weieatpig的個人專頁

葵芳無乜好食既餃子，呢間算係幾好佢個招牌湯底有誠意，抵讚本人鍾意食辣，佢個辣醬幾惹味煎餃都有水準不過佢個雪梨茶真係有待改善，啲色水同佢張相爭好遠😅而且太甜冇乜雪梨味…查看更多

食完飯打算食碗糖水，係門口都見到無人食，不過諗住時間仲早，所以都試下啦，點知就中左伏了。叫咗芝麻糊同合桃糊各一碗，冇諗過連啲咁基本嘅中式糖水都可以煮得咁難食🤢合桃糊完全冇合桃味，明顯係米漿溝糖水做出嚟，稀過水。芝麻糊無芝麻味，都係米漿溝出嚟，我同朋友食咗兩啖就冇食，完全係貼錢買難受🤮喺超級市場買即沖糖水仲好食過佢！奉勸各位唔好嘥錢嚟幫襯。窩夫叫做可以擺得入口 伴碟既香蕉係最好食，呢間野真犀利，難怪無人幫襯🌚…查看更多

星期六中午難得放假，當然要食餐好㗎啦。秋天好多人都食大閘蟹，但我就選擇咗呢間出名食炒肉蟹既餐廳，因為比起大閘蟹我更愛肉蟹😍話梅涼瓜頭盤先黎個話梅涼瓜，涼瓜醃製得好入味，酸酸甜甜帶有淡淡話梅味，好開胃，涼瓜好爽口，完全冇苦味，但卻帶有回甘。薑蔥炒肉蟹主角當然要來個薑蔥炒肉蟹啦，隻蟹超好肉地，可以見到蟹鉗真係啖啖肉。我最鍾意簡單嘅煮法，越簡單先至越食得出海鮮嘅鮮味。蟹肉鮮甜，明顯有走油所以蟹身能鎖住肉汁，薑蔥味充足，得惹味。涼瓜炒牛肉涼瓜爽口，完全沒有草青或苦澀味，帶有回甘。牛肉入味，入口腍滑唔多筋，用嚟送飯一流。子薑炒雞柳炒雞柳就度度都有得食，但用子薑炒就好少見，而咁啱我都係一個愛薑人士，所以十分欣賞呢碟餸菜。雞柳有走過油，所以保留到肉汁及嫩滑，子薑切薄片炒，酸酸甜甜嘅口感同嫩滑嘅雞肉好夾。…查看更多

無得去旅行的情況下，與男朋友到充滿日式居酒屋氣氛的餐廳補番數。餐廳位於銅鑼灣地鐵站旁邊一棟商業大廈，地點十分方便。蟹肉芝麻凍菠菜先黎一個冷盤前菜，用料足，有唔少蟹肉，蟹肉鮮甜，配上日式芝麻醬，酸酸甜甜的十分開胃。明太子玉子燒即時燒好即時上枱，熱辣辣的。玉子燒得很嫩滑，一層層的蛋漿層次分明。明太子夾在玉子的中央，帶有鹹鮮及微辣，口感綿密。網燒活鮑魚鮑魚好新鮮，鮮甜味美，經過燒烤後表面乾身，但咬落仍然好Juicy，越簡單嘅方法烹調，越顯出食材新鮮。鹽燒秋刀魚 秋刀魚係由日本直送，燒熟後連內臟都可以食，唔單止完全冇魚嘅腥味，而且皮脆肉嫩，每一啖都有豐富嘅魚油香味。串燒點左幾款串燒，全部都好出色，而我最欣賞既係厚切牛舌同露荀豬肉卷。牛舌夠厚身，燒完之後表面香脆，但咬落好腍，好多汁，超好食！甜品：菠蘿雪葩原個菠蘿上既雪葩，未食已經好吸睛，雪葩夠凍，入口有好濃郁菠蘿味，唔睇仲以為食緊個雪凍左既菠蘿，夠晒甜！…查看更多

