ying_0504的個人專頁

尖沙咀泰式渡假風餐廳🇹🇭尖沙咀有間高人氣泰式餐廳，好多人都會特登去打卡，全因裝飾風格為亞熱帶風情🏝，有太陽傘⛱、榻榻米，行入少少仲有𝖡𝖠𝖱枱!🍸店舖環境非常適合打卡影靚相📷，但食物質素都唔馬虎同店員服務態度亦非常好！當中有小插曲更加覺得店員服務態度非常好。我地叫左冬蔭公帶子意大利飯、泰式虎蝦炒意粉、泰式奶茶同青檸梳打首先送上椰子雞湯🥥，湯頭濃郁，帶帶淡淡椰子香，本身唔喜歡飲椰子湯既我都覺得好好飲！冬蔭公帶子意大利飯：冬蔭公帶點酸味但又唔會過辣搶喉，醬汁同意大利飯相當配合，帶子煎得香口，呢個飯真係好好食！泰式虎蝦炒意粉：意粉帶微辣，炒得夠乾身，虎蝦彈牙爽口！泰式奶茶：用玻璃樽裝，份量多，可以倒出兩杯，雖然好想拎走個樽，但因為泰式奶茶都係我鍾意飲既，所以可以成枝飲哂！整體都非常滿意，尤其是冬蔭功帶子意大利飯，真係好好味！呢間都強烈推薦大家去試下！…查看更多

極級鬆軟戚風蛋糕🥧個日入到去大西北搞少少私事，咁遠入到去一定要買返啲手信先出黎😝但無理由仲買老婆餅咁老土。於是上網搵下見到呢間都幾多人推薦！呢間專賣戚風蛋糕既餅店，食過既都大讚！我個日買左3隻味道：草莓、伯爵茶、朱古力！草莓🍓：超有驚喜，本身係因為阿女鍾意食先買呢個，估唔到係最好味，一打開包裝已經聞到好香既草莓味，蛋糕入面有草莓籽，蛋糕係超級鬆軟！伯爵茶🫖：本身好鍾意伯爵茶，所以一定要試，茶味唔算濃郁，如果可以再濃啲會更好！朱古力🍫：一打開包裝又係好香朱古力味，但食落唔算好重味道，都係感覺可以重味啲會更好！呢間既戚風蛋糕真係好鬆軟，完全做到Q彈既感覺🤤但今次MVP竟然係草莓味，真係好味！阿女都超鍾意食，連另外兩隻味道都爭住食哂！食完都有啲後悔買得3件咁少，而且大西北對我黎講都真係有啲遠，下次有機會都會買多幾件！…查看更多

以蛋做主題既人氣cafe位於大圍既E For Egg係人氣既打卡cafe，cafe如其名以蛋為主題，最出名既係盒子吐司。當日去到已經4點幾，但店面仍然人氣滿滿，而且仲有人係店外等位，等位期間仲有不少人買外賣，可見呢間cafe真係好多人幫襯！我地叫左黃金鳳梨炸雞盒子吐司、E FOR EGG芝士奶蓋招牌窩夫、Latte同Ginger latte。黃金鳳梨炸雞盒子吐司$98：炸雞下有一大片滑蛋同菠蘿，首先炒蛋非常滑身，炸雞係酸甜味，唔會似韓國炸雞咁有陣化學辣味，濃淡適中完全唔會搶喉，加埋菠蘿同炒蛋，真係非常之夾吐司，伴碟仲有蕃薯條同芝士年糕，一樣咁好味！E FOR EGG芝士奶蓋招牌窩夫$88：呢個造型真係好可愛，上面小小既蛋黃唔係咁食得出係咩，口感似雪葩，下面蛋白就係芝士奶蓋，奶味重，切開窩夫裡面原來收埋左雪糕糯米糍，窩夫脆口好味，碟邊仲有小小既Brownie！奶蓋夾窩夫估唔到又幾夾，而且食多兩件都唔會覺得膩！兩杯咖啡屬正常味道，呢間暫時算係食過咁多間cafe中最鍾意既一間，絕對可以encore！…查看更多

