Janice Fong的個人專頁

新開張，有對母子拉住我叫我去試下，咁啱都心思思想飲野，就去試下個桂花烏龍茶！好飲喔，唔算太貴( ´▽｀) 叫一分糖夠曬👍🏻 下次會再試個奶茶🥤 大家都可以去幫襯下啊～…查看更多

呢間人氣韓國餐廳有兩間分店，一間喺海港城（尖沙嘴）、一間喺屯門市廣場！ 有不錯嘅好評🤭 下午時間來到，唔知係咪公眾假期，係海港城差唔多間間餐廳都排晒隊😭 我同朋友大概排左半個鐘先入到去堂食，大家想去記得揀好日子時間，有心理準備要等位🙏🏻 —————🤍泡菜燉五花肉蛋包飯 $158蛋包飯賣相好吸引！✨ staff會幫你切開 （向右滑看片）🍽 雞蛋嫩滑，包住嘅唔係白飯，而係混合左瓜粒同埋肉粒，整體口感同味道都提升左💕 五花腩係用泡菜包住來燉，減輕左肥膩感，入口即溶，而且韓式醬煮得好入味🥳 醬汁來講都不辣，適合所有人食👍🏻 拌菜都不吝嗇，有青瓜同辣涼菜🥒 整體份量非常多，兩個人share剛剛好🥹 🤍傳統紫菜包飯 $72紫菜包飯正常發揮，餡料有玉子、青瓜絲、蘿蔔絲、牛肉碎同酸瓜，咬落去口感，還原韓國傳統味道😛 而且切開有十個，兩個人食夠飽！ 🤍濟州柑橘乳酪 $68 見係人氣飲品一定要試吓～ 造型特別，有半個橙蓋係面頭，唔大杯不過飲得出係鮮榨果汁配乳酪。整體來講味道係不過不失，不過小編覺得有啲貴，並唔係特別抵飲🫣…查看更多

忙裡偷閒的一天！係深水埗嘅kokoni有舒適闊落嘅空間，同家人朋友飲下咖啡，食個甜品chill下完全沒問題💯 呢度有小吃同甜品，當然主打都係手沖咖啡啦😚—————🤍 Matcha Special $60視角上已經非常吸引～ 抹茶控不可錯過💓 味道唔會好濃，但茶味突出，飲落去唔會有粒粒，好smooth，抵讚👍🏻🤍 Iced Latte $50同樣層次非常分明，飲落去咖啡豆香十足，小編我幾鍾意，牛奶方面都係好smooth同埋唔會好甜，natural D無落糖係最好的🎉 稍嫌冰有D多同散，飲上來影響左個享受😬 …查看更多

今個情人節，睇嚟大家夜晚都要乖乖留喺屋企🏠 想同另一半食個不錯嘅午餐，朗豪坊呢間Burger🍔 一定fit哂，除咗價錢唔算貴同埋味道唔錯之外，都好有格調，相信另一半一定鍾意❤️——————🤍 德州燒烤牛肉漢堡 $88Texas BBQ Beef Burger (圖下）本身以為嗰Burger係得一塊漢堡牛肉，點知有驚喜😲 嗰Burger非常足料，除咗一個炸得非常香脆嘅洋蔥圈🧅之外，仲有兩塊醃得好入味嘅煙肉🥓；而燒烤醬更加令成個Burger提成一個層次，佢獨特嘅煙熏味🌪巧妙咁同其他配料融為一體，喺一咬落去嘅瞬間衝擊所有味蕾👅 同時間肉汁亦喺口中噴發🌊 一個字：正⚡️🤍 煙燻英國車打芝士牛肉漢堡 $78 （+$36套餐）Smoked British Cheddar Beef Burger（圖上）包面烘脆左，麵包外脆內軟🍞 漢堡牛肉方面不過不失，明顯係手打牛肉，有D肉汁的，而且非常厚，PASS啦🙋🏻‍♀️ 芝士可以拉絲，亦冇令小編失望🙆🏻‍♀️ 配菜方面就普通，sauce都無特別驚喜～ 跟餐嘅薯條偏幼身，不過鹹味好夠（落咗好多調味料），兩個人share一份其實都已經好滿足💯 餐飲只可以係普通檸茶檸水，所以整體性價比就差D啦😥…查看更多

