羊生GoGoGo的個人專頁

🐑虎珀合桃，呢度高級食府嚟講，算唔合格喇，唔夠香又唔夠脆，發揮唔到堅果應有嘅香味。世一虎珀合桃，係嘉麟樓當之無愧🐑百花脆皮乳豬，每次必點，簡單講就係蝦膠釀喺乳豬皮上炸，蝦膠彈牙、乳豬皮脆口呢啲不在話下，重點係蝦膠與乳豬皮中間爆發嘅嗰陣油香，每次食都係驚喜🐑玉蘭帶子蝦餃，全世界嘅蝦餃，再好都唔會有阿一鮑魚6成嘅水準，所以就算喺新同樂飲茶，都一定唔會叫蝦餃。叫帶子蝦餃就唔同喇，厚身北海道帶子打橫開半，放上開口蝦餃上蒸，帶子時間剛好，唔會靱，估計係後蒸嘅，鮮味甚顯著，帶子味甚至已經向下滲咗入下層蝦餃餡中，帶子+鮮蝦混和嘅味道，是但用個腦諗下都想像得到有幾正啦😆🐑蘿蔔糕，煎得好香，第一啖咬落去，臘味嘅味道喺我口中狂爆，再趙落去就係白蘿蔔嘅甜味。賀年年糕我哋都有喺新同樂買過，必須要承認一點嘅係，自己煎，一定冇呢度嘅師傅煎得咁好食，唔係廢話，係肺腑之言🐑魚翅灌湯餃，嚴格來說，呢個唔係灌湯餃，而係湯浸餃。大餃蒸好，再放入魚翅湯中，湯雖只是二湯，但火腿嘅味道，依然可品嚐得出。接近$170一隻，魚翅放晒喺個湯度，一目了然，份量之多🤯，我自己都嚇了一大跳，太慷慨了吧，絕無冇欺場🐑鮑魚酥，牛油酥皮好香，上枱已經聞得到，超熱上桌，保證係即叫即做。鮑魚雖然切成小塊做餡而非成隻放上面，賣相係扣咗少少分嘅，但好處就係，咬入去個鮑魚味確係好重，絕對可以彌補得到賣相方面嘅缺憾…查看更多

🐑燻蛋，用鴨蛋做嘅，入口超濃煙燻香，蛋黃夠流心，應該算係so far喺香港食過最好食嘅煙燻蛋🐑麻辣小籠包，東來順冇賣豬肉，呢個小籠包嘅餡料係雞肉，麻辣湯幾香濃，咬落去亦多汁、調味足，唔使點醋都可以，不過缺點係皮比較厚，同埋小籠包嚟講，雞肉做餡始終都唔夠豬肉豬餡吸引。另外，麻辣小籠包嚟講，都係川川同后園好食好多🐑雪菜河蝦仁鍋貼，表面睇起嚟煎得好靚，入口都好味嘅，不過唔覺有雪菜味同埋蝦味。同小籠包同一道理，鍋貼都係豬肉餡吸引啲🐑山東手撕雞，首先講講個雞皮，用鹽輕輕醃過，鹹香十足，最仲要係脆口，呢個好難得，雞肉又嫩滑，加埋個蒜蓉甜豉油食係一絕嘅，呢個係嚟過咁多次之後嘅新發現，必點👍🏻🐑嫩雞煨麵，首先，$98咁細碗係有啲貴嘅🤑。食嫩雞煨麵，湯底好坐底已經有70分。呢個湯，係純雞肉白湯，童叟無欺，雞味特濃，絕冇投訴。雞胸肉，正常地嚡咗少少，其實收咁貴，畀雞肶肉代替雞胸肉都唔怕死啦🤭，起碼啲肉一定滑。幼身白麵條就稍腍咗少少，要提醒自己下次再叫嘅時候，記得要求個麵爽身啲，唔好煮咁耐🐑驢打滾，用糯米搓薄，捲著紅豆沙餡，再灑上黃豆粉將糯米紅豆卷喺上面係咁轆係咁轆，就為之正宗驢打滾。呢度嘅驢打滾即點即造，每次必點。記得叫佢地要熱辣辣上枱🤭，叫就梗係咁叫啦，其實暖暖地上枱都已經ok㗎嘞，只係驚唔暖上枱，糯米皮會變硬咁解啫😆…查看更多

