estherchanovo的個人專頁

因為太耐冇食放題，咁啱經過銅鑼灣廣場一期見到極尚大喜屋，午餐食放題又最抵，就即刻入左去。雖然午市人好多，但我兩個人竟然坐到張四人枱，夠晒我哋一枱都滿食物都仲有位剩。差唔多成年冇食放題，而家唔再寫紙仔，都係手機落單，有圖片睇到實物，方便快捷！大大個雪櫃裝住好多種飲品，有凍有熱，一定有一款啱你刺身係必叫的，上菜速度好快，全部都好新鮮，尤其係虎蝦、甜蝦同吞拿魚，鮮味好足，encore左兩次壽司方面，試咗平時好少食嘅左口魚同炙燒牛肉，唔錯唔錯羊架、芝麻雞翼、燒翠玉瓜，全部即叫即燒，小菜炒鱔小食唔夠飽，仲叫咗牛肉壽喜燒，上菜時有隻生雞蛋，攪勻同牛肉一齊食濃味好多值得一題係除咗手機落單，外面仲有半自助攞嘢食，甜品、自製麵豉湯、炸物、新鮮菠蘿汁，最重要係清酒任飲！！…查看更多

地點係希慎11樓，方便就唔多講。MTR都唔使出室外都可以到到。間野係food court 入面，好多位，除左嘈少少，都係坐得舒服既！星期日黎都唔使等位。 我叫左A餐同G餐，特級滷水鵝皇飯，裡面有鵝片、鵝骨、鵝肝、鵝腸、鵝蛋，飯量十足，多到我都食唔哂⋯佢仲有得跟湯，野飲我揀左豆漿！我其中一個好鍾意呢間餐廳嘅原因，係因為佢哋嘅材料都唔會好重口味，好友屋企住家飯嘅感覺。平時出街食飯，味精都會好重，好少何可以遇到食燒味嘅，味道會好香，但又唔係特別重口味，食完都唔會覺得好流。另外仲叫咗一個滷水雙拼飯，揀咗豬大腸同埋腩肉，栽培多咗個菜食。係呀一樣，都係份量好多，非常適合肚餓又或者胃口大嘅你！我佢哋嘅用了都食落好新鮮，唔似係冰鮮或者隔過夜嘅肉，而且佢哋準備嘅時間都好快，等足5分鐘左右就搞掂兩個飯俾我。我下次都會再返黎食，因為我覺得佢價錢合理，而且性價比高～食完都唔會覺得好唔健康，舞友家常便飯嘅感覺。大家如果經開銅鑼灣，可以試吓！我仲發現咗，如果下午茶時段，兩點半到六點去食嘅話，可以享有八八折優惠！我嗰陣6:15去，就冇得享有呢個優惠，下次可能早少少去，哈哈。…查看更多

今日夜晚放工嚟到公司附近位於北角和富嘅日日香鵝肉飯店，其實之前中環食過一次，喺銅鑼灣希慎廣場又見到已經好想試，只係好多人排隊無機會，今日見到仲有位就即刻入咗去食。交通尚算方便，巴士同地鐵都係行5分鐘內就會到。環境都十分乾淨，非常值得一提嘅係餐廳本身嘅設計非常用心，有好多燈牌做裝飾，而且風格一致，整體感覺好似真係地道嘅滷味，氣氛感覺幾好，再加上侍應禮貌都幾親切，加分！最後睇完餐牌，決定試下個二人餐！佢包兩個小食，兩碗例湯，兩碗飯，一碟菜，野飲加$8，同埋佢地最有名既鵝肉！！都好抵食個餐。整體黎講，可以話好有屋企飯既味道，而且味道唔會太重，因為我通常都好怕出街食會太咸，但呢到剛剛好。佢最好食一定係鵝肉唔使講，肉質鮮美多汁，同埋感覺好新鮮。整體黎講我會俾90分，值得一試，而且我會返去再食😝…查看更多