之前食過幾次pizzamaru，都未有機會幫佢寫個食評，今次係時候同大家分享喜悅啦🙌🏻 依家只可以堂食午餐，咁當然唔可以錯過佢嘅lunch set啦💯 選擇好多，pizza、意粉、risotto都有，真係好難揀！而且套餐跟冰茶，小編好開心～ 我哋最後揀左兩個稍微signature嘅菜式試試😃 究竟係咪咁正？🌟—————🤍Peach BBQ Chicken Pizza $98 (9’ Regular size)Lunchset無最出名嘅Chicago Pizza，不過呢個BBQ sauce底嘅pizza都值得一試嘅😚 果然無令我失望，雖然無好厚嘅pizza邊，但係熱辣辣嘅拉絲芝士好吸引，同埋每一塊pizza都有果肉同雞塊，$98來講算係咁啦！❤️‍🔥 甜甜哋嘅蜜桃配BBQ醬真係一流，食左半個pizza都仲未覺得漏😍🤍Kimchi Carbonara Linguine with Blue Mussels $98好大碟！泡菜方面好足料，整體唔係好辣，但係調到味🌶 反而Carbonara好creamy，份量來講，小編覺得兩個人share呢個意粉都OK👌🏻 意粉唔會overcook，口感同香料融合，而且每條都掛汁，正啊💦 唯一無咁好嘅係青口，無乜鮮味，而且擺凍左嘅感覺😥 …查看更多

平時都好少可入到海運大廈食嘢，原來入面都幾多高檔菜，今次就試咗呢間日本嘢👀 餐廳對住維港景色🌉 座位又大又舒服，環境的確一流💦——————🤍 美人框飯御膳 $218框飯：三文魚框飯、蒲燒鰻魚飯框飯🍚 嘅份量十足，唔驚唔夠飽，三文魚🍣嘅肉質略嫌老，但係魚子就夠鮮味，拉返勻整體算唔錯；相比下，鰻魚飯就明顯更好食😋 鰻魚雖然唔係頂級，但係都燒得好好味，肉滑汁濃，各樣比例洽到✨配餐主食：鹽麴大蒜燒鹿兒島金豚里肌肉 +$20豚肉醃得好入味，肉質唔老👁一咬落去入口即化，脂肪同肉🐗比例啱啱好，所以食落都唔肥膩，絕對物有所值小菜：刺身沙律、冷豆腐、味噌湯小菜冇咩特別，質素中規中矩，不過係整得幾有心思🙈 沙律嘅醋汁都不錯，開到胃口👅🤍 雞白湯醬油拉麵御膳 $138 小食：南蠻炸雞炸雞外脆內嫩，一咬落去就感受到肉汁爆出嚟💣 配合埋沙律醬，食落較fresh🌪唔會好似韓式炸雞咁好膩！而拉麵🍜就同量份量好多好大碗，味道口感土無特別😬 但最令小編欣賞嘅就係上面滿滿嘅洋蔥🧅，上面唔同種類嘅洋蔥除咗豐富咗口感之外，亦令湯底嘅味道更加突出；雞髀🍗同樣非常大隻，肉質嫩滑，餣得惹味👍🏻…查看更多

成日喺九龍城食嘢都係見到泰國菜，韓國嘢有試過未？ 呢間新開張嘅韓國餐廳唔係好多位，但係裝修精緻，而且坐得舒服！六款前菜都可以無限添加，服務態度好，係值得推介嘅餐廳🥰PS：午市套餐全部$50左右咋，非常抵食😇 ———————🤍豬肉石鍋拌飯 $78比足料嘅石鍋飯！有芽菜、蘿蔔絲、紫菜、菜絲同豬肉碎👍🏻 甜辣醬係自己落的，可以自由調教份量🙌🏻 石鍋碗夠熱，可以食到飯焦，呢樣嘢石鍋拌飯必不可失👅 🤍海鮮豆腐湯 $78豆腐湯有驚喜😍 本身驚佢會太辣，但係又唔會喔！湯底好濃郁鮮甜，亦都唔油膩，辣味唔會好搶🌶 湯入面有蜆同埋豆腐粒，份量唔太多，唔送飯就咁飲都唔錯🤩🤍海鮮蔥餅 $108海鮮蔥餅好大塊，切開都有9份，啱晒同屋企人朋友share！餅底好厚同埋足料，有蝦仔、魷魚、蜆肉、蔥等等🥳 稍嫌佢唔好嘅係唔夠脆身，粉太多，食一兩塊已經好飽肚😅 而醬汁方面亦都好有心，辣椒粒蔥粒切好，加分！🙆🏻‍♀️🤍韓式炒粉絲 $88炒粉絲維持一貫好水準，唔會太淋，同埋份量都幾多🤭 配菜亦有蘿蔔絲、洋蔥、雲耳等等⋯ 色香味俱全🍴 小編會話雖然唔係必點菜式之一，但係鍾意食炒粉絲嘅唔好錯過～🤍辣炆牛肋骨芝士年糕 $228女小編推介！！！❤️ 重點來了！！！大大鍋上菜！牛肋骨好大嚿而且炆得好淋🍗 起碼有五六舊，夠晒share啦～ 醬汁尤其好食，甜鹹辣俱全💥 芝士多到成個面都係，毫無吝嗇🧀 年糕正正常常，牛肋骨下面有少少粉絲同埋配菜，白蘿蔔炆得好淋好入味🧄 聞落已經好香好吸引啦😚…查看更多

