Kristy Cts的個人專頁

🖤Dirty Tiramisu ($65):Tiramisu 就食得多，成坐山咁嘅tiramisu 真係第一次食。依款Tiramisu 嘅espresso味道強烈濃郁，口感較fruity，帶點酒香，cream 嘅奶香芝士濃厚，食落口感輕盈順滑。Espresso 、酒味和Cream比例平均，食到晒3重味道。可可味濃，Cream入面混合oero碎、朱古力消化餅，上面再加朱古力醬，增加甜品整體層次和口感，蛋糕口感鬆軟。甜品甜而不膩，食到停唔到口😂.🙈Tonkatsu Pork Chop w/ Black Curry ($108):吉列豬排食落不太油膩，外皮炸得尚算鬆脆，肉質整體軟稔，略嫌肉不夠juicy。咖喱香甜濃郁，撈起時呈現滑落的狀態，咸度恰好，味道輕盈不厚重，即使唔鍾意辣嘅朋友仔亦可以感受到咖哩滋味，因為唔辣，拌香軟珍珠米食，索晒咖喱精華，係開胃。.整體來說，食物質素唔錯，鐘意餐廳甜品，其貌不揚，但味道令人懷念。有機會可以試下😎 Weekend都多人排隊，都係等得先好黎！…查看更多

🍓Buckwheat Granola Bowl ($70): Greek Yogurt配士多啤梨、Granola 同蜜糖。Granola即係用蜜糖烘烤咗嘅穀物加堅果、果乾，依餐廳用嘅Granola係佢地自己製，食落輕盈健康，不甜膩和油溢味，而且份量多，一d都唔吝嗇👍🏻 草莓食落新鮮，應該係即叫即切，酸酸甜甜。蜜糖甜潤，天然帶點花香味。Greek Yogurt 係令我心動嘅原因。一般去cafe叫Yogurt 都只有普通yogurt 。今次見到menu有，諗都冇諗就叫咗，諗住重回係希臘街頭食yogurt 嘅滋味，可惜失望。依款Greek yogurt 沒有濃稠厚實質感，取而代之係稀薄口感。Yogurt亦不帶酸味，只有微甜(因為我平時食開原味，所以覺得甜咗d) , 所以當加入蜜糖與Granola ，味道變得有點甜。如果你同我一樣平時食開原味Greek Yogurt ，鐘意Greek Yogurt 酸味和質感先想試依款yogurt ， 咁你會失望，佢只係普通yogurt 😂 值得讚係賣相的確有心思，係 #igable .Medium Cappuccino ($38):第一眼見到依杯Cap嘅拉花，已經覺得好心癒，好幸福😂 雖然好多cafe都有幫客人拉依款花，但今次係我第一次飲😂Cap奶泡有豐綿口感，唔會一飲就冇晒。奶醇厚，咖啡偏向Fruity， 飲落回甘，入口順滑但唔係稀如水，口感滿足。.Green Brunch ($115):依款Brunch賣相唔太靚，但用料講究不馬虎👍🏻佢集合咗唔同類型嘅健康食品，分別有西蘭花(Broccoli) 、豌豆(pea) 、 羽衣甘藍 (Kale) 、磨成醬嘅牛油果(smashed avocado)、南瓜鷹嘴豆醬(pumpkin hummus )、 碎粒南瓜籽(pepita crumble )、碎粒開心果(pistachio crumble)配Basil dressing (羅勒醬)和檸檬汁(lemon)加 黑麥麵包 (rye sourdough)和半生熟蛋(poached egg)。 值得一提係Kale 係可以預防便秘同保護眼睛，仲可以預防乳癌👍🏻 黑麥麵包烘烤溫度剛好，令到麵包外皮唔會過硬，麵包內裡都軟熟。配牛油果、羅勒醬同檸檬汁食，麵包索晒羅勒醬同檸檬汁，豐富麵包口感，食落有層次感，而且味道清新得黎又不失香草濃厚味。 Brunch雖然主要得蔬菜，但食完係會飽。菜好新鮮，爽脆，份量仲好多。Kale仲會用烤爐烤成薄片，而將kale 烤成簿片失敗機率高，睇黎大廚係廚藝經驗豐富之人😂 健康食物即使加埋一齊，但絕冇違和感，搭配恰巧。整體依款Brunch保留食物原本味道，加既鹽都係好少，味道偏向清淡，但用料新鮮，所以你會食到蔬菜清甜。南瓜醬濃郁、清甜，所以如果覺得菜唔夠味可以點多d南瓜醬😎食完力量倍增，連我朋友都話估唔到蔬菜可以咁好食，當然我都食到停唔到口😂 推薦俾鐘意食得健康嘅朋友仔試🙈.總結，依間cafe 用料不馬虎，食物質素高，性價比高仲要冇加一，好值得再食👍🏻店員好有禮貌同樂於助人。不過，假日真係好多日排隊，前排我去排咗最少半個鐘，我諗朝早食會少d人😂 唔介意排隊先好黎…查看更多

