冰人的個人專頁

剛放工去搵食時經過一間小店, 店外有好幾台既人在排隊. 心想咩年代仲有咁多人願意排隊食飯. 加上門外電子餐牌不停介紹不同既野食, 有自家制既麵, 湯底, 滷肉飯, 牛肉麵, 燉湯, 餃子, 小食, 好多款式, 咁就吸引到我去排隊一試. 停左10分鐘左右就可以入座啦! 一入座就被滿滿既文青風吸引住, 牆上放滿好多小說, 散文給客人睇啦. 仲有好多令人微笑, 幸福既金句, 真係好窩心.我同朋友分別叫左兩個小食: 滷水雞翼, 涼伴木耳, 涼伴木耳, 爽口又開胃, 滷水雞翼非常入味, 個滷水汁濃而不膩, 仲有清新既麻油香味, 非常夾. 每人叫左個主食: 三盛養生牛肉麵, 勁大碗, 份量十足, 個養生牛肉湯底, 真係不得了, 好清新又滋補既湯底, 清得來又好滋補, 好岩夏天既味道, 餸有三款, 牛展, 牛腩, 牛丸. 直頭係牛魔王上身咁, 牛展, 牛腩, 煮得好入味夠 “霖”身. 麵底自家制係唔同D既, 非常Q彈, 好有口感.另一款主食, 紅燒四寶麵, 有豬手, 牛展, 花枝丸, 滷水蛋, 極之豐富.來到台式餐廳點可以唔試下, 台式飲品呀, 芝士奶蓋桂花烏龍茶, 出奇地個芝士奶蓋又濃又滑, 有啖啖既桂花烏龍茶味, 拍得住深圳兩間有名茶店. 另一杯蜂蜜檸檬蘆薈, 酸甜酸甜好岩夏天飲, D蘆薈超級多又好食! 讚!!見到隔離台既燉湯客飯, 好精緻, 下次再來要試下至得, 原來可以用手機openrice 預先攞位, 仲即刻知道現場排隊情況添, 慳返好多等位既時間, 非常方便!!…查看更多

食過好多次, 原因係抵食又好食, 只做中午和晚市, 同價錢不加一. 即叫即煮, 確保係新鮮同熱既!有湯面, 拌面, 又有飯, 有成10款食材, 想食咩就食咩啦. 飲品方便, 有免費既飲品, 如珍珠奶茶, 香苿珍珠, 果茶….加$3轉大杯裝, 加$5 - $10 , 轉飲冷泡茶, 芝士奶蓋系列…. 真係超級無敵多.而我點解成日來食D間餐廳原因係好喜愛台式飲品既茶底, 相比外邊既茶底比較香同比較濃, D珍珠唔會太甜又(煙煙銀銀), 好有咬口, 而我最愛既係<香芋珍珠>, 有淡淡既香芋味又唔會蓋過茶香, 次次來都要加$3轉大杯先夠飲.說真的, 一般買杯台式飲品都要廿幾蚊啦, 而架連埋面或飯, 成個套餐食得飽, 好食又好飲都只係$50大元, 點去搵呀!每次家中無飯開既, 我都會來D間餐廳搵食, 絕對係我既飯堂!…查看更多

當開左D間餐廳時真心覺得貼心既, 以後一個人開飯時又多間餐廳選擇啦.一人一鍋喜歡咩湯底咩食料自己話事,一定岩食因為全部自己揀既.火鍋選擇都好多, 有8種, 有辣有唔辣. 我地就各試一款: 辣既<麻辣三杯雞小火鍋, 唔辣既<蟲草花養生小火鍋>.麻辣湯底只有少少辣, 但非常香同野味, 蟲草花湯底, 有好多紅棗和蟲草花非常滋補. 鍋中配料既雞脾肉超滑又好入味, 素菜又有好幾款, 牛肉只有兩片實在太少啦, 但不得不提個台灣新竹米粉, 吸哂好多湯汁, 但D米粉唔會係好軟身, 仲好彈牙添, 米粉必推! 好食!!飲品又有好多選擇啦, 免費飲品又有, 加$6 - $8 可轉特色飲品又有, 總有一款岩口味既!!一人食飯不是悶, 食得開心又衛生! 正呀!! …查看更多

