Pandawing1124的個人專頁

講開旺角放題，吉壽都咁多年都係必食之一，座位夠多，坐得舒服，裝修之後就更舒服。出面有自助區，有沙律、甜品同清酒，炸雞塊仲係熱辣辣，好脆口，入面仲好多汁。醉雞翼比較令我難忘，雞翼肉質好滑，有陣陣既酒香，最正係有小小辣提一提味，好好食。刺身種類好多，個賣概好吸引，雖然唔係厚切，但同樣鮮味十足，象拔蚌非常脆身清甜，櫻花魷魚係切到一條條既魷魚再配上粉紅色既魚籽，魷魚味道香濃配上脆卜卜既魚籽好好食。壽司都好有質素，黑松露大蝦壽司個配捨好完美，有黑松露濃濃既香氣同清新彈牙既大蝦。火灸系統既左口魚好好食，一咬落去有豐富既油脂爆發，好香口，但又品會好油膩。甜品有好多款揀，但已經食到飽飽地就唔叫咁多啦。芒果布甸，估唔到係鮮芒既味道， 唔太係加左糖個種甜，係芒果自然的香甜，幾清新好食。哈蜜瓜波波真係好似哈蜜瓜咁有兩種色，味道都唔錯。…查看更多

酒吧兼餐廳，估唔到食物同服務可以咁好，環境舒服，適合同知己聚會，服務都好快有禮。前菜有好多款，因為比較肚餓就揀左飽同既西班牙香腸同大蝦，香腸口感煙韌，味道小辣，咬落去會有油份同肉汁流出，不過唔會油膩，大蝦彈牙新鮮，好脆口。一上菜就有濃濃既牛柳香氣撲鼻而來，牛柳外層充滿香料同牛油既香味，切開就係粉嫩既牛肉，濃郁既牛味同香料係口中爆發，味道好有層次，非常豐富。醬汁係黑椒蒜蓉汁，係成個菜既靈頓，但黑椒唔會好似坊間個種嗆辣，發揮提升香味的作用，蒜蓉係好好既一個襯托，唔會搶走其他食物既味道，配上薯蓉又好好食，薯蓉細滑，配埋煙肉好好食。甜品都好有質素，係泡芙同朱古力慕絲蛋糕。泡芙好充料，入面係雲呢拿雪糕。朱古力慕絲蛋糕，有濃濃朱古力味，非常細滑，唔係死甜，好好食，荔枝果茶，好香濃果味， 少甜，飲完好舒服。…查看更多

原來係灣仔都有分店，不過位於比較隱蔽既樓上店，要細心小小先搵到！招牌四川涼麵一上菜店員就會幫你撈好個麵佢，雖然係麵食，但非常開胃，辣度足夠，食落個口有少少麻脾，有醋調一調味，味道平衡，唔會得個辣字，麵條爽彈，冰冰涼涼咁送入口中，好好食！招牌重慶水煮魚食川菜當然唔少得水煮魚啦，雖然一邊食一邊辣到流汗，但真係停唔到口。一塊塊嫩滑既魚柳配上川味既辣，個辣好有層次，先麻後辣，食落唔會悶，夠香夠辣，而且唔會油膩，非常好食。仲有寬薯粉係入面，薯粉質地非常彈牙，但亦都夠林，好易就咬開，口感一流，加上吸引水煮魚既麻辣，好令人回味。糖醋里脊有點似港式既咕嚕肉，但係用左里脊，冇咁多脂肪，但係肉質嫩滑彈牙，非常好食，切成條狀食起黎非常方便，炸到金黃既外層好脆口，加上每一條都平衡地滿佈醬汁，醬汁酸中帶甜、但冇港式個種咁酸，好好食。…查看更多

位於ocean Terminal 最尾既位置，可以睇住維多利亞港既夜景享受美食，景觀不錯。片皮鴨好特別，一般既片皮鴨食法係甜麵豉醬加卷餅，但原來仲可以有好多變化。店員會介紹每一個食法，第一個係鴨皮配上爆炸糖同藍莓醬食，鴨皮唔油，燒到脆身，配上藍莓醬食有酸酸甜甜既口感，比較清新，再加上爆炸糖，鴨香係口中爆發，好似跳舞咁，好特別。第二個食法係鴨胸肉加上黃芥末醬，鴨胸肉皮脆，肉味濃，特別調製既黃芥末醬唔會有個重嗆人既辣味，酸中帶甜，非常惹味。最後就係包卷餅食啦，除左傳統食法，店員推介加入山楂條、藍莓醬，同紫洋蔥包埋一齊食。甜中帶酸既山楂條，酸酸甜甜既藍莓醬，小小辣既紫洋蔥，加埋肥美既鴨腿肉，好好食。八仙銅巴銅巴係好脆身個種、淋上㵪汁仲好脆，唔會痴牙。㵪汁材料豐富，有大大粒既蝦肉同瑤柱等等，非常新鮮。青梅一字骨炸到香脆既一字骨，外層滿佈醬汁，醬汁在濃厚既醬油味之中散發淡淡青梅味，好清新，唔油膩，外層香脆，肉質細嫩。…查看更多