旺角 · 《 吃茶三千 》 🐸 1️⃣決明烏龍茶奶蓋 ($27):烏龍茶奶蓋就飲得多，烏龍茶加決明子都係第一次試。一貫飲茶不加糖，因為我鐘意最原始的茶感。加咗決明子嘅烏龍茶同就咁飲烏龍茶嘅分明係決明子烏龍茶比較甘甜，飲落會有微微草香味。茶味清雅，品後口感怡人，甘滑甜爽、青澀口感。奶蓋冇咩特別，味道偏甜。順帶一提，決明子有清肝明目、降低膽固醇等作用，促進新陳代謝，係養身之人朋友😂.2️⃣國王珍珠奶茶($30):依款奶茶茶底係鳳眉紅茶，配厚奶，加珍珠炮製而成。今次走糖，但紅茶味道濃烈醇香，沒有被厚奶徹底蓋住。甜味適中。略嫌珍珠不夠煙韌，偏硬身。.總括而言，鐘意飲茶嘅朋友可以試下。上網一搵就發現《吃茶三千》係台灣好出名。經過不妨試下…查看更多

🥞 Pink Waffle ($98):格仔型waffle 就食得多， 變成一粒粒，好似咖啡豆形狀嘅waffle就真係第一次食。 對於鐘意飲咖啡嘅我，一開始見到IG有人post依款甜品，就bookmark咗。可惜，試完係失望。Waffle外皮微脆偏硬 內乾微軟。咖啡味只有少少，有炭香味，但沒有蛋香味。Raseberry cream 同 yogurt sauce 較少，好彩有莓，但食一次就夠😂 .⏱All day Breakfast($100):與平時食開嘅all day breakfast 冇咩分別，普普通通，冇特別。唯一值得讚係蛋炒得滑，可惜麵包太硬。.🥪煙三文魚忌廉芝士三文治 ($42):賣相唔靚，唔#igable，但又出奇地幾好食。 煙三文魚味道唔算好新鮮，但起碼唔會醃到好咸。配忌廉芝士醬，令人愈食愈開胃，甜中帶點乳酪，味道不厚重，食落唔覺膩，輕鬆食晒👍🏻 性價比較高.☕️ Hot Cappuccino ($40):如果你有留意開我打嘅食評，你會發現我鐘意飲Cappuccino， 因為我好鐘意豐盈綿完奶泡，可惜依間cafe嘅奶泡都唔係打得好細密，奶泡都好快冇晒。不過，咖啡濃郁，不會淡如水，味道偏fruity ，順滑口感。.總括來說，cafe 食物一般，但咖啡唔錯。假日約朋友飲咖啡可以試下，平常心黎就好了！…查看更多

