sho_li's Profile

中秋節食晚飯，真係唔想揀中菜。見新開張，打電話問下，話無需叫套餐、無加價。咁就一於去試下。中秋節分2輪，5:30同 7:45。book左7:45，去到就入座，唔洗等，幾好。睇餐牌，同一般中菜小炒有啲唔同，啲餸幾有特色。訂位時，職員推介了幾款小菜，建議留左先，現場可能會賣晒。我們預留了 荔枝墨魚丸 和 黑蒜螺頭湯。現場吃了，實左好吃！想加個冰鎮咕嚕肉，可惜無訂無得食，唯有下次。總共叫左 3個小食， 1個湯，6個餸，1個粥，真係樣樣餐都好食，全部清晒！小食特別推介，話梅花雕蝦。餸就山葵沙律脆蝦球。粥係砂鍋水蟹粥，好鮮甜！7個人，吃了 $2200 。每人$310有呢個質素，唔貴，絕對會encore!…Read More

係OpenRice 揀日本菜，見有9百幾個like ，又係得獎熱店，諗住有質素，點知令人失望，好懷疑9百幾個like 點得返黎。叫左4款食物，海膽炒飯、極上炎燒牛舌芯、吉列千層豚肉(三重芝士)、舞茸菇。先唔個別評價，全部食物都有個共通點。都係唔熱既，未至於凍，只係微熱，暖都講唔上。連應該即叫即整既吉列豚肉都可以唔係熱，真係佩服！海膽炒飯$238，海膽既份量大既係一匙羹🥄到。海膽為賺錢，無左海膽，呢個份量，個飯我覺得$150都唔值。牛舌正常，可惜唔熱。$128，有7粒，我就覺得overprice.吉列千層豚肉(三重芝士)， 除左咸同唔熱之外，無其他咸覺。$238 ，我去吉列豬扒專門店食塊普通吉列豬好過。舞茸菇，本身舞茸菇係菇類中已經係有比較有味既品種，但呢個食落係無味既。服務: 不敢恭維。唔出聲，無人幫你加水。有個待應，係有公民意識既，佢係咁咳，咳嗰陣有用手遮口。但係之後清潔雙手就直接攞水壺同你個杯，幫你加水。環境: 卡位ok，但卡位之外就感覺逼，枱同枱之間距離好近，坐得唔舒服。茶餐廳都無咁迫。整體而言，食物份量少，味道唔出色，連最基本既溫度都無。服務、環境中下。食物、環境、服務都對唔住價錢。又9百幾個like ，又得獎熱店都咁，我以後應該點揀餐廳？…Read More

朝早4個人去食早餐。每人叫一個早餐。我叫個左雙併麵餐，一個雙併麵加一杯凍檸茶。幾分鐘後，四杯野飲黎左，其他三人的食物亦陸續送上。我個麵仲未黎，落單後15分鐘催左一次(其他3個人已經食到一半)，落單後25分鐘都未黎。我話取消我個餐。佢打過張單取消我個餐，但收左我剰飲凍檸茶錢。我問點解收剰飲凍檸茶，佢話因為杯野飲黎左。我話我杯野無飲過，你攞返走。佢就成杯檸檬茶攞走，然後係張單取消個凍檸茶。我無諗過個餐，成個主食無黎，取消個餐，都可以收剰飲錢。…Read More

朋友介紹，餐廳以哥基裝飾做招來，幾得意，所以黎試下。地點都算方便，牛頭角地鐵站附近。幾鐘意餐廳的佈置，環境光猛，裝修以淺色、清新風格為主題，感覺乾淨、舒適。店員服務亦好👍🏻點了$318的餐，先黎鮑魚和刺身。然後便是主角雞煲，雞煲野味，可以無限任添，幾鐘意佢d配菜(牛栢對、魷魚、魚皮)，同雞煲炒捚一齊幾夾，好食👍🏻雞煲後便是火鍋。海鮮和牛只有一次。海鮮比想像中好，特別係聖子大大隻。手切牛好食，不過份量比較少，無人得4塊。丸、餃和豬肉之類可以任添，丸和餃質素幾好，特別係九丸和芋頭丸。豬就有d鞋，食左一轉就無再食了。最後有一個甜品，比較淡口，不太甜。用了優惠，4人同行1人免費，埋單每人$280。 雖然比一般的任食火鍋貴少少。但值得一試。將來想食雞煲火鍋，我會再黎。…Read More

