影片
更多
2017-10-28
92 瀏覽
今日同同事去觀塘見完客，問佢附近有咩食有咩好推介，佢話呢頭工廈入面有間正宗泰國國菜都唔錯可以帶我試下。我自問都好少留意工廈入面既食肆，既然呢位食神同事介紹到，就去試下啦！裝修非常之有泰國特色，所有檯櫈擺設都係以木為基調，加上昏昏黃黃令人放鬆既燈光，仿佛去左一間泰國spa店咁。餐牌上都有唔少選擇，呢度同出面泰菜餐廳唔同既地方係除左正宗泰菜外，仲有啲加左Fusion味道既菜式，確實出面係未必搵到既。經過一輪選擇，我地揀左以下既食物。香芒探戈 (芒果蘆薈) $45呢杯芒果蘆薈特飲，雖貌似許先生既出品，但味道係更上幾層樓。杯面鋪上大量甜甜既芒果，仲加入大量椰汁同蘆薈肉。整杯都有甜入心又唔膩既感覺，不錯。泰．椰青 $42同事喜歡飲椰青，呢個即開椰青啱晒佢。佢仲勁有心機刮晒所有椰青肉出黎食埋，一塊不留。泰式馬拉盞炒雜菜 $62餐牌上有幾種菜品選擇，我地心大心細唔知揀邊種好，就揀個雜菜啦。有我最中意既西蘭花太開心喇，菜的烹調時間剛好，夠熟之餘仍能保持翠綠，辣辣地好過癮。布吉酥炸一支骨雞翼(10件) $52店員推介既單骨雞翼，炸得香口，唔係沾炸漿炸，皮脆肉嫩，感覺上冇咁熱氣(好似係lol)單骨好方便啲
我自問都好少留意工廈入面既食肆，既然呢位食神同事介紹到，就去試下啦！
裝修非常之有泰國特色，所有檯櫈擺設都係以木為基調，加上昏昏黃黃令人放鬆既燈光，仿佛去左一間泰國spa店咁。
餐牌上都有唔少選擇，呢度同出面泰菜餐廳唔同既地方係除左正宗泰菜外，仲有啲加左Fusion味道既菜式，確實出面係未必搵到既。
經過一輪選擇，我地揀左以下既食物。
香芒探戈 (芒果蘆薈) $45
香芒探戈 (芒果蘆薈)
$45
4 瀏覽
0 讚好
0 留言
呢杯芒果蘆薈特飲，雖貌似許先生既出品，但味道係更上幾層樓。
杯面鋪上大量甜甜既芒果，仲加入大量椰汁同蘆薈肉。
整杯都有甜入心又唔膩既感覺，不錯。
泰．椰青 $42
泰．椰青
$42
2 瀏覽
0 讚好
0 留言
同事喜歡飲椰青，呢個即開椰青啱晒佢。
佢仲勁有心機刮晒所有椰青肉出黎食埋，一塊不留。
泰式馬拉盞炒雜菜 $62
泰式馬拉盞炒雜菜
$62
8 瀏覽
0 讚好
0 留言
餐牌上有幾種菜品選擇，我地心大心細唔知揀邊種好，就揀個雜菜啦。
有我最中意既西蘭花太開心喇，菜的烹調時間剛好，夠熟之餘仍能保持翠綠，辣辣地好過癮。
布吉酥炸一支骨雞翼(10件) $52
布吉酥炸一支骨雞翼(10件)
$52
7 瀏覽
0 讚好
0 留言
店員推介既單骨雞翼，炸得香口，唔係沾炸漿炸，皮脆肉嫩，感覺上冇咁熱氣(好似係lol)
單骨好方便啲唔太識用筷子食雞翼又唔係好食得乾淨既朋友。
仲附送埋蝦片作伴碟，泰國既既蝦片真係好香脆可口，係會食到停唔到口。
泰式黃咖喱蛋炒軟殼蟹(3隻) $178
泰式黃咖喱蛋炒軟殼蟹(3隻)
$178
25 瀏覽
0 讚好
0 留言
泰式黃咖喱蛋炒軟殼蟹(3隻)
$178
5 瀏覽
0 讚好
0 留言
為本店既招牌菜式，真心正，軟殼蟹係大大隻帶微脆，咖哩汁係少辣，就算食唔到辣既朋友相信都接受到。
最驚喜既係原來仲會配埋油炸鬼比客人點咖哩汁食。
平時咖哩汁通常都係撈飯或者用薄餅點黎食，油炸鬼都係第一次試，口感同味道都好夾。
油飯 $15
油飯
$15
2 瀏覽
0 讚好
0 留言
開頭唔知咖哩軟殼蟹會有埋油炸鬼，同事就叫左碗油飯，諗住唔好晒左啲汁。
不過油飯佢坦言只屬不過不失，冇咩特別，雖顏色好「油」但食落唔夠油身，有啲偏乾。
手抓餅 (2件) $28
手抓餅 (2件)
$28
6 瀏覽
0 讚好
0 留言
都係同一個原因，為左唔好晒咖哩汁又唔知有油炸鬼既情況底下，我點左手抓餅。
手抓餅點咖哩汁真係冇得輸，塊餅唔會過油，又唔會太乾身，質感非常酥脆咬下去又有少許煙韌既感覺。
值得一試！
餐牌參考
張貼
