 韭菜

天氣涼涼地，最適合打邊爐！去深水埗買完野，見到有家火鍋店，感覺乾淨企理，就入去試下！首先要讚一讚，餐廳店員都好親切，招呼好好！我同朋友坐卡位，好舒服！店員推介我哋可以試下套餐，我哋都覺得幾啱，就點咗二人精選套餐試下！小食三選一，我哋揀咗黃金炸魚皮！每一塊炸魚皮都比鹹蛋黃包圍，又甘香又鬆脆，令人停唔到口！除咗黃金炸魚皮，我哋都點咗其他小食！火鍋店嚟講，小食嘅種類算係非常之多！我哋點咗椒鹽豆腐、鬼馬釀墨魚、燒雞泡魚干！鬼馬釀墨魚超大件，油炸鬼炸到脆卜卜，加上彈牙嘅墨魚滑，就咁食同埋放入火鍋湯底都一樣好食！椒鹽豆腐，外脆內滑！講返火鍋先，今次我哋點了鴛鴦鍋底，沙參玉竹麥冬鯊魚骨湯鍋同四川麻辣湯鍋！沙參玉竹麥冬鯊魚骨比較特別，平時都少見，健脾開胃，湯底奶白，好甜！麻辣湯底可以揀辣度，非常啱我呢啲想食辣又怕好辣嘅人！套餐入面我哋仲揀咗極品封門柳，鮮蝦雲吞，黑松露豬肉餃！封門柳好新鮮，肉質有咬口但不會韌，好重牛味！推薦！雲吞大大粒，裏面蝦肉彈牙！套餐仲有手打鮮蝦丸同埋墨魚丸，兩款都超彈牙！因為點咗麻辣湯底，所以點多一份鴨血，鴨血都好新鮮，同麻辣湯底簡直係Perfect match！另外，飲品種類都

本地手切肥牛鍋同一個椰子清遠雞鍋。本地手切肥牛嘅肉質好鮮嫩，肥瘦均勻，食落好有口感。椰子清遠雞鍋嘅雞肉好滑，椰子汁嘅香味好濃郁，湯底好清甜。除咗火鍋之外，我哋仲叫咗啲其他菜式，例如自製響鈴、炸薯條、午餐肉等。自製響鈴係呢間火鍋店嘅招牌菜式，外層炸得金黃酥脆，內裡嘅豆腐好嫩滑。炸薯條同午餐肉就係一般嘅火鍋配菜，不過都炸得好香脆，好好食。

精選二人套餐（$468）這個套餐包含了一份小食、自選鍋底、一份肉類、精選蔬盤和飲品小食方面，提供了黃金炸魚皮、青瓜雲耳和泰式蝦餅我地簡左泰式蝦餅真心有意外驚喜，入面竟然係啖啖鮮蝦，本身諗住有啲蝦味都覺得唔錯，點知呢個真係見到同食到蝦肉，超級鮮甜爽滑，外皮就炸到好香脆，超高質，可以話係食過最好食嘅蝦餅！在自選鍋底方面，我哋加錢轉左羊腩煲😍 而家呢個天氣咁凍食羊腩煲咁暖胃就啱啱好！呢個羊腩煲味道好濃郁，入邊羊肉都唔少，仲有好多嘅腐竹、馬蹄等配料，再加埋又香又惹味嘅腐乳醬，真係食過令人番尋味我地簡左極品封門柳（小）雪花好靚，分佈勁平均，所以肉質鮮嫩多汁，口感細嫩，帶有濃郁的牛肉香氣，配埋羊腩汁仲惹味，或者配佢地既火鍋醬都唔錯！手打鮮蝦丸併墨魚丸（4粒），估唔到丸子都相當足料，食到啖啖鮮蝦同墨魚香，完全無粉味，口感相當彈牙自家製餃子雙併有鮮雲吞水餃和魚松露豬肉餃，餃子皮薄而有嚼勁，內餡鮮美豐富，每一口都令人滿足好欣賞呢間火鍋店，雖然唔係任食，但食物質素真係相當好，確實真材實料，會令人好滿足

