華豐藥業保健藥療營養湯 (Closed)

今日lunch 黎左呢間出名靚湯既私房菜一上到去轉右就見到呢間餐廳這裡的午餐餐牌～只要點一個小菜就有個湯送/加錢升級個湯。忘記了影餐牌😅餐牌有例明每一款湯既功效 我地今日加左25蚊升級左個湯----心膠湯 呢個湯好足料，真係有花膠（當然是很小一塊），另外瘦肉都好食，唔似平時個d湯渣，再加上幾條黨蔘飲得出個湯無味精如果鐘意中湯既朋友，都可以黎試下 至於小菜就正正常常，略嫌有點重味～整體黎講，都ok

每次來幫襯, 就是為了這碗湯 真的很足料沒味精, 而且很甜 ! 我諗只有媽咪之外又可以煲到咁濃的湯就得哩到em...相對於咁好味既湯, 餸菜只可以說普通了, 佢地出名豉油雞, 但今晚想健康點, 叫了兩菜一肉 presentation 不是很好, 如同住家飯 藥膳做主題的陳皮肉餅, 味道ok, 不會有粉, 肉質很結實 而陳皮的香味亦令肉餅帶有濃濃的果香, 不過不是人人受到 琵琶豆腐不會很油, 也挺好食金銀蛋時菜感覺不太夠湯, 咸蛋都不夠 , 但味道ok ! 

這間餐廳最特別的地方-旁邊是一樓一鳳和和真材實料的靚湯！其實之前在尖咀返工，是我們的飯堂之一。好處是在尖咀有一間健康的住家菜。說真的，靚湯好好飲， 菜或就正常合理蒸鱔就有點油膩，胃不好的我好快胃痛

前朋友介紹去過一凂覺得燉湯好味。所以今次再叫左3個女仔，一行4人去食飯。但可能因為星期五關係。落單到野食到都等左30分鐘有多....但味道依然吾錯交通十分方便，係寶勒巷7仔樓上，上到4樓就見到，但有一些酒店係度，有少少不方便入到去衞生程度吾錯，有大約7桌，所以每次都會打電話訂位最穩陣。有套餐有散叫，但因為朋友對魚一般，所以最後散叫4個餸再加4個湯水湯水仲每日分大約4﹣5款選擇，一個小菜加湯（＄0﹣＄30左右）花膠瑤柱響螺湯（$25add) ： 一大碗足料湯水，冇咩味精。每款都有渣可以食到豉椒鴛鴦雞煲（$65）：沒想到係田雞加雞，野味又香口。豉椒不太入到肉和配料生左少少麻辣鱔片（$78）： 依舊水準。夠麻辣，但今次煮濕左少少香煎瑤柱蓮藕餅（$58）：失望。因為冇瑤柱之餘。冇咩肉味。又硬吾好食琵琶豆腐（$62) ：味道普通。但汁吾夠杰身。吾太痴到係肉度總結：4個女仔叫4個餸同3個飯都覺好似冇咩食過，可能分量太少了，但每人＄100都叫合理，下次再黎會再食其他吾同食品或平日黎可以吾洗待咁耐

平時湯水不多的朋友，想要滋潤一下，華豐是不錯的選擇！加上提供的住家菜式，吃起來頗為舒服。椒鹽豬扒椒鹽加上蒜頭和少許辣椒，令這碟豬扒有著「橋底辣蟹」的風味。豬肉煎得剛好，不會太乾。椒鹽蒜頭的份量又多，可「送飯」，不錯！陽春砂仁陳皮蒸豬肉餅這道是我吃過最好的蒸肉餅之一。除了陳皮落得重手之餘，略為肥但又不膩的豬肉居功至偉，口感扎實。另外，這款藥膳加入陽春砂仁，根據介紹「陽春砂仁種子氣味芳香而峻烈，用作香料，稍辣，其味似樟。有行氣調中，和胃醒脾，治腹痛痞脹，胃呆食滯。」雖不知原味如何，但整道菜味道出色，必食之作！四季豆鴨胸四季豆爽口鮮甜，鴨胸不過不失，合格之作。雪耳百合珍珠杞子炒勝瓜喜歡吃勝瓜的朋友，應該喜歡這一道菜。沒有太多調味，清新！瑤柱響螺湯湯是正氣的，沒有甚麼味精，瘦肉也頗多，味濃。只是響螺略嫌不足，末能帶出足夠的鮮味。另外，湯只是略暖，喝完缺乏滿足感，可以多加改善。$188的蒸班肉質結實，新鮮，蒸得剛好離骨，份量足夠6人吃。非常實惠！不過同屬海鮮類的蒜蓉開邊蒸中蝦就處理得非常差，又鹹又沒有蝦的鮮味。

