念川居 (MOKO新世紀廣場)

營業中

休息中

早幾天聽2位朋友介紹呢間店舖，說味道不錯。睇下地點，原來係新世紀廣場，幾方便。於是約為食既家人一齊去食晚餐。早一天係 openrice 訂位，享有餐牌主食9折。當天去到不算多人 (對比隔離北京樓)，入面少了一點喧嘩，燈光不是太刺眼，反而是一個不錯的用餐環境。店員服務態度夠勤快，禮貌也不錯，讚!之前無睇到有乜signature food，所以隨心挑了幾道菜：1. 杏汁燉白肺湯($378)：我好鍾意飲呢款湯，這間店的杏汁夠香，5假，一窩都分到7碗，好味~2. 脆皮吊燒雞(半隻，$308)：部長話係signature food，又真係無介紹錯。皮脆肉滑，夠入味~3. 蜜瓜脆奶($188)：同其他店舖整得差不多，外皮炸粉5會厚實，都算薄皮4. 蒜泥白肉($128)：佢個蒜泥好得意，5會係太蒜味，搞到開口有異味。仲有佢既泥感真係幾泥吓，撈埋白肉一齊食，同平時食既感覺係5同，幾得意~5. 脆皮血旺($118)：原來係鴨血切小粒，然後炸，好似椒鹽豆腐咁。我覺得無乜特別，可以5叫6. 香油萵筍絲($98)：係一道好普通既炒菜，只係切得好幼，加上香油炒炒，幾爽口~7. 話梅淮山($88)：酸酸甜甜，好開

咁啱行過MOKO想搵嘢食，喺OpenRice見到呢間中菜就試吓啦。入面環境闊落，2人 walk-in都有得坐半圓sofa位😎叫咗個二人set，包好多嘢食🤤如果食得辣嘅可以試吓酸辣湯，但真係非常非常辣🥵麻辣豬耳，少少辣好開胃。蒜泥白肉，都係幾唔錯！酸菜魚，酸度適中，魚嘅份量還好，如果再多啲就更正🫢呢款都係前菜，四季豆🤭最後仲有一人一份炸醬麵，份量太多完全食唔落要打包走。菜嘅份量都唔少。最後嚟到今晚嘅主角，甜品黑芝麻卷實在太正，少少凍凍地，芝麻味極重，兩條真係唔夠喉😎

第一次試，體驗非常差！order咗四川擔擔麵要走辣，竟然叫我自己寫落張單度，唔係佢哋唔知，都係第一次聽到要自己寫！ 叫佢寫，佢係好唔情願咁話幫我落一次單先，但個樣係好明顯嫌麻煩，最後上菜結果係冇走辣😑問返佢哋就話已經走咗，仲要大聲過我⋯⋯係咪辣嘅點會食唔出，服務差過茶餐廳。其它點心不過不失，絕對唔會好似之前食評所講咁好，性價比唔高，只可以講咁嘅服務態度一定唔會再有下次！！！！！！！！！！！！！！！

很可惜，員工很多都換了人，用餐體驗已經大不如前。新上任的樓面有一點過份，常常漏單，以前都不會發生，大概是疫情好轉，生意好轉的結果吧，沒有心做了，用餐體驗大不如前。再去的話希望有改善，但是，我還會再去嗎？

位於大型商場中高級數的茶樓👍同時有川菜小食及多款特色點心叫左一客清湯魚(因為朋友唔食辣)湯頭清香唔會係味精湯,唔會好咸魚片用上鱸魚,所以啖啖肉無咩魚骨😝而且入面仲有烏冬,加埋魚片同啖湯一齊食🥰👍除左川菜之外,仲有啲特色點心都好味架例如黑松露野菌餃,咬落去陣黑松露味衝擊味蕾,而且配上野菌 ,岩哂素食者👍另外,黑芝麻卷(甜品)亦係必試推介係佢地自家制既產品,香濃黑芝麻味亦唔會太甜👍賣哂就無架啦仲有一特別之處,就係佢地有蕎麥茶飲唔洗次次都係飲普洱 水仙 香片😝

