幸平創真的個人專頁

呢間一齊好出名既日式吉列料理，咁耐以嚟，我都食咗不下十次，但食物質素一直都能夠保持水準，我一向叫二人餐，價值約6百幾，套餐有前菜，味噌湯，三文魚刺身，吉列豬扒，吉列豬柳，吉列大蝦，吉列帶子，飯後水果，兩杯飲品，相當豐富，物有所值。叫完菜後，職員會拎來芝麻同木樁，方便磨碎，一陣加入豬扒醬一齊食。而店舖內亦提供柚子醬，紫菜汁，一陣可以食椰菜絲時攪拌食。上菜後一大盤吉列炸物放左面前，場面相當震撼，盤內附有粗鹽，芥末，他他醬及咖哩汁。炸至金黃的豬扒，豬扒肉味香濃，有肉汁，乾身不油膩，炸粉厚度適中，脆香酥化的炸皮。肉質挺有彈性，更饒富香甜的肉汁，還有一些肥肉相連著，充滿著脂香。豬柳肉質鬆軟，入口很酥脆，而且不算油膩。厚身但肉質鬆香，豬扒醬及芥末加持下，更有不同味道。酸酸甜甜的豬扒醬，消化了炸物的油膩感。吉列帶子外脆內軟，帶子很大粒，肉很鮮甜，蝦啖啖肉彈牙，實淨唔會散哂，蝦味亦好濃，十分滿足！粗鹽及他他醬建議加入海鮮類包括帶子給大蝦會更新添鮮味店舖內可以無限加添椰菜絲，椰菜絲解膩，爽甜，配上柚子醬，紫菜醬汁感覺清新 咖哩汁加入白飯，可以食多幾碗，一定夠飽。…查看更多

在中環區工作，一直有留意這間拉麵店，據說這家拉麵店是是在日本大阪起家的，而招牌的鯛魚湯拉麵更風頭一時無兩。但午飯時間一直有很多人排隊，剛巧今日下午茶時間，發覺不需排隊，所以馬上入內一試。馬上點了一客招牌的鯛魚湯拉麵，以鯛魚作為湯底主要材料，並將部份湯底打成泡狀，賣相相當新解及吸晴，而且整體上給人的感到日本拉麵少有窆奢華感。鯛魚湯拉麵內除了有日式拉麵常見的叉燒及筍外，還有有至關重要的鯛魚肉碎。而當客人覺得太濃味時，碗邊附有的柚子醬可令湯底有清新感，避免滯膩。整體上，鯛魚湯足料濃厚，拉麵爽彈，138元價值的鯛魚湯拉麵絕對物有所值。…查看更多

因為係紅磡讀書, 經常會同朋友落堂去食甜品吹水, 今次黎到呢間正月十五食甜品, 滿意店既面積唔算大, 但勝在夠cozy! 幾個朋友坐低食甜品傾計係幾有feel 既好, 講番野食先, 首先自己好鍾情椰子系列甜品, 所以見到有完整既椰皇甜品就馬上點菜, 上餐時見到份量都唔少的! 桃膠幾乎多到要瀉, 哈哈!味道方面, 桃膠都軟軟的, 因為如果浸得唔多耐會太硬咬唔到; 椰子味唔算好濃, 相反蛋白味更濃D~ 而且用左3.6牛乳, 牛奶味比一般牛奶重的~點左個中式甜品, 當然要試埋西式啦~ 呢個係西瓜雪花冰:可能西瓜都唔係當造, 所以唔夠甜。但整體都不過不失~下次同朋友再食甜品都會再黎呀, 唔錯~ …查看更多