放大假當然要搵間有情調的餐廳撐下枱腳啦，這間餐廳出名係打卡勝地，而且食物仲十分有水準，一於去朝聖。一入餐廳少女心即時大爆發，全部都用上粉紅色作裝飾，而且佈置亦相當精緻。貪心的我想試兩種口味湯底，於是點了最出名的膠原蛋白養顏美容鍋，再來一個滋補養生香辣鍋。美容鍋滾起後侍應提醒可以先盛一碗湯喝，果然名不虛傳。湯頭有濃濃的魚湯香味，亦有豐富的膠質，估計用上了不少花膠熬製。加上紅棗和杞子等養生藥材，清甜鮮美又滋補。香辣鍋既香且麻，用料充足，見到鍋內用上多種藥材熬製，十分惹美滿足。西班牙黑豚香肩豬肉片清晰呈現大理石紋般的油花，味清不燥，肉質結實有口感。美國精選肥牛肥牛片肥瘦適中，肥紋均勻，肉汁豐富。脆肉鯇魚片魚片新鮮爽口，最喜歡入口有脆邊的口感。每款飲品只需$25便有無限量添加，值得一讚的是當侍應見到空杯時，便會自動為客人添飲品，實測不足30秒侍應便會倒上滿滿的一杯，服務質素極佳。…查看更多

放大假最佳節目就是吃和睡，所以中午睡醒便找間評價極高的西餐廳好好慢活一下。餐廳位於商業大廈19樓，由於在較高的位置，所以在餐廳內能夠望到不錯的景色，遠望還有海景，環境十分舒適。前菜:沙律沙律好特別，有芒果同蕃茄仔做配搭，仲有一隻新鮮海蝦，成個沙律口感豐富，簡單又新鮮。蕃茄濃湯配香脆蒜蓉包蕃茄湯濃郁程度好似食緊成個蕃茄咁🤩超有驚喜，湯內配搭了香草同埋豬肉粒，口感豐富。馳名西班牙橡果級別黑毛豬黑毛豬鮮嫩多汁，豬味濃郁，專食橡果的豬豬，令豬肉帶獨特香味，脂肪滲透肉內，口感一流。香燒原條鮮魚配蝦及意粉鮮魚皮脆肉嫩，不但夠新鮮，而且香烤後魚肉夠滑身，有入口即溶的感覺。意粉火候控制得剛剛好，不會太乾身，再配上特製的鮮番茄醬，令人十分開胃。最後套餐配上一份甜品，是日甜品為芒果慕絲蛋糕，慕絲香甜幼滑，芒果酸酸甜甜，作為飯後甜品剛剛好，為整頓午餐畫上完美句號。…查看更多

疫情底下冇得去日本，唯有去間充滿日本氣氛嘅餐廳，食返個美味日本餐補返數。鍾意食刺身嘅朋友一定要黎試吓，餐廳會介紹時令食材，睇啱就可以同師傅講，即切即食！串燒雞🐤(日本雞皮、日本雞腎、日本雞肉大葱串)去日本餐廳又點可以唔叫雞嘅串燒呢？雞皮好脆口，同坊間嘅串燒店果啲燒極都仲係咁淋嘅好唔同，送酒一流👍🏼雞肉大葱串用上燒汁，好惹味，而且雞肉仲保持嫩滑。燒活海鰻肉質結實爽口，有濃郁的鰻魚味，再經過燒烤，皮略帶脆，內𥚃嫩滑。鹽燒三文魚餃魚鰭位置炸得鬆脆可口，咬落肉質相當嫩滑，而且充滿魚油香味，再配上附上的檸檬味醬汁，味道恰到好處。松葉蟹膏多士鍾意食蟹嘅人一定唔可以錯過，蟹羔鮮美，但又不會過鹹，塗上同樣香脆鬆軟的牛油多士，口感豐富獨特。冷稻庭烏冬烏冬爽口彈牙，特別在於佢嘅醬汁會配上一粒鵪鶉蛋，令到整個醬汁有蛋香味，烏冬入口更滑…查看更多