🐑櫻花蝦麻醬A菜，其實係櫻花蝦車厘茄生菜麻醬沙律，櫻花蝦嚟講佢都算大隻，其他就車厘茄同生菜都新鮮，現成麻醬又好味，咁就搞掂食碗麵🐑山藥鵝骨湯，雖然話係鵝骨湯，但其實都有好多豬骨嘅，台灣式嘅湯嚟講，佢都算幾有味道㗎嘞😂，淮山係鮮淮山，煲到都好溶爛，尚算不俗🐑滷肉時蔬，係白灼油麥菜加滷肉，菜正常新鮮，點整都ok㗎嘞，滷肉切幼粒，全部都偏肥，送飯食最啱🐑招牌煙燻鵝，要下庄，肉質確實係嫰嘅，嫰得嚟又有彈性，係唯一煙燻味比喺台灣食還欠缺了一些🐑招牌煙燻鵝頭，連埋頸嘅，第一次食鵝頸，原來係好多肉嘅，鵝頭就唔識欣賞嘞😂🐑鵝油拌飯，炸乾蔥頭+鵝油確實好香，飯就稍多水咗少少，要注意一下喔🐑用嚟墊筷子嗰粒花生，剝殼後發現入面嘅花生粒係黑色嘅😆，上網搜尋一下，原來呢啲叫黑金剛花生，食落除咗有花生味外，仲有少許甘甘地，其實幾好食，唔好掉咗佢😁…查看更多

🐑首先個玻璃枱面同埋碗筷全部都黐𣲷𣲷咁，要改善一下🐑冰鎮醉鮑魚，浸得好入味，除咗有濃烈嘅花雕味外，仲加有話梅味，可惜第一步白烚嘅時候過咗龍，有啲靭🐑古早腩叉併腩仔，燒腩仔肥瘦參半，部位幾靚，鹹味亦落足，衰在個皮係硬脆而非鬆脆；腩叉燒得幾好，亦係肥瘦參半，有豐富嘅燒烤味同麥芽糖味，啱我個人胃口🐑海底椰燉竹絲雞湯，佢個湯燉嘅時間好足夠，以湯內赤肉粒都燉到相對夠鬆散，以及連雞骨豬骨都燉到已經化化地嘅情況估計，起碼燉咗超過8個鐘，當然好夠味🐑黃豆醬蒸蟶子，黃豆醬係麵豉醬，幾香濃，蟶子係新鮮嘅，蒜蓉亦有預先畀咗少少底味先入爐蒸，唯一係粉絲浸唔透身，入口頗硬🐑薑蔥班球煲，煲仔夠熱，成個餸夠乾身，不過欠缺惹味，算係合格之上啦🐑欖菜肉崧炒飯，炒得夠乾身，粒粒分明，唔油膩，充滿我最愛嘅美極鮮醬露味，單以炒飯嚟評論，呢個炒飯其實係唔錯嘅，不過以欖菜肉崧炒飯嚟講，冇乜欖菜味又冇乜肉崧，咁就差咗少少嘞🐑九年陳皮百合紅豆沙，都煲得幾綿，不過又冇乜陳皮味，任你講一百年陳皮都冇用…查看更多

🐑龍蝦湯味道都幾濃，而且幾好味，不過我確實真誠地真心認為係罐頭或預製貨居多。預製貨我唔介意嘅，只要攞番嚟嘅貨好味就得嘞😋🐑龍蝦汁鮑魚意粉，如果個龍蝦汁底係用嗰個我確實真誠地真心認為係罐頭或預製貨嘅龍蝦湯做的話，應該係幾好味嘅，好可惜唔係吖，莫講話龍蝦味，就連基本嘅鹹味都冇。意粉又煮到淋pat pat，係港式地道快餐店嗰種囉，如果你話你係想煮港式嘅，你個意粉底一定要用茄汁炒炒佢先，但係你又冇喎，淨係死命咁淥淋個意粉，成個出品係冇意義嘅，亦係一個99%失敗嘅出品。唯一可取嘅就係鮑魚係新鮮嘅，即係街市賣$100一碟有8隻嗰啲囉。🐑牛油炒野菌，撞鬼了，呢個又鹹咗啲啲，攞嚟撈意粉一齊食個味道就可以balance番😂👌🏻🐑烤雞胸沙律，沙律菜係新鮮嘅，呢個冇難度；雞胸係烤得嫩滑嘅，只要調校好焗爐嘅溫度同時間就已經ok，呢個亦冇難度；至於伴碟嘅汁，你識得行去超級市場畀錢買支泰式甜辣醬就得㗎嘞，講真，真心嘅，呢個烤雞胸沙律真係幾好🐑水牛雞翼，呢個應該正名為地們茄汁辣椒仔辣汁撈炸雞翼，完🤗🐑至於點解呢間嘢仲會有咁多人嚟呢？咁呢個就係食客本身有問題囉😆…查看更多