好似好少講打邊爐🫢🫢🫢不過今次係有埋羊腩煲！依家天氣開始轉凍就啱啱好！· 秘製枝竹羊腩煲 $368天氣凍就最啱叫返個羊腩煲食！$368係細嘅份量，入面有好多枝竹同蔥，羊腩都唔少嘅~預返之後打邊爐都啱啱好！個羊腩煲係偏甜嘅~同好濃味，羊腩都腍，唔會有好大陣嘅羊膻味，仲有一小盤嘅生菜，索哂啲汁好正，個汁已經好濃之後加返水打邊爐都好夠味🫡· 鬼馬釀墨魚 $98其實就係墨魚滑加咗係油炸鬼度，啱啱炸起係好香口，油炸鬼好脆！☺️· 極品封門柳 $268有少少厚切又唔會好大塊，見到啲油脂紋理好靚☺️食落可能有少少咬口，但牛味係好重，建議唔好沾重豉油重辣嘅醬汁，有機會蓋過哂啲牛味🫢· 新鮮黑柏葉 $98其實我好少食牛柏葉，呢個算係爽口少少，要注意煮嘅時間，唔係就好韌😵‍💫😵‍💫· 黑松露豬肉餃4粒 $58呢個意外地覺得黑松露味好濃！餃子皮唔算好厚但都唔會好易穿，饀都唔算少~· 手打豬肉丸4粒 $53 手打鮮蝦丸4粒 $58呢度嘅手打丸類值得推介！豬肉同蝦丸都一樣好彈牙，味道都好濃，而且都幾大粒！嚟到真係要叫嚟試下~· 脆炸嚮鈴4條 $42 記得嚮鈴嚟到要即刻食！因為佢係即炸，再放落湯到幾秒🤤唔係就會無咗好

天氣開始凍，同呀媽一齊黎食羊腩煲暖下個身。個細羊腩煲對於兩個人黎講個份量都唔少，最重要嘅係啲羊肉一啲都唔騷！有時自己整羊腩煲難就難在去啲羊騷味。個煲入面仲有好多配料，全部都好入味。跟羊腩煲上嘅仲有一大碟生菜同廚師自制嘅腐乳醬。個人特別鐘意個腐乳醬，用黎點咩食物都得，想落少少係個羊腩煲吊下味又得！另外仲嗌咗泰式蝦餅、西班牙黑豚肉、黑松露豬肉餃同鮮蝦雲吞。全部都新鮮鮮蝦雲吞大大粒，啲蝦都係真材實料。總括黎講，野食唔錯又新鮮，座位坐得舒服，服務都好好。羊腩煲絕對推介大家黎食！

一年四季都鍾意打邊爐嘅我，今次又約咗食友一齊打邊爐！今次揀咗呢間位於深水埗嘅火鍋店，叫做舅父仔火鍋專門店。佢地嘅Menu相當豐富，無論係活海鮮、小食、火鍋料、肉類餃類等等到一應俱全！首先我哋點咗兩款小食：黄金炸魚皮同埋椒鹽豆腐，脆卜卜嘅炸魚皮撈埋咸蛋黃醬真係不得了，香口又滋味！仲有椒鹽豆腐幾惹味，外脆內軟，好好食！湯底揀咗花膠雞湯鍋，有半隻雞同埋唔少花膠，相當足料，個雞湯都幾鮮甜，用來打邊爐一流。鴛鴦雙蚌珊瑚蚌同埋桂花蚌， why not both ? 雙拼可以兩款都試晒。白鱔呢個幾有驚喜，大大片，碌一碌就食得，魚肉幾爽口，值得試下。蟶子皇好大隻，帆立貝又係巨型size，食得好開心！ 最緊要係樣樣海鮮都好鮮甜，蟶子夠爽口，帶子勁甜無得頂！肉類叫咗大份嘅安格斯頂級牛頸脊 油花都幾靚，啖啖牛肉香味。仲有日本A4 和牛天係入口即溶，油香十足，唔錯！另外仲有叫咗台灣正宗鴨血同埋獅頭鵝腸，呢兩樣都係我打邊爐最愛！最後叫個蔬菜拼盤balance 一下，拼盤都幾大份，食多啲菜感覺健康啲。最尾飲埋芝麻糊同埋紅豆沙，完美作結！下次一定會再嚟～

