dealondealon的個人專頁

今日兩個人好想食韓國嘢，喺西灣河見到有間新開嘅韓國餐廳，就走上去試吓。原來之前西灣河都有一間李家，係搬咗個舖位嚟呢度。一開Menu見到好多嘢食，太肚餓嘅關係都叫咗唔少嘢。半半炸雞，原味加甜辣，全部都係即叫即炸，一嚟到熱辣辣，原味好脆，最估唔到係甜辣竟然有啲醬包住都可以好脆，加上個甜辣醬好開胃好好食，真係好正！海鮮蔥餅，好大份，海鮮都好多，魷魚，蝦，蔥，成件事好正好吸引，成塊餅個size大過塊面！兩個人食好夠！米腸年糕紫菜卷套餐，先講吓個年糕，唔太辣，啱晒我呢啲唔食得辣嘅人。跟住米腸加鹽一齊食估唔到又幾好味，你唔會覺得好dry。個紫菜卷又係即叫即炸，加埋秘製醬汁，熱辣辣真係一流。整體來講真係唔錯，啲嘢都好大份，依度裝修環境都幾靚，樓底好高，坐得好舒服，職員態度又好，一定會再嚟幫襯。…查看更多

兩個人夜晚係油麻地好肚餓，突然之間好想食越南嘢，行行下俾我哋見到依一間，就決定入去試吓。睇完餐牌都見到有好多選擇，見到火車頭河粉就好想試吓！知道佢都幾大碗，所以決定兩個人食一個。火車頭牛肉鍋粉，真係好足料！入邊有生牛肉，牛肉，牛丸，牛柏葉，牛肚，牛筋，仲有蘿蔔，之後個湯好濃，飲得出係熬咗好耐先可以有嘅味道 ！再加埋河粉份量都唔少，兩個人share黎食真係啱啱好！鮮蝦海卷，依個卷真係要讚一讚！有生菜有炸蒜頭令到佢好有咬口，跟住又有扎肉又有蝦，又有粉絲又有蘿蔔絲，成件事真係好正，每一舊都好大舊，食落口好滿足。烚生菜，成晚冇乜點食過菜所以都叫咗個生菜黎食下，唔要蠔油，幾Fresh，可以中和返火車頭嘅濃味。椰青，飲落都幾清甜，食咗碗火車頭之後飲一啖真係好舒服，飲完仲可以刮啲椰肉黎食真係唔錯。…查看更多

今日突然之間好想食漢堡包，喺銅鑼灣見到呢一間小店就入去試吓。睇完Menu都發現有好多唔同嘅漢堡包選擇，除此之外啲小食都唔少。經典手工和牛漢堡，個size真係好大，用料好豐富，有芝士有生菜有蕃茄有Bacon有酸瓜，再加埋塊和牛漢堡，成件事好滿足！塊漢堡真係要讚一讚，好大塊好厚好juicy，食落去一啲都唔肥膩，反而係越食越開胃！下次嚟到真係會再叫呢個！田園沙律，食完burger又唔想食薯條，想食清少少，個side dish可以嗌依個田園沙律，估唔到同個漢堡都幾夾。PBS全日早餐，用料好豐富，有好多嘢食，其中要讚嘅就係個大啡菇，好香，好juicy，上面仲要加咗啲黑松露醬，又唔係好油，真係好正！仲要有個迷你嘅burger，成碟食落去係好滿足嘅。Lemonade Italian soda, orange juice，兩個都唔算太甜，個Lemonade Soda酸酸尾尾咁樣同漢堡包都幾夾，呢個都幾推薦。…查看更多

兩個人去到觀塘好想食泰國嘢，行行吓見到依間泰國餐廳好似唔錯好多選擇，就決定入去試吓。睇咗餐牌發現都好多選擇，咁兩個人都真係好肚餓，所以都叫咗唔少嘢食。沙嗲串燒（豬，牛，雞)，食得出係即叫即燒，每串既份量都好多！又好香好好味！點埋沙嗲醬真係一流！馬拉盞炒通菜，好彩都唔係好辣，但炒得好香！份量又多，真心抵食！泰式黃咖喱豬飯，佢唔太辣，岩哂唔食得辣既我！個咖喱既香味好夠！撈飯真係好正！料又係好多！牛又夠，兩個人都夠哂！濕炒雞河粉，份量多，汁又夠，配菜都唔少，炒得好香！成件事好正，性價比好高！珍多冰，牛油果冰沙，兩杯都唔會話太甜，食咁多香口既野飲番啖真係岩岩好！正呀！最後仲送咗個甜品，唔會太甜，食落都唔錯！…查看更多

