LL8619的個人專頁

他們沒有結業 - 搬了去鑽石山 A2 出口六合街。可以上 facebook 搵佢地。水準依舊很好，做八折（$480）買了 flamenco 給母親慶祝生日。外表：外型華麗，不過朱古力片很容易因為溫度傾倒，拍照要儘快。味道：非常濃郁的朱古力，一吃就知道用料矜貴，但對小朋友來說這朱古力太濃，要配 vanilla 雪糕一齊吃。我自己則覺得味覺滿分。喜歡濃郁朱古力的朋友一定要試試看。中間有層熱情果/橙味 jelly - 老公不喜歡（覺得做多咗）。我覺得OK。個人喜好而已。…查看更多

好有 heart 的餐廳 - 米芝蓮級數的食物，將一件件藝術品鯨吞落肚嘅快感。我的相機都表示很幸福。很 warm 很舒服的環境，親民的價錢（重點），很好客的老闆夫妻檔，一定會翻兜！重點推介：不過佢地兩個月轉一次 menu - 下次去都未必食得翻！Appetizer：綠色花園那個係頭盤。海底世界。砌到幾鬼靚。栩栩如生。有曬生態環境咁 🧐 美輪美奐！Soup：北海道刺身帶子 corn soup 都好正。係「渣less」- 一點渣都無。Main：Lamb Rack 一點也不蘇，Crab Leg 份量好多！好滿足。唔似其他法國餐比得嗰 2 舊仔你 seep 牙乸。Ocean 比足 3-4 大舊。鮮甜可口。Dessert：白色一 pat foam - 椰子七重天。真係做到好似國慶煙花最後一幕嘅高潮位，當你 80% 飽，佢仲可以帶妳進入新一輪嘅高潮。口感由 foam 去到脆硬片，由熱去到凍 sorbet。係一種冷靜與熱情嘅掙扎。今日每人 dinner $660。性價比 super 勁高。呢度很適合拍拖，慶祝週年，生日，追求心儀對象，朋友聚會 etc。一定再黎！…查看更多

聽聞我最喜歡的中菜餐廳大廚 Jacky Chung 同 D 好兄弟一齊合作係筲箕灣東大街開了一間車仔麵店，叫「九哥車仔麵」，我呢個從來都未入過筲箕灣嘅人特登走去試試看。意見（先小人後君子）：服務唔掂。佢有一個員工係乜都唔知 🤣 嚴重欠缺 training。清湯個湯底係非常唔錯。出面 $40 樓下嘅車仔麵係很難找到這個湯底。佢有一陣金華火腿味係湯底裡面。番茄南瓜湯底都好特別。營養價值又高。我會翻兜。老公話麻辣嘅湯底唔掂。唔會再翻兜麻辣。會轉食清湯。餸菜質素都唔錯。豬扒，蘿蔔，雞翼，魚腐，札肉，都跑贏同價嘅其他店。小吃全部讚好，土匪雞翅（雖然係無芝士味嘅 - 但都很好味），蜆芥手打鯪魚球，炸雞塊，性價比 + 色香味全。可惜，離開我家鬼死咁遠。。。我會推介比附近的朋友仔去支持。希望佢地 keep 到呢個水準。臨走，老闆竟然話佢地係有乳鴿食的。不過要早一天預訂。我下次一定試試看。#千祈唔好做做吓hare咗變成普通清水車仔面#東大街4-10號#筲箕灣官立對面…查看更多

平時很少過海搵食，今日帶埋班細路去尖沙嘴，見到金馬倫道開咗間新嘅泰國嘢，見到 menu D 食物又平又吸引，即刻入去試吓。1: 🐔水門雞 - 好滑又唔韌，配埋個特製汁真係一個人隊半隻無難度2: 🐷無骨豬手 - 好入味，豬手皮好夠火，尤其口感唔太淋又唔韌。保留一點咬感3: 🦐泰式生蝦 - 辣到阿媽都唔認得但勁勁勁好味。停唔到口！4: 🦐炸蝦波 - 外面有卜卜脆嘅麥片，我女人仔細細一個人掃咗六粒5: 🐂生牛肉河粉 - 呢個真係性價比超高。$46 超巨碗 + 湯底不輸任何越南牛河店6: 芒果🥭糯米飯 - 完美甜品。個個都 lam lam 脷7: ☕️泰式咖啡一定要試，超正宗。連我這個平常不飲咖啡的人都覺得好味。#老闆肯定係一個善良嘅人#賣咁嘅價錢比咁嘅貨#扶貧餐廳#與地產霸權對著幹#一定翻兜…查看更多