❣️Hot Irish Latte ($38)：Irish Latte，一款係香港比較少見有得賣嘅coffee， 老闆極力推介下，就試咗，結果的確冇令我失望，一再回味。Irish latte 入面加咗Irish whiskey 、syrup （有時會用brown sugar)加espreeso， 上面再加奶、奶泡同cream。值得一提，Irish coffee會用Irish whiskey ，唔係用American whiskey。 前者酒味濃度低d，易入口d， lighter，冇咁甜，味道單一d，因為主要ingredient 係大麥(Barley)和麥芽 (malt)。上網再搵資料先發現Irish 會用older barrel釀酒，釀最少三年，而控制whiskey質素。 後者酒精濃度比較高，酒味重d，味道相對較甜、多樣化d，因為佢地用唔幾種材料釀酒，例如小麥(wheat)、玉米(corn)。佢地通常會用new barrel釀2年， 令whiskey 睇落新d乾淨d。因此， Irish coffee 入面即時加咗whiskey ，但都冇搶咗espresso 嘅味道，你仍然飲得出係加咗咖啡。可能係Irish whiskey 酒味輕d，口感香醇d， 與味道偏fruity味的espresso 混合，不同味道，但仍然各自各發揮到自己味道，卻不兀突，增加味道層次感。Espresso 帶點果酸味，味道濃郁，不會淡似水。最後係上面的一層cream，淡淡的奶香味，不甜，增加視覺效果，又令整杯咖啡口感更順滑。.整體來講，依杯係杯一定要再飲嘅咖啡，質素高。老闆果然冇介紹錯。個人好鐘意老闆用依款杯裝飲品，心思設計，望住佢好似望緊一件藝術品，好chill，好靚，唔捨得飲。等疫情穩定一定會再去，依加冇得去就睇返舊相回味先。Btw ，餐廳內有賣蛋糕，但好快會俾人買晒，我次次去親都冇😭 建議想食埋蛋糕嘅朋友，去前打去問下有冇先，以免白行😂…查看更多

🍮雞蛋布丁配House Espresso ($58):香滑布甸，口感滑嫩細膩，有蛋香味，不甜，入口即溶化、Q彈質感。以往食開嘅雞蛋布丁都鐘意配焦糖，但今次配espresso ， 味道出奇地夾。依間餐廳嘅espresso 做得比較fruity ， 易入口，加係布丁上面，保留espresso 苦澀，但又唔會失去布丁奶香味。值得讚係即叫即做，好新鮮，完全係一個人食晒一個岩岩好😂.🍰黑芝麻乳酪芝士蛋糕($42):原本以為黑芝麻味會蓋過乳酪芝士，點知乳酪芝士味道更出，芝麻味反而唔太出。濃郁芝士味，味道清新，不膩重。軟滑濕潤口感，質地輕盈順滑，有入口即溶感覺。完全係可以自己輕鬆KO一件。蛋糕不夠挺身，感覺好快倒塌，所以要盡快食咗佢😂🥗 流心蛋牛油果Superfood沙律 ($78):依款沙律入面有流心蛋、牛油果、藜麦(Quinoa) 、鷹嘴豆 (chickpea) 和 羽衣甘藍 (kale)。 相信牛油果同蛋嘅營養，大家都好清楚，就等我講埋剩返嗰3款。 藜麥膳食纖維豐富但澱粉質含量低，蛋白質比白米高出 2.4 倍，比得上蛋、豆及魚肉，岩減肥人士。鷹嘴豆係素食蛋白質，但脂肪熱量低，亦一直成為國際環保團體首選的食材，營養值超級高。羽衣甘藍有強效的抗癌特性、抑制現有結腸癌細胞的生長，但大量食用會導致甲狀腺腫脹。掛唔知依款沙律可以被稱為superfood沙律，完全係有好勁營養嘅食物混合成一碗，其實自己一個食一碗已經好飽，的確冇肉，但有足夠蛋白質。老實講，味道同平時係cafe食嘅沙律冇咩分別，但勝在味道新鮮，多咗幾分嚼口，加入黑醋都易開胃，想假日健康又唔想自己煮，不妨試試！.🍞黑松露蟹肉炒蛋竹炭多士 ($64):雖然係加黑松露醬，但黑松露並唔假，份量對得起依個價錢。蟹肉都爽口，配埋蛋食，的確食唔停口🤤竹炭麵包一向係香港比較少見，個人覺得味道與普通麵包冇咩分別，但賣相變得特別。不過竹炭麵包對身體營養成疑。有人話排毒，但美國食品藥品監督管理局（簡稱FDA）又禁止食物加入竹炭。建議大家可以上網再搵下資料，再決定食唔食含竹炭嘅野。.🦑墨魚汁扁意粉伴蟹籽 ($78):一款中規中矩嘅意粉，意粉韌度剛好，但墨魚味不濃郁，墨汁較少，墨魚份量都唔多，好彩有蟹籽。普通一款意粉，唔好期望太高。.☕️ Hot Cappuccino ($38):中規中矩嘅Cap， 奶泡冇咩，但咖啡味比較fruity ，有質感得黎易入口，順口，有回甘感覺.總括來說，依間cafe性價比高，食物質素偏高但價錢偏實惠，對得起個價錢，係假日chill住過嘅好地方，但如果cafe大間d會更好，坐得更舒服，減少壓迫感。Btw， 依間cafe的確好紅，遲下疫情完咗，真係排得起隊先好去😂…查看更多