兩個人去到荃灣都唔知食啲乜嘢好，突然之間好想食泰國嘢，見到依間好似唔錯就入去試吓。見到個Menu真係好多選擇，跟住俾我哋見到晚市有二人餐，就即刻叫黎試下。金坊柚子沙律，個份量都唔細，啲料都好多，仲有少少辣辣地酸酸哋，真係幾開胃。炸蝦餅，呢個真係即叫即炸，入邊都唔少蝦，一嚟到脆卜卜香噴噴，放入口熱辣辣，真係好正！再點埋個甜酸醬，真係一流。燒魷魚，依個又係即叫即燒，食落去真係唔錯，魷魚唔會燒到好硬，個醬又酸酸地，食落去好開胃，送酒一流。炒鮮蝦金邊粉，個色水好靚，個味道又好香，蝦都唔少，加埋青檸撈埋花生，成件事好有係泰國嘅感覺。馬拉盞炒芥蘭，馬拉盞味好夠，大大碟，勁多菜，佢都唔算太油，所以成件事食落去好舒服。最後見到啤酒有半價，兩個人叫咗兩支大嘅嚟飲吓，放工飲酒吹吓水，食住正宗泰國嘢，真係好爽。…查看更多

兩個人收咗工係尖沙咀行街，經過依間彌敦左岸，見過裝修幾靚好有情調，就決定入去試吓。入去環境真係唔錯，暗暗地好有情調，咁啱嗰晚係有live Band，店員都好好咁樣安排咗我哋坐喺舞台側邊，成晚聽住歌咁樣食真係好正。香煎鵝肝多士，佢用咗無花果醬，所以都幾清甜。而塊鵝肝就真係好大塊，煎得香噴噴，入口即溶，再配合埋多士嘅香脆，無花果嘅清甜，成件事真係好正。煙三文魚pizza，估唔到好大份，三文魚係鋪滿晒成個Pizza，咬落去三文魚下邊係有芝士，係芝士同埋個Pizza餅之間竟然係有層蕃茄，所以咬落去係好清新，同時間有煙三文魚嘅濃味，一流。烤黑松露菌醬海鱸魚柳貓耳粉，一食落去好特別，貓耳粉唔係周圍都有得食，口感唔錯。個汁方面都幾出色，加埋條魚又煎得幾好，成件事真係要比好高分。菠蘿冰，Ginger and tonic，因為第二日仲要返工，所以嗌左兩杯mocktail就算，坦白講兩杯都幾清甜清新，唔想飲酒精嘅你都可以試吓。…查看更多

兩個人喺元朗突然好想打邊爐見到依間餐廳裝修有少少復古，感覺幾特別，見到又係食火鍋嘅，就走去試吓。睇佢餐牌發現其實好多選擇，價錢又唔貴，所以都叫咗好多嘢食。芫荽皮蛋鍋，用芫荽同皮蛋黎做湯底估唔到真係好正，我平時都好少會咁叫，今次嚟到試吓又覺得真係唔錯。手打四寶丸大拼盤，四種唔同嘅丸，每款三粒，總共12粒，有牛有豬有墨魚有蝦，全部都好彈牙好好味！蟹子墨魚手打滑，好大碟，想要幾大粒可以自己整，熟咗之後真係好彈牙好強嘅墨魚味！加埋啲蟹子好有咬口。美國黑豚花腩片，雖然係花腩片，我自己覺得都係肥瘦適中，唔會話太過肥完全冇肉食，係有豬味，整體唔錯。美國穀飼黑豚肉，依個黑豚肉又真係唔錯，部位同花腩片係唔一樣，所以食落都幾好味。紅薯粉油麥菜鹽香脆炸魷魚鬚，依個真係飲酒必叫！係即叫即炸仲有好多避風塘蒜蓉粒，好香脆熱辣辣！一邊飲酒一邊吹水一邊食真係好正！…查看更多

兩個人夜晚喺銅鑼灣唔知食咩好，喺OpenRice見到依間餐廳，一直好想試，次次都好多人排隊所以冇食到，今次我哋早咗，就決定試一試。去到好彩唔係好多人，即刻有得入去！雖然只係做炸豬扒，但係款式都真係唔少，估唔到炸豬扒都可以咁多玩法。大阪燒豬扒，塊豬扒整到好似大阪燒咁，食落去真係以為自己食緊大阪燒，塊豬扒真係好厚！估唔到炸豬扒同大阪燒嘅做法可以咁夾，真係好好食，真係要試吓。秘製豬扒配胡椒豬骨湯米線，首先講吓個湯真係幾濃嘅胡椒味，飲落去你都會飲到豬骨嘅香味，同米線都幾夾。咁因為個湯都咁濃味，所以豬扒係就咁切咗嘅厚切炸豬扒，好處係豬扒唔會蓋過個湯，湯嘅味又食到豬扒既味又食到。滷水牛展，每一塊牛展都好大塊，望落好深色，食落去發現真係好入味，冇想像過牛展都可以咁好食！好淋，食落去都幾強嘅牛味，真係唔錯。…查看更多