搵唔到好地方慶祝大日子？想包場幾十個人聚舊？ 或者FAB Kitchen係你嘅選擇😋 今次同屋企人大概二十幾個人來到呢到慶祝大壽，有獨立房間比我哋，雖然無靚景，但係服務同食物都唔錯💞—————4 course $388 🤍 first course：阿根廷赤蝦 配 帶子他他 蝦都幾大隻，蝦頭啖啖肉，鮮味十足😍 醬汁酸甜，開胃🧡 帶子同柚子味他他混埋一齊食，口感清新，唔會覺得好膩！🤍 second course：三文魚籽、桂圓肉 配 日本海藻三文魚卷 桂圓肉亦即龍眼肉，配合三文魚籽口感新奇，一咬首先會係三文魚籽爆開，隨即品嚐到龍眼肉嘅甜味❤️ 三文魚卷精緻，味道方面就同平時食嘅唔大分別🙆🏻‍♀️🤍entrees：朱古力黑醋汁 配 烤焗脆皮牛柳卷（+$48)牛肉五成熟，配上朱古力黑醋汁，既有甜味亦有酸味，味道都幾衝擊同特別🧐 牛肉上面嘅脆脆烤得剛剛好，雖然牛柳卷好厚，但肉質好淋，唔會咬唔開😃 不過因為醬汁有D稠，所以牛肉食食下有D dry😅 旁邊有紅菜頭絲，面頭有桃，令個main dish無咁heavy🔥🤍 dessert：TiramisuTiramisu唔算太好食，小編覺得太甜，感覺heavy，同埋杯野無乜酒味😢 不過lady fingers夠濕，而且size係唔錯，都幾大杯，食到最尾都唔太食得落🙈 …查看更多

觀塘工廈區向來卧虎藏龍，今次嚟呢度慶祝男小編生日🥂 專程拜訪呢間高質隱世餐廳— 喰楽 Kuraku，一嘆和牛壽喜燒🇯🇵 餐廳環境闊落，格調柔和，坐得好舒服😚 呢度嘅環境亦相對安靜，可以慢慢傾計🗣 餐廳入面只係得4-5張枱，想食嘅話一定要預早book定☎️——————🤍 日本產A5和牛(100g) $198🤍 澳洲產M9和牛(100g) $168小編們當日去叫咗兩個lunch set，包咗前菜、日本產雞蛋🥚、野菜鍋🥬、日本珍珠米飯🍚同埋甜品(杯裝雪糕)🍦添。 女小編特別鍾意炆牛肉呢個前菜，肉質夠淋同埋入味！❤️ 重頭戲嘅壽喜燒煲湯底夠甜，上碟嘅時候賣相好靚，因為不同款色嘅野菜都精心擺設過，唔怪得之吸引咁多人嚟食啦😋 貴啲嘅A5和牛脂肪紋理相對清晰，而且肉色更鮮紅，望住都覺得好正🤪 食落有入口即溶嘅感覺🥴想食平少少，澳洲M9和牛都唔錯，雖然牛肉睇落冇咁肥，但係勝在夠多片✌🏻 兩碟牛肉都冇雪味，平時係屋企一定食唔到呢quality😌 …查看更多