是日(FRIDAY)飲嘅靚湯蟲草花淮杞雞湯 – 湯色較黃那種, 可能是蟲草花的色又可能是雞油的色, 但湯的口感較油膩,烏豆湯 – 湯色較暗但味道較平實帶點點嘅甜, 比雞湯好飲豆卜腐乳蒸雞 $55 – 用的是”帶骨雞件”, 腐乳味道濃郁即使落了糖但仍然是太咸, 可能食野食淡咗味現在好容易就感覺到塩的存在, 儘管師傅已經用糖去平衡它! 雞件是嚡肉的部份, 所以感覺麻麻地!香煎瑤柱蓮藕餅 $55 – 所謂的”香煎”原來是”炸”! 炸色頗深即是老油炸色啦, 口感較”乾”完全唔知”瑤柱”喺邊? 吃到的只是一件炸豬肉餅乾, 下次還是叫”蒸肉餅”穩陣好多!白飯 $10/碗 非常之慷慨的份量, 比一般酒樓的大一倍, 完全”Family size”!個人估計自己還會有機會再來飲湯

18.11.2013這夜去了看杯子蛋糕裝飾示範之後, 就和好友去了吃晚飯. 知道她家中沒有住家飯吃, 所以帶她來這裡, 吃家常小菜, 飲老火湯.每碟$52或以上的小菜, 都可免費享有一碗老火湯. 可能我們太遲去到的關係, 免費附送的老火湯已經送完, 只剩下要加錢的那些湯款. 於是我們各加了$18享用響螺雞湯. 湯很清, 味道甚似家中飲的, 好味.菠蘿雞絲炒飯($55)炒得十分夠熱, 估計是即叫即炒. 材料有雞絲, 菠蘿粒, 芥蘭粒, 蛋絲等. 菠蘿粒鮮甜多汁, 雞絲滑溜, 整碟飯又用了少許茄汁來炒, 甜甜酸酸, 令人開胃.海鮮雜菜煲($58)有蝦仁, 魚塊, 魷魚, 白菜, 生菜, 冬菇, 草菇等. 雖然所謂的海鮮都是雪藏貨, 但這配搭著雜菜, 令整個菜式更顯清淡健康. 這裡還有很多小菜未品嚐過, 有機會一定和一些家中沒住家飯吃的朋友再來哩.

同女友喺尖咀行完街食飯，女友問我食乜，我就話想飲湯。佢又好嘢喎，save低咗呢間話想去呢間嘢食好耐，咁啱喺尖咀，就行過去。不過去到就未有位，伙記就叫我哋出去走廊等吓……冇派飛，全靠認樣，其間有人嚟到等位，又係比佢叫出去走廊等，跟住就佢有佢哋忙，個感覺好唔可靠。最後等咗半個鐘，個伙記就安排我哋搭枱坐。入到去個環境都幾迫夾吓，好似大排檔咁，冇乜意欲想坐耐啲。個餐牌就要考吓功夫去睇，因為套餐好似抵啲，但又冇嘢啱食；但係散叫只係費少少，不過點叫都得。睇咗一大輪先決定到落單。跟住就要考耐力，因為間嘢得一間廚房仔，等碗湯要三個字，等小菜就更加慢，睇住啲料喺個廚房排住隊咁炒，對肚餓嘅我哋真係一種挑戰！先嚟兩碗湯。想試多啲湯水，所以我叫咗蟲草花淮杞雞湯。飲一啖，有啲雞湯味，同屋企煲雞湯差唔多，係嚿烋湯瘦肉唔係鞋口，幾好味咁。但當我試埋女友碗龜苓湯之後，我情願叫多碗龜苓湯。因為碗湯幾鮮甜回甘，少少似龜苓膏味道但係鮮甜好多，只係覺得$50一碗好似貴咗啲。再等就係隻豉油雞。隻雞都幾嫰滑，即使食雞胸肉都唔會鞋口，而且啲玫瑰露豉油滲晒入啲肉度，咬入口啖啖豉油甜，最好就係豉油撈飯。不過啲雞油一樣唔少，所以女友都勸