兩個人放咗工喺中環唔知食咩好，喺大館附近發現咗呢間新開嘅西餐，見裝修幾靚就入去試吓。見到Menu都唔少選擇，咁啱個時間仲有happy hour,所以都叫咗兩杯嚟飲下，放鬆一下。大虎蝦配龍蝦汁扁意粉，首先兩隻大虎蝦真係好大隻，咁佢又唔會燒到好老，食落都仲有鮮味。個龍蝦汁真係唔錯，同虎蝦好夾，之後再撈埋扁意粉一齊食，成件事真係好正。焗法式香草小羊架，唔好睇落兩塊羊架好細，食落係好香好好食，一啲都唔蘇！其實唔點汁都已經好正，你會食到羊本身嘅香味，同時你食埋旁邊嘅配菜，成件事又係好夾好正。炸番薯條，依個真係即叫即炸，食落甜甜地鹹鹹地，再點埋佢個cream cheese，真係又香口又好食！熱辣辣脆卜卜，完全係佐酒吹水必點嘅小食。…查看更多

兩個人喺鰂魚涌好肚餓，經過見到間冰室裝修都幾靚，睇完餐牌見到好多嘢食，咁就入去食啦。咁餐牌上面都真係好多嘢食，主菜小食飲品應有盡有，因為好肚餓所以都叫咗唔少嘢食。蕃茄濃湯通粉配牛乳炒蛋，牛肉豬潤叉燒，個蕃茄濃湯真係好濃郁，應該係用咗蕃茄煲咗好耐先可以做到嘅，魷魚炒蛋又係勁滑，啲餸嘅份量一啲都唔少，一個人食都會覺得多，所有嘢加埋真係一流。招牌胡椒豬肚滑雞泡飯，個湯真係好濃郁好重胡椒味，一定要讚下個滑雞，完全食唔出係冰鮮雞嘅味道，好滑，一啖湯一啖飯一啖餸，真係唔好講笑，成件事真係好好食。豬肚份量都唔少，啱晒我！招牌瑞士雞髀，隻雞髀真係好大隻，個瑞士汁同出邊食到嘅好唔同，都幾甜，有少少花椒八角嘅味道，食落都幾特別，加上好入味，所以真係好好食。焗芝士西蘭花，西蘭花有好多，上面有芝士，入邊都有唔少粟米粒，所以食落去己有咬口同埋幾甜，成件事配搭得幾好。紅豆咖啡，美祿脆脆，紅豆咖啡都幾特別，咁咖啡嘅同時亦都食到紅豆，呢個配搭真係未試過，都唔錯。美祿脆脆唔算太甜，係飲美樂嘅時候亦都食到上面嘅美祿脆脆，真係好正。…查看更多

難得今日放假好想食韓國嘢，兩個人嚟到尖沙咀周圍搵，見到依間李家幾靚咁就入去試吓。下午茶時間嚟，好彩唔駛等位，入到去，啲位都坐得幾舒服好闊落，睇咗陣Menu因為太肚餓都叫咗唔少嘢食。無骨半半炸雞，原味加甜辣，哇個炸雞嚟到真係好正，熱辣辣脆卜卜，食落口香噴噴，原味可以食到炸雞嘅雞味，甜辣食起上嚟幾嘢味。兩樣都係令你好想食完一舊再食一舊，真係必叫。芝士辣雞炒年糕，好彩唔係太辣，入邊都好多年糕同埋雞，之後仲有唔少椰菜同埋青椒喺入邊，所以食落去口感好豐富。之後面頭又有好多芝士，加埋啲辣味，食年糕或者雞嘅時候每一啖都有芝士同辣味嗰種感覺真係好正！海鮮炸醬麵，依個份量真係好驚人好多，兩個人真係覺得好多嘅，如果四個人嚟叫一碟其實都夠食。咁個味係唔錯嘅，都好有韓國嘅感覺，係而家疫情之下去唔到韓國，食呢個炸醬麵都可以解下思鄉之情。佢海鮮又多配菜又唔少，個汁又好食，成件事真係好正。…查看更多

今日喺元朗好想食泰國嘢，行吓行吓去到朗屏站附近見到依間泰國餐廳，出邊睇咗陣餐牌見到都幾多嘢食就決定入嚟試吓。咁其實佢價錢都唔係話好貴，都好親民，咁兩個人都比較肚餓就叫咗幾樣嘢食。泰式雞絲炒金邊粉，依碟金邊粉真係好大碟，一個人食都會覺得好多，係幾抵食嘅。除咗雞絲佢仲有啲蝦仁俾我，再加埋佢炒得酸酸甜甜，整體來講都算唔錯好開胃。泰式雞絲船河，船河黎講佢個味都夠濃郁，好有泰國嘅感覺，河粉係比較幼身嘅，跟住又好索到湯汁，所以食落都好濃郁好好味。咁佢份量都唔細，加埋雞絲真係一流。炸蝦餅，佢每舊都幾大舊，份量其實都唔算少，兩個人食就啱啱好，食得出係即叫即炸，一嚟到熱辣辣好香脆，蝦餅最重要係蝦嘅味，咁食落去個蝦味都幾出嘅，真係唔錯。龍眼水，椰汁冰，先講個龍眼水，幾清甜，個甜唔係假，飲落有龍眼嘅清香清甜，夏天飲係幾涼爽。個椰汁冰都幾出色，都唔算係超甜嗰種，又係飲完有種透心涼嘅感覺。…查看更多