🧇 自家製比利時列日窩夫 ($42):一客有2塊窩夫，有原味同朱古力味，一塊大概係女性成人手掌一半，厚度就食指三分一。你可以選擇兩款唔同味，都可以選擇兩款一樣味，岩晒心大心細嘅人，即係我😂窩夫醬有朱古力醬和焦糖醬，但醬只可以選一款。跟窩夫配香蕉、忌廉和雪糕。雪糕口味有雲呢拿、朱古力、曲奇、豆腐、綠茶和玄米茶。今次我選咗玄米茶味配朱古力醬。一向對茶味雪糕難以抗拒，因為好鐘意飲茶。 依款雪糕食得出係玄米茶，有茶香，可惜偏甜，甜味有少少人工甜嘅感覺，未去到完全蓋過茶味，但可以減少糖。窩夫外皮微脆內軟。朱古力味的確食到可可味，真係比利時朱古力嘅可可味口感，不甜。如果可可味重d會令到窩夫唔加醬都冇咁單調。原味欠蛋香味，但起碼唔係得麵粉味。依個價錢食窩夫，係抵食。假日晏就去食，chill住過一日都幾寫意🤤 溫馨提示，假日多人排隊，要有心理準備等位。.💛All Day Breakfast ($88):以All day breakfast 嘅份量黎講，係多到嚇親😂 一個碟可以霸咗半張枱。味道中規中矩， 冇咩特別。值得讚係蛋炒得好滑。牛角包好大個，但烘得太過，外皮太脆太硬，失去麵包嘅質感。.💛Hot Regular Cappuccino ($36):中規中矩咖啡，奶泡算多，飲咗好幾啖奶泡都冇消失。味道濃郁，較fruity。.總括來說，依間cafe味道價錢都係偏平民，假日去開長洲不妨試試。BTW, 依間cafe係長洲有開手作店，有賣佢地親手整嘅袋，鐘意行文青路線不妨望下😂…查看更多

😈黑糖珍珠烏龍奶茶 ($26):依排飲得太多台式飲品，今次叫咗走糖，但甜度反而剛好。烏龍味唔係好出，但奶茶嘅茶香味都出，奶味濃郁，似用鮮奶沖。黑糖好香，甘甜，唔會死甜、化學味重，黑糖仲有少少蜂蜜味。珍珠Q彈， chewy ， 煙韌度適中，但如果叫凍飲可能珍珠會硬d，因為我朋友飲凍，佢話珍珠好硬😂.總括黎講，味道中規中矩，依個價錢飲黑糖珍珠奶茶，我覺得性價比高，去開附近不妨試試❣️ 依排疫情嚴重，建議拎返安全地方先好飲，係街到就唔好除罩，為己為人！…查看更多

🥑Smoked Salmon and Avocado Toast with Harissa spiced nuts & lemon ($105):Harissa 味嘅果仁的確係第一次係香港食到，對上一次食harissa 嘅野已經係上年係土耳其識咗個Tunisian ，佢用harissa 醬整意粉我地食😂 可惜依款nut加咗入去清新牛油果同三文魚上面，貌相係幾靚，但味道的覺得唔夾，唔加會更好食。一片完整嘅三文魚覆蓋係麵包上面，麵包中間搽咗一層簿簿嘅牛油。三文魚上面有好多新鮮牛油果。味道普通，麵包內外都太乾好硬，用刀難將佢分成小塊，可能佢冇點烘過個包，但好彩配有檸檬，食前加d檸檬汁，口感清新咗嘅！❤️Cappacinno ($30)咖啡味道係nutty，濃厚咖啡味，苦澀後有回甘味，鐘意fruity 口味咖啡嘅朋友未必岩飲。 雖然奶泡唔太多，但起碼唔會飲幾啖就冇咗奶泡。❤️Caramel Banana Cake ($40):典型西式甜品，味道偏甜。蛋糕上面加咗一層Caramel醬，好甜，有人工死甜感覺。蛋糕偏硬身同乾身，只能說不是我杯茶😂❤️Hot Mocha ($35):因為咖啡豆偏向nutty， mocha 都偏nutty， 較苦澀。 咖啡味係搶咗朱古力味。❤️Espresso Martini 🍸($88):好香咖啡味，Syrup味唔重，vodka味出，不太易入口，但賣相好靚總括來說，依間餐廳岩chill。冇加一，價錢合理。餐廳夜晚會由Coffee shop變為Bar ，啱晒想傾偈既朋友。…查看更多