平時我地兩位小編都好少可去到好遠嘅地方覓食，去大角咀嘅次數更加係五隻手指✋🏼數得哂添，但係今次介紹嘅呢間台灣嘢，我地已經想試好耐，齋睇圖片都已經流晒口水🤤 所以我地專程嚟到大角咀，希望可一如所願品嚐佢地嘅美食😌 餐廳環境都幾寬闊，入面都有好多座位，所以坐得幾舒服，不過呢間店實在太出名，我地都排咗一陣長龍🐉先有得食🥲——————🤍 那個滷排骨便當 $66「😲！塊豬排好大塊呀！」唔係講笑，食物啱啱上枱嗰陣我地都俾呢塊大得驚人嘅豬排🥩震懾住，粗略估算，塊排骨的確大過兩位小編塊面🤦🏻🤦🏻‍♀️。當然，大塊未必好味，不過呢間餐廳果然有水準，就算要煮咁大塊排骨，烹調時間⏱依然拿捏得好好，食落口非常淋，唔會老同諧😬；而個滷水汁都好好味，塊排骨完全煮到入哂味，咸咸甜甜✨非常開胃；另外要讚嘅，就係塊排骨冇呃秤⚖️ 基本上成舊都係肉，骨🦴嘅比例只係佔好少。除咗塊排骨之外，個便當仲有蛋🍳、其他配菜，同埋滿滿嘅白飯🍚 超級豐富、飽肚。🤍 古早味手工滷肉便當 $64呢個滷肉便當同樣足料同豐富，除咗滷肉次外，亦都有玉子🥚、粉絲、椰菜、粟米🌽同其他小配菜，撈埋一齊食就好似食咁韓國嘅石頭鍋飯咁，口感好有層次😚 而呢間台灣菜嘅滷肉，小編就認為佢比其他鋪頭切得更大粒，所似食落口個陣口腔更加飽滿，啖啖肉超級滿足😋整體而言，佢地呢個價錢💰絕對係物有所值，對比同類型台灣菜價錢一D都唔貴，份量亦好足夠，值得一試。…查看更多

平平無奇嘅小店竟然食到如此回味嘅餃子？！ 呢日係小編BIG UNLUCKY DAY，想搭車冇車，想食乜冇乜（本身諗住食第二間餐廳）🥵 但竟然係偶然之下，食到咁好味嘅餃子，心情即刻好返好多～💕店舖得兩三個座位，如果怕坐得唔舒服，外賣一樣可以！當然小編自己就覺得堂食最好食、新鮮啦😍 —————🤍爆汁豬肉餃（蒸餃）+ 芝麻花生汁 $45/8隻 第一眼吸引嘅就係呢個咁似小籠包嘅外表😋 佢唔係小籠包皮咁薄，但係咬落去都有肉汁，的確無煎餃咁油👍🏻 老闆娘話，豬肉餡比雞肉餡多湯汁，所以想多汁D嘅豬肉餡都唔錯🔥 芝麻花生汁好濃稠，好似食緊花生醬咁，真過癮！🥜 醬汁令餃子無咁單寡，而且份量都相當足夠🤩🤍招牌爆汁雞肉餃 （煎餃） + 蕃茄香辣汁 $45/8隻上菜後都忍唔住講左句「正啊」🤪 煎餃子金黃色表面，而且包到好滿，一睇就知道非常足料🤣 食落果然冇令我失望，雞肉餡非常惹味香口，外皮脆脆地，配埋蕃茄香辣汁更加吊味🌶 如果兩個醬汁比較，小編更鍾意蕃茄香辣汁，因為比較清新、無咁heavy🥺 不過如果食兩個餃子或以上，就一定要嗌晒兩個醬汁試試啦！…查看更多

同媽媽行過山林道，見到呢一間裝修幾靚嘅cafe，午餐Menu竟然出奇地平！💸 諗都冇諗就即刻入去試吓好唔好味🤭 不過平日去都幾多人同埋幾嘈下😅 —————🤍西班牙豬鞍扒 配 薯條 $78豬扒煮得好𣺉，非常易咬易入口，顯然無overcook👍🏻 醬汁都好濃味，一改小編對食豬扒嘅壞印象🥰 薯條份量都不錯，雖然唔係話特別香脆，但係憑性價比來講已經係相當有質素！側邊有沙律菜做配菜，比想像中呢個lunch set更豐富🔥🤍野菌忌廉意大利飯 $68（+$15 轉咖啡） 唔知大家記唔記得，小編我係唔食蘑菇的🙅🏻‍♀️ 但係呢個飯真係令我食唔停口！一個60幾蚊嘅risotto本身無特別高要求同期待，不過呢個燴飯口感過關，味道都過關！淡淡嘅野菌味，聞落好香，飯同埋菇撈埋一齊食好夾+ creamy💕 咖啡雖然要加錢，但係甜度剛好，Latte嘅layers都好明顯，好飲啊😋 而且杯身係用鐵設計，keep到咖啡溫度凍冰冰🧊 …查看更多