今日收工嚟咗灣仔，想搵間食小菜嘅餐廳，經過太原街見到依間綠森林個餐牌好似唔錯就決定試一試。睇完個Menu發現都好多選擇，小菜種類都好豐富，因為太肚餓，兩個人都做咗唔少嘢食。椒鹽魷魚鬚，一食落去就知道係即叫即炸，又香又熱辣辣，份量係超多，因為太肚餓，佢又香口，一放低唔使幾分鐘就食晒。鬆脆洋蔥圈，真係即叫即炸，洋蔥好鮮甜，份量又多，有大有細舊，真係好香脆，食完一舊好想再食！花膠鮑魚雞湯飯，個湯好濃雞味，飲得出係煲咗好耐，好好味，有原隻鮑魚，又有好幾舊大花膠，真係落足料，再加埋啲菇同瓜，真係好好食。鮮果咕嚕肉，開頭以為係啲罐頭菠蘿，點知食落去發現係新鮮菠蘿，火龍果，蘋果，去整成，所以個鮮味係有啲唔同，加埋個咕嚕肉係即叫即炸，酸酸甜甜，真係幾好食。依間餐廳真係幾有心機，唔係交hea貨！可以再嚟！…查看更多

今日放工喺元朗好想食泰國嘢，行行吓俾我見到依間泰國餐廳，真係忍唔住就入去試吓。睇完個Menu見到好多好多選擇，咁今日返左成日工真係好攰，決定叫多少少獎勵吓自己。細冬陰功，兩個人叫一碗細嘅真係啱啱好，每人都可以裝到三碗左右，入邊有隻好大隻嘅蝦，都好窩心咁樣將佢中間切咗一半，等我哋兩個人可以分到。好彩佢唔係話好辣，但係有好重香料味，入邊都有唔少香茅，成件事好有泰國feel。泰式金邊粉，一食落去就真係好有泰國味，配料又多雞絲又多蛋又多，酸酸甜甜咁樣，真係好開胃！去食泰國嘢真係一定要叫，咁依度都冇令我失望。泰式皮蛋釀蝦餅，開頭仲諗住會好少啦，點知一嚟到見到佢係有八舊，仲要每舊都好大粒！食落口好熱好脆，就知係啱啱即叫即炸，皮蛋又好大隻，點埋啲酸甜醬一齊食，真係好正。芒果糯米飯，好正芒果好多，又好甜，糯米飯佢有四色，每一款都好好味自己就最鍾意紫米，好彩頭先主食方面唔係叫咗好多，唔係嘅話真係會食唔晒。泰式芒果沙冰，甜甜地芒果味幾重，佢唔係嗰種好假嘅甜，所以飲落都好舒服。喺依啲咁熱嘅天氣飲杯沙冰，真係透心涼。…查看更多

今日好想食雞，喺銅鑼灣行吓行吓去到灣仔，見到依間新開食雞嘅舖頭，就入去試吓。睇咗Menu發現佢有好多唔同嘅雞可以選擇，好彩佢可以叫半隻，唔一定要全隻，咁就可以試到唔同嘅味道。癡膠雞，黎嘅時候仲要俾埋個爐我熱住啲雞，真係好窩心，啲雞好嫩口，花膠又好多，食落去覺得好補，好好味，仲要好鮮好甜。跟住個湯好濃好重雞味，真係用雞煲咗好耐。口水雞，好彩佢唔係太辣，對於唔係好食得辣嘅我來講，係唔錯。佢又唔係太油，食落去唔太鹹，啲雞又係好鮮嫩，真係一絕。金磚豆腐，一嚟到香噴噴熱辣辣，一睇就知係即叫即炸，開頭仲好驚會好油，但係一拎起，隻碟冇乜油不特止，咬落舊豆腐度都唔會好多油bip出嚟，所以真係好正。鰻魚炒飯，分量都好多，兩個人叫一碟真係夠晒，食落去都幾重鰻魚味，同埋佢都有唔少鰻魚係入邊，所以真係幾值得叫。凍柚子梳打，咁熱嘅天氣食咗咁多雞，飲番杯凍野，甜甜地，又多柚子，真係好正。…查看更多