Toby AhToe的個人專頁

朋友生日飯最後揀左霜瀛，環境舒適，高質omakase，食材新鮮而且煮法配搭各方面都好好，好滿意嘅一餐主理大廚Alex好nice，每款食材都會好仔細介紹，會有建議食法，有問有答，最後仲好好咁free多兩款甜品俾我地(變左每人有3款甜品，包括開心果雪糕＋椰子奶凍配抹茶醬汁＋烘焙茶creme brulee)，超滿足有機會會再食有3種價錢omakase餐牌，中高價的兩款第二位客人可享半價優惠，更加抵食啊啊啊…查看更多

剛好喺灣仔staycation，見到Flagship有咁多好評就順便試一試《麻唔辣四川蜆》正如字面意思，麻多過辣，食起嚟真係好過癮D蜆好大隻，脹卜卜咁，用法包點埋d汁食真係一滴都唔浪費《Sweet P. Fries》即係炸蕃薯，甜甜地，值得推薦嘅小食《大閘蟹糕燴飯》D飯有d硬，再煮耐d會更好，同埋如果連埋蟹殼上菜，賣相會更加吸引。《美國USDA西冷牛扒》牛扒外層煎得有點硬，伴碟嘅鹽太粗，磨細粒d或者直接轉用幼鹽會更好，牛扒整體黎講都可以…查看更多

好多年前食過YAMM，當時感覺好一般，菜式一般，味道正常，總之就冇咩特別～一直都冇諗過再去食，直至老公喺公司抽到Free Brunch Coupon...... 冇諗過Brunch都咁多野食最驚艷嘅係有好多海鮮/貴價野食，有D冇影到相，有龍蝦、鮑魚、花膠、帶子、魚翅.... 龍蝦配上熱辣辣嘅芝士，超級好味魚翅湯好足料:)帶子同花膠都唔錯唯獨鮑魚，因為係凍盤，佢有3種汁選擇，但我覺得都唔夾，如果轉做磯燒或者其他汁煮會更好不過甜品就好一般，有d甜品連名牌介紹都冇，完全唔知係咩甜品，只能靠"目測" 。因為臨近新年，所以都有唔少新春特色嘅甜品，賣相討好，但味道真係冇驚喜，某d味道更怪怪的，只可以講YAMM嘅強項唔係甜品另外一個驚喜係香檳任飲！食過好多間酒店buffet，但冇一間嘅餐飲係好似YAMM咁咁多選擇有香檳、紅酒特飲、果汁、檸茶、檸水、咖啡，咖啡都有5種（Regular、Latte、Mocha、Espresso、Cappuccino）整體黎講好滿意，冇諗過YAMM而家質素高左咁多…查看更多

一開始係可以在收銀處點外賣和付款。但之後就變成要客人掃QR code網上下單，付款方式可選現場俾錢或網上俾錢。咁都算了，自己上網落單就落單。但到左而家，網上落完單後，就只能網上付錢(信用卡俾錢)！連現場俾錢都唔得！大佬吖，食果$75-$90蚊野，你要我用信用卡俾！？真係好趕客，完全浪費客人時間。唔係個個人都鍾意用信用卡俾"食飯錢" 囉！仲有之前食果幾次，5次有3次都錯野或漏野！走蒜又無走到！少油又勁多油！最離譜一次係order中的一樣食物"豆腐" 無俾到，完全漏左，外賣返到屋企打開先發現，錢就俾足，食物就甩漏。…查看更多

入元朗搵fd食lunch，burger配薯條，落order時可選將burger cut一半，方便進食。水牛雞翼一碟6隻，隻隻都好入味又啖啖肉:)特飲都好唔錯（芒果味酸酸甜甜），值得推介…查看更多

難得返大埔食晚飯，喺門外見佢餐牌幾okay，選擇好似好多，所以就去試試，點知...... 龍蝦汁海蝦蟹肉燴意粉：配料算多，有幼蘆筍、細粒帶子、蝦、蕃茄仔，但個汁好淡，完全試唔到龍蝦汁味，可能我眼力唔好，搵唔到蟹肉。南瓜意大利飯配香煎帶子：超淡無南瓜味，意大利飯仲有少少硬。同碟意粉一樣，感覺完全係"病人餐" ，如果病左又想食西餐，真係好適合，淡到同白粥無分別。:(玫瑰蜜糖雞翼：最正常同好味小食淡淡玫瑰花香配甜度適中嘅蜜糖，外脆肉嫩有肉汁一碟6隻，值得推介。龍蝦湯：偏鹹:(，間餐廳d菜式好奇怪，一係超淡，一係偏鹹，希望餐廳改善吓，水準要穩定先得。餐牌寫"Vegetables with fries" ，我相信中文係叫薯菜，但菜嘅比例完全成為了配菜，叫炸薯條咪算囉，我可以當d菜係配飾，何必叫vegetables with fries嚟誤導消費者呢:(:(:(:(:(左：荔枝蜜桃梳打右：檸水如果食西餐，我相信唔會再幫襯…查看更多