男朋友係個邊爐控，雖然疫情仍然持續，但我地決定揀間環境衛生又做足防疫措施的餐店醫下佢條邊爐癮🤗一入餐廳店員就會派發可重用的口罩套，更喺我哋面前燒熱一鍋熱水，消毒我哋會用到嘅餐具，真係令人覺得好窩心同埋好安心。菜膽豬肺湯湯底呈奶白色，味道滋潤清甜，陣陣杏香味撲鼻而來。豬肺洗得很乾淨，丁點臊腥味也沒有，放材料前盛一碗喝，暖入心扉。冰火魷魚醬汁少少辣，很惹味，魷魚凍食，很滑而且無筋，沒有鹼水味。醬汁辣但鱿魚凍，味覺二重享受。頂級本地手切肥牛肥牛厚薄適中，油花比例平均，色澤紅潤，軟滑多汁而且牛味濃郁，有咬口之餘但不會多肉渣和筋。白酒西班牙黑毛豬很有心思的一道菜，上碟前白酒與肉分開，侍應會先讓客人拍照，才把酒與肉拌勻。值得一讚是黑毛豬煮熟後，仍然能保留白酒香味，十分驚喜。油脂分布平均，肉味香濃，肉中無筋，肥瘦相間。 芝士鳳尾蝦用上新鮮蝦而製成蝦滑，再包裹鮮蝦，加入芝士，不單爽滑彈牙，而且有芝士拉絲，好食又好玩！自家製紫菜響鈴侍應建議這個響鈴不需放湯，點甜酸汁後可即刻食用。響鈴鬆化脆口，配上同樣香脆的紫菜，再加上甜酸汁，超惹味另外仲有西洋菜餃子、新鮮淮山、野生竹笙，每一樣食物都食得出用心同新鮮，食材吸左湯底嘅鮮甜，令食物更加美味。…查看更多

以前每一次行完山入到深井，總係會去裕記食燒鵝，但始終唔係好就腳，終於而家唔使再入深井就可以食到裕記燒鵝啦！餐廳裝修風格走年輕路線，地方寬躺闊落，坐得好舒適，多人食既話仲可以選擇圓枱添，岩晒一家大細，三五知己。深井燒鵝例牌例牌都已經好大份，夠3-4人食。燒鵝色澤赤紅，鵝味濃郁，油脂比例平均。脂肪經明火燒製後逼出油份，皮脆而且味道甘香。一咬落去，有勁多肉汁，點埋個酸梅醬，絕配！椒鹽鮮魷外出食飯我好鍾意揀啲係屋企好難煮得好食既餸，呢度既椒鹽魷魚絕對無令我失望，選用新鮮魷魚，外層香脆，內𥚃肉質彈牙，口感煙韌。但係食落一啲都唔油膩，可以見到唔會有多餘嘅油份。椒絲腐乳通菜通菜爽脆嫩綠，食落乾而爽，翠綠又惹味，每一啖都有清脆的「滋滋」聲，可見廚師炒得好夠鑊氣！腐乳嘅份量拿捏得好好，太少會唔夠味，過多又會太鹹，呢個係啱啱好。椰香鮮奶桃膠最後食返個甜品中和一下，好足料，碗甜品入面有好多桃膠，而且椰奶香氣撲鼻，香滑清甜又不會過膩，大滿足！…查看更多

