影片
更多
2023-10-15
203 瀏覽
餐廳牆上掛滿用霓虹燈做既標語裝飾，帶點玩味。食物方面，材料選擇幾多，湯底大概有十款，另外仲有小食，即叫即炸好吸引，同埋醬料入面嘅XO醬係自家製，好足料好夠味。小食黃金炸魚皮 $68 - 份量唔少，每片魚皮脆卜卜，同時沾滿鹹蛋黃，好邪惡但好食。椒鹽豆腐 $58 - 外脆內軟，加上椒鹽好惹味。😉火炙薄切鮮牛肉 $198將牛肉薄切成刺身再輕輕炙燒，牛味幾濃又帶點牛脂香氣，配搭埋生洋蔥多份層次，好吃！花膠雞湯鍋 (半隻) $238店員話湯底用雞及魚熬煮，食前飲番碗再加湯打邊爐，另外配料仲有大大件花膠及雞件，雞湯味道幾濃郁，杞子帶點甜，正。另外點咗海鮮，整體幾新鮮，蟶子及元貝大大隻，元貝好鮮甜。👍見到有鴛鴦雙蚌 ($148)都叫黎試下，份量都唔少，貴花蚌好爽脆。日本A4和牛 $388打邊爐點可以唔叫牛肉，呢個A4和牛片厚薄適中，淥一淥就食得，而且牛脂幾豐富，yummy! ☺️安格斯頂級牛頸脊(大) $368安格斯牛頸脊肉味幾濃，相對下佢比A4和牛厚身，口感會再強啲。招牌鴛鴦滑 $108係手打蝦滑拼墨魚滑，兩款都幾紮實同足料。餃子拼盤 $108共有4款餃子，分別有鮮蝦雲吞、鮮蝦水餃皇、韮菜餃及黑松露
食物方面，材料選擇幾多，湯底大概有十款，另外仲有小食，即叫即炸好吸引，同埋醬料入面嘅XO醬係自家製，好足料好夠味。
小食
黃金炸魚皮 $68 - 份量唔少，每片魚皮脆卜卜，同時沾滿鹹蛋黃，好邪惡但好食。
椒鹽豆腐 $58 - 外脆內軟，加上椒鹽好惹味。😉
火炙薄切鮮牛肉 $198
將牛肉薄切成刺身再輕輕炙燒，牛味幾濃又帶點牛脂香氣，配搭埋生洋蔥多份層次，好吃！
花膠雞湯鍋 (半隻) $238
店員話湯底用雞及魚熬煮，食前飲番碗再加湯打邊爐，另外配料仲有大大件花膠及雞件，雞湯味道幾濃郁，杞子帶點甜，正。
另外點咗海鮮，整體幾新鮮，蟶子及元貝大大隻，元貝好鮮甜。👍
見到有鴛鴦雙蚌 ($148)都叫黎試下，份量都唔少，貴花蚌好爽脆。
日本A4和牛 $388
打邊爐點可以唔叫牛肉，呢個A4和牛片厚薄適中，淥一淥就食得，而且牛脂幾豐富，yummy! ☺️
安格斯頂級牛頸脊(大) $368
安格斯牛頸脊肉味幾濃，相對下佢比A4和牛厚身，口感會再強啲。
招牌鴛鴦滑 $108
係手打蝦滑拼墨魚滑，兩款都幾紮實同足料。
餃子拼盤 $108
共有4款餃子，分別有鮮蝦雲吞、鮮蝦水餃皇、韮菜餃及黑松露豬肉餃，全部自家製，雲吞大大粒蝦肉，味道唔錯。
五色蔬菜籃 $88
蔬菜籃份量唔少，有娃娃菜、生菜、白菜仔、粟米及蕃茄。
整體食物質素唔錯，食物份量亦幾大碟，餐廳仲有獨立房間，每間都有特別佈置，一班人打邊爐就fit哂！😉
張貼