星期六要去MoKo「新世記廣場」買嘢，順便早少少嚟到食個brunch。咁早開門嘅，「翠園」同「念川居」都係唔錯嘅選擇。回味上次喺「又一城」食過「望月樓」嘅「雪山叉燒包」，今次就幫襯返佢哋間姊妹店「念川居」。10:15am入座，限時90分鐘，即刻落單。「雪山叉燒包」👍🏼👍🏼👍🏼👍🏼👍🏼，墨西哥酥皮入面，叉燒餡料熱辣辣，個包底脆口，應該係焗之餘再煎過嚟。「蘋果叉燒酥」👍🏼👍🏼👍🏼👎🏾👎🏾，以為係焗嘅叉燒酥，原來係用千層絲酥皮鋪上芝麻包住嚟炸，雖然香脆可口，可惜炸物一向唔係 ”our cup of tea”，浪費咗😅。「渝州凍麵」👍🏼👍🏼👍🏼👍🏼👍🏼，凍幼麵簡單伴上青瓜絲、芽菜、淡醬油同蔥花，食落麵質爽口彈牙，花椒味香但唔會搶晒其他味道，蔥花同青瓜絲清新爽口。尋常不過嘅食材，口感、味道不溫不火，平衡得恰到好處。「紅油抄手」👍🏼👍🏼👎🏾👎🏾👎🏾，作為主打川菜，呢個抄手麻、香、辣都唔夠，只係得甜豉油同紅油，相對略遜一籌。「螞蟻上樹」👍🏼👍🏼👍🏼👍🏼👎🏾，估唔到尋常不過嘅菜式，一樣做到水準之上。上完洗手間，碟餸上台攤凍咗一陣，不過啲粉絲依然咁彈口，唔會黐埋一齊，又唔會乾身，最重要唔會油淋淋。是日我

moko.商店開了很多食店！這間餐廳已經去過幾次，覺得食物味道也不錯👍🏻款式種類也算多，和朋友小聚也是不錯的選擇！特別喜歡他們的叉燒包，酸菜魚！其實他們也有很多小吃也不錯值得一試😌😌

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻📸打卡指數： 👍🏻👍🏻🪑環境衛生：  👍🏻👍🏻👍🏻👍🏻🤵🏻店員服務：  👍🏻👍🏻👍🏻👍🏻位於旺市的旺角，但入到念川居非常環境清靜，同酒樓兩種唔同感覺享受點心。想知道又靚又好玩地方? fai.lok.mode仲會係社交平台分享相片同攝影心得。______________________________雪山叉燒包  ( $48 )皮係好脆，叉燒餡都好多，叉燒嫩滑又多汁多。炸鮮奶外層鬆脆可口，炸到金黃色，勁有鮮奶香味 内餡好滑同軟。蒜茸鮮蝦春卷 ( $48 )炸到脆卜卜，入面個鮮蝦餡好多，打出黎個餡好實淨。韮王鮮蝦腸  ( $68 )腸粉切好左一舊舊，每舊都有蝦，仲要大大粒，好味!蠔仔肉碎泡脆米飯  ( $178 )唔好睇佢好多湯無咩飯，但加埋啲脆米其實都好飽。湯底好濃味，蠔仔嫩，但蠔仔就無想像咁多。

前2天（7/5/2022）早上為免等位，早早來到這食店飲茶。這食店之前來過，點心實在不錯，環境清靜，位處旺角，散水方便。餐具精緻，至喜歡個茶壼，添茶一定唔會燙到手。太早，胃口未開，只點了4個點心露筍蝦餃皇，蝦好爽口又大隻，皮薄餡多，好味。金瑤脆皮紅米腸粉，好足料，皮好滑。雪山叉燒包，上枱時仍熱辣辣，皮脆，餡多，叉燒嫩口汁多，唔錯。芙蓉海鮮芋角，好多酒樓都無這點心，就算有，碟一定有油，但這碟芋角，碟一滴油都無，芋角外層鬆脆可口，內層有很多海鮮，好味，超喜歡。

提前訂位和朋友在晚上一起試食呢間 openrice提前訂位可享有折扣 門口入座時職員已經再有解釋過環境唔錯 裝修大氣蓬勃 座位比較舒落 擔擔麵十分美味 略為小辣的四川口味 第一啖入口有驚喜 性價比之選蜜瓜脆奶人氣之選 但麵衣較厚  入口有蜜瓜味  但比較大份  若是有半份更佳炒飯十分足料 但不過不失 胃口較細可以不用嘗試 留胃口試食其他品項更好這個甜品生磨芝麻卷很多人推薦一定要試看看 凍食 芝麻在口中迸發出香味 入口細滑職員十分友善 態度良好