星期六放假當然要孝順下媽媽，媽媽好少出市區，今次就帶佢去尖沙咀呢間可以望住海景嘆茶嘅餐廳等佢開心下。一入門口已經覺得餐廳冠冕堂皇，而且光線充足十分舒適。如果多人一起用餐的話應該可以獲安排最接近海景嘅座位，但因為我同媽媽只有兩個人，所以就較遠，但環境確實100分！翡翠筍蝦餃王名副其實嘅皮薄餡靚，粒粒都見到晶瑩剔，薄到可以透到鮮蝦。鮮蝦爽滑彈牙，超級鮮甜😍XO醬蒸鳳爪媽媽每次飲茶都必點嘅鳳爪，我次次都唔食，但今次破例，因為上枱嘅時候已經有好香嘅XO醬味飄過黎😂鳳爪蒸得好腍好入味，連我呢啲平時唔食嘅都同媽媽爭食🤭原隻鮑魚燒賣皇見到個樣都覺得矜貴，咬落更不得了。鮑魚鮮甜，而且爽口彈牙，燒賣內蝦肉及豬肉的比例岩岩好，唔會覺得膩之餘，一咬入口仲有好多肉汁流出添西班牙黑毛豬叉燒包最後不得不介紹呢款以西班牙黑毛豬作餡料的叉燒包，叉燒包餡料充足，鹹甜適中，而且個蜜汁調制得好出色，唔會太甜之餘又可以平衡到食包嘅飽滯感。…查看更多

同事住荃灣呢頭，佢推介呢間泰國餐廳好好食，可以唔使專登入九龍城，咁啱今日喺荃灣收工，梗係要來試一試啦！餐廳門面好靚，有一種小清新嘅感覺，絕對係鬧市橫街窄巷中嘅一點清泉，淨係睇裝修已經好吸引。生菜肉碎包特別在於可以選擇鴨肉或豬肉，喺其他泰國餐廳都未見過有鴨肉呢個選擇，鍾意食鴨肉嘅朋友仔可以一試。無奈我皮膚敏感，所以只能乖乖選擇豬肉，酸酸辣辣的很開胃，肉碎炒得很香，必點之一。泰式無骨滷水豬手很大的一碟，豬手很入味，而且無骨簡直啖啖肉，很喜歡吃豬皮連住豬肉的膠質，充滿骨膠原。特別一提鋪在豬手下的芥蘭，連平日從不吃芥蘭的我也通通吃光，超爽脆，而且絕對沒有苦澀味，連最簡單的配菜也很好味！大蝦炒金邊粉一啖入口，甜甜的味道，隨之酸味一點一點滲出，魚露跟着也散發出鮮鹹，配上青檸汁的酸味及時為口腔帶來清新氣息，十分滋味。金邊粉的軟硬度適中，有嚼頭！荔枝特飲夏天荔枝當造，正所謂不時不食，立即點選了一杯荔枝特飲。有氣梳打水配上酸酸甜甜荔枝汁，為這頓飯畫上圓滿句號。特別一提，餐廳很貼心為食客提供口罩袋，衛生又食得安心。…查看更多

下雨天不想煮飯，落雨濕濕又諗唔到食乜，於是決定去燒一燒佢，驅走下啲悶氣。入到餐廳覺得裝修有日本風格，紅黑色門面配上木框，去唔到日本都可以感受下日本既氣息☺️一入舖頭店員好熱情咁招呼，立即為我在燒烤爐上鋪上牛油紙，作用是防止食物燒焦，岩晒我😎店員亦有細心指導我燒烤食物的次序，先燒肉類，令油脂溢出，再燒燒海鮮。虎蝦新鮮生猛，而且十分大隻，長過我手掌好多架！肉質鮮嫩，燒烤過後肉質依然爽口彈牙，必叫！通常吃燒肉我都必點龍脷柳，果然冇令我失望，魚肉嫩滑，即使燒烤過後依然唔會一夾就散，肉質結實有咬口。肉類選擇多，適合食肉獸🤩七味豚拖羅及一口和牛絕對是我不斷回點的食物，豚拖羅燒烤過後，油脂部分有少少焦香，香味突出。而一口和牛則油脂分佈平均，每一啖都有豐富的牛味，但絕不會過膩。刺身也是相當不錯的，能吃得出新鮮的味道，三文魚口感綿軟清甜，魚油的香味充滿口腔。吃過肉類、刺身、天婦羅等美食後，臨走前記得點甜品，吃個雪糕清清味蕾🍦…查看更多