呢間餐廳真係好得意，咩都叫麻麻哋、是但啦或者求其是但。當你望住餐牌唔知叫咩好嘅時候，真係可以揀個是但求其選擇，餐廳就會為你準備好佢哋當日嘅Menu餐廳設計好七彩繽紛，好似去咗冒險樂園咁明太子薯條🍟細size都好大份，仲好熱好脆，明太子都好大兜，唔使慳住食，點薯條食真係好夾提拉米蘇聽過未🍹提拉米蘇就聽過食過，但就未飲過，估唔到提拉米蘇味嘅飲品到一樣咁好味，有少少似豆漿添素食沙律🥗扮吓健康先，但係佢啲水果真係好新鮮，莓完全唔會酸，仲好甜添紫薯窩夫🧇自家製紫薯醬、紫薯用、雪糕、奶蓋，味道一啲都唔啱玩的，係一流😙窩夫中間仲有mochi,煙煙韌韌，紫薯味同樣香濃，配上淡淡的雪糕加奶蓋，未到平衡啱啱好…查看更多

好耐冇食燒肉啦！見呢兩日天氣涼左，就好想食燒肉雖然嚟過幾次，但係都未試過佢全部嘅肉，所以今次就專食牛肉同樣，餐廳闊落，水泥色設計，好似身在韓國一樣😊前菜生菜任食任添，服務員好識做，見到你食晒就會自動幫你添加。爐邊蛋亦可添加，有加泡菜或者芝士可選擇。豬油開鑊，聽到‘滋滋’聲就代表個爐夠熱，豬油燃燒緊，可以開始燒肉啦特級牛頸肉🐄厚切，牛味濃郁，脂肪少，唔會好難咬，啖啖肉真係好正，包住泡菜食到好夾牛舌👅只係一百幾蚊，就有一大碟牛舌。每邊燒5秒已經食得，冇腥味，口感柔軟，建議可沾少少鹽一齊食，味道好夾海鮮牛胸肉大醬湯🥘大醬味好濃郁，材料豐富，蜆肉、半隻蟹仔、牛胸肉、豆腐等等，一啖湯一啖燒肉，一邊食一邊消濟…查看更多

旺角嘅餐廳又多一個選擇，就係呢間新開嘅壽司店。雖然舖頭入面唔大，但都坐得好舒服，質素都相當高招牌嘅玉子，食落唔太甜，味道適中。鵝肝壽司，唔會太油膩，鵝肝味好濃郁，入口即溶。海膽壽司、拖羅壽司、甜蝦壽司、火炙三文魚壽司，落單之後，師傅係你面前即刻做。仲有我最鍾意嘅左口魚壽司，輕輕燒一燒，帶出煙燻嘅味道真係好吸引。呢度啲壽司全部都好新鮮，好甘香，食過返尋味。仲有刺身、手卷等都好值得試下。最重要係價格適中，雖然唔係高價位嘅壽司，但就食得出高價位壽司嘅味道:)…查看更多

今日去開中環，行過呢間專賣鵝肉嘅飯店，門口玻璃已經望到好吸引又新鮮嘅滷味，就直接行咗入去。真係好耐冇食過正宗潮州滷水，特別係滷水鵝，鵝頭、鵝頸、鵝腎、鵝掌、鵝翼等咩都有。我哋叫咗午市套餐嘅金牌滷水鵝片飯&滷水雙拼飯（豬耳/豬大腸），附送咖啡或茶，仲可以加錢轉例湯。呢度嘅鵝肉果然好正👍🏻一啲都唔油膩，味道好正宗，直程同我去潮州時食嘅滷肉一樣味道仲好足料添，有魚片，配潮州嘅榨菜，酸得來又甜甜地，鵝片點埋餐廳特制嘅蒜蓉醋同滷水汁，真係一流！雙拼飯嘅豬耳同豬大腸都好值得推介，豬耳脆爽彈牙，豬大腸口感嚼勁，唔會好硬之餘，味道濃郁…查看更多

