老陳餅店 (已結業)

極級鬆軟戚風蛋糕🥧個日入到去大西北搞少少私事，咁遠入到去一定要買返啲手信先出黎😝但無理由仲買老婆餅咁老土。於是上網搵下見到呢間都幾多人推薦！呢間專賣戚風蛋糕既餅店，食過既都大讚！我個日買左3隻味道：草莓、伯爵茶、朱古力！草莓🍓：超有驚喜，本身係因為阿女鍾意食先買呢個，估唔到係最好味，一打開包裝已經聞到好香既草莓味，蛋糕入面有草莓籽，蛋糕係超級鬆軟！伯爵茶🫖：本身好鍾意伯爵茶，所以一定要試，茶味唔算濃郁，如果可以再濃啲會更好！朱古力🍫：一打開包裝又係好香朱古力味，但食落唔算好重味道，都係感覺可以重味啲會更好！呢間既戚風蛋糕真係好鬆軟，完全做到Q彈既感覺🤤但今次MVP竟然係草莓味，真係好味！阿女都超鍾意食，連另外兩隻味道都爭住食哂！食完都有啲後悔買得3件咁少，而且大西北對我黎講都真係有啲遠，下次有機會都會買多幾件！