熱潮未退既布甸包近年大熱既布甸包越黎越多麵包舖有得賣，但又未必間間好味！今次試下呢間係旺角新開既「紅豆烘焙」，布甸包有原味、朱古力同焦糖3隻味道，當日我揀左朱古力味布甸包，本來想買埋焦糖味，但個日無出爐，另外仲買左半磅曲奇。朱古力布甸包 $18：因為屋企焗爐壞左，所以無得焗返熱，麵包拎到返屋企時仲係微暖，所以食既時候麵包仍然夠脆，咬開布甸，有輕微流心效果，布甸夠滑，朱古力亦夠濃，外脆內軟，真係唔錯！朱古力迷可以一試！反而曲奇就較失色，唔夠牛油香，味道較淡！曲奇都係要食返貴族餅店先好味！咬一啖麵包再配自家沖製mocha ，呢個下午茶好邪惡，但又會越食越上癮！…查看更多

「十三姨～～」 當你聽到十三姨呢個名，你會諗起咩？淫賤搞笑的毛舜筠還是氣質美女關之琳？我就會想起位於旺角的一間名為「十三姨」的食店。此店主打濃雞湯手撕雞陽春麵，亦有手撕雞雞油飯，而且仲有串燒供應！裝修亦是古色古香，以木材為主調。未叫餐前先有小食蝦片奉上，蝦片脆卜卜，可以一邊吃一邊等待。但我地只吃了幾片，食物已經送到。大三元包括有炙燒手撕雞伴雞油飯，炙燒雞叉燒，溏心蛋。調味料亦有秘製飯豉油，先試一口未有加味道的原味，感覺淡了一點，於是再加秒製豉油，豉油比較淡色，亦不算濃味，配合雞油飯恰到好處！老闆娘鵝肝煎蛋飯鵝肝煎得金黃，但吃不慣有點辣的飯！雖然食到好飽，但仍然可以食到一粒飯都無！呢間食店絕對可以encore!…查看更多

小小的店舖比大企業、大集團式的經營更有人情味，就算每晚店外有多人排隊，都從未想過要搬大一點的店舖，就是為方便熟客。每一晚店外都是大排長龍，幸好當晚早一點去，否則要等好久。拉麵選擇不算多，本想叫沾麵，但可惜是期間限定，結果選了醬油牛肉拉麵、魚豚骨拉麵、九洲拉麵。醬油牛肉拉麵 - 湯頭帶點甜，雖是醬油，但又不會太鹹，麵條爽彈，每一口都有濃濃醬油味道。煎餃子 - 食拉麵都很喜歡點餃子為小食，但要煎得香脆亦不是每間店舖都能做到。雖然小店座位不多，地方亦不是寬闊，但就有種在日本吃拉麵的感覺。絕對值得一試！…查看更多

沉日去左中環個邊同客人傾野，因為唔係成日黎呢區，所以預早左時間到。本身諗住去starbucks坐下，但行下行下又比我見到呢間cafe「Vida Coffee Stand」，最先係比佢個muffin吸引左，於是叫杯咖啡同muffin嘆下等夠鐘！呢度地方唔大，但由我order後等緊的呢10分鐘內都非常多人過黎買咖啡！全店以雲石色去佈置，感覺簡約又舒服！當日有牛角酥同埋吸引我的chocolate muffin，另外仲有blueberry同carrot口味！呢度都有咖啡豆比大家買走，如果試過好飲就可以帶返屋企慢慢嘆！外賣杯都係雲石花，真係好靚！店內仲有我最鍾意的繡球花做裝飾！ 好香濃的朱古力味，而且蛋糕好鬆軟，不過當時食已經涷左，相信熱食更佳！飲咖啡比較鍾意飲甜少少的Mocha，呢度的Mocha唔會得個甜字搶哂咖啡的香味！雖然呢度只有企位，但都有唔少人選擇堂食！其實係呢個咁繁忙的城市，即使係企係度嘆一杯咖啡，都可以將你當時緊張的情緒暫時忘卻！地址：中環皇后大道中9號嘉軒廣場2樓220-1號舖…查看更多