洋蔥頭 (已結業)

服務好, 价格好抵食......... !!!

哇~~~見到$98食海鮮自助餐, 幾抵喎, 咁咪同男友入去試下囉！點知~~未入去, 個女仔就話今日$108, 完全無解釋。咁算啦！反正都去到, 咪入去囉！入到去，先黎一碟三文魚, 但又唔新鮮喎！出去食，咁叫自助餐呀??根本無食。d菜又油喎！咕嚕肉好粉。連d沙律都唔食得人架！粟米係壞架！...總之一句講晒，無下次~~請都唔去食呀！

痴線架間野,自助餐\有得俾人拎GE野食少到無輪,仲要同張紙上面完全唔符合,我同男朋友係去食宵夜時段,見佢\68蚊又有咁多野食,好抵咁...佢\D裝修都會引到人入去,服務態度都唔錯,汽水真係可以不停添飲,收碟速度好快但呢D野全部都唔係引人再去GE條件嘛乜都無得食架真係,得幾隻扇貝仔,勁多雞肉、牛肉之類,仲有粉面...野食其實都同平時ge自助「茶餐\」差唔多,價錢其實都ok...問題係俾佢\呃左嘛!!!講到勁多蠔蝦蟹咁,到最後一隻,甚至連腳都見唔到...其他人都食唔到...壽司又係少到無輪...一有人上野食,就要出去爭= =牛奶公司雪糕都唔錯...好彩D野食都OK(雖則連Cake都無件)但佢\地ge廣告同最後ge outcome令我覺得我係一條水魚,俾人禁住黎搶錢,好激氣問佢\有無d咩野食,佢\可以覆我地...「較早時間有架」咁,黎呢度見到...原來連較早時間都係無的仲有,佢\雖然上碟附送ge三文魚上得好快,但係...得個兩件...施捨咩而家總之一句講晒,唔會再去!!!*

本來打算替弟弟慶祝生日，估唔到換來一肚氣！間野以海鮮自助餐旗號做宣傳，其實係一些門面野，海鮮只是成餐飯的配角！六點幾去到時已經無咩野食，得番d 麥樂雞、白菜、飯、炒面之類既野食，也沒辨法，等等廚房再煮新野食吧，等了又等，終於有壽司，立即動身去o羅啦，點知佢碟壽司得二件手卷，四件三文魚壽司、四件瀨尿蝦壽司.....四、五十人點夠分呀？！害得各食客搏哂命去搶。以後的蟹、瀨尿蝦等情況一樣，各類海鮮亮相給大家見一見，食就無你份架啦，因為份量同在場人數差距太大了。就算搶得到都未必好，大部份都唔係好新鮮。野食經常供應唔切，好多時食物盤是空的，還要限時二小時！！！計一計數，十五分鐘先補充食物一次，四次裡面先有一次搶得到，即係話兩小時裡面你可以食你想食既野有兩次機會！搞到食客個個都精神緊張，一看見有野係廚房拿出黎，大家會一齊飛樸出去，爭個你死我活。唉...咁食野法，還算享受嗎？！！！不好講海鮮，我果時連芝士餅，栗米"跟"都要搶餐死先有得食。禍不單行，我地坐得遠，實在沒辨法去搶食物(也唔想太失儀的去搶)，向老闆投訴，點知老闆是全食店中最態度惡劣的員工！一臉的傲漫，實在沒有放我地在眼內！道歉也不用提，連少

2006年7月12日, 同媽咪提早慶祝生日!見到忽週介紹得唔錯,就決定去試!! 出面望入去環境裝修都唔錯既! 但入到去先知唔好食!! 個侍應話每個位可以揀三文魚刺身/天婦羅,咁我地就2樣都試!! D 三文魚刺身味道有D怪,天婦羅又凍喎!! 熱盤又得幾款揀,例如:魚,賴尿蝦,蟹,加喱角,樣似麥樂雞,什菜,雞,薑醋,炒面,炒飯....... 根本上見到果樣已經唔係太想食了,期間見過佢出過一次炒蜆,我諗依樣都算OK!! 睇佢D 宣傳單張又話有壽司, 我見佢出過一次咋,諗住出去夾喇,D 款又唔多, 得返一兩件比我夾,諗住試喇,D飯又硬..., 仲衰過去超級市場買呀!! 差唔多食飽諗住試甜品, CAKE都冇件,喱糖個樣都OK, 但咬落去好"粉"!!雪糕就係牛奶公司迷你杯裝(朱古力+芝麻) 都OK既!!!汽水任飲, D汽水好水呀,完全飲唔到有汽水味..好似飲水似D !! 未夠2個鐘已經頂唔順喇! 走果陣個肚都未飽!!下次一定唔會去食!!

