仙味凡香 (已結業)

全港首間自助點餐既餐廳，只要你唔係現金付款，就可以直接坐埋位，自己點餐，隔離就係卡機可以俾埋錢，完全唔使郁，Apple pay, FPS, 八達通咩都有，超級方便。食台式嘢一定係叫牛肉麵。～招牌牛肉麵～牛肉好大份好足料，又有牛𦟌又有牛根，麵種可以揀細麵或者粿條，湯底都好濃牛味飲品就叫咗黑米豆乳，冰量同甜度完全可以自己揀，好似台式珍珠奶茶店一樣，我叫嘅呢杯就好濃豆漿味，又有黑米甜甜地，好似食緊糖水咁朋友就叫咗～高麗菜豬肉水餃湯麵～麵種都都可以揀，餡料好滿，面嘅硬度適中，味道唔會太鹹，水餃好好味仲加咗紫薯芋圓牛乳， 底下有溶左既紫薯，又有珍珠，真係好抵！