JenniferLee7167的個人專頁

去美麗華行街，突然間想食泰菜，上網search 一search就搵到呢間餐廳，即刻嚟試一試。同朋友有一個好搞笑嘅諗法，就係喺香港次次食泰菜都係食嗰d嘢，所以我哋異口同聲都話一定要叫- 泰式醉貓炒新鮮手造卷粉。個粉熱辣辣，香氣同鑊氣十足，粉嘅質地有啲似挺身而又卷埋嘅河粉，只係比較厚。個粉雖然只有豬肉碎、檸檬葉同埋醬油，但係已經好好味😋串燒都唔錯呀，一碟有晒豬肉雞肉同埋羊肉，每款兩串。記得點埋個汁，酸味夠 …查看更多

呢度嘅雞串燒種類非常之多，由於太多選擇唔想煩，叫左mori set，有雞串燒8串，一份燒物同一份主食，烏冬或者飯。串燒有雞心、雞腎、雞頸、雞腸、免治雞肉蛋、雞咀心、雞尾同雞冠。串燒火喉拿捏得非常之好，應乾得乾，應脆得脆，應爽得爽，應外脆內濕潤都有。我個人最喜出望外嘅係雞腸同埋雞冠，本人未食過呢2樣，同行朋友話對上一次食雞冠已經係多年前去日本嘅時候食。雞冠食落似係一塊有咬口嘅薯片，好特別。雞腸就煙韌，加上燒汁，別有一番風味。仲要上菜嘅時候2串2串咁上，非常細心。你知啦，串燒凍左無咁好味，慢慢上可以慢慢食慢慢歎同吹水…查看更多

喺呢邊返工，都唔知道有依間餐廳，係朋友介紹先識。我同朋友兩個人叫咗三樣餸，估唔到樣樣都咁出色，連個菜都巴閉過人。先講第一樣餸滷水鵝四拼盤，有鵝肉、紅腸、五花腩肉同鵝腎，滷水勁入味，平時嗌呢啲拼盤，鵝肉比好少，睇相都知鵝肉勁多。滷水味唔會太鹹，但係入口就有濃郁嘅滷水香。第二碟餸係荔芋香酥鴨，入口鬆化脆口，大部份都係芋頭蓉再加上薄薄鴨肉，鴨肉嘅香加上綿滑芋蓉，配埋醬汁，完全冇油膩嘅感覺。至於方魚炒芥蘭，擺盤好靚，每一條菜都切得整整齊齊，只係剩返柔嫩嘅部份，火喉、賣相同味道都係一流。仲有個水煲，自己可以自助煲水，我第一次見…查看更多

之前唔知道呢一間老川皇係旗艦店，經常去樓下嗰間，呢一間更加闊落坐得更加舒適。平時食開串燒，今日決定食新嘢，叫咗水煮魚、干鍋肥腸同埋鐵板茄子。食後感係會再黎！水煮魚我叫左桂花魚，貪佢無骨！呢個餸麻而不苦，辣而不燥，魚嘅質感細緻嫩滑。花椒同辣椒味融合喺湯底，好味！干鍋肥腸滋味鮮香，加埋洋蔥、紅椒青椒口感十足，肥腸油份早已被迫出，唔會太油膩。鐵板茄子驚喜度有100分，開頭我諗住只係食個普通嘅菜，點知茄子入面原來釀左肉碎，佢先煎香再打入芡汁放上鐵板。茄子煎香左有微焦，好香，連同林身茄子放入口，口感豐富…查看更多

唔知做乜，今日好想食叻沙，咁啱見到商場有，即刻入去試一試佢。好明顯一定會叫叻沙，即刻叫咗招牌無骨海南雞叻沙，以為連鎖店唔會有驚喜，點知又啱我口味喎！首先叻沙湯底好夠熱，湯底濃香而且帶辣，好惹味。我叫左大辣，辣度岩岩好。隻雞我加左錢轉雞髀，貪佢一定滑。另外，個小食拼盤有雞翼、蝦餅、春卷同雞肉串燒，質素一d都唔馬虎，首先佢即叫即炸，所以好夠熱同脆，翻炸嘅話會好黑同唔夠鬆化，所以呢度個拼盤係好味嘅！再食埋個馬拉盞炒通菜同芒果沙冰，兩個人差d食唔晒！…查看更多

二人套餐$228，有酸菜魚、口水雞，拍青瓜，木耳，2碗飯同酸梅湯，真係超級抵！開頭以為咁平會將貨就價，份量好少，點知份份都大大碟又足料。酸菜魚啖啖肉，冇骨，啱晒我呢啲懶人，而且佢仲有芽菜，薯份，味道唔會話太酸，只係略嫌唔夠辣，下次再嚟我會叫辣d。口水雞都唔錯，首先佢已經冇骨，唔會話鞋口，調味合宜。平時食完酸菜魚呢類菜式，喉嚨通常會好乾，今次食完無呢個感覺！唔錯！唔錯！至於前菜，木耳夠酸，青瓜夠爽，兩個前菜開胃又解膩…查看更多