今次我地就嚟到旺角快富街嘅呢間拉麵店，雖然呢到唔喺旺角嘅中心地帶，但係因為呢間麵店都頗有名氣😃 我地當日去都要排一陣隊。呢間店鋪日頭賣沾麵，夜晚就賣拉麵，所以大家去試嗰陣記得要睇啱時間🕰 呀！餐廳空間闊落，冇為咗坐到多D客人而格硬加多D枱，所以我地坐得好舒服😚 而餐廳嘅牆壁貼滿唔同日本動漫產品，入到去就好似去咗日本🇯🇵旅行添！鍾意動漫嘅你一定唔可以錯過喇🤩——————🤍 魚介豚骨焙煎黑芝麻沾麵 $85食物一上枱，我地就第一時間試吓嗰湯底。「嘩！好重芝麻味啊！」😂 唔係我地浮誇，碗湯真係超級香濃，食落去甚至比芝麻糊更重芝麻味，完全就係我地重口味之人嘅至愛！而佢地D豚肉🐖都好好味，煮得淋之餘索哂湯底嘅精華，非常入味。而另一樣小編最愛嘅，就係溏心蛋喇🥚 作為配料一流；而唯一挑剔嘅，就係塊紫菜唔夠新鮮，唔夠脆喇🥲🤍 魚介豚骨蕃茄海蝦沾麵 $88呢個沾麵同上面嗰個嘅配料一樣，只係湯底唔同，不過相比芝麻湯底，呢嗰蕃茄湯底嘅蕃茄味🍅就唔太突出喇，反而蝦味🦐就非常濃烈，飲落口有d似龍蝦湯🦞雖然嗰湯冇乜蕃茄味，不過湯底都係熬得好濃，整體都係好味嘅✌🏻最後就講吓嗰麵底，烹調時間啱啱好，夠哂煙韌，不過最想反而係佢嘅份量！餐廳講明佢地嘅份量係一般拉麵🍜店嘅1.5倍😮所以我地當日都食到非常飽，如果大家都唔係好大食嘅，建議嗌少麵就啱啱好！…查看更多

平時喺樂富好少搵到高級嘅餐廳，今次終於search到一間日本西餐，有期待已久嘅pizza💕🍕 入到餐廳，舖位比想像闊落，裝修走文青路線，令人感覺非常舒服😻 座位不少，驚冇位嘅都可以上網訂咗位先🔥—————🤍Prosciutto Arugula （Pizza) $168巴馬火腿火箭菜（薄餅）有無人同我一樣好鍾意食Parma Ham？🥺 見到Menu有，一定要試試佢嘅！ Pizza好大塊，火箭菜堆到成座山咁，火腿都好大片🥵 火箭菜味好突出，稍嫌個Pizza有Ddry，芝士做唔到拉絲嘅效果，麵包底好厚，share食都非常夠飽😅🤍Truffle Fries $88黑松露炸薯條有黑松露忌廉醬嘅薯條係特別好味😋 cream sauce 上碟有大大pat黑松露係面，個醬凍凍地、薯條則係新鮮炸起，令人食唔停口🤭 薯條粗身，如果個皮炸得再脆D會更正，不過份量來講都值得欣賞嘅～👍🏻🤍Signature Tiramisu $55招牌提拉米蘇唔洗講都知tiramisu係女小編近期最愛！💕 呢到嘅tiramisu係杯裝，似乎係一早預備好同雪左🧊 Cream同個cake都非常出色，軟熟+濕潤，不過覺得酒味同咖啡味可以再多D，感覺過甜🤪 整體都係非常好食，始終甜品都係令人冇乜抵抗力🤩 …查看更多

好耐無來過Moko，唔想食foodcourt，有D咩地道嘢可以試下呢？ 同爸爸來到，因為佢鍾意飲羅宋湯，一於就試下呢間羅宋湯專門店😻 聽落個名好過癮，係咪真係咁Pro？！—————🤍秘制醬油撈麵套餐 $85 （海派羅宋湯 + 手打烏冬 + $2 自家製麻辣醬+ 溏心蛋）羅宋湯無失望，有牛腩大大舊、有蔬菜，非常足料💕 湯面有牛脂，淡淡油香，牛腩煮得好冧，個湯應該慢火熬過，夠濃味啊🔥 撈麵比想像好食，本身以為揀烏冬會中伏，點知食落又幾好食喔！面頭好多蔥同蒜，係小編最愛🥺❤️ 烏冬幼身，彈牙，撈埋醬油同麻辣醬好惹味，係有D辣嘅（鍾意食辣嘅必加麻辣醬🌶）～ 溏心蛋有一隻（圖得本隻因為同人share左），相對唔抵，下次可以試下雞絲🤩…查看更多