3guys的個人專頁

有時食壽司平又唔好食，貴又唔捨得食。今次食哩間我自己真心覺得物超所值。🍣特上壽司拼盤 $250特別要講以下哩幾款壽司，真係好出色。🐚赤貝壽司：赤貝味道好鮮好爽口，味道一啲都唔腥。🎣左口魚壽司：左口魚唔係到到有，而且壽司仲有炙燒過，逼曬啲魚油香出黎，入口更加香更好味。🧽海膽壽司：海膽真係要新鮮先好食，雖然呢今次嘅海膽唔夠鮮甜，但海膽味依然十足，齒頰留香。🍣拖羅壽司：拖羅壽司係最期待，拖羅入口即化，全部魚油喺口入面溶化，未到好鮮仲帶甘香。🎈三文魚子壽司：三文魚子壽司口感好好，佢粒魚子喺口裏面爆開，味道非常豐富令人回味。🐠吞拿魚腩：魚肉同飯嘅比例啱啱好，魚肉嘅鮮甜配壽司醋飯，真係一絕。其實其他壽司嘅表現好好，但以上壽司嘅味道特別令我印象深刻🤤📍 雲壽司 (聯成商業中心) (銅鑼灣)銅鑼灣謝斐道506-508號聯成商業中心地下B號舖…查看更多

天時暑熱😮‍💨，冇乜胃口就打算整碗蕃茄通清新啲開開胃為啦，點知除咗蕃茄通之外仲有意外收穫 ～😍😍🐣鴛鴦雞扒番茄螺絲粉$65上台已經見激濃嘅蕃茄湯，蕃茄味夠晒香。入口唔會太酸，有甜甜地嘅味道，配上棉滑炒蛋非常之吸引。螺絲粉給曬茄汁濃湯，每一啖都享受。雞扒好大塊，令人好滿足。外皮香脆內裏多汁，啖啖肉非常Juicy。🤩🤩🐷西班牙伊比利亞黑毛豬芝士漢堡 $155我話嘅意外收穫就係呢個漢堡，一般食漢堡都係用牛肉，但呢間餐廳選用黑毛豬做漢堡扒，肉質紮實彈牙，非常juicy令到口感唔會太乾。加上漢堡醬汁調味啱啱好唔會太咸，令漢堡風味提升。😘PS. 個日去食仲唔洗排隊添呀😆而且餐廳上菜都好快好有效率 👍🏻👍🏻二個人食只係需要大概$100左右🥰#寶琳美食#伏遊寶琳📍 蕃滿門 (將軍澳)將軍澳貿業路8號新都城中心1期2樓256-258號舖…查看更多

平時食水煮魚，多數都係配菜多過魚，辣度又唔夠，食完都唔過癮。但今次呢間又用靚魚，份量又多又夠辣，真係忍唔住同想老細講：「你真係好多魚呀」～🌶水煮龍脷柳 $71 +🐟大波波魚蛋 $6魚肉採用龍脷柳，肉質紮實彈牙，入口滑溜，魚味十足非常吸引。配菜係洋蔥同芽菜，吸收晒所有嘅辣味，爽脆多汁辣得過癮。湯底選用雞湯製成，辣道偏麻，勁過癮。大波波魚蛋非常彈牙，同樣吸收晒辣湯嘅精華，入口魚香四溢，送飯送湯都一流呀。#鰂魚涌美食 #伏遊鰂魚涌📍 紅館 (鰂魚涌)鰂魚涌海堤街18-22號地下D10號舖…查看更多

