泰成菜館 (Changed Hand) New Restaurant

the food here is quite goodthough the restaurant doesn't look goodthere are many attractive food avaialableat a reasonable pricethe curry here tastes better than many Thai restaurant but the bad thing about it is that for the Curry Duck, they use duck chest" instead of "roast duck"but the restaurant is a bit dirty and the staff are not good at cantonese

入到去,電視播放住強勁音樂,原來係泰國人開演唱會,有一連串既勁歌熱舞,雖然唔知唱乜東東,但係又幾好睇喎~~~ 我食香茅豬扒金邊粉+水機可樂 金邊粉好大碗,可能唔係用麵餅煮,分量就比較多,仲有兩粒豬紅,味道淡淡,唔會好實,兩舊蘿白就好清甜,好好味,湯底過甜,一點鹹味都沒有,唔似有泰式既風味~~~ 香茅豬扒豬扒薄身,有香茅味之餘,肉質都係比較甜~~~

上個星期五，約左女友係銅鑼灣食晚飯。當晚女友想吃泰國菜，所以預先在OR做了些功課，原先想帶女友慢步銅鑼灣順道選擇在哪間泰國菜館食飯。不過女友加班收工後來到銅鑼灣已是九時，再加上女友有點餓，於是乎二話不說就帶女友殺入登龍街。經過“新曼谷”，裡面爆場之餘外面有數人等候，再行入些看看“泰成”，雖然也是滿座，但祇有一對情侶等候入座，女友決定試吃這間。等了約十多分鐘才被安排入座，而且仲要撘檯，即兩對情侶share一張四人檯，所以有點迫。由於在等候其間已經想好了吃甚麼，坐底就立刻點菜，我倆點了：青咖哩炒飯配雞肉、泰式西蘭花（唔記得係XO醬定蝦醬炒）配豬肉和糯米釀雞翼。青咖哩炒飯配雞肉先來，食落很香口且很濃青咖哩味，頗辣，但很醒胃，飯炒得很乾身，而且飯粒分明，雞肉亦很嫩滑；至於西蘭花炒豬肉亦係幾辣，很惹味，送飯一流。食到這一刻，女友忍不住叫了一杯龍眼冰，我更叫了一支大啤（而且是我一個人飲晒！）！最後上檯的糯米釀雞翼亦很好吃，很足料！這餐我們把所有食物全部幹掉，所以很飽，埋單亦是二百元有找！P.S.:我和女友食到中途，有位靚女侍應見有二人檯，即時為我們轉檯，招呼頗週到！

急急腳食飯 諗都唔諗就上返黎登龍街見呢間野價錢唔貴就行左入黎其實佢午餐都有好多個set 都係大約30蚊度坐一陣望兩下就叫左個豬頸肉炒飯+汽水汽水先上 係大炮裝 無味 唔夠凍 算d飯就即炒上黎 都幾香口份量都岩岩好 豬頸肉都唔算少 食落都唔會太乾 唔錯的 同埋望落都幾豐富好似好多料 但略嫌唔夠味但隨碟上既青瓜好難食 諗住可以除下口氣 食左兩野 都係咪攪同埋繁忙時間佢都唔夠位 被人迫住快快走 另外可能幾唔鐘意泰文歌 佢不停地播mtv 攪到本來返工已經覺煩既我 更加無得休息。無選擇可以再來 但不會刻意。

亂撞地去左這間餐廳,地方細細但人多多,入到去先知原本間野係咁正宗泰國菜!電影仲播緊泰國MTV..使我想起我的泰國旅行!珍多冰$18 + 泰式凍奶茶 $18: 泰式凍奶茶很深啡色..很重奶味!同巷式的很不同!泰式茄汁炒雞肉河 $42 : 一碟粉野$42唔算平..酸酸地幾好味..D河粉勁粗...好似食緊腸粉咁!泰式炒雞肉飯 $42原本我地2個人坐左張4人枱..因為個時冇客..但食食下佢叫我地轉張2人位囉..未食就話轉..食食下都要人轉..

間唔中o係銅記食泰國野都會返黎登龍街泰成例牌必叫既"蝦餅"同"冬蔭功", 兩樣好好味, 個冬蔭功既酸味好開胃朋友order 左炒脆面, 我就覺得太咸.... 同埋唔似泰國菜個炒咖喱就好味, 送飯或淨食都正

去呢度食都係因為看到openrice好多人講好. 結果真係如描述般的好食大份.最記得係瑕餅同魚餅, 成個手掌咁大件食到好滿足. 冬蔭功夠辣好刺激好正.炒米粉同金邊粉都係必叫的, 炒得好有火喉好入味. 連豬頸肉同豬扒都一流.

