lwttt的個人專頁

Honey mustard chicken $98If you like honey mustard, you have to try this one!! The sauce is nice and chicken is crispy and juicy!!Fried Iceland Cod Bites 2pcs $98Signature for the house. Very classic British dishes fish and chips! A very comfy bar for hangout with friends, excellent location.…查看更多

喇沙喇沙湯底比較辣同埋厚身，麵底可以揀兩隻，有選擇困難嘅朋友可以揀多一樣。餸嘅份量同種類都好多。食到超級飽。不夠真係偏辣，唔食得辣嘅朋友就唔好揀喇。咖喱雞麵同喇沙一樣，咖喱都係偏辣同份量都偏多。雞肉都唔算柴。仲有魚蛋同薯仔添。美綠爆炸呢個真係超級爆炸，有好多milo波波！味道都唔會太淡，十分足料！好邪惡。薏米水薏米水口感好濃稠，味道偏淡，感覺都幾健康，啲薏米都好有咬口。辣椒蟹醬配炸饅頭必叫!個辣蟹醬十分惹味，啖啖都有蟹肉，味道偏辣，份量都好多。點饅頭食真係超級正。饅頭炸得外脆內軟，就算係就唔點醬食都食到饅頭自己嘅甜味。…查看更多

呢間係尖沙咀樓上嘅居酒屋，就算係平日夜晚去都人山人海，超級熱鬧。大家想去記得book定位先！見到呢被蜜桃烏龍熊茶真係必叫，有隻冰熊仔係杯茶上面真係超級可愛啊！杯茶甜度啱啱好，十分推薦！串燒 combination 好新穎。有豬肉荔枝串燒、明太子翠玉瓜、芝士翠玉瓜，年糕豬肉串燒，我比較鍾意嘅係蘆筍豬肉串燒。價錢唔算太貴。海產細味六杯好fancy，有三款，每款兩杯，有海膽，生蠔同吞拿魚蓉。蟹蓋飯霸氣十足，飯入面都多蟹肉，好飽肚。…查看更多

呢間係銅鑼灣食街開嘅韓國菜，裝修都係好classy，有室內同室外位。依家天氣咁熱，我就揀咗室內位，不過室外其實都幾chill。坐低就會有個開胃前菜醃蘿蔔，呢個醃蘿蔔同平時食韓國嘢嘅醃蘿蔔有啲唔同，味道比較辣，唔淨係酸。我就幾鍾意啦，但唔食得辣嘅朋友仔可能會嫌佢太辣。生蠔 $88好似見到韓國餐廳有生蠔食，不過因為我真係好鍾意食，所以就叫咗個黎試下。呢度嘅生蠔，唔係配Cocktail Sauce，而係加咗泡菜同魚子，食落去估唔到都幾夾，酸酸地嘅泡菜冇搶走到生蠔嘅鮮味。泡菜同魚子令到生蠔個口感同味道更加有層次。熟成泡菜布拉塔 $145其實叫嘅時候完全唔知呢個係咩，純粹覺得個名幾特別，所以就叫咗。點知超級好食，好有驚喜。上面白色嘅我諗應該係mozzarella cheese? 我都唔太肯定，然後下面係泡菜同埋肉整成嘅 。味道係少少泡菜嘅酸味同肉嘅鹹香味，再連埋上面嘅芝士？一齊食，成件事好balance！之前完全冇食過呢道菜，大家真係要叫黎試下。炸雞 $188炸雞係我最鍾意食嘅韓國嘢，完全冇辦法可以抵擋佢嘅吸引力。呢一度嘅炸雞有兩隻味，一隻係原味，另一隻係蜜糖味。原味嗰隻上面仲有啲魚竿仔，好好食，呢個配搭幾有趣，佢仲有一個柚子蛋黃醬，俾你佢點，甜甜地咁樣，都幾好食。而蜂蜜味，都係好好食，不過就要快啲食，如果唔係就會好容易淋曬，唔好食。呢度一次過就有得試晒兩隻味，對於我呢啲鍾意食炸雞嘅人嚟講，真係超級開心。同埋佢上面配咗蓮藕，清清哋咁樣，呢個配搭都幾新穎。肉眼 $480你知道韓燒都係好好食㗎啦，所以就叫咗個燒嘅肉眼，不過可惜今次佢笑得有啲老，啲肉就有啲柴，不過都食到佢嘅炭燒嘅香味。如果火候控制返好少少，就完美喇。同埋韓國燒肉都係啱啱燒好即刻食最正。海鮮湯 $210呢個海鮮湯，真係10分有驚喜。首先一上到枱，就見到超級多海鮮，有帶子、蝦、蜆，超級足料。然後個湯飲落去十分鮮甜，果然係真材實料。Fig Makgeolli $380呢一個係韓國都幾常見嘅米酒，不過無花果味就真係好少見。飲落去味道都係特別嘅，如果大家冇試過韓國米酒，或者係無花果味嘅韓國米酒，都建議大家可以叫黎試吓。都幾Strong㗎。呢一間韓國餐廳，無論係菜式同埋食物嘅味道都俾起其他韓國餐廳黎得有特色。環境又好，好清靜，坐得好舒服，大家真係要book mark！…查看更多