唔講都唔知原來呢度開左咁耐，仲係零六年已有食評，而最近有班不停留負面commet嘅人，真係匪夷所思。由於會員限定，所以係靠友人先訂到位。上到黎，好有住家feel喎，好快就安排入坐。點左幾款小菜同主打嘅保健靚湯。豆豉雞，望落好油，食落都係，麻麻。芋頭排骨，賣相一般，芋頭好淋好滆，又係麻麻。豉汁蒸鱔，汁幾濃，幾好味。西蘭花炒帶子，炒得夠鑊氣，味唔錯。蒜容菜心，呢個真係好住家feel，無特別。主打嘅湯水要左花膠湯同龜苓湯，湯比較稀同淡，飲得出無味精但都係好一般囉。整體感覺麻麻，一般嘅味道，一般嘅服務，除非你好愛呢啲住家嘅感覺囉，但我家煮嘅餸無咁油喎。

此店吸引我來的原因並非食物或宣傳, 而是在Openrice的食評上的留言, 實在太特別了, 竟然有人這麼努力地在留言部份, 去批評這店的食物和服務, 但又沒有寫食評, 又或是可能寫了, 而某些理由不被刊登. 總之就是奇怪. 所以, 無論如何, 都要去試一次.當晚, 7:00, 還有公司, 先打電話問一問關門時間, 得到答覆是, 只要在8:30前上到來, 都有得食. 電話中的人十分有禮貌, 當堂期望提升了不少. 但上到去門口時所得到的待遇有些少不同, 店員(可能是負責人)十分冷淡, 木無表情, 似理不理, 在門口等了一陣, 又無話如何安排坐位, 有點被冷待的感覺.我們二人7:15分上到去, 要了二位用的特惠M套餐, 包括: 豉油雞例牌, 清蒸鮮魚, 高價靚湯(任選), $150, 其餐牌上的套餐和湯加小菜的價錢有些少複雜, 這暫不提, 但最失望是最想飲(應該也是最多人要的)花膠雞湯和嚮螺湯都已經沒有了, 被迫要了其所胃最貴的龜苓湯, 和最平的南瓜豬骨湯(最平/最貴都一樣, 因為是包在套餐的, 但並唔係我們想飲的)龜苓湯, 從來無飲過, 難判斷其味道是否正宗, 但總算夠濃.南瓜豬骨湯, 有

一直都想到華豐藥業試試那裡的湯水、小菜，但我身邊的朋友聽到要上樓上店，加上是吃住家小炒，都沒人有興趣! 但今年我認識了一位新朋友，可以說已經成為好朋友了，大家都對吃有著很多熱情，口味也接近，價值觀也很近似，有時我會想，若能早點認識您就好了!由於當日我與好友要去一個cupcake décor event，活動完結後，我倆一起晚膳. 友人知道我家是絕少有湯水喝的，而我亦熱愛喝湯水，提議帶我到華豐藥業晚飯，那是我一直想去的店子，您實在太知我的心意呢!我們大約8時多才到達小店，店子內已經有很多食客，可幸我們可以即時入坐.我們2人可坐一張四人枱，不用與人搭枱，那實在是太好了.看看餐牌，小菜款式多達百多款，總有一款合心水的，而且只要惠顧$52或以上小菜一款，便送老火靚湯一款(位上)[$15以上須補差價]，有小菜、湯水，很家常的感覺.友人選了菠蘿雞絲炒飯$55，而我則選了海鮮雜菜煲$58，貪其蔬菜多，健康一點麻! 本想選擇菜干杏仁豬肺湯$15 (不用補差價)，可惜售罄了，故我們補$18，選了補肝腎益精明目的響螺雞湯.響螺雞湯先送上響螺雞湯，盛湯的碗比一般飯碗大，湯水份量也裝得滿滿的，內裡有少量雞絲和

和表妹吃飯，看到這裡主打藥膳湯水，便來試試。預先使用了tabletap訂位，不用等位。這裡好聽點就是私房菜，個格局就是將家的地方改建為餐廳的形式，入內一個open kitchen，一圍圍圓桌鋪膠檯布。看了餐牌，打算散點2送1湯。先點了個湯。這裡如果叫小菜的話，湯是有優惠價的。這個湯真的好喝。味道很濃，沒有味精，真的是自家煲的，而且應該是有火喉的。個雞腳湯幾足料同幾甜，很不錯。之後點了個雜菜煲及梅菜肉餅。也是住家菜，味道正常，沒有驚喜。感覺是大排檔的手勢，應有少許味精。而且用的碗碟也像家用的....2人連2碗白飯，埋單約為$140。價錢經濟。如果超出這個價錢就不抵了，畢竟這裡不是賣環境，質素又不是突別的出眾。所以算是這樣吧~ 但這裡的湯頗值得喝。