本身都幾鍾意食車仔麵，見華明街市新裝修後，d食店應該唔差，至少喺開業1-2年內正常都會用心經營，服務態度會良好先啱，所以連續3晚放工後都幫襯。但好可惜，哩間車仔麵真係個奇葩，服務極差！第1晚 （忘記影相），買完4餸車仔麵俾錢時，問收銀姐姐可唔可以俾八達通，佢目無表情淨係答左我一個字"無" 。OK, fine，我俾現金。同一晚，我老公放工返到華明同樣買車仔麵，但佢離奇地成功用到八達通俾錢。我真係好無語。第2晚，買左5餸麵 （生菜，蘿蔔，魚蛋，芝士腸，鮮枝竹），蘿蔔有渣兼唔入味，芝士腸得兩小條就$7:(重點係俾錢時，我同樣問可唔可以俾八達通 （因為佢係有八達通機喺收銀機旁邊），阿姐好冷淡咁答我無，我好奇再問係咪以後都唔收八達通？佢話係。OK, 我再一次俾現金。:(:(:(但30分鐘後我老公買完車仔麵返家時，我再問佢用咩俾錢，老公同樣話俾八達通，我真係好無奈同開始火火地，點解連續兩晚老公得我就唔得！？第3晚，蘿蔔依然有渣，辣魚蛋唔辣同樣喺俾錢時，今次係一個男人收銀。有過前兩晚經驗，我今次決定問清楚！我：八達通吖唔該佢：唔收我：係咪以後都唔收八達通？佢：係我：但我老公哩兩晚喺我買完車仔麵半個鐘左右都可以用八達通俾錢喎收銀阿哥唔出聲40分鐘後老公又係買車仔麵食，老公話用八達通俾錢無問題。Ok, fine。真係火都嚟！粗口都講埋，我以後唔會再幫襯！明明有八達通機你都講大話，老公都唔明點解間店咁唔老實，點解一時一樣，所以大家決定罷食！唔會再幫襯…查看更多

三文魚魚子pizza: 味道幾好, 三文魚同魚子份量都多, 唯一敗筆係我地3個女仔食, 佢cut成8份, 好難分, 如果細心同有誠意就應該cut 9 or 6份:(軟殼蟹意粉 : 少少辣, 野味同夠creamy, 可惜隻軟殼蟹炸得好一般雖然蟹無異味, 但感覺唔多新鮮>3<海鮮墨魚汁意大利飯 : 海鮮配料都幾大隻同多, 但個飯唔夠軟身, 食到有少少硬, 而且我覺得d檸檬絲同個飯唔match:(整體嚟講不過不失, 無乜驚喜, 價錢偏貴, 另外叫左3杯野飲, 埋計total $651.2…查看更多

放工同老公食飯, 好好彩7:40pm去到都唔駛排隊就有位。三文魚同帶子壽司都好好味大大件又無雪味, 每檯必叫。另外三文魚海膽卷都ok, 只係海膽味唔夠突出同鮮甜, 壽司飯有d糊左感覺冬菇串一般, 燒得乾身又無乜菇香味:(另外個薄燒牛肉一D都唔好食, 一初以為係薄薄一件攤開燒好, 估唔到係卷埋一舊, 仲要裡面有好多炸蒜, 超重口味同極鹹牛肉鍋不過不失, 比街外牛肉鍋淡味, 亦無雞蛋喺面:(有d失望囉！原先打算叫芒果蟹籽沙律, 但佢無芒果, 唯有淨叫蟹籽沙律超大碗, 2個人食都食唔晒, 味道ok軟殼蟹天婦羅麻麻好食, 不食也罷, 首先炸得唔夠香口, 其次個天婦羅汁好鹹餃子烏冬 : 基本上得碗烏冬好食同正常果3隻餃子超難食, 皮厚餡鹹, 早知叫淨烏冬好過最後免費送左2粒綠茶雪米糍, 難食, 好似食緊粉團咁, 無綠茶味2人埋單總共$467…查看更多