呢間cafe裝修好文青feel，每個位置都好有風格，有個落地玻璃位好啱打卡用，同朋友傾下計，又可以望下街景。 除咗咖啡之外，呢度仲有甜品可以order。呢度嘅tiramisu係自家製，有加杏仁酒入去浸，比較重酒味，所以會比其他tiramisu 苦，唔鍾意太甜嘅朋友可以試下，都幾特別。啲barista 都幾nice，問下佢地就會有hidden menu。weekend係中環附近食完嘢，冇咩做都可以嚟坐下，睇下書，都幾悠閒。…查看更多

元氣牛五花牛肉五花紋鮮明，肥瘦適中，燒完唔會乾，牛味都幾出，口感不錯。蔥燒中落牛肋肉口感比起五花牛有咬口，但有一兩塊就比較難咬，切得唔太好，有京蔥一齊燒會更加香。每個lunch set會跟牛骨蛋花湯，芽菜同菠菜，白飯。個湯好有媽媽嘅味道，都幾好飲。而我就好鍾意兩個小菜，不過係比較韓式。仲包一杯嘢飲或者加錢賺其他嘢飲。凍檸水唔幾得少甜都唔會太甜，加$10有杯鮮檸柑橘綠茶，好清新，都好推薦大家試。再加$10有一球雪糕，我揀咗豆腐味，雪糕有啲硬不過幾好味嘅。店員好好禮貌，都有教點燒會好啲。…查看更多

想食呢間好耐，趁新年假，終於同朋友嚟咗試😍Crepe of the month 係栗子蓉嘅crepe啊😍成個crepe都鋪滿曬栗子蓉，仲有cream添。如果就咁食個栗子蓉crepe就比較甜，不過連cream一齊食反而可以balance翻個甜味，同豐富口感添👍🏽L’Epicurien 呢個係鹹crepe，入面有火腿,芝士,Basil, 蕃茄同埋蛋。比甜crepe厚好多，算係主食嚟嘅。我自己就鍾意個Basil嘅味，同埋佢有超級多蕃茄🤣比起甜crepe，鹹crepe啱我口味啲。Cappuccino呢度嘅cappuccino比較甜，佢都落咗好多cream，撈埋啲cream一齊飲成個口感rich好多。同埋我自己都好鍾意食嗰啲cream嘅，所以都唔錯。Ruby Hot Chocolate呢杯朱古力係粉紅色嘅， 十分有少女心。飲落去奶味會比較重，仲飲到有少少應該係玫瑰嘅味道。然後㗳真啲就會有啲朱古力味出嚟，我覺得幾好飲，推薦大家試下。…查看更多

招牌肉骨茶 - 大呢度嘅最出名嘅菜應該就係肉骨茶，因為見到有好多人都嗌呢一樣野。所以我就點咗一個兩人份量嘅肉骨茶。呢度嘅肉骨茶比較特別，會有一個爐一邊煮住嗰邊食，好似有少少打邊爐嘅感覺，第一次食肉骨茶係咁樣食，都幾過癮。肉骨茶煲湯嘅藥材味好濃郁，飲得出真係真材實料，一啲都冇偷工減料。而骨來講，份量都幾多，有啲仲有軟骨添，我就好鍾意食軟骨嘅，所以呢樣嘢就相當加分。但係呢個肉骨茶係唔跟飯嘅，所以我哋就額外叫咗一個油飯，肉骨茶都係咁飯一齊食開心啲！…查看更多