今日去北角附近搵朋友，咁岩又見到呢間上海菜，就行左入去。食上海菜當然唔少得小籠包，啲皮好薄，直程見到入面啲湯，點埋醋黎食真係一流。糖醋魚塊既魚好滑，皮都好夠薄，上菜時仲好夠熱，即叫即炸。仲叫咗餐廳推薦嘅奶油津白、蔥爆豬頸肉，豬頸肉好夠薄，包住薄餅黎食真係好夾😋當然唔少得上海粗炒，好夠穫氣，味道好夠，唔會太濃或太淡。仲有我最鍾意食用腐皮做嘅素鵝，簡單精緻嘅一道涼菜最重要係價錢非常之親民！我大家想食高質素嘅上海菜，又唔想太貴既話，呢間真係一個唔錯嘅選擇。仲有好多其他特色菜都未試過，一定要再嚟過！…查看更多

上班時已超級肚餓嘅我不停諗住今日要去食! 韓! 式! 燒! 肉! 即刻就打比我個friend 好快就約左佢去呢間超人氣燒肉店 -喜來希肉。佢地入門口新開左一個小食店，入面有韓國入口嘅特色小食，你諗到嘅都可以係個度揾到，食完燒肉唔夠喉，就即刻可以到樓下將韓國「帶返屋企」。入到食肆都係一如既往嘅Welcoming, 由韓國日講住韓文歡迎你, 加上室內裝修佈置，其實真係令人好似身在其韓國咁。今次我哋燒肉就試左牛排，五花腩，又叫左海鮮煎餅同牛骨湯。熟食無太大驚喜，但屬於好味水平。但燒肉就醃得好入味，夾住生菜、蒜同泡菜一齊食，每一口都係好味到「唔」出聲。最後點少得爐邊蛋！幾飽都要添，食多都唔收錢！…查看更多

行過見到呢間入口好隱蔽嘅餐廳，就知一定有驚喜果然不出我所料，呢度環境闊落，坐得好舒服。我哋兩個人叫咗慶州豚肉的神話套餐，都只係$498。呢個餐差唔多咩肉都有，仲有海鮮添。牛小排、五牛花、牛舌、護心肉、五花肉、雞肉、大八爪魚，唔太大食既話，真係3個人都夠食，仲包多2杯特飲，我們都叫咗柚子檸檬梳打，一啖燒肉一啖梳打真係絕配前菜（除沙律）& 爐邊蛋都係任食佢嘅五花肉唔會太厚，仲有認定証😊，介紹翻五花肉嘅產地同質素，每邊煎2分鐘已經食得。塊豬油仲要係小豬嘅形狀，真係好得意，又唔捨得燒咗佢😅不過我最鍾意都係佢塊牛舌，好新鮮嘅牛味，每邊煎10秒就已經食得，唔包菜直接食就可以試到佢最新鮮嘅味道其餘嘅肉類都好新鮮，最令我驚喜嘅係佢啲南瓜真係好甜，好想食多幾塊。至於花菇，煎到差唔多熟時點d豉油再煎就會變得甜甜到，不妨試吓呢個食法…查看更多

今日經過尖沙咀金馬倫道，見到呢間細小嘅壽司店，原來係Omakase!地方細小，好似真係去咗日本嘅壽司店咁。枱前面有麥茶/玄米茶，幫助消濟。今次叫左幾款唔同嘅壽司，最特別係每舊壽司飯都係豉油飯，唔使點豉油已經夠晒味蟹棒蟹糕海鮮味同蟹肉味都好濃，而蟹糕唔會搶晒啲本身蟹肉啲鮮味辣吞拿魚雖然佢話辣，但係唔會好辣，只係食到少少Wasabi味，唔錯炙三文魚箱押壽司好有炙燒既味道，飯入面仲包咗少少三文魚，好足料赤身赤身魚係屬於與背嘅部份，佢嘅脂肪量唔多，肉質夠實，不妨試吓中拖羅俾佢嘅粉紅色吸引住，雖然佢脂肪比例較高，反而佢啲脂肪帶出好鮮嘅魚香味，口感適中，真係入口即溶咁焦糖玉子即叫即燒，上面嗰層焦糖仲脆仲熱，而玉子就係凍嘅，好似焦糖燉蛋咁好味兒家食晚餐仲有折添Dinner - order dinner omakase, enjoy 15% off. 所有優惠只係適用於鮨廷會員，只需要提供電話號碼，就可以即刻做會員啦~…查看更多