係旺角搵野食！見到個招牌有好多有香港特色既甜品！以香港為主題，有好多好靚既壁畫，座位亦唔少，坐得幾舒服。叫左set食，有湯、主菜同飲品。湯可以揀西湯或者碗仔翅，係一間以香港做主題既餐廳，當然要試下碗仔翅啦。碗仔翅入面超多冬菇，好似兒時係街邊係既味道，好好食。美國肉眼扒係屬於比較薄身個種牛扒，剛剛好五成熟，牛肉入面仲係嫩滑，好香口，唔洗再加醬汁已經夠味啦。一加一 藍碟花有非常漂亮既漸變層，好夢幻！一加一係指芒果加菠蘿，芒果味較突出，味道少甜，仲有有粒粒芒果啫喱係底。士多啤梨荷蘭班㦸配雪糕班㦸充滿蛋香，整體口感軟滑，邊緣地帶就帶點脆口，加埋冰凍朱古力雪糕，有冰火交融既感覺，好食。…查看更多

早左收工，搵下有咩地方可以happy hour ,見到$88任飲，仲可食下日本菜就決定食八海山。餐廳都幾大，以木製傢私為主，傳統日式既裝飾，入到去仲見到好多人用日文傾計。前菜個外型好似魚蛋，但原來係薯仔/芋頭小丸子，口感軟糯，少少甜之外帶著醬油既咸香。任飲原來好多選擇，可以揀任飲啤酒、清酒等等。蔥吞拿魚腩卷外觀撲實冇咩特別，但味道非常好。一入口就食到吞拿魚腩蓉美味，非常肥美，但唔會油膩，鮮明既蔥香有微微辣加上少少芝麻既香味，同吞拿魚蓉好夾。牛舌質素超高，非常爽彈，厚度剛好，一咬落去有豐富既汁爆出黎，牛舌上面只有簡單的黑椒同鹽調味，但整體味道極佳。雞肉丸子非常香口，入面充滿水份，配上甜甜的醬油燒烤醬，好好食。串燒雞肉充滿灰火燒烤既香味，雞肉肥美，配上燒到香哂既蔥，好好食。…查看更多

聽到個名叫花花世界已經好期待，入到現場真係冇失望，每一處都有盛開的玫瑰，每人忘記現正處於旺角這個鬧市中，美麗的花朵、充滿心思的裝飾和柔和的音樂令人進入了另一個世界。外觀上好似牛奶，其實杯入面係忌廉湯，口感細滑，味道香。座位上有好多可愛的小裝飾。黑松露帶子意大利飯依個組合係絕配，黑松露味道香濃，帶子已經煎熟左，但唔會熟到乾哂，依然充滿水份，味道鮮甜。意大利飯好creamy ，有少少芝士既香味，飯粒軟糯，有好多菇菌類，味道香濃又同個飯好夾。玫瑰牛奶外觀真係100分，白白細軟的泡沫上面有幾片玫瑰花瓣。最驚喜係一入口就有陣陣天然玫瑰花味，味道甜美，好好飲。…查看更多

餐廳係傳統西式裝飾，雲石枱、酒櫃、吧枱、柔和的燈光和音樂，洋溢一股浪漫氣氛。Garlic snowing pizza 超有驚喜既pizza，估唔到菠蘿、蝦、芝士同炸蒜片可以咁夾！最上層既芝士絲好似雪咁蓋住蒜片、而脆身既餅式上面亦有層芝士，好似柔軟既草地咁，輕放左蝦同菠蘿。唔似傳統pizza,芝士同蒜片兩樣味道濃烈既食物冇搶走其他食物既味道，pizza所用既芝士味道唔太重，非常香口。炸蒜片非常脆，瑋咬落去就有蒜香爆發，芝士既咸香同蒜片既味道好夾，偶爾食到酸酸甜甜既菠蘿粒又有不一樣既味道，仲有同彈牙既蝦，非常好食。Garlic Foryou steak 因為已經食左個大pizza 啦，所以就叫個細既牛扒食。牛扒上面有經醋漬既蒜頭，蒜頭味道非常濃郁，唔同一般蒜香，濃得黎又有小小甜品。牛扒剛好五成熟，加醋漬蒜粒好好食，有牛扒本身香濃既肉味同蒜頭既咸甜 既味道。…查看更多