近排天氣開始涼浸浸，又係打邊爐嘅時候，餐廳主打火鍋，醬料有自家製XO醬，更有多種自家製食品。裝修佈置頗具特色，看得出店主很用心思。花膠雞湯鍋秋冬滋補必點嘅花膠雞湯底，打邊爐前先飲返碗補補身，雞湯味道濃郁，伴隨著紅棗杞子嘅味道，雞可選一隻或半隻，原條花膠大大件花膠，雞件肉質新鮮結實。美國桶蠔美國桶蠔蠔肉飽滿，蠔味相當濃郁，夠曬大隻，口感十足。極品封門柳封門柳雖然叫咗細份，但份量都唔少，油花均衡，肉味濃郁，入口肉質鮮嫩。牛骨髓牛骨髓非常軟滑，口感就似食果凍一樣，係一種天然滋補食品。牛舌芯食牛舌嘅話，牛舌芯係不二之選，牛舌芯切成薄片，口感軟腍略帶嚼勁。手打鮮蝦丸併墨魚丸蝦丸同墨魚丸真材實料，新鮮手打，食落非常爽口彈牙。自家製鮮蝦水餃/黑松露豬肉餃自家製水餃皮薄餡靚，鮮蝦水餃用了原隻鮮蝦，材料十足，豬肉餃帶黑松露香氣，提升了豬肉嘅鮮味。涼拌肉鬆皮蛋豆腐豆腐清涼嫩滑，皮蛋甘香軟綿，拌以肉鬆同涼拌醬，越食越滋味。蒜片一口和牛端上枱時，已經蒜香撲鼻，一口和牛細細粒，肉質軟嫩，拌以蒜片一齊食，味道層次再昇華。油麥菜油麥菜新鮮爽甜，可以清清油膩感。自家製竹蔗茅根水自家炮製，真材實料，打邊爐嘅清熱良伴。

踏入秋涼嘅季節，特別適合一班朋友打邊爐，深水埗有好多餐廳，今日就特登揀咗呢一間「舅父仔」～火鍋食材選擇比想像中多，更有唔少自家製項目，先黎自家製竹蔗茅根水，甜度控制得唔錯特別推薦呢度一系列既小食，最大賣點一定係即叫即炸— 「脆炸魚皮」、「黃金炸響玲」、「椒鹽豆腐」， 炸響玲同魚皮都係加咗鹹蛋黃既炸響玲，鹹香度十足，必點「脆炸魚皮」！ 另外都叫咗「火炙薄切鮮牛肉」，加埋蔥、芫茜，味道有提升。點既係花膠雞湯鍋，見到湯底都有唔少雞肉，一於打邊爐前飲返碗靚湯先！ 海鮮既話，點左蟶子、元貝，鴛鴦招牌滑，海鮮目測都有光澤，新鮮度亦乎合預期～ 餃子仲係自家製既， 皮薄餡靚。蔬菜籃顏色亦夠色彩繽紛，選擇亦豐富— 既有蕃茄、粟米、亦有各款蔬菜。

鴛鴦湯底有四川麻辣湯鍋同胡椒味豬肚湯鍋店員特別為我地安排唔要胡椒咁就啱哂大人小朋友食啦🥰✿ 泰式蝦餅🦐外層炸得好酥脆 配埋醬汁好好食😋✿ 安格斯牛小排🥩肉質嫩滑 份量唔少牛味🐮好香濃✿ 手打鮮蝦丸併墨魚丸人手整真係一食就食得出真材實料內有一粒粒蝦肉同豬肉 爽口彈牙✨✿ 鮮蝦雲吞 黑松露豬肉餃自家製材料豐富 又大粒又入味雲吞入面係一隻隻鮮蝦🦐豬肉餃🐖充滿黑松露香味✿ 烏冬打邊爐唔少得食烏冬放落個湯底一齊煮 超入味🤎

The weather is finally getting cooler! That is when I start craving hotpot. Looking up what's new, we found a place called  舅父仔火鍋專門店 (English name: Uncle Boy Hot Pot). Located in Sham Shui Po, closer to the Prince Edward area, this place was quite easy to find.Inside it was spacious. They had plenty of tables for smaller groups. A rarity as many now focus on large gatherings but that is sometimes quite difficult. Seating was spacious and clean.Menu is in Chinese only. They have plenty of choices

精選二人套餐 $468舅父仔慶祝兩周年特價酬賓，推出咗個精選二人套餐好抵食🈹首先黎份小食，泰式蝦餅外層炸得好脆入邊蝦肉又彈牙🦐自己喺屋企好難整沙嗲湯底，所以自選湯鍋揀咗個特濃沙嗲湯鍋🍲肉類揀左安格斯牛小排，肉脂分部得好平均，食落充滿好濃郁嘅牛味🐮手打鮮蝦丸拼墨魚丸彈牙有口感🦐🦑自家製餃子雙拼就揀咗韭菜餃同鮮蝦雲吞皮薄又足料🥟再加埋時令蔬菜咁就唔驚打邊爐無便便🥬個餐仲包兩罐嘢汽水架🥤我自己就另外加左個公仔麵，沙嗲公仔麵絕對無得輸🍜-椒鹽荳腐 $58即叫即炸，外脆內滑，椒鹽味都好夠🐮-流心蛋黃豬肉丸 $58見到流心蛋黃即刻要試🥚可惜一次過倒晒落去又滾得太耐所以冇咗流心效果🥲如果大家下次叫記得一變色就要拎上嚟，唔好好似我咁傻仔😅