數碼港，確實係十年都未必會去一次既地方。咁啱今日想睇既戲就只有數碼港戲院先有位，所以就順便周圍逛逛同睇下有咩好野食啦！行行下見到我最愛既日本菜，環境開揚舒適，餐牌上食物種類都多而且價錢合理，就拉埋朋友坐低一齊試下。牆上掛了充滿日本風情的畫作裝飾設有壽司吧檯，可一睹壽司師傅製作壽司刺身既過程特上吞拿魚腩(AA)(1件) $88色澤均勻透亮，係上等拖羅既粉紅色澤。入口充滿油脂香味，在口腔內徘迴不息，係幸福又滿足既感覺。沒有一點筋，一咬即斷，如果可以厚少少同肥少少相信更完美。海膽壽司(1件) $42相比上面既拖羅壽司，我更愛這個海膽壽司。價錢不算便宜，但海膽份量毫不吝嗇，放入口滿滿海膽既鮮甜味道。質感非常ｃｒｅａｍｙ，一啲腥味都冇，係高質既！火炙壽司盛合(特上) $280呢個壽司ｓｅｔ超抵食，一個價錢就可以食到咁多款唔同既壽司，啱晒我呢個火炙迷！咁多款最愛火脊三文魚同火脊海膽，炙燒度剛剛好，亦冇因為係火炙類而用次等既材料。鵝肝多士 $138同朋友一人一件，我地兩個都邊食邊讚，鵝肝燒完香味四散，做到外脆內軟既感覺。大大件入口即溶一啲都唔韌，多士減低了膩感，所以整個感覺啱啱好。蟹糕炒飯 $118老實說，如圖，蟹糕份量雖不算太多，但都好夠撈勻晒成碟飯，啖啖都散發微微的蟹糕味。炒飯乾濕度剛好，不錯。當然，蟹糕多啲我地會食得更開心啦哈哈餐牌參考…查看更多

荃灣度度都係天橋，彷彿一上左天橋就能通往任何你想去既地方咁。而係愉景新城附近既某條天橋底下的角落位，有呢間Olive Cafe。由於座落於角落位，門口確實不起眼，但今晚試完令我大感驚喜。一齊睇下我今晚食左啲咩：餐湯食西餐，餐前當然必飲西湯。呢個忌廉湯香氣噗鼻，質地夠杰身，湯裡面也有充足份量的配料。加點黑胡椒碎才放進口，不錯。餐包餐包有香草醬和醋可點，我點了醋，不過麵包只是微暖，如溫度熱一點會更好。焗法式田螺，薯皮 $52和朋友叫了兩個前菜，先是這個焗薯皮，超惹味的。薯皮切割得很好，咬下去每啖都有很平均的「啖啖薯肉」感覺。裡面餡料的田螺大粒足料，醬汁很creamy，超讚！澳洲牛茄，蝦沙律 $65這個是朋友點的，因朋友是tomato lover。我自己就不太喜歡吃番茄，但都偷吃了朋友一隻蝦。蝦肉尚算新鮮彈牙，麻醬底超美味，難怪朋友誇張得想連醬汁都喝光。野菌天使麵配黑松露菌忌廉汁 $98這是另一個我很喜歡的菜式，一般西餐廳的意粉份量都較少，才幾啖就吃完。這裡意份量還好，夠一個女仔子吃飽。濃濃的黑松露味衝激嗅覺，醬汁很好掛麵，菇類亦帶鮮甜無苦澀味。烤豬勒排骨配美式露絲瑪莉春雞 $168這個豬勒骨排不過不失，吃下去沒有令有驚豔的感覺，但味道還好的。必需一讚服務員很殷勤，見我們相機吃完後就主動過來問要不要幫我們切開，太好了。豬勒骨肉質很腍，薯條是自家制的，較外面吃到的較大條，粗粗扁扁的挺有口感。榛子蘋果撻 $58甜品算了這個蘋果撻，上面洒了很多可可粉，還有一球雪糕，頗吸睛的。撻焗得香脆味甜而且甜度剛好。餐牌參考…查看更多