🐑花膠雞鍋，湯底雞味尚可，但唔夠膠質，唔夠濃味，不過隻雞又煮得幾好，緊緊熟，好嫩滑🐑各類手打丸同埋餃子都唔錯🐑潮汕吊龍，肉夠腍，夠肥，而且有肉味🐑白鱔片，新鮮爽口彈牙🐑響鈴，係即炸，熱辣辣上枱，鬆化冇投訴🐑避風塘粟米，避風塘蒜蓉料調味調得好好，粟米又夠甜，食完啲粟米，淨番嘅炸蒜、豆豉、辣椒可以用嚟做助料，配肥牛食最正🐑珊蝴蚌，新鮮彈牙…查看更多

🐑沙律帶子春卷，春卷皮炸到脆一脆，面頭有薄荷葉+水果粒(雖然係罐頭雜果🤭)，但第一上咬落去，有好清新嘅感覺，加埋調配得好好味嘅沙律醬，成件事好夾，可惜就係，食別春卷底部有帶子嘅地方，個春卷皮就腍咗少少🐑醉蝦餃，花雕味香濃，係呢度嘅名物，不過稍稍欠缺濕潤感🐑清湯牛肉球，清湯係牛肉湯，味道類似台灣牛肉麵牛肉清湯咁嘅味，牛肉球調味都唔錯，不過質地就較為鬆散🐑麻辣生煎包，味道講真係唔錯嘅，不過冇乜麻辣味，又冇生煎包應有嘅湯汁🐑XO醬炒腸粉，腸粉又薄又絲滑，就咁食嘅話，豉味焫得幾香，但又欠缺XO醬味，要靠加番枱面原本有嗰碟XO醬先得🐑整體嚟講，唔係唔好食，但硬係樣樣都爭少少咁啦😂…查看更多

🐑白酒煮蜆，如果全盛時期船屋嘅白酒煮蜆係100分嘅話，呢度嘅白酒煮蜆大概係30分。不過我都要強調，而家絕對唔係船屋最全盛嘅時期。🐑葡式乳豬，尚算正常嘅，係皮脆肉嫩嗰隻，反而伴碟嘅薯片係好食得太多。🐑葡國雞，唔得，冇煱過嘅，味道方面，同香港連鎖式快餐店差不多啦。🐑酥皮蘑菇湯，唔得，個酥皮，唔夠多層數，又薄又淋，淋到上枱時已經凹咗入去；至於個湯，好稀，冇菇味又冇奶香，唔合格。🐑 Sangria，唉，睇顔色就知唔對路，毫無紅酒色水，而且好濁，口味似飲果汁多啲。…查看更多

食茶餐廳早餐最緊樣樣嘢熱辣辣上枱🔥🔥🔥🐑沙爹牛麵，飲啖麵湯，係滾熱辣嘅，非常好，可惜冇乜味，要加兩大羹潮州辣椒油落去加辣加鹹個味先好番啲；牛肉用食粉乸得佢幾滑，但又唔會過份爛，幾好；沙爹汁唔係好沙爹，味道普普通通；個麵就淥得幾好，冇過淋冇中間生骨，時間拿捏得宜🐑炒蛋，係超熱嘅，係即炒，唔係炒定一份份等上枱嘅。炒得好嫩滑，蛋味唔算好香嗰隻，亦冇調味，自行加番少少鹽同胡椒粉就ok🐑牛角酥，Outsource叫番嚟嘅貨，唔好期待佢會有好鬆化嘅效果，不過佢個牛油味都好足，同埋暖暖地上枱，都算係咁啦~🐑茶走，個杯係熱到焫手嘅，夠風味，叫咗少花奶希望個茶相對會濃啲，從色澤上睇係合格嘅，茶香亦足，可惜唔夠厚身同回甘度唔夠，建議茶葉調配方面，粗茶可以再加多少少就更好…查看更多