來到元朗食飽飯點可以唔食返碗湯水先走呢? 上網見到D間<滔滔甜品>有齊哂傳統湯水+新式甜品, 絕對適合所有人, 由3到80歲都一定岩啦!見到門口已經覺好有懷舊特式啦, 晚上7點幾已經坐滿好多人, 餐牌上有好多選擇, 傳統湯水有好多, 新式既有台灣綿綿冰, 芋圓, 珍珠….我就揀左個第一次見既潮式糖水<腐竹馬蹄清心丸>, 貪佢夠特別. D個糖水好似平時食開既腐竹糖水, 另加左新鮮馬蹄, 口感好脆口同清新, 加上清心丸, 好似芋圓咁(煙煙銀銀), 成碗湯水好滋潤好清新口感又脆又軟,好食又難忘!另一碗鮮雜果西米露, 超多新鮮水果, 西米露雪得夠哂凍, 又不太甜, 唔錯唔錯!下次要再來試下<蛋白杏仁湯圓>同埋<石磨核桃露拼芝麻湖>至得! 諗起都想食!!…查看更多

由港島來到元朗睇完紅葉去醫肚, 一早已經係網上查好要來試D間, 又平又紅既日式小店.  網上話間餐廳經常有人排隊, 原因係又好食又抵食啦, 加上間鋪好細間, 坐位得廿幾個, 所以我地係佢地開鋪前10幾分鐘來排隊啦. 真醒目!!店內主打吉列鐡板牛, 我地就叫左一個, 另一個叫左牛肋肉. 加一個套餐包橫町飯, 豆腐蕃茄湯, 溫泉蛋.  另外叫左杯熱情果香橙梳打. 飲品酸酸地小小甜又解渴又開胃.石燒吉列鐡板牛出場啦, 每人一板石燒板, 邊燒邊食, 要幾成熟自己控制. 吉列牛外脆內軟, 好食!牛肋肉開係石燒板內燒幾下, D牛味立即湧出來, 又淋身又勁juice, 我個人覺得牛肋肉比吉列牛還要好食, 好驚喜呀.另一驚喜既係個豆腐蕃茄湯, 睇下個豆腐成朵花咁, 真係超靚呀, 加上個豆腐都好滑, 真驚喜!都最後埋單仲驚喜呀, 原來D間小店係唔收加一呀, 真心抵!!…查看更多

今日專程由港島走入元朗目的係為左睇大棠紅葉, 其次肯定係為左搵食啦!元朗出左名多野食緊係之前上網做定功課啦! 網上見D間小店好多人推介, 加上又有得訂位緊係來踩下場試下佢啦!試新野既識食緊係食中午, 平D又無咁多人. 星期六既中午餐廳仍然會有setlunch 簡直係抵讚! 我地每人都比 <松> d 個 set lunch 吸引左, 所以都叫埋同一樣, 各有各食啦!套餐, 先來個三文魚面豉湯暖一暖胃, 再來個沙律開返個胃, 跟住來個蒸蛋, 個蒸蛋又熱又滑真好食, 唯一係唔夠咸, 可能我食得比較重味啦, 我加左少少豉油掉返個味, 正!!主菜出場啦 – 8件壽司+3個吞拿魚小卷, 見到咁新鮮已經流哂口水啦! 有牡丹蝦, 中拖羅, 油甘, 池魚, 鱆紅魚, 帶子, 三文魚籽, 海膽. 每一樣都好好食又鮮又甜.而我最愛既係中拖羅, 魚既油脂剛好, 食完口腔內還有餘味, 諗起都想再食呀!! 食完仲有飯後甜品, 雪米磁, 真係小窩心呀!! 讚讚讚 !!!…查看更多