今日同同事去觀塘見完客，問佢附近有咩食有咩好推介，佢話呢頭工廈入面有間正宗泰國國菜都唔錯可以帶我試下。我自問都好少留意工廈入面既食肆，既然呢位食神同事介紹到，就去試下啦！裝修非常之有泰國特色，所有檯櫈擺設都係以木為基調，加上昏昏黃黃令人放鬆既燈光，仿佛去左一間泰國spa店咁。餐牌上都有唔少選擇，呢度同出面泰菜餐廳唔同既地方係除左正宗泰菜外，仲有啲加左Fusion味道既菜式，確實出面係未必搵到既。經過一輪選擇，我地揀左以下既食物。香芒探戈 (芒果蘆薈) $45呢杯芒果蘆薈特飲，雖貌似許先生既出品，但味道係更上幾層樓。杯面鋪上大量甜甜既芒果，仲加入大量椰汁同蘆薈肉。整杯都有甜入心又唔膩既感覺，不錯。泰．椰青 $42同事喜歡飲椰青，呢個即開椰青啱晒佢。佢仲勁有心機刮晒所有椰青肉出黎食埋，一塊不留。泰式馬拉盞炒雜菜 $62餐牌上有幾種菜品選擇，我地心大心細唔知揀邊種好，就揀個雜菜啦。有我最中意既西蘭花太開心喇，菜的烹調時間剛好，夠熟之餘仍能保持翠綠，辣辣地好過癮。布吉酥炸一支骨雞翼(10件) $52店員推介既單骨雞翼，炸得香口，唔係沾炸漿炸，皮脆肉嫩，感覺上冇咁熱氣(好似係lol)單骨好方便啲唔太識用筷子食雞翼又唔係好食得乾淨既朋友。仲附送埋蝦片作伴碟，泰國既既蝦片真係好香脆可口，係會食到停唔到口。泰式黃咖喱蛋炒軟殼蟹(3隻) $178為本店既招牌菜式，真心正，軟殼蟹係大大隻帶微脆，咖哩汁係少辣，就算食唔到辣既朋友相信都接受到。最驚喜既係原來仲會配埋油炸鬼比客人點咖哩汁食。平時咖哩汁通常都係撈飯或者用薄餅點黎食，油炸鬼都係第一次試，口感同味道都好夾。油飯 $15開頭唔知咖哩軟殼蟹會有埋油炸鬼，同事就叫左碗油飯，諗住唔好晒左啲汁。不過油飯佢坦言只屬不過不失，冇咩特別，雖顏色好「油」但食落唔夠油身，有啲偏乾。手抓餅 (2件) $28都係同一個原因，為左唔好晒咖哩汁又唔知有油炸鬼既情況底下，我點左手抓餅。手抓餅點咖哩汁真係冇得輸，塊餅唔會過油，又唔會太乾身，質感非常酥脆咬下去又有少許煙韌既感覺。值得一試！餐牌參考…查看更多

今天和友人來到酒吧街一帶進餐,貪選擇夠多,食完飲番杯野吹下水又相當方便。朋友話食邊間都冇咩所謂,就隨意揀左呢間Channel 3喇。古羅馬凱撒沙律(配煙三文魚) $68先點了一個凱撒沙律,沙律可配煙三文魚或雞肉,我地揀左煙三文魚。三文魚份量多,有成6,7大片,而且味道夠鮮,不覺有魚腥味。沙律菜鮮甜爽脆,沒有半點苦澀味,伴隨著芝士碎及麵包粒一同放進口,非常清新。初榨欖油香蒜炒辣魷魚 $72這道小食都頗惹味,真的吃到有淡淡的橄欖油香,但由不會太油膩。說是辣也不是很辣,就算不太吃得辣的人相信都會接受到。魷魚彈牙嫩口,煙韌程度適中,有咬口得黎又唔會太難𡁻。德國蜜汁燒豬手 $178德國豬手真的要二至三人一同分享！大大份超級有睇頭,皮脆肉嫩,肉質相當豐富且肥而不膩。火喉十足,每一口都充滿咸香。呢個豬手真係送酒一流。Queen Beauty $68Virgin Mojato $68…查看更多

韓國菜，老實說我比較少吃，因本身對其興趣不大。但身邊總會有一兩個忠實韓粉，既然他們都提議今晚去吃韓國菜，我就奉陪一下吧。 反正餐牌上有一個春日素菜系列我都覺得幾吸引。人參蜜糖雪沙 $78和朋友先點了兩杯飲品，我點的是人參蜜糖雪沙，整杯都是雪白色的，飲下去有淡淡的人蔘味，人參本身是帶苦澀和甘美的，加了蜜糖中和味道就剛剛好了，不會過甜，感覺很健康。紅棗草莓雪沙 $58朋友的紅棗草莓雪沙，我試了一口，紅棗味味濃，帶著草莓的酸酸甜甜味道，很開胃。韓式素肉飯卷 $98這個就是我想試的素菜餐牌其中一樣食物，韓式素肉飯卷。飯卷上配襯杏仁片，再加上爽脆的青瓜及醃蘿蔔，口感非常豐富，味道清新，卻略嫌有少許淡。韓式甜辣素炸雞 $118韓式甜辣素炸雞，像真度頗高，其實是外層以香脆豆卜包裹著多汁的素肉，營做出外脆內軟口感，且沒有油膩感。配上惹味的甜辣醬，味道挺重，非常香口。燒L.A.牛肋骨 $198這個是真肉了，燒牛肋骨，火候適中燒得不錯，肉質亦很嫩亦保留着啖啖肉汁，牛味濃郁，經韓式醃製後更顯鮮甜，肉質非常軟淋。韭菜煎餅 $88還有我最欣賞這個韭菜煎餅，我本身很愛吃韭菜，煎餅漿弄得煙靱，煎得既薄又香口，每口吃下都有淡淡韭菜味充斥著口腔，真的令人無法抗拒。…查看更多