🐑鐵板蠔餅，蠔、蔥、芽菜、蛋，全蛋，冇粉漿，熱辣辣，超香蛋味，蠔仔輕微醃過下，有基本底味，整個餸好香好吸引🐑燒牛仔肉沙津，沙律酸汁有青檸汁同魚露，調教得好好味，牛仔肉4成熟，夾埋一齊食效果好好🐑泰式生蝦，個汁微微酸、辣、鹹，調配幾好，蝦頭亦炸得酥脆，不過生蝦唔夠彈牙🐑醃豬頸肉沙津生菜包，豬頸肉彈牙，沙律底有肉碎、香葉等炒過，加上魚露同辣椒，確係美味🐑炸蝦餅，味道夠，炸得亦香脆，唯一係肉質唔夠彈力🐑芒果糯米飯，糯米飯夠粒粒分明而夠軟糯，難度好高，呢間就做得到，不過個人來說，椰漿就偏甜咗少少…查看更多

🐑豉椒蜆，部分有沙，豉汁可以再惹味啲🐑椒鹽鮮魷有料到，炸得好脆夠乾身，絕對唔會油，而且新鮮👍🏻🐑鹽焗奄仔蟹，好爆膏，肉好鮮，鹽焗處理好好，非常香🐑鹽焗雞，半隻，細細隻，係騸雞，肉嫩多汁，外皮好香鹽焗香🐑梅菜扣肉，肥嘅程度高，肥嘅部分入口即化，就連瘦嘅部分都好夠腍，肉唔柴，汁好好味，甜梅菜加咗少許生抽炒過先炆，鹹甜俱備，墊底嘅菜心，吸收晒整個梅菜扣肉嘅精華，菜心原來係最正🐑蒜蓉粉絲蟶子，新鮮就是王道🐑薑蔥鮑魚煲，南非鮑大大隻，清蒸太冇特色，用薑蔥爆、煲仔上係最香嘅選擇🐑椒絲腐乳通菜，今日唔夠腐乳…查看更多

🐑蝦餃好鮮味嘅，佢唔會好似阿一鮑魚嘅蝦餃咁有啖汁，但入口都有一啖仔好油潤嘅可能係豬油嘅嘢，所以多咗一份香味🐑蟹肉餃嘅蟹肉味都感覺到嘅，不過一入口，口感上及味道上更為突出嘅，反而係有一段仔蝦喎😂。味道上好似比蝦餃好啲，但乾Mun Mun 得滯🐑帶子芋泥酥，炸得幾酥脆，不過瓊油功夫麻麻地，基本上味道調配幾好，如果帶子可以厚身番啲就更加正，因為而家唔係好食到帶子味，同埋帶子有少少炸老咗，另外又係同一問題，就係入口又係乾Mun Mun咁😂🐑韭黃蝦腸粉，腸粉夠滑，帶米香，蝦又大隻又爽口，每件腸粉有有一、兩條韭黃，味道夠晒發揮，豉油方面，鹹甜均稱，味道調配得好好🐑叉燒，脢頭肉，叫到盡肥都不過如此，好彩肉質本身夠鬆化，幾有豬肉香，蜜糖味突出，好似比灣仔明閣勝一籌🐑蠔油水耕菜，係生菜嚟嘅，非常爽脆清甜，用油同上湯輕輕喂過，唔點蠔油就咁食已經好好味。至於個蠔油，李錦記嚟嘅，得個甜字，唔好味嘅，不點也罷🐑滑蛋蝦仁炒河，上枱時已經聞到好有蛋香，食落都係好有蛋香，蛋花獻汁打得好靚、好掛身，河粉條條都有焫過，所以變得好香米味，蝦球大大隻，又爽彈，輕輕調過味先攞去煮，炒得好，有心機👍🏻…查看更多