上網見到呢間樓上Cafe環境唔錯，就想去試下。呢個地方超夢幻，一入門口見到一幅充滿粉紅色花嘅牆，超級受女生歡迎，即刻打個卡先位置方便，地方雖然唔大，但花係裝飾佈置優雅，氣氛都好舒服，佈置精緻，好有心思，可以俾我喺呢度享受一個休閒嘅下午仲有小貓陪伴，舒服到瞓着咗~蒜香菠菜奶油蝦肉長通粉～🍤呢個長通粉除咗賣相一流，味道都唔錯！我仲叫店員加咗多啲芝士粉喺上面，足足有三大隻蝦，材料豐富，蒜香味好濃郁，奶油好creamy。食完怕膩嘅我哋仲叫咗一杯紅茶解膩～…查看更多

全港首間自助點餐既餐廳，只要你唔係現金付款，就可以直接坐埋位，自己點餐，隔離就係卡機可以俾埋錢，完全唔使郁，Apple pay, FPS, 八達通咩都有，超級方便。食台式嘢一定係叫牛肉麵。～招牌牛肉麵～牛肉好大份好足料，又有牛𦟌又有牛根，麵種可以揀細麵或者粿條，湯底都好濃牛味飲品就叫咗黑米豆乳，冰量同甜度完全可以自己揀，好似台式珍珠奶茶店一樣，我叫嘅呢杯就好濃豆漿味，又有黑米甜甜地，好似食緊糖水咁朋友就叫咗～高麗菜豬肉水餃湯麵～麵種都都可以揀，餡料好滿，面嘅硬度適中，味道唔會太鹹，水餃好好味仲加咗紫薯芋圓牛乳， 底下有溶左既紫薯，又有珍珠，真係好抵！…查看更多

我又嚟啦～呢度嘅環境真係好唔錯，空間好寬敞，一啲都唔黑的。午市行入嚟嘅時候，人流一般，所以都唔使話要等枱。感覺係好傳統嘅韓國餐廳。我叫咗個辣嘅五花肉，同埋喜來燒肉，兩種都好香，好入味。仲叫咗一個人蔘雞湯，超好飲！個湯煲得實在係太好味，飲完之後好想再叫多一碗。飲品方面，我叫咗芒果梳打，喺而家咁嘅天氣，飲呢一種飲料真係好正，佢唔會好甜，味道好適中。而佢錢財方面，有泡菜，同埋一啲醃咗嘅蔬菜。枱上面亦有提供濕紙巾同埋消毒酒精，防疫做得好夠。店員亦都好有線，會主動過嚟幫你。呢個地方好適合二至四個人一齊嚟，坐低傾吓計，笑吓嘢食，飲吓嘢，真係好舒服。有機會，我會再返去食。…查看更多

第一次嚟呢間食，環境好舒服，亦都唔難搵。叫餐可以用QR code，今次我叫咗一個藥膳雞湯面，一個酸菜魚麵，麻辣燒賣，同埋菜苗蝦餃。酸辣魚午市套餐既set，真係好正，雖然佢有少少辣，但真心好正。藥膳雞湯識落好清淡，感覺好健康，如果鍾意食清淡口味既話，可以試吓。佢個甜品都好唔錯，叫咗一個薑汁布甸，同埋四川冰粉，味道好有特色， 10分推介。擺碟好靚，同埋上餐時間都幾快，員工亦好友善，價格亦唔會太貴。有機會要去試下啦！…查看更多