既然未有假期可以去到台灣，倒不如食一食台灣菜止下癮。雖是平日夜晚，但呢間餐廳都頗為多人，門外面都排咗大約十個人，不過好快入得，大概等咗10至15分鐘到啦。 店內裝潢充滿台灣氣息，枱同凳都係以木為基調，牆上面掛滿咗台灣嘅特色相片，例如： 九份，台南嘅環境等等。 夜市小香腸 $28先呢一個台灣必食嘅台灣腸，去親台灣都要瘋狂食。台灣腸切開一片片方便與友人共享，上面鋪咗少量青瓜絲同芝麻粒，增加爽脆感同香味。酥脆鹽酥雞 $30每分大約有八粒，外皮有椒鹽，炸得酥脆可口，裏面雞肉尚算嫩滑，唔會太乾鞋颯颯。五味小茄子 $28五味小茄子上面有蔥花同木魚，仲有類似甜醬同辣醬嘅醬料，令到原本淡而無味嘅茄子充滿著多層次嘅味道。但略嫌茄子有點油，先索索油會比較好。紅燒牛肉麵 $58紅燒牛肉麵喺今晚我最滿意嘅菜式，牛肉味濃，份量好多，質地軟硬適中。牛肉湯淆得好香，相信花咗唔少功夫同時間。麵條都條條分明冇黐埋一舊舊。台灣滷肉飯(小碗) $28點滷肉飯時，店員通知滷肉會改造肉燥，不過都冇所謂啦，反正都想有啲飯落下肚。肉燥算大粒，唔會畫散收收好似冇食過嘢咁。但成碗飯比較乾，肉燥量不太夠，如果多啲肉燥汁會好啲。不過呢個平民價位算係咁啦！鍾意食肉燥嘅朋友都可以一戰。珍珠奶茶 $22朋友叫咗杯珍珠奶茶， 珍珠煙韌有咬口，奶茶偏甜，但朋友鍾意飲甜野，所以佢都覺得唔錯。香濃朱古力(加珍珠) $27我就叫咗杯凍朱古力，非常香濃，頭一兩啖都有少少偏甜，但啲冰溶咗之後就啱啱好喇。雖食物未至於非常非常出色， 但以呢個價錢嚟講的確唔錯，一解我對台灣嘅思念。餐牌參考…查看更多