昨晚同幾個中學同學去呢間在旺角/太子魚麵專門店「noodle noodle 麵麵」，D嘢真係幾特別同埋有創意。我第一次試咁彈牙嘅魚麵，魚嘅含量好高有成 70% 但又無腥味嗰吓奇。個人特別推介溫泉蛋明太子魚麵，真係好濃郁可口，真係好好味。唔鍾意明太子的朋友可能會覺得鹹。我自己就好鍾意。嗰個炸 twins 春捲都好香口。比多兩條就最好不過啦飲品好貴啊 $52 一杯。我飲咗熱情果。雖然真係足料用鮮果而非糖漿，都係貴咗D避風塘雞翼朋友唔like，我自己其實好 like 牛油果魚皮 nachos 最特別 + 有驚喜。值得再翻兜 lam lam 脷 …查看更多

説實話，我來過這裏吃幾次 lunch，印象非常不錯，$398 刺身 set 交足貨，夠新鮮夠厚，$228 銀鱈魚西京燒套餐都很出色。但有一次試了晚餐的 Savouring Art Menu $550 per person 真係好失望。完全不值這個價錢。重點係唔飽肚。我唔係 expect 食 D 精緻料理要食到放題咁嘅程度。但我覺得一個 dinner set 要起碼比到客人七分飽才算及格。而非只係下功夫在 plating 度就當係藝術。同埋上菜極慢都係一個扣分的地方。我當晚與另一女性友人最多係五分飽都未必有。仲要食下場囉。另外不滿意的就係隻碟點解可以咁髒，勁多不知名的印。令人很倒胃口。自己看照片。lunch sets 我會翻兜。dinner 要付出貴一倍價錢就免了。…查看更多

這家日本餐廳，在銅鑼灣燈籠街名為「竹串」。開了不太耐，性價比真的非常不錯。我早前已經寫過一篇食評推介他們，為何要再寫，並非我有股份或者同老闆係 friend。係單純覺得近年咁有良心經營餐廳已經不多。所以希望公諸同好。我過去三個月一轉眼已經光顧了十次。。。帶埋家人老友一齊捧場（圖中照片與早前的食評沒有重複）今次 post 嘅 $328 刺身 platter 係上星期五晚上吃的。已經可以完勝我吃過的任何 omakase dinner。唔該睇吓照片刺身嘅厚度。真係良心經營。希望可以 keep 到水準！唔好越旺場就越縮水啊！lunch sets 就大概二月尾吃的。平到笑 - $68-98 交到中環 $150-300 嘅貨（自己睇相）dinner 飲埋酒，食埋靚刺身，喪食串燒都係 $350-400/head 左右。同老闆傾偈發現原來佢地嘅刺身都係日本空運直送，一個星期送幾次。唔怪得咁新鮮！唯一唔好就係只係收現金。。。同埋 payme 希望可以快D裝部卡機啦PS：所有照片 and collage 都係本人自己拍照自己整，請勿偷圖。…查看更多

昨晚第二次光顧這家日本餐廳，在銅鑼灣燈籠街名為「竹串」。第一次光顧的時候，上菜速度極慢，一串牛脷等了一個小時，又漏單，蠔又焗到縮曬水，以我一貫作風是絕對不會翻兜的。但不知為何對他們的味道念念不忘，加上看到網評對他們的雞皮讚不絕口，就鼓起勇氣翻兜一次。喔。老闆娘說原來炒了那個廢廢dum波鐘廚師，今晚速度非常滿意。食物水準比上次更好！唔差得過索價不菲的「X亭」啊！性價比和食物總類更多選擇，服務員都很親切，仲送雪糕甜品。完勝！昨晚 order 了：雞腎 雞心 雞軟骨 雞翼 牛脷 黑豚肉 鵝肝 海膽 蝦膏 雞皮 蜆肉湯 釀冬菇 免治雞肉串 蝦膏蠔 蒜蓉蠔 日本進口新鮮大螺刺身日本進口新鮮大𩶘貝正常係 $300-350。老闆計我 $200。串燒價錢很便宜。真是良心餐廳收現金 only。…查看更多