出哂名價錢合理, 質數好, 種類多既自助餐, 今次就試試個lunchbuffet 先.  已經預早三個星期訂位都要做後備真誇張. 食完之後真係明白點解咁多人訂位呢.食自助餐首先緊係食凍盤先啦, 有專人不停為你開三個品種既新鮮生蠔, 有法國, 美國, 愛爾蘭既生蠔, 即開即食真係又新鮮又美味. 食完生蠔就食下其他海鮮, 有長腳蟹, 青口, 仲有龍蝦添, 認真重本. 再來個沙律, 不同國家的芝士和不同地方的火腿.  另一推介既係火灸佐賀和牛壽司+壽喜燒, 又係即場有廚師煮, 即煮即食相當好味, 佐賀和牛入口溶化, 又滑又有牛味, 讚!又一賣點係原盅花旗參花膠響螺燉湯, 真係超好飲, 真材實料又暖胃, 細細聲講: 我飲左兩盅燉湯呀, 超滋陰!熱盤既蒜蓉蒸扇貝 + 牛扒都係熱辣辣, 好好食. 最後緊係來一轉甜品啦, 咁先圓滿既! D度有個特別服務既係可以為甜品<心太軟> 寫上祝福語, 如果用來示愛既就岩哂啦, 哈哈!!最後我終於明白D間餐廳點解咁多人推, 原因係我食到最尾甜品時, 生蠔區既師傅仲不停開緊生蠔, 海鮮區和所有食物區都仲不停咁出緊食物, 證明D間餐廳係會比你食到超飽為止, 唔似其他餐廳咁唔願出食物同出餐出得好慢.下次會再來試下個自助晚餐先, 不過真係要預早成個月訂位啦!…查看更多

先來餐廳送的每人一個貼心, 牛角包, 餐包, 餅乾, 全部都係熱辣辣, 用來點湯, 加牛油, 即食都好食. 南瓜湯又棉又濃真好飲.晚餐來個開胃沙律清新醒胃一下, 再來, 主菜到啦, 來個看似mini 版既西班牙炒飯, 實際四個女仔都食唔哂, 墨汁意粉, 黑卒卒既墨汁, 我地忍唔住影返張攪笑相先,邊飲邊食邊傾, 原來我地都食左好多野, 仲有軟殼蟹沙律, 豬仔骨加薯條, 吉列紫薯餅, 吉列紫薯餅有驚喜, 外表極似吉列牛, 咬落軟棉棉超有紫薯味, 正, 軟殼蟹沙律, 酸酸地有微微辣岩哂食到好飽既我地, 可以解油膩, hea hea 哈哈又​​飲又食不停傾不食笑又過左個開心既晚上.…查看更多

7個大人1位小朋友唔一定要打邊爐, 串燒係一個好好既選擇. 就係有返咁上下人數可以叫超多款式既串燒同前菜. 有牛肉, 牛舌, 羊肉, 蒜蓉烤生蠔, 雞泡魚干, 燒白鱔, 燒多春魚, 燒煙肉荔枝, 燒香蕉, 菠蘿, 銀杏, 田雞腿, 雞軟骨, 茄子, 日本番薯仔, 金茹, 韭菜, 西蘭花, 年糕, 饅頭....等等仲有叫左幾個前菜: 麻辣豬耳仔, 兩款涼伴皮蛋, 有晶瑩剔透-金黃色嘅皮蛋和一般食開既黑皮蛋…等等樣樣食物都真係有返咁上下水準, 全部即叫即燒, 上台時仲熱辣辣, 出煙既, 一定好食啦, 有串燒點少得啤酒和飲品呀, 飲品有幾款自家清熱特飲, 大大杯潤喉又下火.啤酒都有好多款枝裝選擇, 生啤都有幾款, 有我愛既 Hoegaarden Rose,啤酒配串燒絕配, 成班朋友開心食講不停笑不停. 除左串燒, 前菜, 仲有烤魚同雞煲, 可惜我地實左太滿足啦, 留返下次再來啦!!…查看更多

好記得人生第一次食串串鍋係去西藏旅行時在拉薩食既, 還記得行完壯觀的布達拉宮後既難忘晚餐.估唔到香港竟然會有串串鍋食, 當知道剛開D間店就立即訂位找回味道啦.D間餐廳超抵食, $158任飲任食兩小時, 初初以為平野無好野, 完全係大錯特錯.首先飲品選擇都好多有各式樽裝汽水, 烏龍茶, 果汁, 仲有香港製造既啤酒任飲添.揀湯底就一定要一半麻辣湯, 一半酸菜豬肚湯. 兩款湯底都好夠濃好香, 好夠味, 食落真係有少少似係拉薩食既味道. 野食方便, 有分自助區和入單兩種. 自助區既十分有驚喜, 每部都係一串串, 有花椒牛肉, 芫茜牛肉, 花椒牛肉, DD牛肉超好味, 同拉薩食既味機乎一樣, 同埋完全無諗過係香港可以食得返咁有特色既串串鍋. 當然自助區還有好多野食啦, 雞翼, 雞腎, 牛柏葉, 多款雜丸, 多款茹類, 多款蔬菜, 仲有公仔麵, 烏冬…….超多野食, 任君選擇.入單都有好多款食物, 牛肉都已經有好幾款, 仲有魚, 沙白, 蝦, 豚肉, 羊片, 鴨紅, 全部材料都夾個湯底. 食完D咁濃烈既味道, 自然好想食返D甜食, 餐廳仲有雪米磁, 朱古力和雲呢拿雪糕任食, 食完成個人超滿足!! 爽哂 !!…查看更多