呢一餐,真係最唔開心既一個下午茶餐.....今日行到創興廣場附近見到個banner , 食任何set lunch or 茶餐都會有免費贈送雞亦.....諗著落去試下喇...行電梯落去... 自己入左去坐埋... 都未有人理我...唯有自己呆下看下餐牌先喇,終於決定叫一個20.00 下午茶set - 碎蛋三文治.....其實三文治餐就有3個選擇, 碎蛋, 吞拿魚, 火腿芝士....時間約係15:30侍應: 小姐要d咩?我: 碎蛋三文治, "行"底, 熱檸茶....侍應: 唔好意思, 無碎蛋今日....我: oh.... 咁要火腿芝士喇....侍應: ok (就過左10分鐘)侍應: 小姐唔好意思.... 火腿芝士.....無晒芝士(真想小佢... 呢d都無,凍野呢d都無存貨????)我: 咁............ 有無豬扒包呢????侍應: 有...有..有... 好快到...我等了又等... 終於過了又15分鐘... 咩都未上... 話送既滷水雞亦又未見...就再追問,我: 我叫左XXXXXXX ....超過15分鐘喇wor.... 麵包即局? 豬扒即炸...?侍應:.... 豬扒包要

與朋友到旺角逛街順道吃晚飯，途經創興中心接到這家餐廳的任飲任食餐宣傳單張，我之前已在某飲食雜誌看到這家餐廳被投訴的個案，但是，既然朋友們都贊成，而大家又實在行得太累，於是，一行九人便決定光顧這家餐廳。由於這晚的大檯已經全滿，我們九人只好分坐兩個卡位，幸好，卡位都算夠闊，五個人迫在一起尚算可以。這裡的裝修不錯，地方不太大，座位擺放亦頗擠迫,但整體來說尚算整潔；另外，要去洗手間的話，要在收銀櫃檯取鎖匙到店外的洗手間解決，是有點不太方便，而且洗手間亦不太清潔，地下濕淋淋兼且傳來陣陣異味。宣傳單張上列有許多美食，然而，真正提供的食物也不及宣傳單張上的三份一，擺放食物的地方十分小，通道十分窄！餐廳提供的都只是一般食物，味道嘛？老實說真是「過口即忘」！有些食物在入口時甚至會覺得不夠熱，食物補充也十分慢。最令人氣憤的，是看到宣傳單張上有的食物，大多數都沒有供應，小妹看到有生蠔的相片，但我當晚卻連蠔殼也看不到一個！初時向侍應查詢，都只是推說過一會便有，但到我們差不多結帳時再問，卻又說今晚沒有生蠔！這裡亦有像酒店式自助餐般提供燒牛肉的攤位，但是，負責分牛肉的不是廚師，而是由侍應處理，攤子常常沒有人，好幾

完全唔得,食物唔得,環境唔得,服務唔得,一句講晒冇樣得!!本來約埋一班朋友諗住食好野,點知一入去兜左個圈就知死啦!食物小都由佢,最火滾就係d味道差,價錢又貴,成百元你叫我食d咁不知所謂的食物,我諗理間咁差的洋蔥都做唔得長啦,食完真係火都黎埋!!!!!!!!>_<

之後睇過佢d宣傳單張,覺得佢d野食都幾吸引,但上到黎openrice之後發覺好多都係劣評.....心諗,自己對食冇乜要求,試下囉~之前打左電話去問有關book位既野,我亦都表明會幾時黎,但因為人數未confirm,所以一直未book,到左今日book既時候,佢一直都冇問題,隔左幾分鐘之後,有條粉腸打返電話黎話一d位都冇~仲話:一係就分開坐!唔好玩啦~一班人一齊食飯,分開坐我駛鬼o係你度食呀!都唔知有冇攪錯,之前佢d staff話閒日即日book都得,一定有位~!不過算~食唔到都係一件好事~佢d食評咁差極!!!!!!!

