泰成菜館 (Changed Hand) New Restaurant

經過登龍街...想搵野食...梗係諗起泰國野不過食開個間冇左...唯有周圍搵下仲有冇另一間見到有呢間泰國野...好...就試下佢紅咖喱撈豬頸肉米線 綠咖喱炒鴨胸 睇下d lunch...俾個咖喱撈豬頸肉米線吸引住可以選綠咖喱或者紅咖喱...諗左好耐揀左紅既個咖喱水汪汪賣相好一般...未食好擔心會唔會太淡竟然一食...有驚喜喎...個咖喱好夠濃好特別既咖喱味...唔係辣為主...係帶甜既但撈起上黎...咖喱同米線個味又好夾米線撈幾撈已經上晒味...食到唔停口但係d豬頸肉就完全只係豬肉味...上唔到咖喱味豬肉都好有豬肉鮮味既...只係醃完再香煎過會惹味好多囉唔知綠定紅正d...不過呢個味都好滿意以為綠咖喱炒鴨胸會好穩陣...甚至出色啦點知係好驚訝...成個粉同咖喱同鴨胸撞左個怪味出黎完全俾佢嚇親...呆左幾呆先識俾反應真係要試過至知個味有幾奇異一餐入面有齊驚喜驚嚇兩個咁極端既感覺...好難形容個咖喱撈米線實在難忘...所以都會為左佢再去

今晚同老婆想食泰國野，跟著諗起泰成，因為早前試過不錯。但今日再試不禁令我飯局時立即上黎投訴坐低了一碟咖哩炒青口，一碟蝦餅拼沙嗲猪肉同青咖哩雞肉炒飯。第一碟黎咖哩青口，成個汁都係粉，一pat pat勁恐怖，從未食過咁難食嘅咖哩青口。 跟著恐怖個炒飯好明顯有問題，辣到嗆喉。應該係落多左野其他咩味都食唔到。同侍應講佢未聽我講完就係咁話正常， 咁我地成枱人都唔正常囉。最後我地成碟無食……

本來係去食隔離果間拉麵，點知大約8:30已經拉半閘，朋友話呢間都唔錯，但環境似一間普通茶餐廳，有D枱走咗都無人執，所以我係抱住食飽就算嘅心情去食。由朋友負責點菜，佢話一定要試"冬陰功炒飯'，果然係唔錯，唔辣反而帶點甜，好特別，喺出面好少見到有呢種炒飯。仲叫咗泰式濕炒河，最欣賞係D河粉，係好闊好大塊果種，又係好少食到。我只提意食生蝦，個醬汁好啱我，因為我唔食得太辣，再加上帶點酸，好開胃。最後係馬拉箋炒通菜，好辣，所以要飲杯青檸梳打解一解。本來都想試埋從炸蝦餅，因為又真係好大件，好吸引，但我塊面仲有D豆豆，所以下次有機會先再試。

出開銅鑼灣陪個朋友搞結婚D 音樂野, 搞完都8點幾啦, 之後就三人行搵地方食個飯, 諗緊食咩好之際, 丫~ 靈光一閃, 醒起登龍街間泰國野上兩次食過都幾正, 一於去馬! 今次叫左4餸1湯. 生蝦, 好正, 夠哂新鮮, 配埋佢個酸辣醬汁, 一絕!冬蔭功湯, 辣度是夠, 欠了點酸味, 多番點酦味那就更perfect !炒通菜, 勁夠鑊氣, 辣度對本人來說剛好, 正!炸蝦餅, 好大件, 好彈牙!仲好厚身, 最少有1.5cm厚, 真係好抵食, 味道都不錯呀! 仲有個海南雞飯, 唔記得影相, 都幾好味的! 哩度唔洗點等候, 不失為晚飯既一個好選擇!