第2次去啦, 一向都好鐘意飲湯, 所以再去滋潤一下~3人行, 去到其實都唔駛等, 只係員工有野整未比到枱我地, 仲好有禮貌咁唔好意思tim, 其實我想講, 我都仲睇緊食咩同飲咩湯~叫左個套餐, 好抵食, 重點係貴湯唔駛加錢!!- 花膠湯, 跟餐唔駛加錢, 唔駛講野..夠濃同足料!!!!!!!正!!!!!!!(跟餐) - 魚腩煲, 一向都麻麻地魚,估唔到又幾好食 (跟餐)- 時菜炒肉片, 套餐嘅, 都係想食d菜姐, 諗住肉會冇味, 原本肉片都可以咁好食..yummy~(跟餐)- 椒鹽豬扒, 呢個好食就一般, 可以唔鐘意佢大咸 (散叫)TST地區食DINNER, 幾十蚊好平常, 但好食又唔駛等位, 我會再去!!!

人說 "女人是水做"，此話寓意女士比男士更易流淚的印象，已深入人心。但在科學的層面上，水份佔人體百分之70 或以上，由此可知，不論男或是女，水份對身體的正常運作有著舉足輕重的作用。抵達華豐，室內竟坐滿了食客，還有一條短短的人龍在等候中，證明最初不訂位的輕率想法，絕對是一個大的錯誤！幸好，侍應哥哥將一張已預留，但客人卻遲遲未到的桌子，讓老公和我入座。我倆跟著侍應哥哥走到同一樓層的另一單位內，那邊相對安靜，陳設如同一般住家的模樣。 華豐備有四款二人特惠套餐，內容大都包括兩款小菜、兩碗湯水，售價才140元，以尖沙咀來說，價格非常親民。還有多款藥膳推介，加上其他散叫菜式和當天廚師的推介，選擇確實不少了。我們決定散叫，第一時間先嚐龜苓湯。龜苓湯具有滋陰明目排毒袪濕的功能，色澤幽黑、深濃，看狀極為對辦。一呷竟沒有金錢龜及藥材的苦澀味，換來卻是一份甜美、醇厚的味覺，愈飲喉部愈感舒暢，我倆先被華豐的龜苓湯注入了一支強心針。雪耳雲耳百合珍珠杞子炒勝瓜是藥膳小菜之一，此小菜能有潤肺、養顏、明目的功效。菜式端來時，立即留意到雲耳上白白的粉末，應該就是珍珠粉了。珍珠粉沒有特別的氣味或味道，而勝瓜則保留挺身，口

有啲人成日出街食飯都係因為食厭左屋企嘅餸，但係亦都有人話隔離屋既飯香，我都覺得後者比較貼切。因為基本上黎呢一間餐廳食野，食嘅餸都係屋企可能會煮到，但你仲係好想黎試，好似一個男人，屋企明明有老婆都要出去偷食咁。每一次諗起同一大班人要聚會嘅時候就會好頭痛，又想坐得舒服，又想有自己空間，又想普通價格，又想可以傾到計，今次搵到好地方。招牌都講到明自己係保健藥療營養湯，點可以唔叫佢啲湯飲下？個湯真係好足料，冇味精味，仲有螺片、豬骨、藥材，睇黎對身體真係百利而無一害。鹹蛋蒸肉餅鹹蛋白其實冇乜，師傅淨係剩低鹹蛋黃，個肉餅蒸得好稔同濕潤。蟹肉扒雙菇蟹肉就唔覺得有好多，食起上嚟個汁當然唔係好甜。以雙茹係指東菇同埋草菇，下面就放咗小棠菜。茄子魚腩煲呢個真係好惹味，好欣賞，茄子同埋魚兩者都炸得好脆，個魚食起來一啲都冇雪藏味。反而個汁較得非常好，岩岩鎖住兩種材料嘅滋味。沙爹牛肉粉絲煲略嫌汁太多好似湯咁，但牛肉稔而不un口咕嚕肉啖啖肉外脆內軟，酸甜度完美琵琶豆腐d銀芽最好味西檸雞做得最好，全晚最鍾意食嘅餸，個雞炸得好脆，漿夠薄，肉夠濕滑，配埋個喼汁，真係手唔停口唔停。黑椒牛柳牛肉夠稔，成晚嘅牛肉都好稔，除咗火候