The salted pig係招牌菜式而聞名，會選用豬嘅最好部位 確保用優質同埋新鮮嘅食材製作食物。😆😆🐖Piggy Meat Platter $198見到有咁豐富嘅Set就梗係要叫叫佢啦。隨餐仲可以揀多款小食/沙律或餐湯。我就叫左個Mini Snack Platter，成個拼盤有雞翼，迷你豬骨同魷魚圈，坦白講炸嘅小食黎講，水準就唔係特別高，但附上嘅醬料加分好多，鹹鹹甜甜嘅味道，開胃又解油膩感。而主角Piggy Meat Platter真係好吸引，先有一隻脆皮無骨豬手，燒豬腩豬，蘇格蘭蛋同伴碟薯條。豬手同燒豬腩肉都有好高水準，肉味香得得黎口感又唔油膩，不過最靚我驚喜嘅係蘇格蘭蛋同薯條，蘇格蘭以豬肉包住雞蛋去炸，外面鹹香脆，入面仲流心蛋真係好正，而薯條都係一樣激脆，但唔同嘅係佢吸引左豬肉嘅肉味，又脆仲帶甜，食到停唔到口。🐂Slow Cook Veal Cheek $198哩個set就揀左跟餐湯，餐湯係南瓜湯，湯質地好綿密，南瓜又濃仲好香甜，真心好飲。而慢煮牛臉嘅真係好令我印象深刻，完全牛肉可以咁腍但又咁香牛味，個人係幾喜歡個種牛味，但可能會有朋友仔覺得騷，要自己衡量啦🍇Pink Piggy $68哩杯飲品有好重嘅石榴味，味道微酸有少少澀，開胃解油膩都係唔錯嘅選擇。🍍Tango $68而哩杯則比較香菠蘿同西柚味，同樣微酸微澀，但加左梳打水令飲品更清爽。#葵芳美食#伏遊葵芳📍The Salted Pig (新都會廣場) (葵芳)葵芳興芳路223號新都會廣場5樓531及540號舖…查看更多

荃灣哩間食麻辣嘅餐廳一向都高質。近排天氣熱無乜食慾，去食麻辣野就岩曬啦～🤣🥯炸饅頭 $58已經好耐無食過炸饅頭啦。先講賣相，用船仔裝住香噴噴吧炸饅頭，既有心思又美觀，大人小朋友都會鐘意啦。饅頭炸得香脆但一啲都唔油膩，饅頭仲外脆內軟，仲有好香嘅麵粉味。咁香脆嘅炸饅頭配煉奶，童年回憶即刻返曬黎！🐥麻辣雞腎 $58唔好睇佢細細碟，雞腎可以話食極都仲有。麻辣雞腎嘅辣香味好夠，又以凍食形式上碟，爽口得黎又清涼，勁開胃。不過如果再辣啲就好啦～🌊麻辣海蜇 $58講開胃菜點少得海蜇？海蜇非常之爽口，辣味十足，再配埋青瓜絲可以話脆上加脆啦。🐠酸菜魚（少辣）$268酸菜魚我其實第一次食，因為我麻麻地鐘意食魚，但哩味酸菜魚，連唔食魚嘅我都引唔到口。酸菜湯香味十足，成個湯頭都係滿滿嘅酸菜，十分足料。魚肉片厚薄均勻，有口感又無骨，最重要又唔會腥真係好味。伴碟仲有啲水晶粉條，晶瑩剔透嘅粉條吸滿曬酸菜湯，入口鮮味爆發，真係諗起都想再食。🍛臘肉菜粒炒飯 $88本來諗住會差少少飽就叫個炒飯，點知個炒飯份量十足。炒飯炒得粒粒分明；雖然用臘肉黎炒，但完全無過多油光，反而臘肉嘅鹹香味更添風味，再有菜粒點綴增加口感，哩個炒飯真係令好滿足。📍麻辣風雲 (荃灣)荃灣海壩街108-114號荃碧大廈1樓…查看更多

滷友記一直都係荃灣人嘅愛店，近日得知佢地衝出左新界黎到銅鑼灣開分店，作為Fans嘅我一定要試下啦！🤩🤩🤩🍜招牌大滷麵 $54平時食開佢嘅滷水湯，今次決定試試佢地個麻辣，睇下咩料先。湯底嘅麻辣香味好夠，麻味偏重，因為有落到滷水湯溝麻辣所以都保留到滷水個甜味。牛肉好腍身一夾就斷，牛肉好入味。蘿蔔煮到透曬入曬味，蘿蔔都揀得幾靚有好清甜嘅蘿蔔味。陳皮魚旦真係唔係到到有，今次食到真係好驚喜，陳皮魚旦好有咬口，陳皮香亦夠濃。🍗滷水雞髀飯 $54食滷友記點都要食下佢個滷水嘅，滷水醬香味濃，味道帶少少甜，撈飯食邊有得輸？餐廳滷到成身雞髀都入曬滷水汁，好夾一撕就食到啖啖肉，不過可能滷得偏耐關係，肉質有少少老，不過都係好味之作。🐓滷水雞翼 $31滷水雞翼相信係每家每戶都會整啲招牌菜，獨特嘅滷水汁，將成隻雞翼滷到入曬味。入口一啜就食曬雞翼嘅肉，好治癒好滿足。📍滷友記 (銅鑼灣)銅鑼灣加路連山道5號地舖…查看更多