以前曾跟朋友到這餐廳吃甜點，仍記得水準很高，故此與男朋友嚐嚐這裏的晚餐。這餐廳並沒有提供Wi-Fi，然而我十分支持，因為他們背後的理念是希望大家可以善用與朋友吃飯相處的時光好好聊天。黑松露薯條薯條剛剛炸起很香脆，再配上濃濃的黑松露醬，作為餐前小食最適合不過。香辣柚子大蝦沙律蝦是經過烤焗才放進沙律，絕不馬虎。清新的柚子配上烤蝦，再加入了辣椒乾，夏天最適合吃這酸酸辣辣的沙律，正合我意😋白酒牛油汁蜆肉扁意粉外間的蜆肉意粉通常用急凍蜆肉，而這餐廳卻選用原隻大蜆，白酒牛油汁香濃而不膩，扁意粉的口感剛剛好。安格斯牛肉大啡菇漢堡漢堡用料十足，一啖絕對不能咬到整個漢堡，可想而知份量有幾大🤩牛肉juicy，配上同樣juicy的大啡菇，一啖咬落漢堡有爆汁的效果！…查看更多

我可以說得上是這家餐廳的忠實粉絲了，吸引我一再光顧的不單單是餐廳環境舒適，更重要的是食物質素有相當的保證。餐廳光線柔和，配合一整排的玻璃窗，令整個用餐氣氛添加了浪漫情懷。新鮮蘋果茶每次黎親都必點嘅飲品，真係有新鮮嘅蘋果架🍎唔係人做嘅蘋果味！大愛！香草烤雞沙律用上了蜜味芥末油醋汁，汁嘅味道恰到好處，帶出咗牛油果、薯仔同沙律菜嘅清新。特色主廚拼盤如果想樣樣都食啲，可以選擇呢個主廚拼盤，包羅萬有，啱晒貪心嘅我。橡果級伊利比亞黑毛豬柳呢個黑毛豬柳真係超級好食🤩豬柳嫩滑，可以用入口即溶去形容，而且豬味係超級濃郁㗎！鮮蟹肉闊條麵最後當然要點番個麵食，食得出係生拆蟹肉，而且個意粉汁用左蟹湯淆制，鮮甜好味😚…查看更多

疫情持續了一段時間，一直都乖乖留係屋企，好少出去食飯。有見疫情舒緩，就同男朋友出嚟放鬆一下。呢間餐廳係第二次光顧，上次食過返尋味🤤一入餐廳職員會幫我哋量體溫，另外亦會每人派發一個口罩袋，貼心又衛生🥰泰式香煎海蝦、芒果牛油果有機三色藜麥沙律抗疫時期，食得健康啲，保持身體健康💪🏼呢個藜麥沙律絕對係首選！沙律加入左牛油果蓉同埋適量嘅芒果，有少少亞熱帶風味，同海蝦藜麥味道好配合。泰式香葉肉碎羽衣甘藍羅馬生菜包肉碎生菜包就見得多，但係加入左羽衣甘藍，而生菜用上羅馬生菜嘅又見過未？羽衣甘藍一直被譽為超級食物，呢款肉碎生菜包嘅肉碎雖然較為濃味，但加入左羽衣甘藍中和平衡，味道係啱啱好，又好味又健康，抵讚👍🏼黑松露野菌手拉薄餅上次食過佢嘅招牌軟殼蟹薄餅，今次想食得健康啲，叫咗黑松露野菌。薄餅嘅餅底有咬口，而薄餅邊就十分脆口，一件薄餅有兩種口味！另外菇味好突出，食多兩件都唔會覺得滯。玫瑰洛神花茶洛神花酸酸微微，仲加入左玫瑰養顏，食完飯飲番杯消滯解渴🤩抗疫之餘都不能虧待自己，以上所點嘅抗疫食物既健康又好味😚…查看更多