嚟到銅鑼灣，見到金百利商場有大大隻字寫住麻辣派對，嗰度嘅食物好好食，有著名嘅酸菜魚，麻辣嘅家常菜，好有對味蕾嘅衝擊！所以今晚決定同朋友再挑戰一下。嗰度地方好大，唔使排隊，就入到去，入邊嘅佈置好有感覺，侍應好快就安排到我哋去坐一個闊落嘅位置。餐牌有好多選擇，我哋點咗一個麻婆豆腐，咕嚕肉，同埋四季扁豆，全部菜式，都可以選擇辣味。有BB辣，中辣，或者大辣，適合唔同嘅人士🤩😍 咕嚕肉好有鑊氣，酸酸甜甜，好好食。仲有完全唔起眼嘅麻婆豆腐都令我哋有驚喜，麻婆豆腐唔似出邊嗰啲餐廳一攤水，配白飯一流。食到辣辣地，仲叫咗個水果茶飲添！好解渴，又大杯！下次一定要你試埋佢其他食品，因為見好多人都有嗌酸菜魚同埋水煮魚！🤤🤤🤤…查看更多

今日又來到銅鑼灣食日本嘢。好開心朋友啱啱升職，所以過嚟食日本串燒慶祝一下。呢間餐廳除咗有熟食，串燒之外，仲有鐵板燒，一次過滿足晒幾個願望！餐牌上面嘅食物價錢好親民，唔貴。侍應仲好好咁介紹咗幾款日本sake 俾我哋🤤 首先開頭嗰幾個前菜，都好好食，介紹吓嗰個鮑魚，好清新，又好入味。然後仲有個凍蕃茄，酸酸甜甜，嗰啲汁一流，如果配沙律會好好食！然後，叫咗個海膽蟹肉炒飯。師傅喺我哋面前整，好有鑊氣，蟹肉同海膽嘅10分足料。仲有大阪燒，炒豬肉，都好好食！下次會過嚟試埋佢哋個午餐，價錢都唔係太貴。同friend過嚟gathering一流👍🏻👍🏻…查看更多

喺尖東嘅呢一間餐廳，地點旺中帶靜，喺正地鐵站出口。係同朋友食飯吹水好地方，朋友未到我就已經叫咗個餐慢慢食住飲，個餐$118包一杯Guiness黑啤同四件雞槌，真心抵。飲生啤最怕佢放得耐唔新鮮，因為個味會冇咁好，依間餐廳唔會，而且啲泡好滑。我哋叫咗安格斯牛肉同埋Pizza，牛扒擺相好靚，有炭燒嘅痕跡，已經幫手切好一塊塊，熟度啱啱好係五成熟，旁邊仲擺咗啲唔同顏色嘅蔬菜，成件事睇落好豐富。味道當然唔錯，牛肉夠香夠滑，旁邊嘅紅酒汁調味啱啱好，唔會搶咗牛肉味。Pizza就叫咗four cheese，餅底好脆芝士味好濃，食落可以拉絲出黎嘅。呢度環境真係好舒服，可以再黎。…查看更多

之前係度食過晚餐，上次就試食過串燒同刺身，食過翻尋味，今次決定再去食lunch. 睇到人地張台叫鰻魚飯，我都點咗呢個一本鰻魚飯定食餐。話明一本，即係成條啦，條鰻魚好似兩隻匙羹加埋咁大條，下面個層係滑蛋同飯，面頭有鰻魚汁，紫菜絲同芝麻。燒香後嘅鰻魚乾乾地身，有陣焦香同輕微脆口，配埋濕濕地嘅蛋同鰻魚汁，互相補足。鰻魚汁帶甜，配埋白飯，中和咗個甜味，真係好好味。最重要係條鰻魚夠大條，唔怕啲飯冇餸配嚟食。個餐仲跟埋蒸蛋同埋麵豉湯，仲有前菜。唔錯唔錯～…查看更多