丼瀛特選丼 超級抵食嘅魚生丼！魚生份量同種類都好多，有三文魚、劍魚腩、牡丹蝦、海膽、三文魚子、帆立貝。樣樣都比足你！食落去嘅時候淡淡肉，如果兩個細食嘅人share一份都夠飽🤣鍋燒烏冬同樣都係大件夾抵食！入面除咗烏冬之外仲有好多料，食到抱住個肚出門口。味道都唔錯。同埋每個人都會有一set沙律，麵豉湯，同埋日式蒸蛋。嗰日食蒸蛋真係超級超級好食，好滑又有蛋味！呢度都會有一啲lunch set，仲抵食。如果喺附近返工嘅話，不妨過嚟試吓。…查看更多

龍蝦汁海鮮義大利飯呢度既碟係我見過最細既lmao。好少食義大利飯係用咁細個碟。但份量一啲都唔少，仲有青口，蝦，蛤蜊。個飯都十分creamy。同埋其他地方好少有龍蝦汁，我覺得都幾特別。All day breakfast - Paradise Energy呢個all day breakfast大份到我覺得兩個人食都未必食得曬 lol。有兩塊薯餅！！我好鐘意食薯餅，所以好開心。炒蛋好滑好香，好想偷師。但如果加多少少鹽同胡椒會更加好。仲有腸仔漢堡扒煙肉火腿，食得出唔係cheap野，lmao都幾有誠意。跟住就係有大量菇同沙拉菜。沙拉dressing係芝麻醬，我超鐘意。最後就梗係唔少得既茄汁豆。超級飽肚。…查看更多

烤北京填鴨半隻填鴨都夠4個人食，片皮鴨鴨皮好脆，肉質都好嫩，有黃梅醬可以點，我好鐘意佢個醬，酸酸甜甜咁。仲有好多配料，青瓜，蘿蔔，蔥，哈密瓜都有lmao。仲係免費無限任加，幾抵食。覺得大家都可以一試。風味松子魚我好鐘意食松子魚，十分推薦呢度嘅松子魚比大家，條魚炸到脆卜卜，加埋個汁簡直係絕配。送飯一流。重要係起曬骨，啖啖肉，好正。花雕醉雞酒味好香，唔係淨係得個苦味。雞肉都好嫩滑，同都幾入味。嫩雞煨麵見叫咗幾個咁重味既野，所以就叫個清清地既菜。balance翻下。整體黎講都唔錯。南翔小籠包 呢個小籠包嘅被唔算太厚，咬落都算煙韌，同埋入面都有湯汁，入面個餡味道都適中，絕對可以一試。…查看更多

驚嘆黑蒜醬燒豬軟骨飯 $76其貌不揚，但點知食落好有驚喜。豬軟骨份量好多，同埋係真係舊舊都有軟骨。肉煮得好入味，好淋，一啲都唔老！而軟骨好有咬口，好滿足。食療拿杯湯 +$18其實唔係好知係咩湯，但一杯倒出黎有兩碗嘅份量。味道有少少酸酸地，同平時我地飲嘅湯好唔同。特色椰香海南雞飯 $74呢個飯就冇豬軟骨咁好食，海南雞份量好多，不過就普通咗啲。同埋食海南雞我都係prefer跟油飯多啲。金羅漢果養生茶 +$13我平時唔係好鍾意羅漢果嘅味，但我出奇地覺得呢個茶幾好飲。甜甜地咁，似糖水多啲。麻辣雞腎 +$18個雞腎就好好食！好有咬口之餘，都好夠辣！好惹味，送飯一流！…查看更多

