良記餐廳(老鳳冰室) (已結業)

想食茶餐廳，搵間幾多like 既，又見呢間好似好有特式，特登來試下。點了個午餐，牛腩蛋包飯，$58。 牛腩份量少，蛋就份量正常，味道幾好。但$58 ，係深水埗區來講有啲偏貴，牛腩好少。餐廳佈置係幾靚，有懷舊特色。但座位好逼，比一般茶餐廳坐得唔舒服。食得茶餐廳，都係想入油，大件夾抵食就最好，裝飾嗰啲無乜所謂吧。而呢間既賣點唔係咁，成間餐廳感覺唔上唔落，野食又無一般茶仔咁抵食，坐又唔舒服。賣懷舊feel，係d牆紙同餐牌個樣ok，我食茶仔就唔係想要呢啲，簡單d，野食正常、坐位ok就可以，裝飾嗰啲我不太在乎。對我，我會覺得呢間係一間唔知想點既茶仔。