🐑極品蜜汁叉燒-脢頭位，雖然唔夠肥，但肉質尚算鬆化，未算極品。🐑金湯酸菜爽鱔球-金湯係酸菜魚湯，酸辣且鮮甜，底部有好多酸菜墊底，增加酸爽感，可惜個鱔唔夠爽口。🐑貴妃酒香醉蝦餃-明閣名物，蝦大隻爽口，酒香來自玫瑰露，十分清香。🐑牛肝菌鮮肉小籠包-牛肝菌味太強，肉嘅份量太少，欠缺肉味，不太推薦。🐑香煎墨魚餅-煎得夠金黃，亦夠爽彈，不過冇乜味道，要自行加醋食先得。🐑蔥香豚肉芝麻燒餅-焗得夠香、酥、脆，充滿蔥香、肉香，餡料味道鮮明。🐑火腿蘿蔔絲酥餅-底部沾有芝麻，增添香味，酥餅夠酥脆，白蘿蔔夠爆汁，但欠缺火腿味。🐑XO醬炒腸粉-豉香、XO醬香俱備，條條腸粉皆有燶邊，煎得好有心機。🐑雪山叉燒包-圓碌碌好靚仔，外皮脆，內裡叉燒爆餡。…查看更多

🐑整體一般一般啦，都係D2 Place 金鳳好食D🐑餐包係熱嘅，夠誠意👍🏻🐑羅宋湯，夠酸夠辣，可惜係齋湯，即係冇肉冇骨，所以飲落口唔夠濃郁囉。其實做得扒房，一定有啲肉頭肉尾嘅下欄嘢嘅，落埋去煲湯都唔怕死啦🤭。🐑磨菇湯好味過羅宋湯好多，菇味都幾濃，而且打得滑身。🐑鐵板雜扒，鐵板扒嚟講，上枱夠熱，淋汁有咋咋聲，熱到連車厘茄同西蘭花呢啲伴菜都係超熱，就已經合格有餘嘞，其餘就係肉嘅質素：牛柳，食粉乸過嘅，乸得幾鬆，但又唔會鬆得太過份，拿捏得幾好；雞扒，是但求其搵個人點煎都ok㗎嘞，唔會出錯；腸仔，係廚師牌雞肉腸，芸芸咁多雞肉腸品牌當中，呢隻最好食，又係一定點整都唔會錯；煎蛋係蘭王蛋，夠揼本；薯格就一般貨式啦。至於汁方面，黑椒汁夠味，但係唔夠惹味，亦唔夠辣。🐑瑞士汁雞，瑞士汁鹹甜比例調教得幾好，可惜隻雞翼就浸老咗少少咁啦🤭。…查看更多

🐑生蝦刺身，個汁調較得幾好味，應有嘅酸、辣、鹹都齊備，但個蝦肉…..隻隻都唔得爽彈，好淋身。係蝦肉唔夠新鮮？剝殼後冇即刻浸冰水？還是係蝦肉本身係咁嘅質地係咁？唔係太Sure，要問番廚房先知喇😵‍💫。🐑腐乳蛋黃醬單骨牛油雞翼，炸得幾好食嘅，外面金黃香脆，裡面肉質保持嫰滑Juicy，點雞翼嘅腐乳汁+Mayonnaise亦調教得好好，推薦👍🏻。🐑胡椒鮑魚雞煲，用煲仔上菜係冇意義嘅，因為個煲仔係凍嘅😂，好彩有火酒膏喺下面㷫住，食食下都有少許煲仔菜嘅感覺。雞肉嚟講大部分都係雞胸，啖啖肉，唔會嚡，值得一讚👍🏻，鮑魚夠新鮮，係第二個讚位，可惜有一個敗筆，就係一丁點胡椒味都沒有，嘥咗咁靚嘅雞同埋鮑魚😌。🐑燒豬頸肉，同上次嗰碟瘦過新馬仔嘅豬頸肉相比，今次真係好得太多，亦烤得好香，有蜜糖味，能夠充分地發揮豬頸肉本身肥而爽嘅特質，So far今日食幾樣嘢，呢個做得最好👍🏻。…查看更多