來過這裡食 dinner omakase 同埋 lunch sets，覺得一定要上來推介一下 lunch sets。真係非常非常抵食！大家都知道食得晚市 omakase 無 $1500 per head 都好難落樓，但呢度嘅 lunch 只需要 $620 就可以品嚐 15 貫壽司喇！14 貫廚師拍板，最後一貫自己決定！我 encore 咗海膽啊～ 味蕾高潮啊！奉送蒸蛋（極香陳皮味），湯，甜品。大滿足！食材新鮮，稍嫌環境不適合傾偈，因為 open area 同埋好靜，基本上零私隱，午市限定 1:30pm 交檯。但時間都充裕嘅，不是很趕。值得推介！…查看更多

同朋友點了兩個 all day breakfast，徹底中伏。說實話，我梗係知道呢間嘢主打食海鮮。唔係食 breakfast，但唔該，作為一間有質素嘅餐廳，我真係無預料佢地會交D咁嘅嘢囉！大家可以參考一下我唯一上載的一幅照片。呢個 breakfast 名叫「Mr Crab All Day breakfast」理論上有一隻蟹肉鉗。但坦白說，圖片隻蟹肉鉗，一定大過實物。實物係手指尾咁大。無誇張。我同朋友二人看到的一刻，真係O 曬嘴。覺得無下次。亦唔會再試呢度的 dinner。咁嘅出手，唔洗啦謝謝。味道方面，牛油是硬的。spread 唔開。waffle 是微暖和冧的。完全唔脆。唯一正常係那份有兩碗飯咁多的炒蛋。我真係多謝你地啊。$128 set 食炒蛋兩碗。真係好飽。我食唔曬。甜品是兩塊甜到漏的檸檬蛋糕，我沒有吃完。我朋友勉強送兩啖咖啡吃完。唔好意思各位，我沒有拍照。因為我已經無曬mood。我朋友叫了餐飲係熱咖啡。她說很苦geep，沒有咖啡豆的香味，加了兩包 brown sugar 還是難以入口，中途放棄了。我杯檸水應該無乜可能咁都伏啩。說實話，我知道 $128 一個 set 不能期望人地比拳頭咁大的蟹肉鉗，但亦唔係手指尾咁細嘅嘢囉，能做這樣的 dish 出來，捧得出來，你也算是個人才。真係無下次。…查看更多

師奶貪小便宜團購［少伏篇］：被團購網站誘惑了。$1 一隻片皮鴨？無得輸喇啩！試吓啦。平日星期日點都要飲茶㗎啦。事事旦旦又一餐。服務：好差。職員乜都唔知，唔清楚，做嘢粗魯。環境佈置：中下下佈局（但正價點心唔平喎！正價大點成 $35-40 一碟喎 - 見佢係早茶/下午茶時段就好便宜。）:)味道：中規中矩，部分中上。過程與感受：訂檯時，透過 whatsapp 訂中午飲茶，點知職員話 $1 團購優惠只可點小菜， 不能中午飲茶用。我再細閱條款，無呢個限制喎！我表達不滿，條款都無限制午市晚市，更加無話一定要食小菜唔準食點心囉。轉個頭，又話可以食午市 and 點心。零限制。為何公司做團購，已賣出超過 450 隻鴨，員工們會唔清楚條款？實在不可思議！我唔信我係第一個光顧嘅囉 。如果員工清楚條款，特登咁樣逐個客搵位入，呢間嘢嘅營商手法就好有問題喇。我都希望係誤會啦！唔通咁啱我真係第一個光顧的團購客？！坐下來了，又有個落單阿姐走埋來。話四個人只送半隻。八個人先送一隻。！我話，條款都無講四人送半隻。大大隻字寫明係 $1 一隻鴨！我即刻唔客氣投訴，經理又話變 $1 一隻鴨，所以你地話，到底是怎麼回事？都幾取巧！你估個個客好似我咁 outspoken 㗎，遇著性格鵪鶉 D 嘅，面皮薄嘅，咪被佢地搏大霧慳半隻鴨？！團購條款清楚寫著 $1 一隻鴨㗎喎！蝦餃，燒賣，馬拉糕，腸粉中規中矩，叉燒，火鴨絲炆米中上。片皮鴨就幾好味！脆脆 + 有厚肉。圖中就係一隻的份量。茶芥每位 $15。合理。如果八個人先食呢碟嘢，真係唔方唔饑荒！勁 order 正價食品填飽個肚，我又覺得唔值呢個價。如果餐廳老闆有睇到呢篇食評，我真係真心誠意塞錢入你袋：搞得團購就當 dum 錢做 marketing，係要留個好印象比D新客，回饋一下長期支持的舊客，留個好印象才有返頭客。如果個個團購客食完，會好似我咁花時間寫篇論文發表感想，相信好快連團購都唔會有人買。老闆有心做好，就唔該 brief 吓D staff 團購細則。唔好個個係度傳遞錯誤訊息。即係倒自己米，形象差曬。感覺不好。香港持牌食店已經超過 9000 間。想不到原因為何要再回頭。…查看更多