三個人行到登龍街搵食，最後決定食泰國野！餐廳環境一般,兩部電視不停地播泰文MTV, 侍應都似泰國人, 有泰國feel; 我地叫左四樣野, 包括:串燒 (豬拼雞,各三串) - 好熱, 沙爹汁都較味道蝦醬炒通菜 - 唔夠蝦醬味, 味道都OK泰式蒜片雞翼 - 炸得好勁, 雞翼個皮好似無左咁, 炸漿太厚, 只算ok菠蘿炒飯 - 有幾多海鮮, 包括蝦同魷魚, 仲有好多大粒菠蘿同肉zone, 好味道!下次要試炸蝦餅同芒果羅米飯!

一心諗住去食生蝦, 不過d蝦一d都唔爽, d蝦肉雖然未至於霉, 不過就粉既, 另外叫左一碟辣椒膏炒大蜆, d蜆唔係幾新鮮, 不過d汁就調教都幾好, 另外食左個酸辣鳳爪, 冬蔭公, 都係一般, 全晚最好食既竟然係 蒜茸炒西蘭花, 下次一定唔會再去!

2008.7.5星期六下午去幫襯點左2個set一個泰式咖喱炒雞肉河+炭燒豬頸肉飯加錢叫左杯珍多冰同埋泰式奶茶河粉配咖喱~味道又唔錯!!夏天食都幾開胃豬頸肉就燒得都唔錯珍多冰好特別!!入面的好似果肉的物體好有口感~但好甜奶茶的味就重左d 椰汁味唯一不好就係人手不夠.....落單同埋單都等好耐...激死人呀!!!

冇喇喇心思思想食泰國野就去左呢間喇都係個frd介紹話平令正入去.環境麻麻喇.播泰文歌.舒服就稱唔上不過以價錢去睇就冇所謂喇點左金邊粉,蝦餅,春卷,仲有一個青咖哩唔知咩肉金邊粉真係好正!加左lemon汁就更正!!!!好中意 <3蝦餅好大個!!!!我同frd泥到見到都嚇左一下.咁大個既....都好好味春卷就冇咩特別比唔上以上2個出色但係都可以一試青咖哩就spicy左少少比起其他...仲係肉質好好!真係唔錯唔錯.不過如果環境可以再好就梗係最好喇

聽朋友說好好味，所以我都去試下，下次再去會同多D人去可以叫多D試多D 星期一晚行街前先食野後shopping費事等位嘛。是次安排是正確的，因為間舖唔大，7點半開始人流不斷湧入，好彩我同我家姐早去這個時候已開始我們的晚飯 叫了個炸蝦餅同炒面之類的... (唔記得，只記得個炸蝦餅super attractive)$48 - 3大塊炸蝦餅每塊好似手掌咁大 又厚肉 想起都想再食 下次想食果個炸cheese蝦球，張相好鬼好味咁，中間流cheese, so attractive

昨日再和朋友到比食飯 , 是日叫了炭嬈豬頸肉 , 肉質入味 而且重有震震碳燒味 , xo 醬妙介蘭, 夠特別xo醬夠野味 ,再叫了個濕炒鷄肉河 , 河粉蜆汁好好味 , 最後食埋甜品芒果糯米飯 , 今次真係給我又一次驚喜 !

下午食luch去咗登龍街到到都多人見到泰成問佢有無位有位入到去坐睇到好多餐有abc餐1234餐多到唔知食物望下muen叫咗濕炒河同冬陰功:好好味旦係大碟咗D食到我好飽濕炒河食完冬陰功叫人幫我打包

泰式炒粉絲和鹹魚炒飯炒得乾身，食完碟底不會油淋淋。蝦醬西蘭花夠惹味，西蘭花軟硬適中，特別入味。香葉包雞，一碟六件，味道屬於中規中矩。至於炸蝦餅，那是有點‘過份’了 ！ 蝦餅居然是漢堡扒的size 而且外層炸得香脆，内裏軟軟熱熱，爽口彈牙，雖然那麽大塊，但吃起來既不油又不膩，想不到有如此令人驚喜之作！ 這裡的泰菜未必是最頂級，但絕對可口怡人，兼且價錢相宜，吃得開心稱意，是個不錯的地方 ！！