本來比呢間餐廳吸引住嘅，係佢嘅裝潢同埋豐富嘅藏酒類選擇！之後俾佢吸引住嘅係食物嘅質素。由於今日慶祝朋友生日，所以食物嘅選擇都會係比較豐富。壽司類就叫咗魚油豐富嘅左口魚邊壽司，仲要火炙版，等佢更香！再嚟個赤蝦壽司，隻蝦好新鮮，蝦肉爽口彈牙；蝦頭炸咗佢送酒，食落鬆化仲有蝦膏香酒煮響螺，響螺新鮮切粒用酒煮，肉粒啱啱熟，口感軟滑亦保留到響螺的鮮甜。煙燻香魚，用櫻花木煙燻的，唔單至打開蓋是有陣陣櫻花木香，香魚嘅每一口肉都係瀰漫着煙熏味，呢個出色嘅味道我暫時未喺香港食到過。由於煙燻香魚太出色，點埋佢嘅番薯五重芝士pizza同埋日本豚肉腸。煙燻番薯無任何加工，食嘅味道係佢本身嘅天然香甜。pizza亦唔講得笑，我好耐未食過可以拉到絲嘅芝士，明明飽飽地都仲食得晒！餐廳食物種類繁多，食物質素又出色，唔怪得我去嘅時候爆晒場。一定要再嚟～…查看更多

我真係好鍾意食酸菜魚，加入左網上嘅群組，見到呢間餐廳，所以一試。如果想食魚，要先揀湯底，揀魚同埋再加餸。加唔加餸都得，悉隨尊便。我就叫左酸菜魚味桂花魚加肥牛同鴨血。酸菜魚一大煲咁上台，面頭有少少菊花令到佢睇落色彩繽紛，我都心情大好。湯底酸辣層次分明，湯底鮮甜亦唔會太酸，好味。桂花魚大嚿啖啖肉又冇骨，食得我好爽皮。牛肉同鴨血加落去酸菜魚係一個全新嘗試組合，個人認為配麻辣更適合。唔通朋友話要加唔俾佢加咩😂。呢個組合都幾特別，我會用清新來形容因為冇咗食麻辣嗰陣重口味。小食叫咗中辣滕椒花雕白貝，白貝粒粒肥美無沙，辣味帶出白貝肉嘅鮮，食主菜之前用嚟醒胃唔錯。埋單之後仲送你桂花啫喱甜品解辣，其實我真係好想食佢個麻辣雪糕，不過真係太飽搞唔掂🤣…查看更多

以前一想食印度咖喱同薄餅只會去重慶大廈，宜家搵到呢度，環境夠大舒服又唔會有陣味。自家製茅屋芝士球配洋蔥蕃茄腰果蓉奶油咖喱，芝士球係方形粒粒咁，我開頭仲以為係圓波波咁。由於有蕃茄，咖喱味甜甜辣辣，質地就偏稠，開胃的。另一款就叫咗我心愛嘅Masala，每一次去親食印度菜都必點，佢個料係混合香料，味道係偏濃，我今次配魚食，masala個汁香料味好重，辣味係輕輕化出嚟，辣味比頭先隻咖喱辣，好惹味，亦都食到佢唔同層次嘅味道。至於薄餅就叫咗原味，因為我唔想影響到咖喱嘅原味。薄餅即叫即整，個底仲有啲鬆脆同軟身，未點汁已經好好味。…查看更多

前菜先黎個牛油香草白酒蜆，一上枱已經聞到好濃烈嘅牛油香，即刻飲一啖湯，牛油味好濃郁，好滑。蜆有好多隻，隻隻都好新鮮又無沙。之後食咗份燒牛肉紫洋蔥沙律，份量好多。有秘製泰式汁配燒香嘅牛肉，有新鮮菠蘿、蒜片、紫洋蔥同沙律菜，味道好refreshing。主菜叫咗Orca巨型豬扒跟薯菜，塊豬扒大到成隻碟咁大，兩份食先啱啱好食得完。豬扒好鬆化，煎得好香，厚度適中，咬落有彈性又有汁 另外叫咗兩杯嘢飲一杯係口水多個浪花，一杯係粉紅色的的雨雲。改名已經好好笑，飲品有唔同生果嘅配搭，唔係嗰啲假果汁死甜，好味。…查看更多

今日好想食芝士，當然食芝士梗係要配紅酒啦。所以前菜叫咗ham and cheese platter。擺盤已經好靚，有ham, salami, 芝士、橄欖，食一啖飲一口紅酒，不得了！芝士味好夠濃，鍾意濃味芝士嘅朋友可以一試。主菜叫咗油封鴨腿蕎麥薄餅同黑毛豬柳，薄餅有鴨肉配青瓜洋蔥粒同蛋，味道好refreshing。豬柳有石榴汁係面，果味帶出豬柳嘅香味。最後食埋芝士味蛋糕，滿足晒我今日好想食芝士嘅慾望。支紅酒味道都唔錯，偏乾身，可以杯買又可以一支買。男朋友飲咗紅菜頭蘋果蘿蔔汁，完全鮮打，好新鮮！…查看更多