今日同朋友去深水埗新開嘅火鍋店打邊爐，店員全部都好nice，環境都坐得好舒服（打邊爐最緊要冷氣夠凍），最緊要係食物都好高質！即刻睇食評~冬瓜盎湯底湯底清爽而濃郁，帶有淡淡的甜味，能提升整道菜的口感和風味。超多料，好睇又好食，建議最少3個人先好叫，如果唔係真係食唔曬！黃金炸響鈴❤️❤️❤️喺menu見到已經雙眼發光，係我最愛嘅鹹蛋黃+我超鐘意嘅響鈴！！！新鮮炸起，金黃酥脆。上菜時店員話可以就咁食，我就咁食咗一條（超有罪惡感，太邪惡），另一條就淥黎食，一樣咁正安格斯牛小排好靚嘅牛肉！不過我地打邊爐都鐘意食比較薄嘅牛~所以今次反而覺得豬肉好味啲！西班牙黑豚肉超多脂肪，又夠薄，好味~手打鮮蝦丸拼墨魚丸❤️❤️❤️兩款都超美味，其實望落就好似蝦滑同墨魚滑一樣，都係我超愛食嘅野！自家製鮮蝦雲吞拼黑松露豬肉餃鮮蝦雲吞充滿了鮮蝦的鮮甜味道（朋友大讚），而黑松露豬肉餃除了有均勻的豬肉香氣更有黑松露香蔬菜拼盤有生菜、娃娃菜、番茄、粟米、白菜仔。超大份，又係建議最少3個人先好叫，如果唔係真係食唔曬！

餐廳牆上掛滿用霓虹燈做既標語裝飾，帶點玩味。食物方面，材料選擇幾多，湯底大概有十款，另外仲有小食，即叫即炸好吸引，同埋醬料入面嘅XO醬係自家製，好足料好夠味。小食黃金炸魚皮 $68 - 份量唔少，每片魚皮脆卜卜，同時沾滿鹹蛋黃，好邪惡但好食。椒鹽豆腐 $58 - 外脆內軟，加上椒鹽好惹味。😉火炙薄切鮮牛肉 $198將牛肉薄切成刺身再輕輕炙燒，牛味幾濃又帶點牛脂香氣，配搭埋生洋蔥多份層次，好吃！花膠雞湯鍋 (半隻) $238店員話湯底用雞及魚熬煮，食前飲番碗再加湯打邊爐，另外配料仲有大大件花膠及雞件，雞湯味道幾濃郁，杞子帶點甜，正。另外點咗海鮮，整體幾新鮮，蟶子及元貝大大隻，元貝好鮮甜。👍見到有鴛鴦雙蚌 ($148)都叫黎試下，份量都唔少，貴花蚌好爽脆。日本A4和牛 $388打邊爐點可以唔叫牛肉，呢個A4和牛片厚薄適中，淥一淥就食得，而且牛脂幾豐富，yummy! ☺️安格斯頂級牛頸脊(大) $368安格斯牛頸脊肉味幾濃，相對下佢比A4和牛厚身，口感會再強啲。招牌鴛鴦滑 $108係手打蝦滑拼墨魚滑，兩款都幾紮實同足料。餃子拼盤 $108共有4款餃子，分別有鮮蝦雲吞、鮮蝦水餃皇、韮菜餃及黑松露

同屋企人食晚餐，個場唔太多人。叫左個招牌豬骨湯底，胡椒味有D太重，但整體黎講都好味。首先黎左一客池魚王做頭盤，新鮮好味道。仲有涼伴千層肚同黃金炸嚮鈴，但食得太快唔記得左影相。個黃金炸嚮鈴有咸蛋o係入面，邪惡得黎又幾惹味。牛肉因為質素比較好，所以價錢比較貴，可以接受，有牛味。仲有自家製餃子都好味，唔係出面D求其雪藏餃子。手打墨魚滑係我最愛。D菜都算新鮮，總括黎講都高質，係個湯底胡椒味太重搞到有D攻鼻。最後一讚係芝麻糊，又香又滑。個場好大，座位寬敞，坐得舒適。而且無限時，唔駛趕頭趕命，服務態度亦唔錯，整個用餐體驗好舒適。