荔枝角有好多地鋪同商場美食，而工廈中除左有性價比高嘅佬飯，人氣排隊嘅台灣菜，哩間精緻西餐都值得一試。餐廳雖然地方唔大，勝在枱數更少，可以比食客在得舒服啲。🐟英式炸魚薯條 $68炸魚薯條真係不錯，因為廚房要應付嘅枱數較少，所以炸魚同薯條可以即叫即炸。炸魚嘅麵衣香脆夠薄，魚肉味道好香又夠熱。薯條每條都好香脆，薯味又夠。最正係佢嘅沙律醬，酸瓜撈埋沙律醬配炸魚同薯條都好夾。🥩澳洲肉眼扒8安士配薯菜 燒汁 $168哩塊肉眼扒感覺唔只8安士，牛扒好厚身，牛味好濃。五成熟煎得岩岩好，外面香脆入面軟熟多汁，真心不錯。🍎玉桂蘋果班戟 $68玉桂配蘋果就幾時都咁夾架啦，班戟除左有熟蘋果外，廚師仲將佢壓去泥當果醬咁搽，香甜而且清新，食完肉食哩款甜品中和一下就岩曬。#荔枝角美食 #伏遊荔枝角 📍INN - I’m Not Nothing (荔枝角)荔枝角長沙灣道883號億利工業中心2樓203號舖…查看更多

店員真係好好人，又好詳細為你介紹蛋糕，入盒前仲幫你切好曬，方便曬同人share 食啦～😆😆🍰原味蛋糕 $30蛋糕味好香好吸引人食慾。入口口感好札實，有少少濕潤度唔怕食到咳。🧐🍰棗蓉蛋糕 $37.5未食已經聞到好香甜嘅紅棗味，仲夾雜住蛋香味。入口感覺到好棗蓉係口入面，好香甜好好味。💗🍰無花果蛋糕 $37.5無花果我好少食，但無花果配蛋糕真不錯。無花果醬好平均咁搽滿成個蛋糕，不錯不錯。💗💗💗🍰紅豆蛋糕 $40紅豆蛋糕有啲似食豆沙包，味道唔錯嘅，只可以紅豆蓉有啲少，多啲就滿足啦。😘😘⭐️⭐️後記：鋪頭有得鴛鴦味咁買，而價錢就係一半一半咁計。😉#天后美食 #伏遊天后📍 Mr.W 即烘蛋糕 (天后)天后電氣道67號地下D號舖…查看更多

哩間餐廳真係好好味，成個日本feel出曬黎，唔係見到街邊嘅紅色的士嘅話，真係有刻覺得自己去左日本。🦀明太子蟹肉忌廉意粉 $118成個意粉嘅忌廉味好濃郁，意粉軟硬度岩岩好，唔太難咬。成個醬粉都掛曬上意粉到。再配上明太子同蟹肉增添返啲鮮味，真心好好食。🍙日式全日早餐 $148如果我早餐可以有咁豐富就好了。大大個飯團好睇又好味，飯團可珍珠米整成，再微微燒過皮面令醬香味再提升。野茶煮物又腍又入味，其他好似油揚溫泉蛋同豆腐都有唔錯嘅水準。🍇巨峰乳酸梳打 跟餐+$8 最欣賞係巨峰味道溝得均而且甜度岩岩好，飲一啖gur曬啦。🥤荔枝紅茶 跟餐+$8 紅茶味夠清新，荔枝味夠曬出，入口有種清新解渴嘅感覺🥰#天后美食#伏遊天后…查看更多

