lunch後要開會，當然要買杯吃茶三千幫自己打打氣！👩🏻‍💻自從科學園都開咗分店，真係幾乎日日都去飲~🐽 吃茶三千一開香港分店即刻大受歡迎~佢地以量身打造嘅萃茶機萃取茶飲，提供六款鮮萃茶，松針綠茶、水仙桂花、玉露青茶、鳳眉紅茶、凍頂烏龍、決明子紅烏龍🫖🫖 同事order咗強勢回歸嘅香橙冰茶~~🍊開始變得悶熱嘅天氣，飲一杯使用松針綠茶作茶底嘅香橙冰茶，真係透心涼又消暑~我下次都想試下！🧊 而我就飲返招牌國王珍珠奶茶🧋鳳眉紅茶+ 皇家厚奶+ 國王珍珠，簡直係絕配！超愛皇家厚奶嘅濃厚奶味呀🍼 雖然茶飲要等待大約15分鐘，不過茶底是用萃茶機現萃茶葉而成，所以係值得嘅！

太古 | 秋嵐日本料理 今日介紹一間喺太古嘅隱世小店~大家記得之前黑雨港島有個被淹沒、損失慘重嘅地下商場嗎？就係今日要去嘅地方，東匯坊啦！東匯坊已經重新裝修完成啦。 秋嵐日本料理係一間日本菜爐端燒居酒屋，細細間不過當日都見幾多人捧場。好多上班族收工黎飲酒食串燒~我地食咗 ❁極味厚切牛舌牛小排定食 $188 ❤ 呢個要推介~連我呢個非常嘴刁嘅朋友都話好味 牛舌同牛小扒鮮嫩多汁，不過佢話太好味，同埋肉嘅分量好多，食曬啲飯都未食曬啲肉~好想添飯呀！ 定食包括沙律、茶碗蒸、味增湯、珍珠米飯及甜品~ ❁牛肉壽喜鍋御膳 $128 超大分量嘅牛肉壽喜燒！入面真係好多肉、好多菜、好多菇、啲肉全部都係超多油脂嘅肥牛！ 而御膳一樣包括沙律、茶碗蒸、味增湯、珍珠米飯及甜品~不過味道就比較普通，啲牛都有啲太肥 ❁焦糖燒菠蘿 $32/串 ❤ 見到我最愛嘅焦糖燒菠蘿忍唔住叫咗黎做飯後甜品~ 呢度即刻叫即刻燒，上台都係熱架~ 同我預計嘅冰凍脆焦糖唔一樣，焦糖係融化喺熱菠蘿面嘅，不過都係好鮮甜 想去嘅記得bookmark條片啦~ 路線係咪好簡單呢 @go.neverland

我講過好鍾意食海鮮，好識搵食嘅美女同學就推介咗小漁港比我～Bookmark咗好耐我終於去咗食！ 今次同男朋友食$318/位嘅套餐，星期一至四限定嘅。一開始就上碟刺身比我地，呆咗😂因為我地第一次食唔知除咗桌上蒸嘅嘢食仲會有其他。碟刺身好高質，我淨係食生三文魚，都覺得好鬼正。之後就叫我地揀小食，我地揀咗避風塘鮮魷，又係又熱又脆又彈牙，勁好味 之後入正題食桌上蒸，食之前會煮粥，落咗瑤柱、龍蝦頭、豬骨同珍珠米。全程都有姐姐幫手煮同計時，自己淨係負責食就得！ 第一round：蒜蓉蒸龍蝦 第二round：鮑魚、海蝦、魚、粉絲扇貝 第三round：花甲、螺、青口 第四round：荷葉蒸烏冬、蟲草雞、芋頭、南瓜、粟米、勝瓜 最後仲有個集合曬海鮮精華嘅粥食～龍蝦頭同膏煮到入曬味，個粥金黃色的。我地食唔曬帶走咗（其實食到第三round我地已經驚咗，啲海鮮太肥美食到好飽😂） 男朋友未食完已經係咁話要encore ，我覺得呢度食嘅海鮮係比較原汁原味，唔需要點醬料，保留海鮮嘅鮮味，都推介比鍾意清淡健康嘅朋友