想食茶餐廳，搵間幾多like 既，又見呢間好似好有特式，特登來試下。點了個午餐，牛腩蛋包飯，$58。 牛腩份量少，蛋就份量正常，味道幾好。但$58 ，係深水埗區來講有啲偏貴，牛腩好少。餐廳佈置係幾靚，有懷舊特色。但座位好逼，比一般茶餐廳坐得唔舒服。食得茶餐廳，都係想入油，大件夾抵食就最好，裝飾嗰啲無乜所謂吧。而呢間既賣點唔係咁，成間餐廳感覺唔上唔落，野食又無一般茶仔咁抵食，坐又唔舒服。賣懷舊feel，係d牆紙同餐牌個樣ok，我食茶仔就唔係想要呢啲，簡單d，野食正常、坐位ok就可以，裝飾嗰啲我不太在乎。對我，我會覺得呢間係一間唔知想點既茶仔。…Read More

早兩年 Five Guys 係香港首間分店，有報導介紹係奥巴馬最愛既burger ，當時就想一試其風采。但因為排隊排到癲，價錢又唔平，所以一直未去。今晚終於有機會和朋友一試。今日去到不見人龍，但估唔到8:00多去到，都要等位，等左15min。包揀左cheese burger (all the way)，一個大薯條三個人share，飲品點了milk shake(咖啡味)。個包如如大部分人的評價一樣係冧既，我已經即刻食，但個包都係凍的。味道一般，$85一個包黎講，食完都無話留下甚麼深刻印象。薯條就炸得幾好，幾好食，大薯條3個男人係食得晒，味有d偏咸。milk shake 叫店員介紹，想要杯無咁甜既，店員介紹咖啡味，味道可以，但都係偏甜，飲左3份1就飲唔落。以呢個價錢，整體上無乜吸引的地方令我會再黎。…Read More

荃灣18樓雞煲以往一直都係我至愛之一，好食、坐得耐、舒適、平！旺角新開，放心一試。唔知係荃灣同旺角的分別，還是政策改變了。雞煲無得再加，再加要$45。時間由2.5小時轉了2小時。比較失望係雞煲添食要加錢，原本的雞煲份量𣎴多，2個人食亦嫌少。呢個價錢，雞煲無任食，算少了個賣點。火鍋料整體質素正常。選擇唔算好多，但也不算少。湯底一如以往雞煲後加湯，不過今次覺得個湯底無味，好淡。牛要B餐，牛肉和原本的肥牛也有分別。 餐廳有一些自家制的樽裝茶，但好淡，同其他火鍋店的茶比有明顯分別，有分別。環境舒適，全場以卡位為主。上菜也快，沒有漏單情況。…Read More

海運睇完戲，想係附搵間cafe 飲杯野、食個下午茶。最近是轉個彎的sensory zero ，見排隊的人不太多，排隊一試。本人不太好咖啡，一杯咖啡飲少少便夠。見餐牌有sparking coffee ，起初都1516，感覺怪怪的，見是店舖推介，便膽粗粗一試。點知一試十分有驚喜，好好飲👍🏻檸檬味的sparking water 本身好飲，加上amerciano 估唔到咁夾，有咖啡味，但又不太濃，好啱我呢啲只想淺嘗咖啡的人，第一次可以成杯咖啡飲晒。小食點了牛角包🥐，分別和午餐肉和肉鬆都幾夾，幾好食。唯一是始終太大份，不能一口咬落去食到個包和涵，要用力叉分開切來吃，沒有了品嘗有涵麵包，麵包和涵料一齊係口內多種層次的感覺。…Read More