有時覺得食放題又係食下魚生同壽司，冇咩驚喜，估唔到又有驚喜！黑松露北海道手卷真係一試難忘既手捲！手捲上既刺身非常豐富，有三文魚、甜蝦、三文魚籽同吞拿魚蓉，味道甜而新鮮，鮮味係口中爆發。就咁望落去時完全黑松露的足跡，諗住一陣叫多次就算，原來黑松露係同飯粒撈埋左一齊，變左黑松露飯，味道超級香，又唔會搶走左刺身既甜味，好正！五香煮和牛筋腩質素同超老字號既牛腩店比得上，係炆左好耐，味道香濃，香料突出，肉質細嫩，運個根同蘿蔔都係完全入味既狀態。辣酒煮花螺對放題既辣野都冇咩期望，點知依個花螺好好食。花螺個辣味好有層次，先麻後辣，好似雞煲既味道。壽司質素不錯，火灸左口魚口感好好，香而不油膩。海膽吞拿卷味道香，估唔到入面就有青瓜，會來爽脆既清新感。油甘魚同三文魚都係超厚切，非常肥美同新鮮，可以瘋狂食。甜品好多款，仲有Haagen Dazs雪糕，牛奶布甸夠哂滑，馬卡龍甜而不膩，口感軟硬適中。 …查看更多

溫泉蛋牛油果凱薩沙拉想食凱薩沙拉又想有點特別，依個溫泉蛋沙律係唔錯既選擇，同一段凱薩沙拉一樣有新鮮蔬菜，又香又脆既麵包粒之外，仲有大大粒既牛油果仲有勁香滑既溫泉蛋，好開胃又好滿足。火灸黑松露三點真係好開心，左口魚邊、鵝肝同帆立貝現上黑松露，有濃郁既黑松露味但又唔會搶走食材既味道。左口魚獨有既彈牙加埋黑松露好醬汁好正。帆立貝又厚又新鮮，有好多水份，配上黑松露都仲食到個甜味。鵝肝真係好難忘，鵝肝煎到脆脆地，熱辣辣咁有勁香濃既味道，獨有既豐富油香配黑松露係絕配。櫻花蝦鯛魚湯泡飯外觀真係100分，煎到金黃色既大蝦同帶子仲有粉紅色既櫻花蝦。帶子非常香口，一入口就有鮮味爆發，蝦肉扎實中帶彈牙既口感好好食。加入鯛魚湯，青蔥同脆米通等配料撈一撈就成了泡飯。魚湯真係好高質，完全冇腥味，十分鮮甜濃郁。宇治抹茶芭菲落單時店員介紹所以雪糕都係手打，俾佢吸引到，就叫左個芭菲試試啦。手打雪糕真係好滑，口感細膩，抹茶味濃郁，清新中帶有回甘。芭菲既配料整多蕨餅、白王等等，最正係底部有紅珊蓉同粟米片，令到口感同味道大轉彎，非常豐富。…查看更多

裝修好似有情調既酒吧咁，座位多，坐得舒舒。紅燒牛肉麵湯底味道好好，濃而不膩，有三四塊大牛肉，牛肉滷得又軟又香，肉質細嫩，，用牛𦟌部分比起牛腩/牛根冇咁膩。麵條係粗身個種，掛麵力十足，非常彈牙。 台灣刈包一直都好想試試台式既刈包，今日終於有機會啦，軟綿綿既饅頭入面有兩片極厚切既五層肉，五層肉好入味，充滿了滷水既香味，好正，配埋雪菜同莞茜既酸酸地香味，味道好配合，好好食。宜蘭卜肉見到個名咁得意就試一試，原來係有三種口感係入面，炸到香脆既外層入面有軟軟既麵團，而麵團入面就有豬肉，口感不錯。奶蓋綠茶 茶香奶滑，綠茶味好特出，奶有充足打過，非常細滑。…查看更多