係第一次去居酒屋食嘢🤣見佢串燒有八折，所以就去試下。火炙韓式生牛肉 $98師傅用火槍輕輕燒過，然後就用紫菜包住生牛肉，再點啲生蛋黃汁，夾多塊青瓜一齊食。我覺得口感好新鮮，蛋黃汁可以令到味道更加濃厚，口感都更加滑。刺身盛盒（四點）$248刺身件件都好厚身，三文魚冇筋，好肥美，入口即融。虎蝦大大隻，好鮮甜，肉質彈牙。帶子因為夾住啲青檸，所以會多咗啲青檸嘅酸味，味道清新好多。最後嗰嗰應該係立魚？一樣係好肥美，油脂分佈好均勻。高質！白鱔 $52好推薦呢個白鱔，外皮燒到脆卜卜，咬落去啲肉好彈牙，味道好鮮，我平時唔係好鍾意食鱔，但呢個白鱔真係超級好食！橫格肌set $138呢個燒橫格肌有四個醬，芝麻醬、蜜糖、wasabi、蔥蒜味。職員介紹話要按順序食。首先係芝麻味，芝麻味偏淡，係真芝麻磨出嚟，芝麻味都算濃郁。蜜糖味可以令到牛肉自己本身嘅味更加突出，係最食到牛味嘅一款。wasabi味為味蕾帶嚟好大嘅衝擊🤣反而令之後食嘅蔥蒜味更加柔和。…查看更多

到銅鑼灣嘅美食之塔食出名嘅吉列牛忌廉烏冬，晏晝去嘅時候好多人食相信啲嘢食一定非常之好味。waitress 好親切，我哋一坐低就介紹佢哋嘅食物。我哋就聽佢嘅推薦帶咗餃子、吉列牛定食同埋忌廉烏冬再加兩杯特飲。我自己同我哋平時食嘅樣好唔同，餃子餡好爽滑，佢應該有用到雞軟骨整食落去唔單只係皮脆，咬到入去啲餡度都因為有雞軟骨而覺得好脆 。忌廉烏冬一上枱非常之驚喜，成碗都係忌廉以為一定好膩，撈好咗啲烏冬同埋咖喱汁之後食落覺得非常嘅滑， 亦都冇諗過creamy嘅咖喱竟然係咁好食。吉列牛定食有兩個前菜、麵豉湯、同埋一碗飯。前菜係麻將豆腐同埋車厘茄食落好開胃。重頭戲吉列牛真係冇得頂，揸到出邊吹，入面啲肉仲係raw。枱面會有一個石板爐，將啲牛放上去燒返熟兩邊，熱辣辣就可以食得啦。我最鐘意係佢可以按自己喜好去燒熟啲肉，我個人就鍾意食啲生嘅牛肉，所以每邊燒5秒就可以。佢嘅牛嘅部位都揀得好靚，食落唔會有根。我哋嗌左玫瑰同熱情果特飲。望落去已經覺得晶瑩剔透非常之靚。兩杯特飲都係有氣嘅，玫瑰味極之香，好似平時用開嘅lotion咁，相信各位女士都會鍾意。熱情果特飲極都唔錯，酸酸甜甜，可以解膩。…查看更多

呢間拉麵店唔係好大間，大概可坐到4-5檯人，我weekend下午去食好快就坐滿曬。環境好安靜，係可以同朋友坐底傾計嘅地方。佢地午餐都幾抵食，$100有一個拉麵同一款小食，仲包玻璃樽裝汽水添😍其他地方通常加錢先有。同朋友都有啲肚餓，所以就叫個兩人餐（$258 + 10%），有多啲小食。雜錦拉麵 + $10 因為想試多啲嘢，所以就加十蚊要雜錦拉麵，有豬肉丸、叉燒、豬軟骨、栗米、溏心蛋、筍、京蔥、海帶。我覺得豬軟骨好好食，煮到好入味，軟骨又有咬口🤤荀都好爽口。湯底有得揀濃啲定淡啲添。我加咗啲蒜蓉落去，個湯更加好飲！叉燒炒飯個份量睇上去好似好少咁，但其實食落都好飽肚，個炒飯係唔錯嘅，不過唔係好似日本嘅叉燒炒飯。我都幾鍾意日本嘅叉燒炒飯🤣燒雞翼、燒雞軟骨呢個一定一定要食！好好食😋燒雞翼外皮好香口，裡面嘅肉都算嫩口。味道好惹味，想食辣嘅可以自己加少少辣椒粉，仲正！雞軟骨有雞味之餘仲好有咬口。呢個小食滿分💯自家製餃子 餃子好飽滿，皮好薄，啖啖肉，好抵食！不過就唔係日式餃子，比較似我地平時食開嗰啲。但overall都係好食嘅。吉列豬扒呢個豬扒都唔錯，炸粉好薄，但可以做到脆卜卜，豬扒好冧，味道唔會過鹹，重點係超級大塊。兩個人兩百幾蚊食到超級飽，味道都好好，呢間拉麵店都幾抵食。…查看更多