之前曾去過，味道幾好今次4人去番食，叫了四款食品鳳爪維持水準叫小辣最好，味道適中，拼盤中以蝦餅較好味，質感也好炒菜一般，但媽咪麵則大失所望，咸到死唔知係唔係師夫心情唔好？無乜特別之處，與茶餐廳無乜分別另外，該店座位較窄想座得舒服些的，唔好有寄望！

We have been to this place before but the food here is no longer good. We ordered a set for 2 and the pad thai was the biggest disappointment. It had the smell of really bad oil, like you have used the oil for 300 times. The tum yum gong has no mushrooms or other things in it, just soup in red colour. The pork neck meet was good but the curry prawn was TERRIBLE. The currey tasted like egg paste and the prawn was not fresh. Felt like they have deep fried the prawns till they were hard and tastele

自03年朋友介紹後，泰成一直是舊同事同家人的指定飯堂。室內環境多年來一直貫徹「街坊風味」，食客都只為食物而來，夠哂實事求事。星期五晚上七時多，人還不是太多，等了十多分鐘便有位。一來當然點哂各樣精彩泰菜：生蝦刺身：必食，強烈推介。蝦肉新鮮夠凍，加埋酸辣醬汁，風味一流。香葉肉碎炒飯：午市晚市都必叫的favourite dish，獻汁炒新鮮豬肉碎十分香口，送飯一流。記得叫佢飯同炒肉碎分開，一炒埋滋味減半。怕辣者不宜。木瓜沙律及柚子沙律：女士們摯愛，清清地開吓胃，保持水準之作。青咖哩雞配蒜蓉麭：相比之下，青咖哩無甚驚喜。蒜蓉麭蒜味香濃，香脆可口。清炒耶苗：個人覺得蒜蓉炒比較好味，今次口感較遜。Phat Thai：一貫高水準之作，酸度及乾濕度適中，愈食愈想食。沙律串燒雞/豬：保持一貫水準，肉質鮮嫩，口感不錯。6個人埋單每位都只是$120，在銅鑼灣有如此質素如此抵食的泰菜去邊度搵呀你話。

泰式bbq雞串 味道可口 雞串最緊要係肉質 因為我本人很喜歡吃雞 對雞有一定的要求, 但係呢個雞串有特別既驚喜!! 再加埋個汁~~冇得頂呢個生蝦 係我食咁多泰菜之中(連九龍城 / 西貢/ 青衣/ 元朗) 最好食既一個 睇隻蝦既尾 就知道海鮮既質數!冬蔭功味道非常適合香港人 辡度適中 味道濃烈 湯渣份量足料是日女朋友仲叫左個豬頸肉湯檬粉+豬扒 由於內人太肚餓 唔記得影相就食左...但係想講佢既蘿蔔係出奇咁入味 好食 又夠大舊 湯底用正宗豬骨湯 湯料配菜好足料 決定下次再食再補相絕對係一間食過會上引既泰國菜讚~~~!!

晚上9:00 跟一個朋友點了2人套餐,(1)泰式炒芥蘭(2)燒豬頸肉拚猪肉串烧(3)咖哩海鲜(4)炒金邊粉(5) 冬蔭功.(1)半碟油(水)浸住碟菜一小碟 *3個把鬼(2)冰凍豬頸肉5小片(猪肉串烧2串) *3個把鬼(3)咖哩海鲜(只有4隻小蝦球,其它就是青椒洋蔥) *5個把鬼(4)炒金邊粉一小碟(兩小碗滿) *2個把鬼(5) 冬蔭功兩小碗.(不酸,不辣,顏色很暧昧,仲幾乎無渣,有一只小蝦毛,小量香茅,幾片香菜) *10個把鬼X10我問 waitress:"這是不是冬蔭功,是否搞错了?為什麼不酸不辣呢?她說:"我們的冬蔭功是這樣的,因為客人不喜歡酸又怕辣,所以........!"我無言了!我再問:"厨师是否泰国人?"她说:"是的.不信你可去厨房跟他說泰文",哈哈,我即刻啞咗!(我都唔識講泰文)我地食完小小飽都唔覺,出到去仲要搵野食,激死!套餐盛惠HK$176,加了HK$16要了兩杯青檸凍紅茶,OMG(一片青檸加紅茶,酸都唔酸)我終於明白什麼是賺到盡了!我好懷念泰國啊!

過到離銅鑼灣，朋友話呢間 ok 喎，所以就試下佢啦點左四道菜1, 泰式生蝦，正2, 炸蝦餅，正3, 豬頸肉炒芥蘭，普通4, 冬蔭公湯，比較遜色總括離講，都算 ok 既，兩個人只能試 4 道菜，下次又機再試埋其他。

昨日來到銅鑼灣遇上繁忙食飯時間到到都多人幸好見這間不用等位就和朋友入去, 之前這間晚飯就食過唔知lunch 係點, 叫了一個燒豬頸肉飯 , 用來點豬頸肉的汁酸酸辣辣好醒胃, 再來一個豬扒飯, 配的醬汁撈飯真係正 , 理單位位38 都算平, 決定下次再來 .