已經唔係第一次來D間日本料理食晚飯啦. 原因係款式多, 用料新鮮, 舒適價錢大眾化, 地理位置超好, 係銅鑼灣地段, 超級無敵方便.上次就食熟野多, 今次專程來試下食刺身. 先來用$99優惠價半打海膽生蠔, 第一次食生蠔上加海膽, 海膽既鮮甜味超夾生蠔既海水味, D個配搭更加突出更加將兩種食物既味道提升. 配埋熱清酒, 一絕跟住叫左一個第一次係日本餐廳到見到既<鱈魚白子>, 係鱈魚既精巢, 聽落好似好核突, 其實係寶來架, 有報導指: 是日本人冬日補身良品，因含豐富蛋白質、維他命D等，有滋陰養顏之效，有日本人更視之為女人美膚之寶，而質素最好又最受人追捧的，必屬鱈魚白子。 食落去似食海膽味咁, 好creamy, 好鮮甜, 主菜來啦, 叫左個$268一人餐: 包6片刺身和兩隻生蠔+汁煮油甘魚頭, 仲有前菜, 沙律, 白飯同飲品刺身有中吞拿魚腩, 牡丹蝦, 鯛魚和池魚, 熟食油甘魚頭, 全部都好新鮮, 以D個價錢並不是比便價貨, 真心抵讚!最後facebook 打卡送Haagen-Dazs雪糕一杯, 超級完滿.已經訂定12月中又來食過!!…查看更多

早排食午餐時經過餐廳門口已經被佢大型餐牌吸引到 大大隻字寫住<$9一隻美國 Pacific Rock 生蠔> , 仲有生蠔加白酒套餐都係99起, 見到即刻訂定晚餐, 放工過來食.我地兩個人叫左一個$298套餐, 包6隻 $9生蠔 + 包6隻$29生蠔 + 包一枝白酒, 白酒仲要係Sauvignon Blanc, 並不是cheap 貨, 白酒加生蠔絕配. 兩款生蠔都好新鮮好肥美, 正.見每一枱既客都會叫生蠔同牛扒或德國豬手, 望見都好吸引. 可惜當晚唔想食肉所以叫左個凱撒沙津, 壽司盛, 芝士四重奏Pizza. 真心覺得一間西餐廳有日本野食係開心同有驚喜既. 因為唔一定要食意粉或肉類. 壽司盛, 有8件全部都好新鮮, 仲有海膽, 油甘魚添, 確實唔錯呀!我指既服務一流並唔係普通介紹野食呀, 上菜呀….等等既服務! 而係當日埋單時侍應叫我地keep 返收據下次來會送一枝紅或白酒, 我當然會keep住啦.但過左兩日我睇返張單原來當晚收多左我地一個菜式既費用, 剛好我係餐廳附近上班, 咁就拿返張單去退錢啦, 當初心諗如果退唔返錢既都無辦法啦, 因為比錢時無睇單, 結果去到個經理非常友善仲解釋返點解會出錯, 不停講左好多次唔好意思, 即場退返現金比我, 超級好既服務態度, 抵讚!咁有質數既餐廳, 一定會返食多幾次啦!!…查看更多