中環一向都多野食，但普通都比較貴。我地偶然嘅機會下，收到風係蘭桂芳竟然有間CP值高嘅串燒店，咁就真係要睇下咩料啦。🌟🍚泰式串燒配炒飯夠雜菜 $66喂，正喎有炒飯有串燒都係$66。串燒有基本嘅豬牛雞，全部都夠曬入味又無燒到過曬火，配上特製嘅沙爹醬，真係好滿足。炒飯係印尼炒飯，所以調味更重但非常惹味，而且份量又夠多，飽肚又抵食。🥩泰式青咖哩牛腩飯 $66青咖哩亦唔錯。青咖哩嘅椰奶味偏重，所以唔會好辣，仲微微有啲甜味添。牛腩大大舊又夠腍身，牛腩仲吸收左青咖哩嘅味道，送飯一流啦。🥓泰式酸辣豬頸肉沙律 $65泰式沙律同我地平時食開嘅沙律唔同，佢地會用西芹，洋蔥等食材整作，如果唔食草青味嘅朋友要留意啦。但酸辣同豬頸肉就非常高質，雖然酸辣但味道好清新又開胃，豬頸肉大塊又夠厚身，正！💗😆 然後就要講講主角串燒啦！🐥雞中翼$22: 雞翼夠曬大隻，雞皮香脆雞肉多汁，配祕製酸辣醬，非常吸引。🐠泰國魚餅$25魚餅好有扎肉嘅感覺，啖啖肉幾好味。🐷燒豬頸肉$22燒豬頸肉帶微焦，入口好爽口，焦香配酸辣味道好有層次。🐥雞肉$18雞肉真係我最愛，醬香味濃肉質札實，但個人認為配沙嗲配過酸辣醬。🥩牛肉$18牛肉都唔錯，表面微焦，牛味夠香，口感偏爽口但唔韌。🍍燒菠蘿$22菠蘿的確夠強，菠蘿燒完仲好腍好多汁，表面焦焦黑黑嘅賣相好吸引，入口暖暖地菠蘿爆曬汁，真係印象深刻。🥥龍眼冰 $25龍眼冰有好多龍眼肉食，龍眼水嘅果味好重，但同普遍東南亞飲品一樣，味道較甜，但食完熱辣辣串燒飲返杯冰涼飲品都咪話唔爽。#伏遊中環#中環美食📍Grill ขุนทอง (中環)中環和安里1號地舖…查看更多

不得了不得了，一間餐廳除左招牌滷水外，炸物都一樣咁高質，問你點會唔去食？😝😝🍜滷水三拼麵（蘿蔔，豆腐，牛肚）$47先講湯底，滷水味道好突出，色澤又夠深，味道帶微微甜但一定都唔會過鹹。米粉吸引曬滷水湯，非常入味。蘿蔔滷得夠腍又無渣，豆腐滷過帶醬香味，牛肚入面爽脆，大大碗都係$47，勁抵食！🍜滷水三拼麵（豆腐，牛肚，雞腎）$47剛剛講話豆腐同牛肚非常入味好食外，雞腎都有唔錯表現。雞腎完全無腥味，夠入面又夠爽口，正！🍢椒鹽炸墨丸 $19墨丸爽口彈牙再灑上椒鹽，又香又好味。最緊要配埋餐廳祕製嘅蒜辣醬，好味程度大提升。🐣生炸巨型雞髀 $29雞髀的確夠曬巨型啖啖肉，雞皮炸到薯片咁脆，炸完又唔會嚡。最細心係幫你斬埋件上唔會食到論論盡盡，抵讚。#荃灣美食 #伏遊荃灣 📍滷友記 (荃灣)荃灣西樓角街170-184號華都中心1樓44號舖…查看更多

段純貞一直都係我愛店，每次去台灣旅行都要預留一餐去食段純貞，依加佢終於黎香港，我亦終於食到啦。🤤🌶紅油抄手 $48一來先比佢咁大碟野嚇親，因為上面鋪滿芽菜，芽菜夠曬爽口，配紅油辣汁非常開胃。抄手共有六隻，每隻份量都唔細，內餡亦夠曬足料。不得不讚下佢個紅油醬，夠香得黎帶微微麻辣，好正！🐮麻辣嫩五分牛肉麵 $84湯頭濃郁辣香味非常吸引，辣度偏多麻少辣。我揀左手工麵，麵偏厚身亦有咬口，飽足感十足。嫩牛肉真係好嫩，因為牛肉切得薄，所以嫌太生可以再用湯底再煮熟啲。牛肉肉味濃，口感嫩滑。🐥蒜香手撕雞乾拌麵 $78乾拌麵認真不錯，唔會太乾所以完全撈得均。除左蒜片外仲有好多脆花生撈麵，增加口感層次。手撕雞又夠多，雞肉味香但不會嚡。但個人亦為麻醬味太重，有少少蓋過蒜味，但仍然係好味之選。🧋胚芽珍珠奶茶 $28珍珠奶茶係好飲嘅，茶味香濃，珍珠亦香甜有咬口，只可惜我飲唔出胚芽味。🍹香芋珍珠奶茶 $28岩岩都講過佢珍珠同奶茶表現係唔錯嘅，但香芋奶茶就真係有改善空間，芋香味唔夠，只有色無味，就差少少啦。#荃灣美食#伏遊荃灣 📍段純貞牛肉麵 (荃灣)荃灣楊屋道8號如心廣場1期1樓105-107號舖…查看更多