之前同朋友去過銅鑼灣分店，一試就愛上，價錢合理之餘環境舒適中而且裝修富麗堂皇，所以今次就大屋企人嚟青衣分店試一試。今次我哋係晚餐過嚟，但發現原來星期一至五下午茶時段佢哋係有五折優惠㗎 。宣傳卡嘅另一邊當然係呢間店嘅鎮店之寶皇朝小籠包啦，食用嘅時候要跟返佢哋建議嘅次序。由於菜式嘅選擇實在太多，menu太大本喇，所以都冇辦法一一影低，就影低呢張點餐紙啦，所有餐品都可以喺呢度點，非常方便。雖然青衣店嘅裝修冇銅鑼灣店咁高檔次，但環境亦非常舒適，所有座位都好寬闊，即使餐廳即使餐廳當晚坐滿客人但係都毫無嘈雜感，食得好舒服。香辣蒜泥白肉 $65香辣蒜泥白肉，淨係外觀都已經好有誠意，唔係純粹將幾片白肉上面鋪滿蒜泥，而係每一片白肉入面都會包住好多青瓜絲，在係上面鋪住香辣味嘅蒜泥。雖然蒜味係冇譚仔嗰啲咁濃烈，但呢個食落去有一種清新嘅感覺，青瓜絲中和蒜泥嘅膩感，口感爽脆，非常開胃。成都口水雞 $78家人愛吃辣嘢，但又唔想食水煮魚或者水煮雞咁油膩嘅食物，所以就叫咗呢味口水雞。重口味人士必愛，醬汁沾滿著雞肉，雞肉又非常嫩滑，真係會食到流口水。特色皇朝小籠包(八色) $98主角到，八色小籠包係此店必點嘅。 八種味道有原味，人參，鵝肝，黑松露，芝士，蟹粉，蒜香同麻辣。每一款都各自有自己獨特嘅味道，個人比較喜歡黑松露味同芝士味 ，咬入口就有淡淡嘅黑松露味同芝士味感覺好特別。但人參味帶有甘香，未必個個都鍾意。皇朝擔擔拉麵 $58擔擔麵，湯底濃郁可口，麵條好好掛湯，仲有大量花生碎增加口感。鮮蝦雲吞豬骨湯 $65豬骨湯鮮甜美味，加上蔥花提味。雲吞皮薄餡靚，蝦肉大大隻，但略嫌湯唔夠熱，上枱時只係暖嘅溫度，如果熱啲會更加好。蘿蔔絲酥餅 $38酒樓同中菜館常見嘅菜式，但要整得好食就一啲都唔容易。外皮鬆脆，紋理分明，入面嘅蘿蔔絲軟淋入味，但又未至於林到變咗一pat pat蘿蔔蓉。聞香蔥油餅 $35呢款蔥油餅簡直係童年回憶，我叫佢做車轆蔥油餅，而家只有到一啲傳統啲或者舊式啲嘅店鋪先會可以食到。聞落去已經有好濃嘅蔥油味，咬落非常鬆化，令人回味無窮，齒頰留香。順帶一提，呢間店嘅上菜速度真係非常非常快，可能我又掛住影相啦，搞到成枱都係食物要快快食。擂沙湯丸 $38甜品環節，叫咗兩款，雷沙湯圓外皮煙韌有咬口，入面嘅芝麻餡料甜度適中 ，不過食一至兩粒就夠曬，再食得多會好濟。檸檬蘆薈桂花蜜 $28桂花蜜非常滋潤， 淡淡嘅檸檬清香，再加埋入面嘅蘆薈粒粒 ，同屋企人好快就清曬了。…查看更多

聽friend 講尖沙咀有一間唔錯嘅越南野，仲要係尖東嗰頭夠方便，今日得閑少少終於走去見識啦！就喺尖東站地鐵口附近，入面都幾有椰林樹影嘅味道，可能因為星期一所以客人唔算太多。生熟牛河同friend子一人叫一個牛河，我要走生熟牛河，friend子就要左生牛～牛河湯底清得黎有牛味，牛肉仲好滑～生熟牛肉質感分明，加埋滑滑的河粉很不錯！小食拼盤除左主食緊係仲有小食拼盤啦～小食款式有春卷、雞翼、粉包同蝦餅⋯春卷雖說唔太食到有咩餡料，但好鬆脆味道都好夾～蝦餅自家製口感幾彈牙，而且香煎完蝦味好香～越式燒雞最後就有Friend子最中意的越式燒雞啦！老闆娘話呢樣賣得好好架，但今日都比我地食到真係好！燒雞我未送到已經聞到好香～金黃金黃的外皮，雞肉很嫩滑，皮是香脆的～很到位的燒雞是也蒜蓉菜心至於蒜蓉菜心雖然唔係啲咩特別野，但蒜蓉炒完好香，菜心都比較嫩，即使唔太鍾意食菜嘅都會主動夾🤣…查看更多