本人其實不好海鮮，特別係刺身。魚生當中比較鐘意食的是吞拿魚，想食刺身飯，契姐推介尖沙咀有一出色店舖，所以一試。4個人，點了2個極上海之幸丼、1個極上吞拿魚丼、1個北海道丼(午餐G )和2款串燒，牛舌和安格斯牛小排。刺身新鮮，吞拿魚很肥美，丼的壽司飯調味調得幾好，不會太酸，飯亦粒粒分明。極上吞拿魚丼的吞拿魚蓉份量亦算ok ，整碗吞拿魚丼質素高。串燒幾好，燒得幾香，牛舌比牛肉出色，牛肉略嫌有點韌。整體價錢不算便宜，稱不上抵食，但質素幾好。…Read More

朋友升職加薪，約HH是常識吧！一行6人，6:30入座，問waitress 有冇Happy Hour時段，可惜沒有。不過沒有關係，朋友豪爽，照飲無誤。飲品種類頗多，雖然一些大路的飲品沒有(例如pina colada)，但仍然有足夠的選擇。我們點了 coco berry smoothie 、new South Wales sangria、lemonade 同啤酒。非酒精類飲品幾好，coco唔係太甜，啱晒我哋d中佬。lemonade 反而甜左d。Outback 名物黑糖包係正，仲要免費供應，讚👍🏻！但用來送酒始終差一點，餐廳不是酒店，無花生供應，點了3個小食送酒，洋蔥花球、芝士薯條和粟米片。嘢食大大份夠6個人食、新鮮熱辣炸上，送酒一流。傾得耐，點多了一份12oz 肉眼牛扒配2份甜薯和一份燒雞肉芝士薄餅。牛扒要5成熟，黎到既時候略嫌熟左一點。芝士薄餅配炸薯條，薯條炸得出色，配酒又是爽。餐廳環境舒適，店員服務好，不時主動加水，提出協助要求亦好快回應。最抵讚係餐廳無限時，6:30開始，快活不知時日過，傾傾吓下就到9:30，會員85折後，人均消費 $167，呢個價錢，係一個市區中心旺角可以有酒飲、有大量食物、仲要無限時，雖然餐廳無HH優惠，卻是一個HH好地方，推介！朋友，祝你步步高陞，期待再請HH🍻…Read More

朋友介紹，觀塘區有間有格調、環境舒適、食物ok的西餐廳。觀塘區工業大廈林立，近年開左好多有質素的西餐廳，要試哂真係有d困難。眼花撩亂，優先去朋友介紹的餐廳。餐廳環境舒適，風格係清新路線，地方闊落，一入門口已令人感覺舒服，有輕鬆感覺。5個大人、1個小朋友，叫了5份主菜，和一個甜品和飲品。主菜:龍蝦蟹肉香草沙拉($138)西班牙海港炒青口($108)干貝燻鮭蘆筍燉飯($178)經典風昧炸雞配醃水果($128)夜市酥炸海鮮 ($138)以上最推介係干貝燻鮭蘆筍燉飯，干貝大大粒，三文魚唔平均分布係d飯入面，又唔會太碎，食落會有三文魚口感。青口算大份，雖然唔係用大大隻青口，但整體數量補返數，呢個價錢算抵食。調味係有少少辣，完全唔食得辣既人要留意。炸雞🍗有驚喜，多脆、內嫩，好juicy。酥炸海鮮份量十足，蝦同魚都好足料，啖啖肉。呢度的奶類飲品走健康路線，可以轉用oat milk ，鐘意飲oat milk 既人絕對可以一試。最後甜品是一個 Tiramisu (預訂的)，呢個tiramisu 食落有驚喜，驚喜在於芝士部分加左 Earl Grey，食落有d茶香，係比較少食到既Tiramisu 。店員醒目細心，我們問店員想要d熱水，店員見我哋有個BB準備開餐，就主動問想要一杯定一盤熱水，值得一讚。最後就係性價比，對於我呢啲平民，CP值好重要，高質但配天價，我係不能接受的。呢度價錢對得住整體質素。唯一係飲品價錢偏貴而且比較細杯。餐廳有免費水供應，想提升CP值，可以點主菜，唔叫飲品。餐廳位置近海旁，由地鐵站行去大約10-15分鐘到，雖然比同區餐廳位置遠左少少，但絕對值得走一敞。坐坐下見到有人帶埋隻狗黎，先知原來餐廳係可以帶埋寵物，對有養寵物既人士又多個好地方選擇。…Read More