1️⃣饞食堂超大碗滷肉飯 ($50):果然冇改錯名，飯嘅份量差唔多有2碗，完全係飯筒食堂。 滷肉份量差唔多鋪滿成碗飯，的確係食到肉塊帶少少肥膩，唔係單純肉粒，咸味剛好，肉偏軟嫩，食完唔覺油膩，暫時成位我係香港食過最好食嘅滷肉飯👍🏻.2️⃣ 鹽酥雞飯 ($70): 鹽酥雞嘅份量比我想像中多，足足有一碟滿。鹽酥雞炸得岩岩好，外酥脆內軟，肉嫩滑、不太油膩，鎖住肉汁，亦唔會滿口炸粉👍🏻唯一覺得味道少咸，胡椒鹽份量多咗d。推薦鐘意食鹽酥雞嘅朋友食去食，性價比高。炸雞仲要即叫即炸，誠意十足.總結，鐘意食台灣菜嘅朋友仔值得一試，菜式選擇係唔多，但勝在性價比高，而且lunch不用加一。…查看更多

🦋藍色螺旋藻乳酪碗 ($78):的確係被佢美麗嘅外表吸引去試，#打卡 一流。 一向鐘意食健康食物嘅我一開始唔知螺旋藻係咩，上網一搵先知佢可以消脂，可以排毒。 不過佢本身係冇咩味，口感較粘，所以加入yogurt 同平時食既yogurt冇咩分別😂 係唔同咗口感。Yogurt入面有香蕉、紫薯片、士多啤梨等，好健康。Yogurt都唔會好甜，酸酸甜甜。如果你同我要樣平時食開原味冇咩糖嘅Greek Yogurt ， 你會覺得甜咗少少。其實今次試埋黑色竹炭粉乳酪， 但唔記得影相😂個人覺得味道冇咩大分別，始終健康嘅食物都偏冇咩味，仲要配埋水果食，係口感順滑d。 .🌸Earl Grey Tea Latte ($40):Rose Latte就飲得多，Earl Grey Tea Latte就真係第一次。奶泡底下是伯爵茶的清幽，質地輕薄，易入口。如果奶香味更濃厚會更吸引，仲有Earl Grey Tea味更濃味道會更出。.🦐蕃茄羅勒蝦青口長通粉 ($74):一款普通嘅意粉，入面有2隻蝦同2舊青口，意粉偏硬身，與蕃茄醬唔太融入，但味道唔會好咸，係健康。.整體來講，依間cafe岩chill岩傾下計，食健康d嘅野。繁忙時間1-3點都好多人，始終鋪頭偏細，等得先好黎😂…查看更多

🟡焦糖燉蛋雪糕班戟 ($32):性價比超級高👍🏻 一個班戟入面有一舊約一個拳頭大細嘅焦糖燉蛋，仲有一舊約拳頭大細嘅雪糕，雪糕可以自選味道。今次我就選咗簿荷朱古力。焦糖燉蛋蒸得岩岩好好，食到好滑蛋香味，係即叫即蒸返俾你，唯一覺得焦糖甜咗少少同硬咗少少。雪糕就普通，但唔會得死甜味，似用Dreyer’s 雪糕 。燉蛋與雪糕之間有層cream，但唔會過於厚重肥膩。班戟外皮蛋香味都重，厚度適中煙韌。總結，依個價錢食依個質素完全值得echo 。如果唔係係依個地理位置，價錢可以賣得更高，趁佢仲係咁抵，去開筲箕灣要試試！…查看更多