已經好幾年慶祝生日都有來同一間餐廳, 食同一個套餐, 原因好簡單野食好味價錢又平, 食物質數又新鮮, 環境氣氛都好好.二人套餐, 先來8隻美國pacific rock生蠔, 鮮甜新鮮又肥味. 通常8隻生蠔對於我地來講係唔夠既, 次次都要追加多12隻, 原因叫多12隻生蠔會送紅酒或白酒一枝, 超值都不得了, 因為單叫一枝白酒都要$300, 依架加多12隻蠔+1枝白酒都係二百幾蚊, 大家都心中有數啦.食完生蠔就會上兩個沙律比口腔清新一下, 跟住重點來啦, 每次來都超愛飲D個湯 <牛肝菌忌廉湯>, 超級奇怪我本人一向唔會飲忌廉湯既, 但D個湯真係飲完想再飲, 個牛肝菌, 茹味超濃又香又滑, 真的超好味. 比其他餐廳同款湯煮得好出色.其實飲埋D個湯已經飽, 仲有兩個主菜依家先開始食, 炭燒美國肉眼扒+原隻龍蝦, 當中有註場歌手一邊彈結他又邊唱歌製造浪漫氣氛. 最後, 最愛既甜品出場啦, 因為生日啦, 當點菜時同職員講就可以係甜品加上Happy Birthday to XXXX, 真的很貼心, 仲有專人唱生日歌Live 版祝賀. 每年慶祝生日都會來食返餐正既原因啦. 確實係生日之選.…查看更多

先來一個雙冬羊腩煲暖暖胃, 再附送絕配唐生菜, 羊腩炆得超冧, 雙冬 – 冬茹冬筍勁入味,加埋枝竹唐生菜, 吸哂全煲既羊腩精華, 勁好味, 加埋枝大啤酒一絕.再來個辣酒冬風螺, 冬風螺吸哂所有辣汁, 好味之餘又唔太辣, 非常野味.招牌炸子雞, 香口得來雞肉勁滑, 肉質勁juice, 鑊氣十足, 住家一定煮唔到.古法蒸超大芝麻班, 用冬茹肉碎蒸, 條魚吸哂所有兩者既味加埋蔥絲, 絕對比平時薑蔥蒸好食得多. 魚肉超滑勁入味. 好味道.全晚最驚喜既一定係黃金鮮魷魚, 看似平平無期, 一食落口超香脆加上啖啖既咸蛋黃, 咸咸地脆脆地, 無得頂呀! 諗起都要返去再食過.另一驚喜係拔絲蝦球, 當初見到個名咁得意, 我地即係叫來試一試, 拔絲蘋果香蕉就食得多, 蝦球都可以拔絲既?? 碟餸一上台令我地眼前一亮, 大排檔菜式都會咁精緻又伴碟既, 拔絲蝦球, 外邊係甜酸汁加炸漿包住大大既蝦球, 仲有少少拉絲, 蝦球超大隻又彈牙, 加上脆脆甜酸汁, 絕對係掂呀, 好得!! 成晚食不停, 講不停又過左愉快的一晚, 野食實左好味又抵食, 我地決定下次會再來試埋其他菜式.…查看更多

作為港島東人既我,  完全無諗過柴灣小社區會開一間咁好既食肆, 地點超方便行4分鐘就到港鐡站. 食物款式超級多一次過滿足我D個為食鬼, 種類多元化. 首先, 先來一盤新鮮刺身, 有三文魚腩, 油甘魚腩, 牡丹蝦, 大粒帶子, 赤貝等醒下胃先.再來, 一盤無限追加既新鮮蒜蓉蒸扇貝. 之後仲有無限追加雞煲, 雞煲好入味, 仲要來個冬瓜薏米湯底打邊爐, 重點來啦:來一盤無限追加既海鮮拼盤, 有花膠, 新鮮鮑魚, 海中蝦, 三點蟹, 蜆, 蚌, 完部都好生猛,  又來一碟牛肉, 手打丸, 魚皮, 嚮玲, 菜, 茹菌.....多野食到不得了.我地追加左幾次蒜蓉蒸扇貝, 幾次三點蟹, 蜆, 蚌, 真係食到<lam lam 利>, 如果刺身可以追加既就好到癲啦, 不過依架都已經超級滿足, 以$298一位, 電話訂位仲有85折, 咁新鮮食材, 咁多種類邊度搵得到.  D度仲有自家煲既紅豆水, 竹蔗水, 山渣水, 超多果汁, 汽水任飲,! 重點又來啦: D度另一賣點係無限時, 由6點食到10點, 問你點會唔泵住個肚走呀!唔洗多講, 好快就會再返食~~~正呀~~~…查看更多