又去龍鳳呈祥～上次都差唔多一年前啦 呢度主打70-80年代港式懷舊主題嘅雞煲火鍋 味道都唔錯㗎，雖然價錢唔係特別平，但係物有所值 上次叫咗秘制黃蜆惹味雞煲，不過一直都想返嚟試鹹蛋黃醬雞煲，因為我超級鍾意食鹹蛋黃🥺終於再訪啦 🍴鹹蛋黃醬雞煲 $278 店員會嚟幫手撈勻啲雞同埋鹹蛋黃醬，雞煲滾起就可以食啦。食晒啲雞就可以加湯慢慢打邊爐啦🍲男朋友話好重鹹蛋黃味，食到晒啲沙沙地嘅鹹蛋黃口感～我就覺得個雞煲太辣，（我地叫小辣）遮蓋咗鹹蛋黃味 🍴牛肉拼盤（細） $338 拼盤有齊牛舌、手切牛肉、牛胸爽、牛柏葉、牛肉粒，以及雪花肥牛 份量兩至三個人就啱啱好 🍴豐盛雜菜拼盤 $128 蘿蔔、蕃茄、粟米，淮山、蓮藕、金菇、油麥菜、娃娃菜，蘿蔔 開頭見到菜拼盤都要$128覺得有啲貴，不過呢個拼盤真係好有誠意，啲蘿蔔係心形嘅，同埋份量都好多都抵食 五香肉丁餃(6粒）＄78 呢度所有嘅餃子都係即叫即整嘅，好濃嘅五香肉丁味 手打鮮蝦蟹子丸8粒 $108 呢個係我嘅必食推介！個蝦丸超有蝦味，同埋個口感好彈牙，真係感覺到鮮味🦐 秘製鹹檸七 自家秘制鹹檸檬，自己再倒可樂或者七喜入去～好特別嘅味道😂

旺角 | 一生懸面 一向都好鐘意食拉麵嘅我終於食到一生懸面啦！每次經過旺角一生懸面外面都大排長龍，今日收工一早去就唔洗排隊~ 【期間限定】牡蠣沾面 $138 朋友比較鐘意食沾面，更重要嘅係“期間限定”四個大字。碗面都幾大兜，配上熱辣辣又濃稠嘅沾面汁以及新鮮嘅牡蠣，非常美味 白湯豚骨拉麵 $72 我就試咗最basic and classic嘅豚骨拉麵，湯底同麵條不過不失，不過叉燒口味就比較清淡 唐揚炸雞 $35 全餐最好味我會話係呢個炸雞！真係必叫！ 我平時其實係唔鐘意order 唐洋炸雞呢樣小食，因為好多餐廳都會炸到皮又厚又硬，既乾又會咬到牙痛。但呢度嘅唐揚炸雞可以話係我食過最好食，皮薄、多汁、肉質嫩滑，配上mayo，令我欲罷不能！ 桂花烏龍冷泡茶 $20 好多地方嘅冷泡茶都會好酸澀，不過呢度嘅桂花烏龍就無呢啲問題。不止解膩，更加有排毒祛濕嘅功效 我地食完八點門口已經排咗十幾個人！所以大家記得要食就早d去啦~~

📍尖沙咀｜香香宮煮 今日同劇本殺好友食飯，諗起香香宮煮有得著宮廷服打卡🤣就帶佢去香香宮煮啦 一入門口已經見到個皇位嘅打卡位，仲有一堆宮廷服俾大家任著任打卡，真係好特別🤍 當日天氣都好凍，我哋就揀咗建寧公主特色卜卜蜆鍋，個湯底除咗有好多又肥又冇沙嘅沙白之外，入面仲有好多芽菜、芫荽同埋芹菜等等。個鍋嘅形狀都好靚好有古代宮廷feel💕 ₊˚⊹♡ 艾莎公主牛肉堡盒 開頭唔知點解牛肉寶盒會用Elsa公主命名，上枱嗰陣就明啦，一打開個寶盒，入邊嘅煙霧就好似瀑布咁樣流晒出嚟，超有氣勢🥹 ₊˚⊹♡ 伊利比亞橡果豬 伊比利亞橡果豬係豬肉界嘅和牛🤍口感同色澤都滿分 ₊˚⊹♡ 鹹蛋黃響鈴 超級好味嘅黃金響鈴，鹹蛋黃配響鈴真係世上最邪惡嘅食物🥹就咁食又得，淥一淥都可以 ₊˚⊹♡ 手打蝦丸 蝦味濃郁且充滿鮮甜，手打非常彈牙，配上蟹籽，好美味~ ₊˚⊹♡ 稻庭烏冬 好彈牙嘅道烏冬，吸晒鮮甜嘅湯底非常好味 香香宮煮 (金輝大廈) (尖沙咀) 尖沙咀加拿芬道16號金輝大廈1樓 #香香宮煮 #火鍋 #打邊爐 #尖沙咀美食 #尖沙咀餐廳 #尖沙咀火鍋 #美食 #foodie #hkig #hkblogger #hkkol #hkinfluencer #hkgirl #hktravelblogger #hkbeautyblogger #hklifestyle #travel #hiking #blog #hkfoodie #hkfoodblogger #旅行 #旅遊 #生活 #飲食