九龍城 · 《 泰皇閣 》 💛 #黃店1️⃣沙嗲串燒 (半打) ($82):依款串燒有4款味可以選 ： 豬、雞、墨魚丸、雞腎。 半打入面你可以最多選3款，完全岩晒心大心細既人😂，即係講🤤 不過我今次都係要咗2隻味：豬、雞。 兩款肉都係肉質爽嫩得黎有嚼口，入口不膩，一食就好似返返泰國食串燒🤤，岩鐘意串燒既朋友食👍🏻2️⃣蛋包鮮蝦金邊粉 ($75):份量比我想象多，蝦既份量都多，係有誠意👍🏻味道同平時食既金邊粉無異，爽口，值得讚係金邊粉唔會好咸好油膩，仲要火喉十足。3️⃣冬蔭海鮮湯 ($76):佢依款海鮮湯份量俾我想象中多，係用小鍋裝住，入面仲有好多蝦同菇，仲有青口。 以往飲開既冬蔭功湯都好咸好味噌，但依款既酸辣度岩好， 湯底濃郁，食得出係用咗好耐時間炮製湯底。湯會辣到出汗，但係會令你停唔到口不斷食😂 價錢仲要好平，性價比很高，配蒜蓉包食一流😌4️⃣飛天通菜 ($70):爽脆可口，唔油膩，辣味好惹味👍🏻總括黎講，我覺得鐘意食泰國菜既朋友仔可以去試，性價比高，食物質素又高，仲要係黃店。最值得讚係店員好有禮貌，好主動幫忙，會再去☺️…查看更多

1️⃣ Cappuccino ($40):有人話，要知一間咖啡店既咖啡好唔好飲，一定要試cappuccino。的確未飲第一啖被濃厚的咖啡香味吸引。濃醇咖啡，入口厚重，苦澀後有回甘味，又帶點酸，口感清新。雖然冇Latte飲落既豐盈綿密感，但卻不失順滑口感，值得再飲。2️⃣ Iced Rose Latte ($55):玫瑰味好重，一飲第一啖已經被玫瑰既芬香吸引。個人覺得依款Rose Latte冇 加入expresso， 就算就應該加咗好少，所以飲唔到咖啡味，反而加多咗syrup ，飲落有d似糖水，好彩玫瑰味唔化學。不過，如果佢少d糖會更好👍🏻總括來說，鐘意打卡飲咖啡既朋友仔值得排隊試，雖然要排好耐😭，同埋入座起計最長只可停留1小時，如果想揾間咖啡店坐低chill成日，你要揾第間。咖啡店行復古風路線，裝修擺設餐具都好有味道，係打卡既好選擇。的確排隊時間長，但係咖啡好飲又靚，係值得黎既😎…查看更多

🍰伯爵茶戚風蛋糕 Chiffon cake ($52):戚風蛋糕就食得多，但食咁多次，今次依間係最令我難忘，一定會echo 🤟🏻 身為一個伯爵茶迷，對於伯爵茶甜品既抵擋程度可以叫做0😂 同埋之前一直有留意開其他ig blogger都有講過依間黃店既戚風蛋糕好值得試，所以就決定試😂廢話少講，以往食既戚風蛋糕都同普通蛋糕冇咩分別，但依款戚風蛋糕明顯有別於普通蛋糕，口感好輕盈得黎有質感，蛋香味的確好重，伯爵味仲要份量恰好，淡淡既檸檬清香帶點苦澀味，但係回甘👍🏻 蛋糕上面有淡淡既芝士cream ，甜度亦都係岩岩好，同伯爵茶蛋糕好夾，完全係輕鬆5分鐘內KO😭 上網揾戚風蛋糕製作過程最難係打發蛋白，少減d心機同技巧都做唔到軟熟得黎又有空氣感既感覺，價錢仲要合理，冇加一❤️戚風蛋糕迷一定要試👍🏻💁‍♀️煙三文魚忌廉芝士酸種麵包 ($88):目測麵包既大細大約係15cm，麵包上面既煙三文魚分量與厚度比我想象好。煙三文魚與麵包中間加咗層忌廉，酸酸甜甜咁好開胃👍🏻可惜麵包可能烘得偏耐，乾身偏硬，如果係軟熟口感會更佳。沙律菜好多，配黑醋食的確食唔停口。沙律入面仲一隻蛋，蛋白質岩岩好😂☕️ Latte ($40):唔知由幾時開始，對latte 的確情有獨中。如果你鐘意奶味比較濃既latte ， 依款latte 未必岩你口味，我覺得係佢expressio既比例偏高，奶味唔重，入口順滑，香醇，苦中帶回甘。打泡牛奶的泡沫賣相睇落唔多，但飲落有豐盈綿密感覺，飲完覺得似飲cappuccino 😂總結，好值得去既黃店，雖然要等位😢…查看更多