🫖中式酒樓的廣東點心吃得多,見到這家川菜館,原來都有多款點心選擇, 特別想試下🥰🥢餐具別緻,見到都開心,增加食慾😍💢特色點心選擇多💢金瑤脆皮紅米腸粉$68賣相討好的粉紅色粉皮夠薄又晶瑩,內包著一層脆皮, 餡料係好大粒嘅蝦仁, 口感豐富❤️🥟黑松露野菌餃$48粉皮口感煙韌唔厚身,包著超多菇類嘅餡料,爽口又彈牙😋鮮肉小籠包$48小籠包內滿滿嘅湯汁,豬肉餡料夠肉味而不肥膩💕醬皇蒸鳳爪$&45熱辣辣上枱,鳳爪肉肥美,醬汁唔會太濃烈👍蘋果叉燒酥$55好香口嘅酥皮,蘋果粒及瘦肉嘅餡料味道極配❤️金沙鵪鶉蛋燒賣$58面頭是鹹蛋黃碎,燒賣是豬肉, 內包著整顆鵪鶉蛋, 重蛋黃味夾著肉香, 一試難忘😍

真係無諗過叉燒包竟然有椰子味！成件事唔太夾之餘真係有啲怪不過其他點心就相當高水準而且六角形嘅點心籠真係幾特別！點心定炒粉麵都係出住煙咁上枱，夠哂熱辣辣，真係新鮮出籠！$175一個人，CP值不錯！

平日黎MOKO都唔係太多人，竟然念川居差唔多full哂😂咁多人一定有佢既原因😜聽講呢度既蘋果叉燒酥係signature, 緊係要試下啦, 雖然叉燒酥同蘋果酥都食過，咁樣mix埋真係少食😂酥皮好脆，一啖咬落去除咗食到叉燒粒之外，仲食到少少蘋果粒，如果蘋果粒再多少少就更加突出😌另外點左:樟茶鴨 ($298): 係經典川菜黎架，先燻後炸，煙燻用咗樟茶同其他香料，名副其實嘅手工菜😙好重煙燻茶既香味，肉質較有口感，可配饅頭一齊食😋露筍鮮蝦餃 ($65): 鮮蝦好彈牙，不過皮黎到都爆開左😅薄到…🤭椒鹽脆皮豆腐 ($98): 豆腐炸到內脆外軟，豆腐好滑，不過椒鹽味唔夠😅醬皇蒸鳳爪 ($45): 鳳爪夠淋夠入味Overall, 蘋果叉燒酥唔錯👍🏻樟茶鴨都好香煙熏味🙂不過枱同枱之間都比較近，部分無膠板隔開😅環境尚算舒服，如果抗疫安排可以做得更好就👍🏻😗

餐廳早市同下午茶都有做8折優惠呢日嚟歎個早茶 Order 咗4款點心：芙蓉海鮮芋角、麻辣濃湯小籠包、海皇灌湯餃 同 生磨芝麻卷🔸芙蓉海鮮芋角外層嘅蜂巢炸得非常酥脆，有空氣感之餘完全沒有油膩嘅感覺，餡料保持熱辣辣，芋蓉綿滑，蝦粒彈牙，呢個點心做得非常出色，我同朋友都不約而同地覺得佢係食過最出色嘅芋角之一～👍🏻😋 🔸麻辣濃湯小籠包小籠包食得多，麻辣濃湯小籠包比較少見，皮薄、湯汁嘅麻辣味應該校啱咗香港人嘅口味，唔食得辣嘅我，都覺得辣度可以接受～ 鍾意麻辣嘅朋友可以試試！🔸海皇灌湯餃湯底鮮甜，餃皮薄、餡料豐富金華火腿嘅鹹香吊起湯嘅鮮味，竹笙爽口，🦀蟹肉大大舊喔～😋😋😋🔸生磨芝麻卷芝麻味香濃，卷皮滑滑，唔怪之得係餐廳推介嘅點心之一念川居嘅點心精緻，店內環境以暗色做主色，有別傳統中式酒樓，我喜歡佢牆上一系列以錦鯉為主題的畫作，多添一份優雅嘅氛圍～

呢間餐廳坐得好舒服，唔迫，啱晒而家需要有d距離的時期。今次午餐就叫咗d點心同一個炒飯，全部都中上水平。要講一講個招牌炒飯，好鬼足料，每一啖都有元貝。再要讚一讚佢d炸點心，所有都係新鮮炸，全部都好脆口，尤其是個炸魷魚鬚，真係好鬆脆，而個魷魚係淋㗎。另外，大推的係出面好少見的炸豬紅，好特別，外脆內軟，呢個要襯熱食，凍咗會爭啲。最後一個要必食的係芝麻卷，唔係淡淡的而傻有好濃的芝麻味，好正！除咗以上嗰d,我地仲有叫到其他點心，每樣都唔錯la, 今餐3個人食咗$6xx.