住在灣仔多年，都未試過這間 Kanizen，近年蟹宴大行其道，終於的起心肝來試試看，我選擇 lunch time 來試試看 $698/head 的 set 試水溫。果然無失望！性價比很不錯。門口的按鈕挺隱秘，採用兩層躺門設計，莫非係用黎 block 住D 狗仔隊？餐廳燈光比較幽暗，頗有情調，座位很寬闊。非常適合拍拖約會。食物味道以清淡為主，喜歡吃濃味的朋友未必欣賞。我個人就很喜歡那種每一道菜都是清清的感覺，目的自然是要突出蟹肉的鮮甜可口。任何濃味的調味料都是多餘的。服務人員很貼心。不錯！…查看更多

自從 Avanti 開業以來，我一家已經光顧過不下於十次。(搞到我好似打手咁）我真係要支持呢間地產霸權下的逆市奇芭！原因如下：- 價錢很合理。lunch $98-128- 食材唔差！用料唔 cheap。起碼同區我搵唔到性價比更好的！- 一個 $98-128 嘅 lunch set，有湯，麵包，主菜，好好嘅伴碟 veggies，甜品，餐茶，請問仲想點？- 餐嘅湯/沙律/甜品一D都唔 hare，認真製作。唔似好多餐廳，個 set 甜品分分鐘係一個 2cm x 2cm 嘅蛋糕。。。 - Avanti 係比 10cm 直徑嘅中杯做甜品。我已經食過 panna cotta，木糠布丁。- 牛扒真係正。我自己會飛甩老公一個人黎 gur 扒- 餐飲：大部分餐廳比個杯。Avanti 比個 jug。- 廁所都 keep 得唔錯。有換片板。繼續支持！希望餐廳管理層見到食評可以保持質素！千萬唔好退步！…查看更多

講真，我從來未食過咁呃 like 嘅 high tea set 甜點精緻到美輪美奐。唔係得個樣。味道也很好！服務態度很好。服務人員會介紹享用次序，細心拍照，提供手袋專用座 食物介紹請細心欣賞照片的 captions。（上載了 12 張）非常推介城中各位靚仔靚女去支持一下。只係逢五，六，日先有得食喔！重點係唔貴, 有靚海景 + 裝修。食個名氣已經抵曬CP 值 100/10賣相 10/10鹹點味道 8/10甜點味道 10/10服務 100/10環境 9/10…查看更多

經過家附近的一間日本料理，被門口一張刺身塔的海報吸引，進去試試看吧。價錢係平。$108 起有刺身飯 set。但飯的份量細（右下嗰碗竟然係用 miso soup 個碗，做到好似爆丼嘅視覺效果 😨），我六七成飽。我老公完全唔飽。牛脷完全唔及格。有騷味。唔落檸檬汁入唔到口。Yuck。刺身OK新鮮，唔算薄但也不算厚，但唔係特別 impressive。普通貨色。刺身飯同醋嘅比例好差。我第一個感覺係好似縮咗嘅飯咁。一係就隔夜飯用多D醋掩蓋個隔夜味。好差。要用大量醬油掩蓋D 怪味。服務麻麻地。D waitress 係D 無水準o靚妹仔。一路開工一路各自吹水嗰D 廢青，唔比心機專心工作亦唔 pro。完全唔似 openrice D 人講到咁 lam lam 脷。同埋呢間餐廳都要預 $200/head埋單架。連 tissue / 濕紙巾都無比客，真係環保。以後唔會再去。…查看更多