📍荃灣｜大滾友火鍋 上次食咗大埔分店，一直對大滾友嘅花膠雞湯底念念不忘，推介咗比超多朋友都話真係好好味 🌟玲瓏浮凸•花膠雞湯鍋（半隻） $318 第二次黎都係食返同一個湯底，男朋友都完全唔想試其他，因為我地都超掛住呢個~~呢個湯底我推薦必叫！睇相都知花膠有幾大嚿啦！店員更會好貼心咁樣幫手剪細佢～首先落咗花膠落湯底，湯滾咗就可以飲咗湯先之後先開始打邊爐，超鮮甜嘅雞湯味！！ 🌟牛肉拼盤(細) $418 牛肉拼盤表現出色，牛肉新鮮且肉質鮮美細膩，仲有我最鍾意嘅牛胸爽！ 🌟手打蟹籽鮮蝦丸 $72 蝦味濃郁且充滿鮮甜，手打非常彈牙，配上蟹籽，好美味~ 🌟伊比利亞橡果豬 $168 伊比利亞橡果豬係豬肉界嘅和牛🤍口感同色澤都滿分 🌟大滾友雜菜拼盤 $98 包括多種蔬菜，例如生菜、娃娃菜、皇帝菜、金菇、蓮藕、粟米、番茄等等，新鮮又營養豐富 🌟沙白 $78 巨型沙白！好大舊肉呀，而且無沙~ 🔥山火豆腐花 會員限定送嘅甜品！平時山水豆腐花食得多啦，山“火”豆腐花你又食過未？😆一開始會加少少酒，火焰會點着酒同埋面頭嘅黃糖，形成一層焦糖～而豆腐花就係凍嘅，幾特別 😆呢排凍返，快啲去打邊爐啦，呢個湯底係唔試走寶呀！

📍中環 | 燒烤堂 我真係好鐘意食串燒，而最最最鐘意就係燒烤堂~ 因為啲串燒好啱我口味！今日同朋友去咗中環分店食，食過咁多次燒烤堂都係第一次食呢間分店，原來7:30pm前埋單有全單8折！我地兩個瘋狂叫，店員都O咗嘴，可能估唔到我地兩個女仔食咁多野~ ✦牛油芝士焗雜菇 $42 ✧牛油蒜蓉焗金菇 $32 兩份香濃誘人嘅烤焗佳餚，雜菇嘅鮮味同牛油芝士、蒜蓉嘅濃郁完美融合，好入味~ 我地覺得牛油芝士香啲 ✦鹽燒翠玉瓜 $16🌟 翠玉瓜一向都係我好鐘意食嘅瓜類，而鹽燒係我覺得最好味嘅一種煮法，所以我每次都會叫！多汁又好味 ✧豚肉節瓜波板糖（附月見）$38🌟 呢度嘅特色串燒，必！叫！一圈圈嘅波板糖其實分別係一層豚肉，一層翠肉瓜，口感超豐富 ✦焦糖鰻魚芝士玉子燒 $28 創意十足嘅美味串燒，鰻魚嘅鮮甜同玉子燒嘅柔滑結合，配合融化嘅芝士，好正~ ✧麻辣手釣墨魚鬚 $22 ✦手釣墨魚鬚 $22 彈牙嘅燒墨魚鬚~麻辣真係偏辣！我地兩個辣到係咁飲可樂 ✧蒜蓉鹹蛋雞皮墨魚滑 $38🌟 ✦雞皮墨魚滑 $38🌟 雞皮墨魚滑係呢度嘅招牌！（我覺得haha）燒得香脆嘅雞皮包裹住彈牙鮮甜嘅墨魚滑，真係正到爆。蒜蓉鹹蛋黃口味我都好好好鐘意！ ✦蒜苗牛肉粿卷 $28 其實唔知食咗啲咩~口感有少少啲串燒牛肉腸粉咁？XD ✧鹽燒豚肉豆苗卷$28 ✧鹽燒豚肉露筍卷$32🌟 ✦鹽燒豚肉荔枝卷$22 ✧牛油果豚肉卷$28 我地見到8折真係癲咗咁叫，唔怪得店員都嚇親！其實四款豚肉卷係差唔多，睇你鐘意配邊樣配料。我自己就覺得蘆筍最好味~荔枝就好特別好鮮甜！ ✦鹽燒A4宮崎和牛 $58 🌚 雖然舊牛係好好味，但呢個價錢黎講真係唔太抵，好細串 ✧蜜糖燒雞中翼（兩隻）$18 我地見到上咗3隻，店員話廚師因為見比較細隻所以比多隻我地haha 我最鐘意食蜜糖雞翼~ ✦鹽燒雞軟骨$16 外表燒得香脆，內裡有咬口嘅雞軟骨，正呀~ ✧鹽燒原塊雞皮$22🌟 燒烤堂嘅雞皮真係好正，超大塊好脆！一試翻唔到轉頭 ✦黑松露烤雞$28 烤雞肉串配黑松露醬，入面仲好似有少少芥末~ ✧汁燒免治雞肉軟骨釀冬菇 $28 免治雞肉軟骨全部釀入冬菇，一入口就爆汁，好好味呀~ ✦蟹膏燒飯團$38 🌚 本身諗住淨係食串燒唔夠飽（我真係諗多咗lol），所以叫多個飯糰~ 面頭好多蟹膏呀！ ✦日本芝士年糕 $38 煙韌彈牙嘅芝士年糕~~超美味 ✧黑糖燒菠蘿 $20🌟 燒菠蘿是我的最愛<3 每次食燒烤都100%會叫架啦~ 今次真係叫咗超多野，打食評都有排打😂 用🌟標記咗我嘅必食之選 大家記得唔好錯過啦 !