食一個青咖喱炒飯做午飯, 30蚊左右諗住搞掂一餐點知越食越唔對路因為辣到食唔到落去我本身唔係完全唔食得辣O既人, 但都只可以勉強挑走D肉食咗, 飯食唔到.一個咁辣O既DISH, 佢完全冇WARN人係辣, 可見佢預咗入得去O既, 都好食得辣.所以我以後都唔會行入去.

是日與朋友出來一聚. 相約cwb, 不如去食泰國野.這間泰成食評唔錯, 就去試試.叫左個海南雞飯餐, 全日供應, $45. 另外仲有青咖喱炒飯, 炒金邊, 仲有個大拼盤.海南雞飯麻麻地. d 飯仲好林, 雞份量唔多又唔夠滑, 但d 醬酸酸地又有d 薑咁幾好食.青咖喱炒飯. 好鬼死辣, 冇諗過咁辣, 食得辣o個個fd 都頂唔順. 最後有半碟食剩. 真係晒料. 而且都只係豬肉粒炒埋d 飯度, 冇乜特別, 勸大家唔好試了.炒金邊, 朋友可能外國返黎食唔慣d 黐埋既粉, 佢地話太鹹, 我就覺得太淡, 食落只係有少少酸味. 如果加d 花生醬會正d. 依家得d 茄汁味.大拼盤每樣有3件, 細既每樣有2件, 細既拼盤已經要$90, 大既要$1xx, 真係超爆貴個拼盤有d 咩呢? 大大件炸蝦餅(其實都係為左哩個而叫), 炸魚餅, 炸春卷, 香葉包雞. 只係咁就百幾蚊... 除了係即叫即炸外根本冇咩賣點炸蝦餅真係好大件, 又爽口, 但入面就唔係好見到d 蝦肉, 好似只有蝦交. 但全場最好食得哩個另外香葉包雞都唔錯, 雞索左d 葉味, 食落好香, 而且肉質都幾滑.至於炸魚餅同炸春卷就一般貨色, 只係陪襯品

是日乃工作天，趁早游完水，毒癮發作，大腦指使我要吃泰式湯粉！找間未試過的，順步而至就入內坐低。見有豬雜河，就一碗啦！湯底有點鹵水味，色較深。料有豬大腸、肚、甜蘿蔔、芽菜、苳棻、、、再灑上些辣椒粉。吃罷，毒癮解除，神智稍為消醒，原來這裹賣的河粉形像一塊半片的tempo紙巾，其餸料亦帶香香鹵水味，主持人貌似言成旭！OL們請注意！！！

今日重陽節，我們也應應節在港島行山，直至下午近三時才回到銅鑼灣吃飯。來到登龍街，見平日旺場泰式小店今日竟然有位，便二話不說推門而入。小店店面不太大，約有三數十座位。裝潢簡約，燈光略暗，就像一般地道泰式小館，很有「住家」感覺。就連員工及廚師也是地道的泰國人，而店內播放的也是泰文的卡拉ＯＫ哩。 食物方面，這裡全為正宗地道泰式食品，飯麵小吃一應俱全。本來我們光顧的時段有下午茶特價餐，湯粉連飲品只是 $22，但朋友說做過運動後要吃得好些，所以我們便當吃晚飯般點菜，三個人點了一炒飯三小食，真誇張。 青檸梳打：本想來個椰青，但行完山想喝些有汽飲品，最後點了個青檸梳打。梳打青檸味尚可，但略嫌不夠甜。 泰式海鮮炒飯：海鮮炒飯用料十足，蝦、鮮魷、魚柳等海鮮配以雞蛋絲、雜豆及洋蔥，炒得美味亦夠乾身，不錯吧。 燒豬頸肉：豬頸肉賣相很好，外面燒得香脆，略帶微焦，切成薄片再配以泰式酸汁，實屬推介之作。 炸蝦餅：蝦餅一碟三件，炸成金黃色，份量大得驚人，友人戲稱像上海餡餅般巨型！ 味道也很好，爽口彈牙，蝦味十足，蘸以酸甜醬更佳。 泰式炒通菜：通菜簡簡單單以麵豉醬炒，就已是地道的泰國風味，很好。 整體食