好想食辣野過癮，朋友就介紹佢平時成日叫外賣既四姐。招牌四川涼麵本身對涼麵冇咩特別期待，但依個涼麵真係好好食，材料簡單，麵條加上辣椒蓉、香蔥同醬汁，但個質素好高。幼麵冰涼而且非常爽口彈牙，辣度來自辣椒蓉，除左有麻辣既味道仲有唔同香料既味道，辣得好有層次，本身以得個辣味，會食唔到落去，但原來個醬汁係落左醋，醋味好好咁平衡辣度，加上麵條既冰涼咁，滿足到辣癮之餘，又唔會辣到個口唔舒服，好好食。香辣魷魚蝦 試一試川式既海鮮，原來同香港食開既魷魚好唔同，依個似係魷魚乾，比較乾身，魷魚起花爆過，但成個魷魚的風味就濃濃左係入面，加埋個辣味，好好食！蝦係較乾第個種，係炸到個皮脆身，可以就咁食，味道好濃郁。而且師傅好細心咁剪走左蝦頭既尖刺，可以好放心咁食蝦膏，好正！三鮮鍋巴店員幫我地將湯羹倒落鍋度，當熱辣辣既湯羹遇上鍋巴時，會發出支支聲同有香味爆發出黎，十分吸引。湯羹有好多唔同既配料係入面，有雞肉、魷魚、菜同木耳等等非常豐富。鍋巴唔係得個脆字，係非常有黏性，浸左湯都唔會散開，鍋巴會吸湯又同時又有脆脆既口感。湯羹有豐富既蕃茄味，味道好鮮明，浸到半脆半軟既鍋巴配上各式各樣既配料，非常好食。…查看更多

學完泰拳好肚餓，就決定同朋友食餐勁既，補充一下能量，就食左附近既pizza.小店面積雖然唔大，但充滿歐陸咖啡館個種休閒既感受，好適合2-3人聚會。二人餐有意粉同pizza食，老闆推介食松露意粉同chicken tikka pizza。松露意粉醬汁比較少，食慣多醬同多調味既人可能會唔習慣，但松露既味道好特出，有一鼓香氣，加上芝士既味道，意粉好彈牙，仲有好多蘑菇同肉粒係入面。Chicken tikka pizza 充滿印度香料既風味，非常惹味，雖然有大量芝士，但冇搶到香料既味道，反而係襯托左香料，加上少量既酸辣椒帶黎不同既味道，不錯。批底脆中帶軟，個批邊唔會硬到食唔到，雞肉粒加上爽脆既洋蔥同青椒，口感不錯。…查看更多

餐廳好有本地特色，裝飾簡潔，座位非常多同大，適合一班人黎打邊爐。老重慶奇味雞煲叫左細雞煲加小辣，細雞煲二人分享剛剛好，同坊街以爆辣味爲主打既雞煲唔同，依個雞煲辣味係慢慢滲出來，味道好好。雞肉好嫩滑加上好入味，雞肉非常多，可以食到啖啖肉。仲有豆腐卜、冬菇同芹菜等配料。冬菇好粒，除左有香濃既菇味之外，仲加埋雞煲既小辣，好好食。豆腐卜真係必需，因為佢吸收哂雞煲既精華，加上鬆軟既口感，好好食。土魷魚食完雞煲就加水變火鍋啦，當然要先食土魷魚，因為滾一滾就好快食得，一份既份量都唔少，口感又好彈牙！鮮魚片真係要俾個「靚！」字佢，魚肉厚身而且完全冇骨，因為夠哂厚身，加上慢慢燙熟佢，魚肉唔會散開，完完整整咁進入我既口中，口感非常之好，而且好有鮮味。鮮蝦雲吞配韮菜餃見到有店員姐姐親手包緊餃子，就覺得要試試啦。兩種餃都係皮薄餡靚，韮菜餃超惹味，而且有豬肉既香味。雲吞就有大大隻蝦係入面，好充料。…查看更多

環境非常舒服，座位又多又夠大，唔少位有舒服的枕頭，食飽訓一訓最舒服。木瓜沙律非常開胃，集酸辣於一身，不過醉係檸檬個種清新既酸，辣就唔油膩，係增添左美味。木瓜絲非常爽口，配上芽菜就更清新，仲有花生粒帶來既堅果香味，好食！鐵板蠔仔炒蛋好想食香口既海鮮類，叫鐵板蠔就非常適合啦。蠔有鮮味，份量非常多，雞蛋煎好似餅餅咁，底部非常香口，入面就好鬆軟，又唔會乾。最底係大量芽菜，爽口又清清地，去一去油膩感。仲可以點下甜辣醬，轉一轉口味。越式烤春雞釀香茅黃飯烤到金黃色既春雞配上大量蔬菜，一上菜已經有陣誘人既香味啦！雞肉非常軟滑，但個皮就烤到脆哂，非常多汁，每一口充滿香茅味同雞既味道。黃飯釀左係雞入面，味道非常之好，飯粒吸收左雞既精華，別有風味，金香美味。除左雞腿，成隻雞都係冇骨，非常方便，就算係雞胸一樣多汁又軟。…查看更多