話說有晚食飯見到Drink menu 有星爆氣流斬，出於技癢我就想試用十秒時間飲曬杯野佢....但結果...唔太成功。🥺🤣🤣🍝黑松露牛肝菌醬卡邦尼諗粉 $98意粉醬的確唔錯，黑松露夠香但同時無搶走哂忌廉味，醬汁夠濃厚仲好掛麵呀。意粉係屬於闊身意粉，熟度適中口感唔錯！！！！！😘😘🐷焗秘製豬仔骨 $128豬仔骨味道好好，燒烤醬味又香又濃，雖然豬仔骨嘅份量較細，但係仍然啖啖肉㗎。伴碟仲有薯條，薯條即叫即炸，仲有包到少少麵衣炸，食落比普通薯條口感更豐富。🐥芝麻雞翼 $40雞翼真係我最愛，好有兒時去食茶記雞翼嘅味道，炸得香脆又有肉汁，雞翼大隻又唔難咬～🥂海鹽櫻花奶昔 $47以奶昔黎講味道合格，質地阿綿密亦飲得出海鹽味，但櫻花味就比甜味蓋過，略微失準。🧐🥂星爆氣流斬 $45哩杯飲品配合哂動畫劍影呃嘅藍色調味，入口有啖啖嘅波子汽水味同忌廉味，酸酸甜甜，勁膩又解渴🥰。#尖沙咀美食📍JUST'er Bar & Restaurant (尖沙咀)尖沙咀山林道13號地下A1-A2號舖…查看更多

平時都唔會特別去石門覓食，但今日一去先發現已變身美食商場。仲發現一間極足料嘅手搖飲品添～😆🍓士多啤梨冰茶 $38未飲之前已經感受到佢滿滿啲士多啤梨果肉，入口果味仲更加豐富，士多啤梨嘅微酸配黑糖水晶，酸酸甜甜好解渴。黑糖水晶真係好正㗎😍😍🍑白桃冰茶 $40呢一杯我一直都好期待😮😮飲咗第一啖，真係未飲過咁重桃味嘅冰茶，因為店員用左一整個蜜桃做，淡淡蜜桃香甜味，配黑糖水晶真係無得輸。😌#石門美食 #伏遊石門📍November (京瑞廣場) (沙田)沙田石門安群街3號京瑞廣場一期 2樓279號舖…查看更多

真係無誇張，我覺得呢間小餐廳嘅質素甚至比大型嘅連鎖西餐更加好食，真係可以話大隱隱於市。🤩🦀西班牙龍蝦海鮮飯 $148上枱應該比佢隻龍蝦吸引咗眼球，海鮮飯仲好多唔同海鮮包括青口，大蝦同三文魚，海鮮嘅質素唔錯，完全冇腥味。海鮮飯嘅份量亦好足，飯粒粒粒分滿又飽滿，好有海鮮嘅鹹香味。即使係一人份量都足夠兩個人食。🐷蘋果肉桂燒烤醬焗豬肋骨 $168喂喂喂，$168有咁大份豬肋骨我就覺得物超所值啦。豬肋骨充滿燒烤醬香，蘋果肉桂醬獨特嘅甜味更帶出豬肉嘅香味，惹味又開胃。肉質更爽但唔韌，帶少少肥肉更有口感。睇吓仲配連薯皮嘅薯條，香脆而且薯香味十足。🍍菠蘿冰 $22菠蘿冰都唔錯，甜度適中又夠大杯。嘅菠蘿熟道剛好，好易咬。📍Food Combo (屯門)屯門鄉事會路88號The Parkville地下6號鋪…查看更多