荃灣的拉麵台風，好像到開了好幾年了。常常工作都會經過，但都沒有機會進來吃個麵。今天收到同事邀請，就過來試一下吧。其實店舖略嫌有點小，也好像不太新淨，但裝修充滿日本小店特色，和一般的拉麵小店真的一模一樣呢。裏面煮麵的師傅是日本人，煮出來的拉麵應該會很正宗吧。雖然中午過來也可以選擇每天限量的沾麵，但看到一個叫紅色風暴的拉麵更為吸引我，辣辣的湯底應該會很惹味吧。不過我又不是吃得很辣，所以點單時都以先問店員會不會很辣， 店員就建議第一次點的話先試一試普通辣度。紅色風暴 $83超級足料的一碗拉麵，叉燒，溏心蛋，紫菜，筍，應有盡有。麵條的分量還很多呢，很適合大胃的朋友們。叉燒不鞋不韌，肥瘦適中，令我吃過不停。微辣的湯很香口，沾滿在每條麵條上，惹味道100%Up。但略嫌溏心蛋不夠溏心，如果糖心蛋做得再好一點這碗麵的確得分很高呢。 …查看更多

上水成為左強國勝地之後，已經好久沒有踏足過呢個地方，今次比我發現呢間超有風味的居酒屋。居酒屋門口有著超日本式的旗子，大家一定可以認得出。 因為大家都累了的關係，我們決定要豪吃一頓，哈哈。先是粒子刺身，這個賣相超厲害，整條魚作伴碟，實在太霸氣了。刺身超新鮮，而且超美味，加上自家配製的醬汁，酸酸甜甜，感覺好新穎。 再來的是特上什錦壽司，那超長的三文魚實在太surprising了，還有海膽壽司，一絲絲海洋的味道，哈哈，太浮誇了。吃了一頓生冷的，點了三款串燒：黑毛豬、煙肉蕃茄仔、牛舌，要大力推介這個，平日不太愛豬肉的我都覺得這個黑毛豬超好吃的呢，肉質軟軟的，真令人回味。 然後再點上了天婦羅，感覺多點了，超撐肚子。因我們點了原條刺身，老闆還送我們粒子魚骨雜菜湯，實在太熱情了，這餐真的好完滿喔。…查看更多

星期一晚上，開OT到差不多九點幾，今天在銅鑼灣區工作，忙了一整天，當然要和同事去吃些好東西慰勞一下啦！有同事提議到百德新街Bugeroom，我立刻舉腳贊成，聞說這間店有超高質且多種類的漢堡，早就想試了。打開餐牌，漢堡的款式果然有很多，總共分了四大類：牛、魚和海鮮、雞和鴨、素食類。另外還有All Day Breakfast、沙律、及十多款小食，及各式各樣飲品，真是令我目不暇給。 Iced Hazelnut Chocolate 先點了一杯凍榛子朱古力，辛勞一整天當然要飲些甜的飲料讓自己心情好一點。這杯朱古力不會太甜，配合著淡淡的榛子味，即使飲完一整杯也沒有很膩滯的感覺，適合怕太甜的朋友。若朱古力味再濃一點會更好呢！ 香辣雞翼這是店員向我們推介的，原本沒有抱很大期望，介因此店的專業試漢堡嘛！炸雞翼？應該不會怎樣出色吧。但結果竟然非常有驚喜。外皮脆炸得剛剛好，不過過厚成層粉。雖然是炸，但裡面的雞肉仍能保存肉汁，很Juicy。每一啖都帶著微微的辣，超級惹味。店員推介果然是必定要信的。 龍蝦漢堡主角上場，招牌龍蝦漢堡非常有霸氣。龍蝦頭和配菜也擺得很美。咬下去(是有點困難，因為整個包真的很厚lol)，很香龍蝦味，啖啖肉和醬汁很夾。就連龍蝦鉗我都沒有放過，整碟都吃得乾乾淨淨的。必點！…查看更多

又到打邊爐時節，當然要周圍發掘好味既火鍋店。喜鍋，沒有很多食評，但因同事熱烈推介，就黎試一試啦！見到老闆熱烈推介，咁就試咗個原條立魚刺身，呢個真係幾好嘅推薦 ，入口好煙韌，唔單止好新鮮，亦都好有魚嘅鮮甜味，食完感覺都有少少難忘。 叫左個招牌魚湯海鮮鍋，都好香，湯底都唔錯，好鮮甜。再叫咗個牛魔王塔，佢每一層嘅牛肉都唔同口感，全部都好新鮮又係靚牛肉。 最後叫左個四寶餃， 每一種口味都好特別，我覺得全部都幾好食，唔錯唔錯。 呢間火鍋店嘅環境唔錯服務態度又好，有機會一定會再嚟試其他嘢。…查看更多