📍尖沙咀｜Crusta 健康嘅快餐店，聽落好似好荒謬，但來自美國嘅Crusta就正正係主打健康輕盈嘅快餐，今日同男朋友去試吓先！ 🟦 Crusti 印尼沙嗲雞薄餅 $44 唔錯嘅印尼沙嗲雞薄餅，即叫即焗非常之新鮮熱辣，批底係薄批，所以非常香脆，而且佢係使用天然發酵材料以及橄欖油，相對上比較健康 🟦 Crusta 爆汁免治牛肉 $32 呢個我覺得好好味呀！新鮮出爐嘅Crusta，入面就係自家製嘅軟滑薯蓉，配上蔬菜，芝士同埋牛肉，淡淡都係幸福感！記得呢個用手食，唔好用匙羹筆嚟食呀～ 🟦 Cruste 爆汁甜辣雞肉 $36 呢個係一個焗飯加蒸蛋，甜辣嘅醬料係韓式嘅泡菜醬，而旁邊嘅蛋呢入邊係混合咗洋蔥以及芝士。我哋覺得醬料嘅味道有啲重相對飯嘅比例呢，醬料好似有啲太多～ 🟦 日式照燒雞翼兩隻 $16 好甜嘅燒雞翼～我鍾意食～ 🟦 薯仔餅 $18 番薯條 $18 我係唔食番薯嘅，所以番薯條全部都係朋友食～佢話正正常常冇乜特別 薯仔餅本身以為淨係薯仔啦，原來係薯仔條加洋蔥條加紅蘿蔔條一齊炸，不過我食落呢就食唔到洋蔥同紅蘿蔔嘅味道～ 🟦涼拌沙律 $12 新鮮甜醋沙律 $12 食咗咁多烤焗煎炸嘢，如果覺得有啲膩呢就可以食吓沙律，細細兜 總結係呢度啲食物不過不失，不過快餐店嚟講呢，出餐時間就唔係特別快，因為佢即叫即整，啲嘢食都新鮮熱辣辣～

📍觀塘｜FLAMES 今日收工去觀塘海濱跑步，之後同朋友去附近海濱匯食飯~ ✨是日餐湯 $48 Soup of the day係周打蜆湯~~即刻忍唔住order, 都幾大碗！啖啖都係材料同蜆肉，好夠味 ✨澳洲雞鹽薯條 $48 我地兩個都好鐘意呢個薯條，即刻炸嘅，非常香脆。加上澳洲雞鹽，好惹味 ✨烤焗蔬菜 $58 健康之選~有西蘭花、椰菜花、紅蘿蔔、薯仔、蘆筍、小粟米，好豐富嘅蔬菜種類呀 ✨蟹肉巴馬臣芝士蕃茄忌廉汁通粉 $158 啖啖都係蟹肉同埋芝士，佈滿通心粉，超級滿足！最估唔到就係有咁多蟹肉！我上次食flames都好似有叫呢個haha ✨慢煮雞胸凱撒沙律 $118 作為愛菜愛醬之人，唔會唔叫經典嘅凱撒沙律啦！呢度嘅凱撒沙律落嘅醬料唔算多，比較健康。雞胸肉慢煮所以好嫩。不過今次覺得啲菜唔夠爽脆～