本來沒有看雜誌的介紹，只是一位朋友說想試試，結果就中招。從外面望入去，的確，裝修是不錯，但我可告訴你，這是個陷阱，因為你看不到裏面的食物，入到去你就知中計。先說食物的種類，"少"，沒有第二個形容詞。熱菜大約十三、四種，炒面、炒飯、意粉、春卷、咖哩雞、什菜長期供應，再加上薯條、麥樂雞，你叫多杯汽水可以當成麥記套餐。有兩種糖水。大約四、五種沙律。一種蛋糕、兩種布丁。還有全個自助餐最正常的牛奶公司迷你雪糕。佢叫海鮮自助餐，所以總有點海鮮給你吃，每十五分鐘左右就會有一、兩種出來，就只有一小盆，當晚有出現過一次炒蟹、二次蒸扇貝、一次炒蜆、二次焗蠔、一次蒸魚。每當一出現時，你會看到有如盧旺達難民營的情況，簡直可以寫個生態佈告。再說味道，"不行"，也沒有第二個形容詞。炒面飯、春卷麥樂雞不說了。說說那些海鮮，蟹無肉，炒熟就算；扇貝，不新鮮，味道淡得可以；炒蜆，竟然是芽菜炒，淡之餘，芽菜比蜆多一倍都不止；蠔不新鮮，用薯蓉焗，就只有薯蓉，連芝士都沒有，又是一道淡而無味；蒸魚，只能說是河鮮，因為只是一條淡水鱸魚。還有一樣當晚最氣人的，有看雜誌的人留意了。當晚那裏有一個日式火鍋的推介，所以我們以要另收錢的東西

從來未食過d咁難食的食物，食左第一啖就唔想食第二啖。自助餐竟然可以冇野好食，我出去行第一個圈，已經知中招，好似淨係得d生果可以擺入口。d海鮮仲勁，殼多多而冇肉。浪費左我果80蚊!早知去食四餐麥記!佢埋單果下仲要4捨5入，幾毫子都呃我。不過好彩有飛蟲送，多謝晒。

勁差!! 無下次急不及待回家寫我的感受, 你地千萬不要貪平, 誤中圈套.....今晚同d同事有飯局,貪平, "簡"了這裡食buffet, 一行11人.坐了中間的長枱, 同後面枱椅背貼椅背. 好唔舒服. 每次出去拿食物, 總要小心翼翼, 步步為營.一坐低, o緊係出去攞o野食, 但十分失望...... 以下是頗有特色的熱葷:1. 大條的淡水魚(唔知道魚名,好似鯇魚的物體), 無食到, 因我唔好魚2. 白汁意粉(一"劈"o野, 以漿糊)3. 無餡春卷(因為無料, 都幾脆o既)4. 炸雞塊(M記的好食好多)5. 手柏O甘長的瀨尿蝦, 都有3吋長O既. 惰, 無食到6. 聖子, 個殼都有手指公O甘長嫁, 仲係BB, 真可憐...7. 豬腳薑(OKAY, 食了件蛋)8. 咖喱抄什菜(好"傑", 漿口)9. 中湯/ 紅湯(唔吸引, 無飲)10. 蒜蓉包(係當中最好味的, 食了5-6件)除了熱葷外, 還有沙律/ 生果/ 雪糕, 不提也罷.食物質數差之外, 服務態度都好有問題, 首先叫了好多聲"唔該"也沒反應.好啦,到她終於聽到啦. 點下頭, 繼續傾計, 先"智"過來. 一面你急佢唔

是日小妹就去光顧晚市自助餐...因為見到廣告去到環境有點嘈, 點左個新出的火鍋, $20一鍋...料都算夠, 因為我們都只係有3個人...$20係唔錯加上自助餐的價錢都可以接受...但食物補得唔係好快芝士cake好味味, 其他都ok啦~

昨晚,我和朋友去食自助餐.,去到座時沒有太多人,冷氣沒有開,食物可以啦,杯器具有破裂我來了菊花疆蜜,一看到點知半個杯裂,差點介開了我的咀。還有服務好差,可能有點食到分分慾睡,身了一個懶腰,點知有位長直髮相眼反白,行過來她說有什麼可以幫到你,我話沒有,她以好彼事眼光行走,水又唔倒。

唔係好得....我食夜宵時間$ 68 x 110% = $80 左右啦.單張上面寫住海鮮自助餐, 有蒸扇貝, 瀨尿蝦, 焗蠔之類ge 野..入到去呢, 蒸扇貝從來無出現過, 瀨尿蝦供應就好充足ge 不過, 焗蠔就無啦, 焗蠔豉就出過一兩次...有水煮蜆但係無味ge, 最意外ge 係有豉汁蟶子, 都係無味ge.其他食物有一D 正常自助餐用黎充撐場面ge 食物...其他自助餐無人會留意同無人會特登怒食ge 食物, 我就狂掃啦今次...唔係無野好食...甚至我覺得所謂ge 海鮮自助餐, 海鮮只係配角...=__=$ 80 就出賣左呢間鋪頭ge 質素同態度, 可悲可悲..