打邊爐食靚牛，屋企食最抵食，自己買同街食價錢差太遠，相反，想同朋友聚下，又唔想洗、唔想煩，唔介意食得普通啲，我鐘意出街食。任食火鍋，我一向鐘情 1️⃣鍋堂同🐮大人。但後者太難book ，我放棄了。前者去得多都悶。今次朋友介紹試新嘢，有驚喜喎。以後可以多個選擇。打邊爐d料同大部分的任食火鍋都差不多，不會比下去，主打牛肉質素又幾好。剰係為火鍋都可以黎。除左火鍋，佢有啲小食，例如燒雞翼、燒菠蘿都幾好食，我都食左幾轉。店員有禮，清枱、加湯、上菜都算快，又無漏單，算幾好。總括各方面都幾好，CP值又中上，而時間又可以有2.5小時，呢個價錢，絕對收貨。我會再來。…Read More

新開餐廳，朋友想試，於是去試一試。見條隊唔係好長，點知一等等左2個鐘。環境裝修係幾靚，不過幾逼，枱與枱距離好近，如果想傾偈未必好合適。叫左個鬆餅、布甸和吐司share。野食一般，唔覺好突出。反而個招牌鬆餅仲有啲失望。食落唔覺得話好好食，剰係覺得好大份好飽，覺得食左個普通蛋糕，無嗰種食完甜品有既歡愉。店員服務態度幾好，有禮貌、亦願意協助。以呢個價錢，質素算係咁啦。不過要排2個鐘就絕對唔值得。行過，見到無人排隊可以入去試下既。…Read More

Burger 是本人至愛，對於BLT 🍔 一直聽到的評價都是好壞參半。但BLT始終都算係burger 名店，所以的起心肝一試。Burger 點了 BLT burger 和澳洲和牛漢堡(加mushroom) ，餐飲點了青檸耶子波蘿奶昔，小食則點了煙何蘭芝士薯格。以上份量，2人食，係好飽。Burger 不過不失，食完唔會有深刻印象，但亦不會覺得難食。 和牛漢堡，和牛味唔係好突出，又唔係特別juice 和多油。我會建議食返普通漢堡就夠。小食都幾好，芝士味夠香，新鮮食一流。全餐最出色係杯奶昔，口感清新，飲落唔會覺得好甜好溜。我6:00到，差不多排到6:45才有得入，我覺得如果好鐘意食burger ，未試過可以試下，始終叫做名店，當係成就解鎖。如果對burger 一般，以呢個價錢，有更多更好選擇。…Read More

好耐無去過稻香，以前感覺一般，覺得可以再去，依家感覺係差。環境其實都算係咁，唔會太逼，感覺光猛、乾淨。但一家酒樓最重要始終係食物，而呢家酒樓係食都無得食！一家咁大家既酒樓，我無諗過依家連一本餐牌都無，得d紙仔。而有得揀既餸少到連茶餐廳都唔止。唔計海鮮，小菜得大約十個選擇，大佬，酒樓呀！ 兩餸飯d外賣都唔止咁少選擇啦！款少，諗住質素會好，貴精不貴多，點知又唔係。燒鵝得個肥字，咕嚕肉粉多，金銀蛋莧菜唔夠鹹蛋皮蛋味。最抵得隻1蚊雞 (星期六$38) 。全晚d姐姐不停剰係介紹食海鮮，海鮮我就一樣都無叫，應該中少個伏。如果可以黎剰食一蚊雞，我唔介意俾茶位錢黎食，否則不了！…Read More