網上火紅buffet, 傳聞要3個月前預訂, 但我2個半星期前網上預訂就有位:)海鮮都算多選擇, 有龍蝦, 蝦, 蟹, 魚, 鮑魚, 魷魚, 花甲, 蜆......自選煮法 (包括清蒸, 避風塘, 上湯, 椒鹽, 蒜蓉等等) 烹製後部分餸菜會由員工送到檯上, 部分則需客人自取。蒜蓉蒸比芝士焗龍蝦出色, 保留到龍蝦肉汁, 相反芝士焗太乾身果皮蒸鮑魚 : 鮑魚本身細隻, 蒸完個size得兩隻指甲咁大避風塘魷魚及龍蝦 : 有d鹹, 亦可以說係好野味薑蔥炒蟹 : 正常煮法, 但隻蟹又係太細隻, 無乜肉食, 食龍蝦好過另外有燉湯, 炒飯, 麵, 鮮揸果汁汽水任飲, 沙律但比較失望嘅係刺身, 甜品選擇少, 無生蠔(只有焗蠔), 刺身得4-5款, 無帆立貝刺身:(甜品少款又唔好食, 雪糕只有軟雪糕, 無哈根大同movenpick😰😰佢最出名嘅焦糖燉椰子都好一般。8:04pm order左一客心太軟同薑汁梳乎里(職員說稍後會送到座位上)8:25pm 仍未有, 我問負責整甜品嘅職員姐姐, 佢話已經送左我話無見過喎。之後見到有個男經理問女經理, 應該佢地送錯檯😵女經理幫我re-order8:39pm 送到原本打算8:30pm埋單走人之後食埋甜品都8:46pm拿拿聲埋單搭車去碼頭好彩之後都順利搭到9:30船Buffet MOP$699+1 / 人我覺得係偏貴嘅, 只有海鮮(龍蝦鮑魚同牛肉)啱食, 以往我都會食幾輪刺身同大牌子雪糕, 但Mezza9完全滿足唔到哩方面以價錢嚟講, 香港金鐘三寶, The Market, 洲際都差唔多, 但款式更適合我…查看更多

嚟到澳門無理由唔食葡撻, 網上好多人都推介安德魯, 一於買嚟試試排了10分鐘, 買了2個葡撻 ($12/個), 果然有驚喜撻邊同撻底都好鬆脆, 熱辣辣, 整個撻甜度適中❤, 如果唔係要留肚食buffet, 我一定食4個…查看更多

見到好多人都推介檸檬車露, 決定要試一試(*地點 : 往大三巴方向的一條橫巷)店舖內有多款口味雪糕選擇, 差不多有30款當中亦有不少特別口味, 例如黑芒果味, 顏色黑黑但味道卻是芒果味。 (不過拍照就不太美觀喔)我叫了彩虹+芒果味(正常黃色), 雙球$35。彩虹味當中有軟糖, 甜甜酸酸的很不錯。而芒果則淡味道, 我比較喜歡濃味道的…查看更多

2個人食左總共$91包括有咖哩牛雜+2串魚旦+1串墨丸+1串牛百葉+1串魷魚+1串芋絲(真係偏貴)老實說咖哩是很不錯, 辣辣地, 但始終食物係分開煮, 灼煮食物後加咖哩汁喺面, 食物唔會入味。整體都ok, 試一次就夠一條街有5-6間賣同類型食物, 但最多人幫襯都係恆友, 可能名氣大D。…查看更多

Weekend Lunch時間, 同老公近近地去左華明果邊食, 兩人都order左牛柳粒定食$60但牛柳當中混有一條幼細嘅鐵(鋁)線, 眼力差d就食埋:(:(:(廚師/店家未免太唔小心, 食物安全是常識吧。牛柳味道都ok, 但偏鹹。帆立貝壽司, 超細片帆立貝, 壽司飯又實:(…查看更多

同老公間中都會幫襯湘川滬, 食物質素唔錯之餘, 價錢亦合理, 份量亦都多。酸菜魚$98, 酸味會比辣味重, 魚肉雖然不及大陸某間網紅店(太x)嫩滑, 但魚塊數量多且片片都好大件仲有好多粉絲喺底添值得一試。雞肉煨麵$40, 雞肉有少許雪藏味, 菜亦砌得比較大粒, 但湯底還是可以的榨菜肉沬配叉子燒餅$78, 榨菜肉沬有dd鹹同油, 非必食菜式, 2人吃4件實在有點多同膩奶黃流沙高力$36, 一咬開就流出溫熱嘅奶黃, 唔會過甜, 好食!…查看更多